اسلام آباد : کشمیر کمیٹی کے چیئرمین سید فخر امام نے کہا ہے کہ بھارت سے جنگ ہوئی تو میں خود مقبوضہ کشمیر میں داخل ہوجاؤں گا، میں پیچھے ہٹنے والوں میں سے نہیں۔
ان خیالات کا اظہار انہوں نے سرکاری ٹی وی انٹرویو میں کیا، انہوں نے کہا کہ ہم دعوے تو بہت کرتے ہیں لیکن جب امتحان کا وقت آتا ہے تو اس وقت صحیح پتہ چلتا ہے کہ انسان کے دعوؤں کا کیا معیار ہے؟
آج اس ملک کے مستقبل کے فیصلے کا وقت آگیا ہے، آج ہم نے وہ فیصلے کرنے ہیں جس سے ہمارا ملک مقابلہ کرسکے۔
ان کا مزید کہنا تھا کہ اگر بھارت نے جنگ مسلط کی تو میں خود مقبوضہ کشمیر میں داخل ہوں گا ،میں ان لوگوں میں سے نہیں ہوں جو بات کرکے پیچھے ہٹ جاتے ہیں، میں نے جو کچھ کہا ہے وہ کرکے دکھاؤں گا، بات کہہ دینا آسان ہے مگر اسے پوری کرکے دکھانا بہت مشکل ہے۔
ایک سوال کے جواب میں سید فخر امام نے کہا کہ آج وقت آگیا ہے کہ ہم اصولوں کے تحت چلیں، اگر ہمیں خوراک نہیں بھی ملتی تو پھر بھی ہم آگے چلیں۔
نیلسن منڈیلا نے27 سال جیل میں گزارے، جب باہر نکلا تو اپنی قوم کا قائدبن کرنکلا، او آئی سی نے وہ ادارے قائم نہیں کیے جو دنیا کو اپنی جانب راغب کرلیتے ہیں، ہمیں آج ایسے ہی ادارے قائم کرنے کی ضرورت ہے۔
