ARYNews.tv | Urdu – Har Lamha Bakhabar

Tag: FAN

  • جب مداح خاتون نے مشال خان کا پیچھا شروع کردیا

    جب مداح خاتون نے مشال خان کا پیچھا شروع کردیا

    معروف پاکستانی اداکارہ مشال خان نے اپنی پہلی مداح کا دلچسپ قصہ سناتے ہوئے کہا کہ وہ انہیں دیکھ کر بھاگ کھڑی ہوئی تھیں۔

    تفصیلات کے مطابق معروف اداکارہ مشال خان نے اے آر وائی زندگی کے پروگرام دا نائٹ شو ود ایاز سموں میں شرکت کی اور اس وقت کے بارے میں بتایا جب انہیں پہلی بار کسی نے پہچانا تھا۔

    مشال نے بتایا کہ ان کے پہلے ڈرامے کی صرف 2 قسطیں نشر ہوئی تھیں اور انہیں اندازہ نہیں تھا کہ کسی نے انہیں یاد رکھا ہوگا۔

    اداکارہ کا کہنا تھا کہ وہ آرام سے ایک شاپنگ مال میں گھوم رہی تھیں جب ایک خاتون نے انہیں گھورنا شروع کردیا۔

    مشال کے مطابق وہ ڈر گئیں اور پلٹ کر چل دیں، لیکن خاتون بھی ان کے پیچھے آنے لگیں، انہوں نے بھاگنا شروع کردیا تو خاتون بھی بھاگنے لگیں۔

    انہوں نے کہا کہ وہ زیادہ تیز نہیں بھاگ سکیں اور خاتون نے انہیں آ لیا اور پھولتی سانسوں کے درمیان کہا کہ آپ کے ساتھ تصویر کھنچوانی ہے۔

    مشال نے ایک اور قصہ سناتے ہوئے کہا کہ ڈرامہ خواب نگر کی شہزادی میں وہ ایسی بیوی کا کردار ادا کر رہی تھیں جس کے شوہر کا گھر کی ملازمہ کے ساتھ افیئر ہوتا ہے، اس پر انہیں بہت سی خواتین نے میسج کر کے کہا کہ یہ بالکل ان کے گھر کی کہانی ہے۔

    اداکارہ نے کہا کہ ایک فنکار کے لیے سب سے بڑی کامیابی یہی ہے کہ لوگ اسے خود سے جڑا ہوا تصور کرتے ہیں۔

  • شردھا کپور کی نئی تصاویر، مداحوں نے انہیں جھوٹا قرار دے دیا

    شردھا کپور کی نئی تصاویر، مداحوں نے انہیں جھوٹا قرار دے دیا

    سوشل میڈیا صارفین بعض اوقات فراغت کی انتہا پر ہوتے ہیں اور مشہور شخصیات کی تصاویر پر عجیب و غریب کمنٹس کردیتے ہیں، ایسے ہی کچھ سوشل میڈیا یوزرز نے بھارتی اداکارہ شردھا کپور کو جھوٹا قرار دے دیا۔

    معروف بالی ووڈ اداکارہ شردھا کپور نے سماجی رابطے کی ویب سائٹ انسٹاگرام پر اپنی نئی تصاویر پوسٹ کیں۔

    تصاویر میں اداکارہ نے گلابی رنگ کا مغربی لباس پہنا ہوا ہے، کیپشن میں انہوں نے لکھا آج سوموار کا دن ہے۔

     

    View this post on Instagram

     

    A post shared by Shraddha ✶ (@shraddhakapoor)

    تاہم ان کے مداحوں نے ان کے اس کیپشن پر اعتراض اٹھا دیا۔ مداحوں نے کمنٹس کرنا شروع کردیے کہ آج (جس دن تصاویر اپ لوڈ کی گئیں) سوموار نہیں اتوار کا روز ہے۔

    کئی مداحوں نے لکھا کہ سفید جھوٹ مت بولیں۔

    خیال رہے کہ شردھا کپور کی رنبیر کپور کے ساتھ نئی فلم ’تو جھوٹی میں مکار‘ آنے والی ہے جو 8 مارچ 2023 کو سینما گھروں میں نمائش کے لیے پیش کی جائے گی۔

  • صلاح کا ایک انوکھا مداح، جسے دیکھ کر آپ حیران رہ جائیں گے

    صلاح کا ایک انوکھا مداح، جسے دیکھ کر آپ حیران رہ جائیں گے

    لندن: اسٹار فٹ بالر محمد صلاح کا ایک ایسا مداح سامنے آیا ہے، جس نے سب کو گرویدہ بنا لیا.

    تفصیلات کے مطابق لیورپول کے  اسٹرائیکر محمد صلاح کا شمار دنیائے فٹ بال کی ممتاز شخصیات میں ہوتا ہے. ان کے مداحوں کی تعداد لاکھوں‌ ہے.

    مصری کنگ کہلانے والے محمد صلاح کے مداحوں نے ان کے لیے ایک خصوصی نغمہ تیار کیا تھا، جو وہ میچ کے دوران گنگناتے ہیں.

    صلاح کی مقبولیت کا اندازہ اس بات سے لگایا جاسکتا ہے کہ اسی گیت میں‌ مداح یہ بھی کہتے ہیں کہ اگر صلاح گول اسکور کرتا رہا، تو وہ بھی ایک دن اسلام قبول کر لیں گے.

    اب صلاح کا ایک اور مداح سامنے آیا ہے، جو کوئی انسان نہیں، بلکہ ایک طوطا ہے.

    جی ہاں ، طوطے بھی مصری اسٹار کا بڑا مداح ہے اور ’محمد صلاح، محمد صلاح‘ کا گیت گنگناتا ہے۔

    یہ ایک سرمئی رنگ افریقی کا طوطا ہے جس کا نام ’کیلو‘ ہے، جس کی عمر پانچ برس ہے. اس طوطے کی مالکن لنڈا نامی ایک خاتون ہیں.

    اس طوطا کی دل چسپ ویڈیو سوشل میڈیا پر آتے ہی وائرل ہوگئی اور  عالمی میڈیا کی توجہ کا محور بن گئی ہے۔

  • کرائسٹ چرچ میں مسجد کے باہر مسلمانوں کو مغلظات بکنے والا ٹرمپ کا حامی گرفتار

    کرائسٹ چرچ میں مسجد کے باہر مسلمانوں کو مغلظات بکنے والا ٹرمپ کا حامی گرفتار

    ولنگٹن : نیوزی لینڈ پولیس نے کرائسٹ چرچ میں مسجد کے باہر عبادت گزاروں کو زبانی ہراساں کرنے والے امریکی صدر ٹرمپ کے حامی کو گرفتار کرلیا۔

    تفصیلات کے مطابق نیوزی لینڈ کے شہر کرائسٹ چرچ میں پولیس نے جمعرات کے روز ایک شخص کو گرفتار کیا ہے کہ جو مسجد کے باہر کھڑا ہوکر عبادت گزاروں کو زبانی ہراساں (مغلضات بک رہا تھا) کررہا تھا جہاں گزشتہ ماہ درجنوں افراد بے گناہ قتل ہوئے تھے۔

    غیر ملکی خبر رساں ادارے کا کہنا تھا کہ اسلام مخالف نظریات کے حامل شخص نے ڈونلڈ ٹرمپ کی تصویر والی ٹی شرٹ بھی زیب تن کی ہوئی تھی۔

    پولیس کا کہنا ہے کہ 33 سالہ شخص نے گزشتہ بدھ کو بھی النور مسجد سے نکلنے سے مسلمانوں کو مغلضات بک کر گہرا صدمہ پہنچایا تھا۔

    پولیس کا کہنا ہے کہ ہماری کمیونٹی ان لوگوں کے لئے روادار نہیں ہے جو دوسروں کو ان کی شناخت کی وجہ سے نشانہ بناتے ہیں اور نہ ہی پولیس ہے۔

    مزید پڑھیں : سانحہ کرائسٹ چرچ، نیوزی لینڈ میں‌ جدید اسلحہ رکھنے پر پابندی کا بل منظور

    مزیدپڑھیں :کرائسٹ چرچ میں مساجد پر حملوں کی تحقیقاتی رپورٹ دسمبر تک موصول ہوگی، جیسنڈا آرڈرن

    یاد رہے کہ 15 مارچ کو نیوزی لینڈ کے علاقے کرائسٹ چرچ میں واقع دو مساجد میں دہشت گرد حملے ہوئے تھے جس کے نتیجے میں خواتین وبچوں سمیت 50 نمازی شہید اور 20 سے زائد زخمی ہوئے تھے۔

    اس واقعے کے نیوزی لینڈ کی حکومت اور عوام کی جانب سے شدید ردعمل آیا اور واقعے کو دہشت گردی قرار دیا تھا.

  • باکسر عامرخان بیٹی کی تصویر دیکھ کر بے چین ، سوشل میڈیا پر ویڈیو ڈالنے پر معذرت

    باکسر عامرخان بیٹی کی تصویر دیکھ کر بے چین ، سوشل میڈیا پر ویڈیو ڈالنے پر معذرت

    دبئی :  پاکستانی نژاد برطانوی باکسر عامرخان نے اپنی دوست کے ساتھ ویڈیو سوشل میڈیا پر ڈالنے پر معافی مانگ لی جبکہ کہا کہ فریال نے انہیں دھمکی دی ہے کہ وہ آئندہ کبھی اپنی بیٹی سے نہیں مل سکیں گے۔

    تفصیلات کے مطابق باکسر عامر خان نے علیحدگی کے بعد اپنی نئی گرل فرینڈ کے ساتھ ویڈیو اور تصاویر اپ لوڈ کرکے فریال کو جلانے کی کوشش کی اور پھر معذرت کرلی اور کہا کہ کہا کہ گلبہار صرف اچھی دوست ہے۔

    عامر کی ویڈیو کے بعد فریال نے بیٹی کو مہرا بناتے ہوئے "میری ننھی پری ” کے نام سے بیٹی کے ساتھ تصویر ٹوئٹر پر ڈال دی، فریال کا تیر ٹھیک نشانے پر لگا، بیٹی کی تصویر دیکھ کر عامر بے چین ہوگئے، عامر خان نے کہا کہ فریال نے انہیں دھمکی دی ہے کہ وہ آئندہ کبھی اپنی بیٹی سے نہیں مل سکیں گے، وہ معاملہ حل کرنے کیلئے جلد دبئی سے برطانیہ جارہے ہیں۔

    یاد رہے کہ فریال کو طلاق دینے کے بعد باکسر عامر خان کی سوشل میڈیا اسٹار کے ساتھ نائٹ کلب کی ویڈیو منظر عام پر آئی تھی ، جس میں گاڑی میں عامر خان نئی دوست کے ساتھ بیٹھے ہیں اور کہہ رہے ہیں اپنی دوست کے ساتھ مزے میں ہوں۔

    دوسری جانب فریال کو طلاق دینے کے بعد رواں ماہ سے باکسنگ ٹریننگ شروع کردیں گے، فائٹ کی تیاریوں سین فرانسیسکو میں کریں گے۔

    مزید پڑھیں :  پاکستانی نژاد برطانوی باکسر عامر خان اور بیوی کی راہیں‌ جدا

    واضح رہے کہ عامر خان ،بیوی فریال مخدوم سے علیحدگی کا اعلان کرچکے ہیں، سماجی رابطے کی ویب سائٹ ٹوئٹر پر باکسر عامر خان نے کہا کہ فریال اور میں نے علیحدہ زندگی گزارنے کا فیصلہ کرلیا ہے، میں دبئی میں ہوں اور فریال کے لیے نیک خواہشات کا اظہار کرتا ہوں۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • شاہ رخ خان فلم کی شوٹنگ میں زخمی

    شاہ رخ خان فلم کی شوٹنگ میں زخمی

    بالی وڈ کے سپر اسٹار شاہ رخ خان اپنی آئندہ آنے والی فلم ’فین‘کی شوٹنگ کے دوران زخمی ہوگئے ہیں۔

    کنگ خان نے سماجی رابطے کی ویب سائٹ ٹویٹر پر اپنے شوٹنگ کے دوران زخمی ہونے کے بارے میں ٹویٹ کیا ہے جو کہ ممکنہ طور پرآنے والی فلم فین کی شوٹنگ تھی۔

    یاد رہے کہ اس سے قبل بھی نامور اداکار مئی کے مہینے میں فلم کی شوٹنگ کے دوران زخمی ہوگئے تھے اوراس کا اعلان بھی انہوں نے ٹویٹرپرکیا تھا۔

    شاہ رخ خان نے اپنے حالیہ ٹویٹر پیغام میں اپنے مداحوں کو بتایا تھا کہ وہ طویل اورمشکل شوٹس میں مصروف ہیں۔

    یاد رہے کہ شاہ رخ خان ان دنوں اپنے آنے والی فلم فین کی شوٹنگ میں مشغول ہیں جو کہ 15 اپریل، 2016 میں ریلیز ہوگی۔ شاہ رخ خان اس فلم میں بیک وقت سپر سٹار اور اپنے ’فین‘ کا کردار نبھا رہے ہیں۔

  • مداحوں کےشاہ رخ خان سے بچکانہ سوالات

    مداحوں کےشاہ رخ خان سے بچکانہ سوالات

    شاہ رخ خان آج کل اپنے مداحوں سے بہت زیادہ تال میل رکھ رہے ہیں اور کہا جارہا ہے کہ اس کی وجۂ تسمیہ ان کی آنے والی فلم ’’فین‘‘ہے۔

    بالی وڈ کے سپرسٹارنے سب سے پہلے تو فیس بک پرسیٹ سے لائیو ایکشن کے مناظر پبلش کیے تھے اوراس کے بعد انہوں نے ٹویٹر پرمداحوں کے سوالات کے جوابات بھی دیے۔

    مداحوں نے بھی انہیں سوشل میڈیا پراپنے مداحوں کے درمیان متحرک پا کر انتہائی دلچسپ سوالات کرنے شروع کردئے جن میں سے یہ سب سے دلچسپ تھا۔

     

     

    شاہ رخ خان نے انتہائی تحمل اور بردباری سے مداحوں کے بچکانہ سوالات کے جوابات دیتے رہے۔

    شاہ رخ خان اور ماہرہ خان کی فلم’رئیس‘کا جب سے اعلان ہوا ہے تب سے ہی وہ خبروں کی زینت بنی ہوئی ہے خصوصاً جب سے رئیس اور سلمان خان کی سلطان کے ایک ہی وقت میں ریلیز ہونے کے امکانات پیدا ہوئے ہیں تب سے رئیس کے حوالے سے خبریں توجہ حاصل کررہی ہیں۔

     

    اس سوال و جواب کے سلسلے میں کنگ خان سے کچھ اور انتہائی دلچسپ سوال بھجی پوچھے گئے۔

    شاہ رخ خان کیونکہ سارا دن فارغ نہیں ہوتے لہذا جلد ہی انہوں نے اپنے مداحوں کا شکریہ ادا کیا اورسائن آف کرگئے۔

  • شاہ رخ خان ’فین‘ میں بن کر آرہے ہیں اپنے ہی فین

    شاہ رخ خان ’فین‘ میں بن کر آرہے ہیں اپنے ہی فین

    +بالی وڈ کے کنگ نامور اداکار شاہ رخ خان کی آئندہ سال آنے والی فلم ’فین‘ ایک انتہائی منفرد اورجدافلم ثابت ہونے والی ہے۔

    یہ پہلی بارہے جب شاہ رخ خان اپنے ہی مداح کے روپ میں جلوہ گرہورہےہیں اور فلم کا نام بھی فین ہے۔

    گزشتہ روزشاہ رخ خان نے اپنی اس فلم کے ٹریلر کی آمد کا اعلان ٹویٹرپرکیا تھا اورامیدظاہرکی تھی کہ مداح اسے پسند کریں گے۔

    ٹریلر میں دیکھا جاسکتا ہے کہ شاہ رخ خان مختلف کانسرٹس میں اپنی پر فارمنس دکھا رہے اور پھر ان کے سب سے بڑے فین کی انٹری ہوتی ہے۔