اسلام آباد : ایم کیو ایم کے سینیٹر بیرسٹرفروغ نسیم نے کہا ہے کہ پاناما کیس کے فیصلے کے بعد نوازشریف اور ان اہل خانہ کو گرفتار کیا جاسکتا ہے، نوازشریف کی نااہلی تاحیات ہے۔
ان خیالات کااظہار انہوں نے اے آر وائی نیوز کے اینکر وسیم بادامی سے خصوصی گفتگو کرتے ہوئے کیا، بیرسٹر فروغ نسیم نے کہا کہ جےآئی ٹی رپورٹ انکشافات سےبھری ہوئی تھی، رپورٹ شریف خاندان کیلئے انتہائی حیران کن تھی، سپریم کورٹ نے جےآئی ٹی کی طرح نیب کو بھی وقت دیا ہے۔
ایک سوال کے جواب میں بیرسٹرفروغ نسیم نے کہا کہ نوازشریف اوران کے اہل خانہ کو گرفتار بھی کیا جاسکتا ہے، شریف خاندان کو ہائیکورٹ سےضمانت حاصل کرنی چاہئیے۔
انہوں نے کہا کہ عدالت کی وضاحت تک نواز شریف کی نااہلی تاحیات ہے، نوازشریف اپنی پارٹی کےسربراہ اورکارکن بھی نہیں رہ سکتے، آرٹیکل6آرٹیکل62کو بھی کور کرتا ہے۔
ان کا کہنا تھا کہ آرٹیکل 63،62 میں یہ نہیں وزیراعظم صرف پاکستان میں سچ بولےگا، اقامے کیلئے بھی وزیراعظم پاکستان دبئی میں جھوٹ نہیں بول سکتا، اقامہ حاصل کیا ہے تو گوشواروں میں بتانا چاہئیے تھا۔
مزید پڑھیں: پاناما کیس، وزیراعظم نوازشریف نا اہل قرار
نواز شریف نے الیکشن کمیشن کے ڈیکلیئریشن میں دس ہزار ڈالر تنخواہ کا ذکر تک نہیں کیا، تنخواہ لی ہے یا نہیں وہ ایک الگ معاملہ ہے لیکن اسے چھپایا گیا یہ غلط ہے۔
سپریم کورٹ نے درست نکتہ اٹھایا کہ تنخواہ ریلیز ہوئی ہے تو وہ آپ کا اثاثہ ہے، نااہلی سے متعلق صدر کے پاس کوئی اختیار نہیں ہے۔
