کراچی: متحدہ قومی موومنٹ پاکستان کے سربراہ ڈاکٹر فاروق ستار نے پاکستان تحریک انصاف کے رہنما شاہ محمود قریشی سے ٹیلی فونک رابطہ کیا اور اپوزیشن لیڈر کی تبدیلی پر مشاورت سمیت ملک کی سیاسی صورتحال اور انتخابی اصلاحات پر بھی تبادلہ خیال کیا۔
تفصیلات کے مطابق تحریک انصاف اور ایم کیو ایم پاکستان اپوزیشن لیڈر کی تبدیلی کے لیے ایک صفحہ پر آگئے۔
متحدہ پاکستان کے سربراہ ڈاکٹر فاروق ستار نے پاکستان تحریک انصاف کے رہنما شاہ محمود قریشی سے ٹیلی فونک رابطہ کیا۔
دونوں رہنماؤں کے درمیان قومی اسمبلی میں اپوزیشن لیڈر کی تبدیلی کے حوالے سے مشاورت، ملک کی مجموعی سیاسی صورتحال اور انتخابی اصلاحات پر بھی تبادلہ خیال کیا گیا۔
ذرائع کے مطابق تحریک انصاف کے رہنما شاہ محمود قریشی کی زیر قیادت وفد جلد ہی ایم کیو ایم کے مرکز کا دورہ کرے گا جس میں نئے اپوزیشن لیڈر کے نام پر غور کیا جائے گا۔
ایم کیو ایم پاکستان کی حمایت کے بعد تحریک انصاف کے امیدوار کا بطور اپوزیشن لیڈر پلڑا بھاری ہو نے کا قوی امکان ہے۔
کراچی: سربراہ ایم کیو ایم پاکستان ڈاکٹر فاروق ستار نے 10 سمتبر کو مزار قائد پر احتجاج کا اعلان کرتے ہوئے کہا کہ سندھ کی شہری آبادی کو دیوار میں چُنو دیا گیا یہ جبری اور دھاندلی زدہ نتائج ہیں جسے یکسر مسترد کرتے ہیں۔
ان خیالات کا اظہار انہوں نے کراچی میں پریس کانفرنس سے خطاب کرتے ہوئے کہی ان کا کہنا تھا کہ کراچی کے ساتھ ناانصافی پاکستان کے ساتھ زیادتی ہے جسے مسترد کرتے ہیں۔
سربراہ ایم کیو ایم پاکستان نے کہا کہ مردم شماری کے اعداد و شمار میں سندھ کی شہری آبادی کو جان بوجھ کر کم ظاہر کیا گیا ہے جو کہ خطرناک رجحان ہے کیوں کہ کراچی معاشی حب ہے، ترقی کا انجن ہے اگر کراچی کی ہی آبادی کم دکھائی جائے گی تو اس سے ملک کی معیشت پر اچھا اثرنہیں پڑے گا۔
ڈاکٹر فاروق ستار نے کہا کہ آبادی کو کم ظاہر کرنا صرف ایم کیو ایم کا نہیں بلکہ سندھ میں رہنے والے تمام قومیتوں کا مسئلہ ہے، سندھ کی شہری آبادی کو جان بوجھ کر کم ظاہر کیا گیا ہے جیسا کہ ماضی کی مردم شماریوں میں بھی ہوتا آیا ہے اور اس بار تو کراچی کی آبادی کو دیوار ہی میں چنوادیا گیا ہے۔
ایم کیو ایم پاکستان کے سربراہ نے سوالات اُٹھائے کہ آیا یہ کراچی کی آبادی بتائی گئی ہے یا صرف نیوکراچی کی ؟ اور مردم شماری کے اعداد و شمار میں سے کیا سندھ میں آباد لوگوں کو یہ تاثر دیا جارہا ہے کہ وہ تیسرے درجے کے شہری ہیں؟ آخر کراچی کو تنہا کرنے کی کوشش کیوں جارہی ہے؟
اس مو قع پر انہوں نے اعلان کیا کہ مردم شماری کے خلاف 10 ستمبر کو مزار قائد پر احتجاج کیا جائے گا جس کے لیے دیگر سیاسی جماعتوں سے بھی مشاورت کا عمل جاری ہے۔
اسلام آباد :اپوزیشن رہنماؤں نے ایک بار پھر وزیراعظم نواز شریف سے استعفیٰ کا مطالبہ کردیا ۔
تفصیلات کے مطابق پاناما علمدرآمد کیس کی سماعت کے موقع پر اپوزیشن رہنماؤں نے ایک بار پھر وزیراعظم نواز شریف سے استعفیٰ کا مطالبہ کردیا ، پاکستان تحریک انصاف کے رہنما شاہ محمود قریشی نے سپریم کورٹ کے باہر میڈیا سے گفتگو میں کہا کہ آج پور ی قوم کی نظر یں سپر یم کورٹ پر لگی ہیں۔ اس کیس سے پاکستان کا مستقبل جوڑ ا ہوا ہے، ججز پر بہت بڑی ذمے داری عائد ہے۔
شاہ محمودقریشی نے کہا کہ دعا ہے اللہ ہمیں سرخرو کرے، دعا ہے پاکستان جس بھنور میں پھنسا ہے اس سے آزاد ہو جائے، دعا ہے پاکستان درست سمت کی طرف گامزن ہوجائے۔
تحریک انصاف کے رہنما کا کہنا تھا کہ استعفے کا مطالبہ تحریک انصاف کچھ عرصے سے کررہی ہے، آج دیگرجماعتیں بھی وزیراعظم سے استعفے کا مطالبہ کررہی ہیں، ملک کی بارایسوسی ایشنز کی جانب سے متفقہ قراردادیں پیش کی گئیں، قانونی ماہرین کی رائے ہے ملک کے مفاد میں نوازشریف مستعفی ہوں۔
انھوں نے مزید کہا کہ ن لیگ کا ایک طبقہ کہتا ہے وزیراعظم مستعفی ہوکر کسی اور کو نامزد کردیں، حکومت کی پالیسی تو معاملے کو لٹکانے اور طوالت دینے کی ہے، جےآئی ٹی کے راستےمیں رکاوٹیں کھڑی کرنے کی کوشش کی گئی۔
شاہ محمودقریشی کا کہنا تھا کہ اطلاعات کے مطابق ابتک جےآئی ٹی پر کوئی اعتراض داخل نہیں کیا، ن لیگی کیس کی پیروی کرنے والا ہر وکیل قطری کی طرح کترارہا ہے۔
جے آئی ٹی نے دھمکیوں کے باوجود 60دن میں بہت بڑا کام کیا، نواز شریف کو اب جانا ہوگا، سراج الحق
امیر جماعت اسلامی نے سپریم کورٹ کے باہر میڈیا سے گفتگو میں کرتے ہوئے کہا کہ آج کا دن پاکستان اورعوام کیلئے بہت اہم ہے، پاناما کا فیصلہ انکے خلاف آیا تو کلین پاکستان نکلے گا، جے آئی ٹی نے دھمکیوں کے باوجود 60دن میں بہت بڑا کام کیا، حکومت کسی بھی چیزکا جواب نہیں دے سکی ، اگر50 ہزار لوگ احتساب کے نتیجے میں جیل جائیں تو اچھا ہوگا۔
سراج الحق کا کہنا تھا کہ کرپشن فری پاکستان کیلئے نواز شریف کے جانے کا مطالبہ کر رہےہیں، اب کوئی ڈنڈا اٹھا کر سپریم کورٹ کا محاصرہ نہیں کرسکتا، کیس کےفیصلے سے کرپشن فری پاکستان بنے گا، احتساب ہوگیا تو کرپشن فری معاشرہ تشکیل پائے گا، پانامالیکس میں جس کا نام بھی ہے، اسکے خلاف کارروائی ہونی چاہئے۔
امیر جماعت اسلامی نے کہا کہ ہم پہلے وزیراعظم کا اور پھر پاناما میں نام آنے والے افراد کا احتساب چاہتےہیں، عدالت کو یقین دلاتے ہیں پوری قوم سپر یم کورٹ کے ساتھ ہے، کوئی کرپٹ آدمی ایوان میں نظر نہیں آنا چاہئے۔
نوازشریف کے پاس وزیراعظم کےعہدے پر رہنے کا جواز نہیں رہا ،فاروق ستار
ایم کیو ایم پاکستان کے سربراہ فاروق ستار نے سپریم کورٹ کے باہر میڈیا سے گفتگو میں کرتے ہوئے کہا یہ معاملہ چل پڑا ہے سب کی کوشش ہے کیس منطقی انجام تک پہنچے، عدالت آئین اور قانون کے مطابق فیصلہ کریگی، وزیراعظم کو جےآئی ٹی رپورٹ کے بعدمستعفی ہوناچاہئےتھا۔
فاروق ستار کا کہنا تھا کہ نوازشریف کے پاس وزیراعظم کےعہدے پر رہنے کا جواز نہیں رہا، عہدے سے ہٹ کر کیس کا سامنا کرتے تو نوازشریف کا مورال بڑھتا ، کیس مسلم لیگ(ن) اور پارلیمنٹ کی آزمائش ہے ، ن لیگ کو فیصلہ کرنا ہوگا کہ اپنے وزیراعظم کو مشورہ دینا ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی:اے آر وائی نیوز کے دفتر سمیت دیگر میڈیا ہاؤسز پر حملے اور اشتعال انگیز تقاریر کے مقدمات میں ایم کیو ایم رہنما ڈاکٹر فاروق ستار کی عبوری ضمانت منظور کرلی گئی۔
تفصیلات کے مطابق کراچی کی انسداد دہشت گردی کی عدالت نے اے آر وائی نیوز کے دفتر سمیت دیگر میڈیا ہاؤسز پر حملے اور اشتعال انگیز تقاریر سمیت 5 مقدمات میں ایم کیو ایم پاکستان کے رہنما ڈاکٹر فاروق ستار کی عبوری ضمانت منظور کرلی۔
دوران سماعت عدالت نے برہمی کا اظہار کیا کہ فاروق ستار 9 ماہ سے عدالت میں پیش نہیں ہوئے۔
گزشتہ سماعت پر عدالت نے فاروق ستار کی مسلسل غیر حاضری پر وارنٹ جاری کرتے ہوئے انہیںگرفتار کر کے پیش کرنے کا حکم دیا تھا۔
بعد ازاں عدالت نے ضمانت منظور کرتے ہوئے انہیں 2 مقدمات میں ڈھائی لاکھ فی مقدمہ اور دیگر 3 مقدمات میں 50 ہزار فی مقدمہ کے حساب سے زر ضمانت جمع کروانے کا حکم دیا۔
مقدمات کی مزید سماعت 9 جون تک ملتوی کردی گئی۔
بجلی بحران پر چیئرمین نیپرا مستعفی ہوں
ضمانت منظور ہونے کے بعد عدالت کے باہر میڈیا سے گفتگو کرتے ہوئے فاروق ستار کا کہنا تھا کہ 31 مقدمات میں ضمانت منظور ہوچکی ہے۔
ان کا کہنا تھا کہ کراچی سمیت دیگر شہروں کے میئرز کو اختیارات دینا ہوں گے۔ بلدیاتی اداروں کی کامیابی صوبائی حکومت کی کامیابی ہوگی۔
کراچی میں لوڈ شیڈنگ کے معاملے پر فاروق ستار کا کہنا تھا کہ بجلی بحران پر وفاقی وزرا اور چیئرمین نیپرا سے استعفیٰ مانگا ہے۔
انہوں نے کہا کہ یہ بات کوئی نہیں مانے گا کہ بجلی کے ٹاورز گر جاتے ہیں۔ گرمی آنے سے پہلے کے الیکٹرک کو مرمتی کام کرلینا چاہیئے تھا۔
یاد رہے کہ 23 اگست کو قائد متحدہ کی اشتعال انگیز تقریر کے بعد ایم کیو ایم کے مشتعل کارکنان نے اے آر وائی نیوز کے دفتر پر حملہ کردیا تھا۔
مظاہرین نے دفتر میں شدید توڑ پھوڑ کی، سیکیورٹی عملے کو تشدد کا نشانہ بنایا جبکہ خواتین سمیت دفتر میں موجود ملازمین کو ہراساں کیا گیا۔
واقعے کے بعد ایم کیو ایم رہنماؤں نے اپنے قائد کے بیان سے لاتعلقی کا اظہار کردیا جس کے بعد متحدہ قومی موومنٹ دو دھڑوں، ایم کیو ایم پاکستان اور ایم کیو ایم لندن میں تقسیم ہوگئی۔
حملے میں ملوث متعدد ملزمان کو گرفتار کیا جاچکا ہے جبکہ حملہ آوروں میں شامل خواتین کو بھی گرفتاری کے بعد ضمانت پر رہائی ملی تھی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : ایم کیو ایم پاکستان کے سربراہ فاروق ستار کا کہنا ہے کہ ہم پرغداری کا الزام لگایا جا رہے ہے لیکن ہم غداری کا نام ساتھ لےکرنہیں مرنا چاہتے۔
کراچی میں میڈیا سےگفتگو کرتے ہوئے فاروق ستار کا کہنا تھا کہ 22 اگست کی اشتعال انگیز تقریر کے بعد ایم کیو ایم لندن سے لاتعلقی کا اظہار کرچکے ہیں لیکن 23 اگست کے بعد سے اب تک ہم پرغداری کا الزام لگایا جا رہا ہے۔
فاروق ستار کا کہنا تھا کہ اشتعال انگیز تقاریر کیس میں متعدد تفتیشی افسر اپنا چالان بھی پیش کر چکے ہیں کہ تقریر سننے پر غداری کا مقدمہ نہیں بنتا لیکن اس کے باوجود متحدہ کو دیوار سے لگانے کی کوشش کی جا رہی ہے۔
ایم کیو ایم پاکستان کے سربراہ کا کہناتھاکہ ایم کیو ایم رہنماؤں کے خلاف جھوٹے اور سیاسی مقدمات بنائے گئے لہذا ریاست ان مقدمات کو فوری ختم کرے۔ ان کا کہنا تھا کہ غداری کا نام لے کر نہیں بلکہ عزت کی موت مرنا چاہتے ہیں۔
واضح رہےکہ اس سے قبل ایم کیو ایم پاکستان کے رہنماؤں فاروق ستار اور عامر خان نے اشتعال انگیز تقریر اور دیگر مقدمات میں گرفتاری سے بچنے کے لئے سندھ ہائی کورٹ میں درخواست دائر کی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
حیدرآباد: ایم کیو ایم پاکستان کے سربراہ ڈاکٹر فاروق ستار نے کہا ہے کہ لوڈ شیڈنگ ختم نہ کی گئی تو جیسکو کی لوڈشیڈنگ کرنا جانتے ہیں، ہم لوہے کے چنے ہیں ہمت ہے تو چبائیں۔
حیدرآباد میں حقوق ریلی سے خطاب کرتے ہوئے فاروق ستار نے کہا کہ تقسیم کی سیاست کرنے والے خود تقسیم ہورہے ہیں، ایم کیو ایم پاکستان کا ووٹ بینک کل بھی قائم تھا اور آج بھی ہے۔
انہوں نے کہا کہ ہم نے سندھ حکومت کے خلاف وائٹ پیپر نکالا تو پیپلزپارٹی نے جوابی وائٹ پیپر نکالنے کا کہا تاہم ہمارے خلاف آج تک کوئی بھی وائٹ پیپر جاری نہ ہوسکا۔
فاروق ستار کا کہنا تھا کہ پانی اور بجلی کے معاملے پر کیا کھیل کھیلا جارہا ہے ہمیں اُس کا علم ہے، اگر حیدرآباد میں لوڈشیڈنگ ختم نہ کی گئی تو جیسکو کی لوڈ شیڈنگ کرنا جانتے ہیں۔
پی ایس پی پر تنقید کرتے ہوئے فاروق ستار نے کہا کہ ہم نے کراچی میں ملین مارچ کا دعویٰ نہیں کیا بلکہ ریلی نکالی تھی، عوام جانتے ہیں کہ کون کس طرح سیاست کررہا ہے اسلیے آج سارے ووٹرز ہمارے ساتھ ہیں۔
لاہور: ایم کیو ایم پاکستان کے سربراہ ڈاکٹر فاروق ستارکاکہناہے کہ پاکستان کے لیے بھی فیصلے کی گھڑی آ گئی ہے،نواز شریف مستعفی ہوجائیں۔
تفصیلات کےمطابق لاہور ہائی کورٹ بار میں خطاب کرتے ہوئے ایم کیو ایم پاکستان کے سربراہ ڈاکٹر فاروق ستار کا کہنا تھا کہ مشکل حالات کے باوجود بھی ایم کیو ایم پاکستان لاہور میں قائم ہے۔
فاروق ستار نےکہاکہ22اگست کی تقریر کےبعدہمارے لیے فیصلے کی گھڑی آئی،ہم نےفیصلہ کیا اورپیچھےمڑکرنہیں دیکھا،آج پاکستان کےلئے بھی فیصلے کی گھڑی آ گئی ہے،نواز شریف کےلیےمشورہ ہے کہ وہ مستعفی ہو جائیں۔
انہوں نے ہائی کورٹ بار کے موقف کی مکمل حمایت کرتے ہوئے کہا کہ انکوائری کو شفاف بنانے کے لیے وزیر اعظم کا مستعفی ہونا ضروری ہے۔
ایم کیو ایم پاکستان کےسربراہ کا کہناتھاکہ سیاست میں بادشاہت ایک عرصے سے قائم ہے،کسی بھی منتخب حکومت پر لازم ہےکہ آئین کی بالادستی کو قائم رکھے۔
فاروق ستار کا کہناتھاکہ مردم شماری کا فیصلہ سپریم کورٹ نےکیا،حکومتوں کا کام عدالتیں کررہی ہیں،اس لیے وفاقی حکومت کو مستعفی ہو جانا چاہیے تھا۔
ڈاکٹر فاروق ستار نے کہا کہ صوبائی حکومتیں بھی بلدیاتی انتخابات کروانےکےلیے ٹال مٹول کرتی رہیں،اس پر بھی سپریم کورٹ کو آنا پڑا۔
واضح رہےکہ ایم کیو ایم پاکستان کےسربراہ کا کہناتھاکہ حکومت کے سارے کام اگر سپریم کورٹ نے کرنے ہیں تو پھر حکومت گھر جائے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
لاہور: ایم کیو ایم پاکستان کے سربراہ ڈاکٹر فاروق ستار نے کہا ہے کہ ملک کے آئندہ فیصلے بھی ایم کیوایم کرے گی، اور پاکستان میں تبدیلی ایم کیوایم کے پلیٹ فارم سے ہی ہوگی۔
ان خیالات کا اظہار انہوں نے لاہور میں ایم کیو ایم پنجاب کے جنرل ورکرز اجلاس سے خطاب کرتے ہوئے کیا۔
ڈاکٹر فاروق ستارنے کہا کہ بلدیاتی ادارے غیر مؤثر رہیں تو جمہوریت بھی غیر مؤثر اور کمزور ہوگی، ہماری تحریک کا مقصد عوام کو بااختیار بنانا ہے۔
ہم لاہور کے میئر کو بھی اختیارات دلائیں گے
انہوں نے مزید کہا کہ ایم کیوایم کی پالیسی مزدور، کسان اورعوام دوست پالیسی ہے، لاہور کے میئر کو بھی ہم اختیارات دلائیں گے، الزامات اور گالیاں نہیں پروگرام لے کر آئے ہیں، پنجاب کے عوام کو یقین دلاتے ہیں کہ انہیں حق اور اختیارات ہم دلائیں گے۔
سربراہ ایم کیو ایم کا کہنا تھا کہ پاکستان میں تبدیلی ایم کیوایم کے پلیٹ فارم سے ہوگی، ملک کے آئندہ فیصلے بھی ایم کیوایم کرے گی، مطالبے کاوقت چلا گیا اب فیصلے کا وقت ہے۔ طویل عرصے بعد ایم کیو ایم پنجاب کے ورکرز کا اجلاس ہورہا ہے، کارکنوں کی یہاں موجودگی 23اگست کے فیصلے کی تائید ہے۔
ان کا کہنا تھا کہ ہمارا ووٹ بینک تقسیم نہیں ہوا، 23اپریل کو کراچی میں ایک بڑی ریلی نکالی گئی، انہوں نے مزید کہا کہ اگر اس وقت ملک میں کوئی بڑے فیصلے کر رہا ہے تو وہ صرف عدلیہ ہے۔
کراچی : انسداد دہشت گردی کی عدالت نے ایم کیو ایم پاکستان کے سربراہ ڈاکٹر فاروق ستار کی عدم گرفتاری پر اظہارِ ناراضی کرتے ہوئے فاروق ستار اور عامر خان کو پیر کے روز عدالت میں پیش کرنے کا حکم جاری کردیا۔
تفصیلات کے مطابق انسدادِ دہشت گردی کی عدالت میں 22 اگست کو کی گئی بانی ایم کیو ایم کی متنازع تقریر کیس کی سماعت کے دوران ڈاکٹر فاروق ستار کی عدم گرفتاری پر پولیس کی جانب سے جمع کروائی گئی رپورٹ پر عدم اطمینان کا اظہار کرتے ہوئے اپنے ریمارکس میں کہا کہ پولیس عوام کو بےوقوف بنانے کا کام کر رہی ہے۔
انسداد دہشت گردی کی عدالت نے کہا کہ حکومت اور پولیس کو مقدمات کی حساسیت کو سمجھنا ہوگا اس لیے ایم کیو ایم پاکستان کے سربراہ ڈاکٹر فاروق ستار رہنما خالف مقبول صدیقی اور رہنما عامر خان کو ہر صورت گرفتار کر کے پیر کو عدالت میں پیش کیا جائے۔
دورانِ سماعت تفتیشی افسر نے عدالت کو بتایا کہ ڈاکٹر فاروق ستار اور دیگر کی گرفتاری کے لیے ضلعی سطح پر ٹیمیں تشکیل دے دی گئی ہیں اور جلد ملزمان کو گرفتار کر کے عدالت میں پیش کردیا جائے گا۔
واضح رہے گزشتہ شب سندھ پولیس نے ڈاکٹر فاروق ستار کو شادی ہال سے باہر آتے ہوئے حراست میں لے کر چاکیواڑہ تھانے منتقل کردیا تھا تاہم ایک گھنٹے بعد ہی انہیں رہا کردیا گیا تھا۔
دریں اثناء ایم کیو ایم رہنماؤں کے خلاف تین مقدمات تفتیش کے لیے ایس پی ملیر راؤ انوار کے حوالے کردیئے گئے ہیں جن کا کہنا تھا کہ مذکورہ مقدمات میں اگر ضرورت پڑی تو ایم کیو ایم رہنماؤں کو حراست میں لیا جائے گا اور قانون میں کسی کے لیے کوئی نرمی نہیں۔
کراچی: متحدہ قومی موومنٹ پاکستان کے سربراہ ڈاکٹر فاروق ستار کو شاہراہ فیصل سے گرفتار کرکے ایک گھنٹے بعد رہا کردیا گیا۔
معتبر اطلاعات کے مطابق متحدہ قومی موومنٹ لندن کے سربراہ ڈاکٹر فاروق ستار شادی کی ایک تقریب میں شرکت پی آئی بی کالونی میں واقع اپنے واپس آرہے تھے کہ انہیں پی اے ایف میوزیم شاہراہ فیصل پر گرفتار کرلیا گیا بعدازاں انہیں ایک گھنٹے بعد رہا کردیا گیا۔
گرفتاری کے وقت کی ویڈیو:
متحدہ رہنما کی گرفتاری کے لیے پولیس کی بھاری نفری پی اے ایف میوزیم روڈ شاہراہ فیصل پر تعینات کردی گئی، جیسے ہی ڈاکٹر فاروق ستار تقریب سے شرکت کرکے واپس آئے انہیں روڈ پر ہی روک کر گرفتار کرلیا گیا۔
اے آر وائی نیوز کے نمائندے کامل عارف نے بتایا کہ ان کی گرفتاری کے لیے عدالتی احکامات موجود تھے، پولیس پہلے سے روڈ پر موجود تھی، اطلاعات ہیں کہ وہ ڈسٹرکٹ لیاری کی پولیس تھی تاہم تصدیق کی جارہی ہے۔
فاروق ستار کو22 اگست کی تقریر پر گرفتار کیا گیا
یہ اطلاعات موصول ہورہی ہیں کہ انہیں متحدہ قائم الطاف حسین کی 22 اگست کی پاکستان مخالف تقریر اور اے آر وائی حملہ کیس میں گرفتار کیا گیا ہے جو کہ آرٹلری میدان تھانے میں مقدمہ نمبر 116 اور 117 درج ہیں، ان ایف آئی آرز میں بتایا گیا ہے کہ پاکستان مخالف تقاریر اور میڈیا ہاؤسز پر حملوں کے احکامات میں فاروق ستار اور دیگر شامل تھے۔
اس کیس میں فاروق ستار نے ضمانت نہیں کرائی اور نہ اب تک تحقیقات میں کوئی مدد کی، عدالتی حکم پر انہیں معاونت نہ کرنے پر گرفتار کرلیا گیا، پولیس نے کئی بار ان کے گھر و مرکز پر سمن جاری کیے کہ وہ تحقیقات کا حصہ بنیں لیکن انہوں نے توجہ نہیں دی اور حاضر نہیں ہوئے جس پر عدالت نے احکامات دیے کہ ملزم کو گرفتار کرکے عدالت کے روبرو پیش کیا جائے۔
گرفتاری کے وقت کی ویڈیو اے آر وائی نیوز کی موصول ہوئی جس میں گرفتاری کے وقت فاروق ستار نے مزاحمت کرنے والے کارکنوں کو ہدایت دی کہ وہ عامر خان کو گرفتاری سے متعلق بتادیں۔
پولیس ذرائع نے کہا ہے کہ ملزم کو عدالتی حکم پر عمل کرتے ہوئے گرفتار کیا گیا، انہیں آج عدالت میں پیش کیا جائے گا جہاں ضمانت ہونے یا نہ ہونے کا فیصلہ بھی ہوگا۔
متحدہ نے گرفتاری کی تصدیق کردی،ہنگامی اجلاس طلب
ایم کیو ایم پاکستان نے گرفتاری کی تصدیق کردی جس کے بعد پی آئی بی کے مرکز میں کارکنوں کی بڑی تعداد جمع ہوگئی، متحدہ رہنماؤں نے ہنگامی اجلاس طلب کرلیا۔
قیادت نے ایم کیوایم اراکین اسمبلی اور رابطہ کمیٹی کو پہنچنے کی ہدایت کردی، اجلاس میں فاروق ستار کی گرفتاری اور آئندہ کے لائحہ عمل پرغور کیا جائے گا جس کے بعد ایم کیو ایم پاکستان پریس کانفرنس کرے گی۔
متحدہ رہنما خواجہ اظہار الحسن نے کہا ہے کہ حکومت سے رابطہ کیا ہے،فاروق بھائی نے نیک نیتی سے قوم کو متحد کیا، تمام کارکن پی آئی بی پہنچ رہے ہیں، رابطہ کمیٹی کا ہنگامی اجلاس جاری ہے۔
انہوں نے کہا کہ ایسے سیاسی ہتھکنڈے استعمال کرنا نقصان دہ ہے،سمجھ سے باہر ہے کہ گرفتاری کا فیصلہ کیوں کیا گیا۔
خیال رہے کہ ایم کیوایم پاکستان نے آج 18 مارچ ہفتے کو پی آئی بی مرکز پر یوم تاسیس کی تقریب منانے کا اعلان کر رکھا ہے۔
واضح رہے کہ 22 اگست کی پاکستان مخالف تقریر کے بعد سے ایم کیو ایم دو حصوں لندن اور پاکستان میں بٹ گئی ہے، ڈاکٹر فاروق ستار متحدہ قومی موومنٹ پاکستان کے کی سربراہی کررہے ہیں جبکہ متحدہ کے قائد الطاف حسین نے متحدہ کے کنوینر ندیم نصرت کو پارٹی چلانے کا مکمل اختیار دیا ہوا ہے۔
فاروق ستار کو رہا کردیا گیا
دریں اثنا تازہ اطلاعات موصول ہوئی ہیں کہ انہیں رہا کردیا گیا ہے، انہیں ایک گھنٹے تک حراست میں رکھا گیا بعدازاں انہیں پوچھ گچھ کے بعد چاکی واڑہ تھانے سے رہا کردیا گیا۔
ترجمان وزیراعلیٰ نے گرفتاری کی تردید کردی
ترجمان وزیراعلیٰ سندھ نے کہا ہے کہ فاروق ستار کو گرفتار نہیں کیا گیا، ان کے ناقابل ضمانت وارنٹ جاری ہیں پولیس انہیں گرفتار کرنے گئی تاہم وہ فرار ہوگئے، انہوں نے ضمانت نہیں کرائی، انہیں گرفتار کرنے کے سوا کوئی چارہ نہیں ہے، انہیں مشورہ ہے کہ وہ ضمانت کرالیں۔
متحدہ رہنما فیصل سبزواری نے میڈیا سے بات کرتے ہوئے کہا کہ ہمارا مشاورتی اجلاس جاری ہے،کسی کو شہر کا سیاسی استحکام عزیز نہیں ہے،مشکل وقت میں صبر سے کام لے رہے ہیں اسے کمزوری نہ سمجھا جائے۔
انہوں نے کہا کہ فاروق ستار کی گرفتاری پر وزیر اعلیٰ سندھ سے رابطہ کیا،سربراہ کے ساتھ خراب رویے سے عوام کی دل آزاری ہوگی،ہمارا رویہ ابھی بھی مثبت ہے۔
واقعے کے بعد سے ایم کیو ایم پاکستان کے مرکز پی آئی بی کے گرد پولیس اور رینجرز کی بھاری نفری تعینات ہے۔
