ARYNews.tv | Urdu – Har Lamha Bakhabar

Tag: farooq sattar

  • سندھی اورمہاجرکوالگ کرنا اشتعال انگیزی ہے، فاروق ستار

    سندھی اورمہاجرکوالگ کرنا اشتعال انگیزی ہے، فاروق ستار

    کراچی: ایم کیو ایم پاکستان کے سابق رہنما ڈاکٹر فاروق ستار کا کہنا ہے کہ اردو بولنے والے بھی سندھ کا اثاثہ ہیں، آصف زرداری نے مہاجروں کے وجود سے ہی انکارکیا۔

    تفصیلات کے مطابق کراچی میں انسداد دہشت گردی عدالت کے باہر میڈیا سے گفتگو کرتے ہوئے ڈاکٹر فاروق ستار نے کہا کہ قومی اسمبلی میں مہاجروں کے خلا ف بیان اشتعال انگیزی ہے۔

    انہوں نے کہا کہ آصف زرداری نے مہاجروں کے وجود سے ہی انکارکیا، آصف زرداری کو ایسی گفتگو سے اجتناب کرنا چاہیے، ذہن نشین کرلیں اردو بولنے والے بھی سندھ کا اثاثہ ہیں۔

    ایم کیو ایم پاکستان کے سابق رہنما نے کہا کہ آصف زرداری بھائی سے بھائی کو لڑانے کا منصوبہ بنا رہے ہیں، 2002 سے 2008 اور 2008 سے 2013 کا دورانیہ دیکھ لیں، 2008 کے بعد توکراچی میں اصل خون کی ہولی کھیلی گئی۔

    ڈاکٹر فاروق ستار نے کہا کہ لیاری گینگ وارکو سرکاری سرپرستی میں قائم کیا گیا، حقیقت سےآگاہ کرنا ہے توعزیربلوچ کی جے آئی ٹی پبلک کریں۔

    ایم کیو ایم پاکستان کے سابق رہنما نے کہا کہ جسٹس گلزار نے 3 روز پہلے کہا سندھ پاکستان کا کرپٹ صوبہ ہے، سندھ میں ایک بھی ترقیاتی منصوبے پرکام نہیں ہوا۔

  • ایم کیو ایم جلسہ، فاروق ستار کیا کرنے والے ہیں؟

    ایم کیو ایم جلسہ، فاروق ستار کیا کرنے والے ہیں؟

    اسلام آباد: ایم کیو ایم پاکستان آج کراچی میں‌ سیاسی طاقت کا مظاہرہ کرنے جارہی ہے، ایسے میں‌ اہم ترین سوال یہ ہے کیا فاروق ستار جلسے میں شرکت کریں گے یا نہیں؟

    تفصیلات کے مطابق ایم کیو ایم پاکستان آج کراچی میں عوامی طاقت کا مظاہرہ کرے گی، جلسے کے لیے انتظامات کو حتمی شکل دے دی گئی.

    متحدہ قومی موومنٹ پاکستان کی جانب سے آج مزار قائد سے متصل باغ جناح میں جلسہ منعقد کیا جا رہا ہے۔ ایم کیو ایم کے کنویر، خالد مقبول صدیقی نے عوام سے اپیل کی ہے کہ وہ جلسہ عام میں بھرپور شرکت کریں۔

    ایسے میں یہ سوال اہمیت اختیار کر گیا ہے کہ آیا ایم کیوایم پاکستان کے سابق کنوینر، فاروق ستارجلسے میں شرکت کریں گے یا نہیں؟

    یاد رہے کہ سینیٹ انتخابات سے قبل ایم کیو ایم پاکستان میں دراڑ پڑ گئی تھی اور پارٹی پی آئی بی اور بہادر آباد میں تقسیم ہوگئی تھی.

    مزید پڑھیں: ایم کیوایم پاکستان آج کراچی میں سیاسی طاقت کا مظاہرہ کرے گی

    بعد ازاں خالد مقبول صدیقی کو کنوینر منتخب کیا گیا، الیکشن کمیشن کے فیصلے نے ایم کیو ایم پاکستان کو تقویت دی، جس کے بعد فاروق ستار غیر متعلقہ ہوگئے.

    اگرچہ بعد میں فاروق ستار نے ٹنکی گراؤنڈ کے جلسے میں شرکت کی تھی، مگر پھر ان کا پھر کوئی کردار نظر نہیں آیا.

    باغ جناح کے جلسے میں بھی فاروق ستار کی شرکت کا کوئی امکان نہیں. انھوں نے واضح‌ کیا ہے کہ انھیں شرکت کی دعوت نہیں دی گئی اور وہ اس سرگرمی میں شریک نہیں‌ ہوں گے.

  • فاروق ستار کا ایم کیو ایم سے متعلق بڑا اعلان

    فاروق ستار کا ایم کیو ایم سے متعلق بڑا اعلان

    کوٹ رادھا کشن: ایم کیو ایم کے رہنما فاروق ستار نے فرسودہ سیاست دانوں‌ کی سیاست کے خاتمے کا اعلان کر دیا.

    تفصیلات کے مطابق کوٹ رادھا کشن میں  خطاب کرتے ہوئے فاروق ستار کا کہنا تھا کہ پاکستان میں روایتی سیاست کاخاتمہ ہرحال میں ہوگا.

    انھوں‌ نے کہا کہ 18 مارچ کو تحریک کا 35 واں یوم تاسیس ہے، ہم 1986 کی ایم کیوایم کوبحال کریں گے.

    [bs-quote quote=”ہم 1986 کی ایم کیوایم کوبحال کریں گے” style=”style-8″ align=”left” author_name=”فاروق ستار”][/bs-quote]

    فاروق ستار نے کہا کہ عوام جوق در جوق ہمارے ساتھ شامل ہورہے ہیں، اب فرسودہ سیاست دانوں کی سیاست کا ہر صورت خاتمہ ہوگا.

    ایم کیو ایم لیڈر کا کہنا تھا کہنا تھا کہ ہم نے ہمیشہ غریب آدمی کی سیاست کی ہے، پاکستان میں اصل تبدیلی عام آدمی کی حکومتی ایوانوں میں نمائندگی ہے.

    خیال رہے کہ 22 اگست کو پاکستان مخالف بیان کے بعد رابطہ کمیٹی کے سینئر رہنماؤں نے لندن سے قطع تعلق کر لیا تھا۔ فاروق ستار نے اس دھڑے کی قیادت سنبھالی۔

    مزید پڑھیں: فاروق ستار نے کراچی کے لیے خطرے کی گھنٹی بجا دی

    البتہ کچھ عرصے بعد اس ایم کیو ایم پاکستان میں بھی دو دھڑے ابھر آئے، پارٹی پی آئی بی اور بہادر آباد میں تقسیم ہوگئی، دونوں دھڑے قیادت کے دعوے دار تھے، البتہ قانون کی رو سے الیکشن کمیشن نے بہادر آباد گروپ کے حق میں فیصلہ سنایا۔

    اس فیصلے کے بعد فاروق ستار ایم کیو ایم کی سیاست میں غیر متعلقہ ہوگئے۔

  • فاروق ستار نے کراچی کے لیے خطرے کی گھنٹی بجا دی

    فاروق ستار نے کراچی کے لیے خطرے کی گھنٹی بجا دی

    کراچی: ایم کیو ایم پاکستان کے رہنما فاروق ستار نے کہا ہے کہ اگر عوامی مسائل حل نہ ہوئے، تو لاقانونیت، جرائم پھر سے سراٹھا سکتے.

    ان خیالات کا اظہار انھوں نے خصوصی پریس کانفرنس میں کیا. فاروق ستار کا کہنا تھا کہ کراچی کے بنیادی مسائل حل نہیں ہو رہے.

    انھوں نے کہا کہ بدقسمتی سے وفاق اور صوبائی حکومت عوامی مسائل سے لاتعلق ہیں، عوام کے ساتھ سندھ حکومت کی بے حسی، ناانصافی کا سلسلہ جاری ہے، پانی کےنئےمنصوبےتو دور، پرانےمنصوبے بھی تاخیرکا شکار ہیں.

    انھوں نے کہا کہ پہلے بھی شہری علاقوں کو نظراندازکیا جاتا رہا ہے، لاڑکانہ میں کم از کم فائلوں میں 90 ارب خرچ ہورہے ہیں، کراچی میں توفائلوں میں بھی فنڈزخرچ نہیں کیے جا رہے، سندھ کی حکومت اوروزیراعلیٰ اس معاملے کا نوٹس لیں.

    ڈاکٹر فاروق ستار کا کہنا تھا کہ شہری، دیہی سندھ کے درمیان خلیج میں اضافہ ہورہا ہے، جن افسران کا تقرر ہو رہا ہے، ان میں تعصب اور لسانیت واضح ہے، البتہ سندھی بھائیوں کے خلاف نفرت کا کبھی پرچارنہیں کروں گا.

    مزید پڑھیں: موجودہ ایم کیوایم عام آدمی کی پارٹی نہیں ہے، ڈاکٹر فاروق ستار

    فاروق ستار نے مزید کہا کہ وڈیروں، جاگیرداروں کی بنائی گئی پالیسیوں میں تعصب واضح ہے.

    پی ایس ایس 4 سے متعلق انھوں نے کہا کہ کراچی میں میگا ایونٹ کے میچزہوناخوش آئند ہے، ثابت ہوگیا کہ کراچی پُرامن لوگوں کا شہر ہے، فخرہے کہ ہمیں میزبانی کاموقع ملا.

  • الیکشن میں شکست سے تجربہ حاصل ہوا، کچھ لوگ ساتھ چھوڑ گئے، مصطفیٰ کمال

    الیکشن میں شکست سے تجربہ حاصل ہوا، کچھ لوگ ساتھ چھوڑ گئے، مصطفیٰ کمال

    کراچی: پاک سرزمین پارٹی کے  چیئرمین مصطفیٰ کمال نے کہا ہے کہ الیکشن میں شکست کی وجہ سے  تجربہ حاصل ہوا، کچھ لوگ ہمارا ساتھ چھوڑ گئے۔

    تفصیلات کے مطابق اے آر وائی نیوز کے پروگرام ہر لمحہ پرجوش کے کٹہرے میں میزبان وسیم بادامی نے مصطفیٰ کمال سے سوالات کیے۔

    ایک سوال کے جواب میں پاک سرزمین پارٹی کے چیئرمین کا کہنا تھا کہ کچھ معاملات ایسے ہوتے ہیں جن کی وجہ سے مقتدر حلقوں سے بات کرنی پڑتی ہے، الیکشن میں شکست کے حوالے سے انیس ایڈوکیٹ نے جو بیان دیا وہ اُن کی ذاتی رائے تھی، میں لاتعلقی کا اعلان کرتا ہوں۔

    پی ایس پی چیئرمین کا کہنا تھا کہ انیس ایڈوکیٹ سے کئی ماہ سے ملاقات نہیں ہورہی، ڈاکٹر صغیر بھی پارٹی اجلاسوں میں شرکت نہیں کررہے جس کی وجہ میرے علم میں نہیں ہے۔

    مزید پڑھیں: امید ہےآرٹی ایس نظام اس بار خراب نہیں ہوگا‘ مصطفیٰ کمال

    یہ بھی پڑھیں: ایوان میں بیٹھنے والے کراچی کی بات نہیں کر رہے ہیں، مصطفیٰ کمال

    اُن کا کہنا تھا کہ الیکشن ہارنے کے بعد جو تجربہ ہوا شائد وہ پہلے نہ ہوتا، لوگوں نے ہمیں ووٹ دیے اور ہم فتح حاصل نہ کرسکے یہ ایک طویل بحث ہے جسے پیچھے چھوڑ کر اب آگے بڑھنا ہے ساتھ ہی مصطفیٰ کمال نے انکشاف کیا کہ الیکشن میں شکست کے بعد کچھ لوگ ہمیں چھوڑ گئے ،مصطفیٰ کمال

    ایم کیو ایم پر تنقید کرتے ہوئے مصطفیٰ کمال کا کہنا تھا کہ 30 ہزار لوگ مروانے والے کہتے ہیں کہ ہمارے پاس گٹر لائنوں کا اختیار نہیں، ان لوگوں نے 11 الیکشن مہاجر سیاست کے نام پر جیتے مگر آج بے اختیار بن کر گھومتے ہیں۔

    مصطفیٰ کمال کا کہنا تھا کہ حماد صدیقی میری نظر میں دہشت گرد نہیں بلکہ اصل مجرم بانی ایم کیو ایم ہیں، بلدیہ فیکٹری میں ہونے والی آتشزدگی کی رپورٹس میں یہ بات بھی سامنے آئی کہ آگ حادثے کی صورت میں لگی۔

  • پارٹی کا نام استعمال کیوں‌ کیا؟ ایم کیو ایم کا فاروق ستار کو نوٹس

    پارٹی کا نام استعمال کیوں‌ کیا؟ ایم کیو ایم کا فاروق ستار کو نوٹس

    کراچی: ایم کیو ایم پاکستان کے اندرونی مسائل ختم نہیں ہوئے، فاروق ستار پارٹی قیادت کے لیے تاحال پریشانی کا باعث بنے ہوئے ہیں.

    تفصیلات کے مطابق ایم کیوایم پاکستان رابطہ کمیٹی نے سابق کنوینر اور سینئر رہنما فاروق ستارکوایک اورنوٹس ارسال کر دیا ہے.

    نوٹس میں فاروق ستار کی جانب سے ایم کیوایم پاکستان کا نام، پرچم ، انتخابی نشان استعمال کرنے بازپرس کرتے ہوئ ہوئے ہدایت کی گئی ہے کہ وہ پارٹی نام، پرچم، انتخابی نشان کا استعمال بند کر دیں.

    یاد رہے کہ گذشتہ برس کے وسط میں ایم کیو ایم پاکستان کے درمیان شدید اختلافات منطر عام پر آئے تھے، پارٹی پی آئی بی اور بہادر آباد میں تقسیم ہوگئی.

    قیادت اور اختیارات کے لیے شروع ہونے والی اس جنگ کے اختتام میں بہادر آباد میں موجود قیادت نے خالد مقبول صدیقی کو کنوینر منتخب کر لیا.

    مزید پڑھیں: ایم کیو ایم کے دفتر پر فائرنگ، کارکن جاں بحق، پارٹی کا حکومت کو48گھنٹے کا الٹی میٹم

    الیکشن کمیشن کے فیصلے کے بعد فاروق ستار پارٹی میں غیرمتعلقہ ہوگئے، البتہ انھوں نے اپنی سرگرمیوں کے لیے پارٹی کا نام استعمال کرنا جاری رکھا، جس کی وجہ سے اختلافات سامنے آتے رہے، اب ایم کیو ایم پاکستان کی رابطہ کمیٹی کی جانب سے فاروق ستار کو ایک اور نوٹس جاری کیا گیا ہے.

    خیال رہے کہ گذشتہ روز ایم کیو ایم کے دفتر پر حملہ ہوا تھا، جس میں ایک کارکن جاں بحق جب کہ ایک شدید زخمی ہوا.

  • فاروق ستار نے پارٹی رکنیت ختم کرنے کے خلاف سندھ ہائی کورٹ سے رجوع کرلیا

    فاروق ستار نے پارٹی رکنیت ختم کرنے کے خلاف سندھ ہائی کورٹ سے رجوع کرلیا

    کراچی: فاروق ستار نے متحدہ قومی موومنٹ پاکستان کی رکنیت ختم کرنے کے خلاف سندھ ہائی کورٹ سے رجوع کرلیا۔

    تفصیلات کے مطابق ایم کیو ایم رہنما فاروق ستار نے پارٹی رکنیت ختم کرنے کے خلاف سندھ ہائی کورٹ میں درخواست دائر کردی۔

    درخواست میں موقف اختیار کیا گیا ہے کہ رکنیت سے خارج کرنا الیکشن ایکٹ اور پارٹی قوانین کے خلاف ہے، کسی بھی کارکن کی رکنیت خارج کرنے کے ضابطوں کو پورا نہیں کیا گیا۔

    درخواست گزار کے مطابق پارٹی رکنیت خارج کرنے کے فیصلے پرصرف کنورنوید کے دستخط ہیں جبکہ رکنیت خارج کرنے کے لیے رابطہ کمیٹی کے دو تہائی اراکین کی منظوری ضروری ہوتی ہے۔

    پارٹی رکنیت ختم کرنے کی وجوہات نہیں بتائی گئیں، فاروق ستار

    یاد رہے کہ گزشتہ سال نومبر میں ایم کیو ایم پاکستان کی رابطہ کمیٹی نے فاروق ستار کی بنیادی رکنیت خارج کردی تھی۔

    فاروق ستار نے پارٹی رکنیت ختم کرنے کے ایم کیو ایم رابطہ کمیٹی کے فیصلے کو مسترد کردیا تھا۔ ان کا مزید کہنا تھا کہ ایم کیو ایم سے میری 41 سالہ رفاقت کو چند ٹھیکیداروں نے ختم دیا، قبضہ گروہ نے اپنے مفادات کی بھینٹ چڑھایا۔

  • حکم آیا ہے چاہےگولیاں چلیں، چھریاں چلیں آپریشن کرنا ہے ، فاروق ستار

    حکم آیا ہے چاہےگولیاں چلیں، چھریاں چلیں آپریشن کرنا ہے ، فاروق ستار

    کراچی : ایم کیو ایم پاکستان کے رہنما فاروق ستار کا کہنا ہے کہ وسیم اخترکراچی میں توڑ پھوڑ کررہے ہیں، ہزاروں افرادکوبےگھر کردیا، روزگارچھین لیا، آپریشن سے  انکار پر سعیدغنی کوخراج تحسین پیش کرتاہوں، سعیدغنی نے جوبات کی وہ بات توڑپھوڑکرنے والے وسیم اخترکب کریں گے۔

    تفصیلات کے مطابق ایم کیو ایم پاکستان فاروق ستار نے انسداددہشت گردی عدالت میں پیشی کے موقع پر میڈیا سے گفتگو کرتے ہوئے کہا سرمایہ کاروں کا اعتماد متزلزل ہوگیا ہے، جواب کنورنوید،عامرخان اورخالدمقبول صدیقی کودیناچاہیے، سرمایہ کاروں کودھکادینےسےکچھ نہیں ہوگا۔

    تجاوزات آپریشن کے حوالے سے فاروق ستار کا کہنا تھا کہ میئرکراچی توڑپھوڑ کرنے میں لگے ہوئے ہیں، 10ہزار دکانیں اور 1500 مکانات ٹوٹ چکےہیں، حکم آیا ہےچاہےگولیاں چلیں،چھریاں چلیں آپریشن کرناہے۔

    آپریشن سے انکارپرسعید غنی کوخراج تحسین پیش کرتاہوں

    انھوں نے کہا سعیدغنی کوخراج تحسین پیش کرتاہوں،انہوں نےکہایہ کام نہیں کروں گا، سعیدغنی نےجوبات کی وہ بات توڑپھوڑکرنےوالےوسیم اخترکب کرینگے

    رہنما ایم کیو ایم نے کہا شہر میں سیکیورٹی کی صورتحال انتہائی تشویشناک ہے، جوبھی نام بھجوائے ان رہنماؤں کی سیکیورٹی کابندوبست نہیں کیاگیا، صوبائی و فاقی وزرا نے سیکیورٹی کی یقین دہانی کرائی لیکن مزید کم کردی، حکومت تمام معروف لوگوں اور سیاسی رہنماؤں کو سیکیورٹی فراہم کرے۔

    علی رضا عابدی کے قتل سے متعلق فاروق ستار کا کہنا تھا کہ علی رضا عابدی قتل کیس کےملزمان کاتاحال سراغ نہیں لگایا جا سکا، اب تک ان کے قتل کی تحقیقات میں کوئی پیش رفت نہیں ہوئی ، تحقیقاتی ادارے اس حوالے سے ذمے داری پوری نہیں کر رہے ، علی رضاعابدی کوتحفظ دینے کے سیکیورٹی اقدامات نہیں کیے گئے۔

    آئی ایم ایف کے حوالے سے ایم کیو ایم پاکستان کے رہنما نے کہا کہ حکومت کی جانب سے آئی ایم ایف میں جانے کا فیصلہ اگست میں ہوجاناچاہیےتھا۔

  • علی رضا عابدی کے قاتلوں کی گرفتاری تک خاموش نہیں بیٹھیں گے ،فاروق ستار

    علی رضا عابدی کے قاتلوں کی گرفتاری تک خاموش نہیں بیٹھیں گے ،فاروق ستار

    کراچی : ایم کیو ایم پاکستان کے سینئر رہنما فاروق ستار کا کہنا ہے کہ علی رضا عابدی کو سازش کے تحت قتل کیا گیا، قاتلوں کی گرفتاری تک خاموش نہیں بیٹھیں گے اور احتجاج کا سلسلہ جاری رکھیں گے۔

    تفصیلات کے مطابق ایم کیو ایم پاکستان کے سینئر رہنما فاروق ستار انسداد دہشت گردی کی عدالت کے باہر میڈیا سے گفتگو کرتے ہوئے کہا کہ 22 اگست کے کیس میں26 جنوری کی تاریخ ملی ہے۔

    علی رضا عابدی کے قتل کے حوالے سے فاروق ستار نے کا کہنا تھا کہ علی رضاعابدی کےقاتل وسازشیوں لاپتہ ہیں، قاتلوں کو جلد از جلد گرفتار کیا جائے، قاتلوں کی گرفتاری تک خاموش نہیں بیٹھیں گے اور احتجاج کا سلسلہ جاری رکھیں گے۔

    [bs-quote quote=”بظاہرعلی رضاکاکوئی دشمن نہیں تھا، سچ بولنا اسکا جرم ہو سکتا ہے” style=”style-6″ align=”left” author_name=”فاروق ستار”][/bs-quote]

    انھوں نے مزید کہا علی رضا عابدی کو سازش کے تحت قتل کیا گیا، کراچی کو بدامنی میں جھونکنے کے لئے علی رضا عابدی کوقتل کیاگیا، علی رضا عابدی کا مشن صاف و پڑھی لکھی ایم کیوایم کا قیام تھا، صوبائی حکومت اپنی ذمہ داری نہیں نبھا رہی۔

    ایم کیو ایم کے رہنما کا کہنا تھا کہ کےکےایف کی پراپرٹیز کو سیل کیا گیا ہے، کچھ لوگ کے کے ایف کی جائیدادوں کو بیچنا چاہ رہے تھے، اس معاملے میں حکومت سے تعاون کو  تیار ہیں، اختیار کا غلط استعمال ہوا تو کارروائی ہونی چاہیے۔

    فاروق ستار نے کہا علی رضاعابدی کیس میں میراکوئی بیان نہیں لیاگیانہ شامل تفتیش کیاگیا، ہمیں تعاون کے لئے بلایاگیا، پوچھاگیا کسی پر شک ہے یا نہیں، بظاہر علی رضا کا کوئی دشمن نہیں تھا، سچ بولنا اسکا جرم ہو سکتا ہے، علی رضاعابدی کو خطرہ تھا اور دھمکیاں ملی تھیں۔

    ان کا کہنا تھا کہ  علی رضاعابدی سب سے زیادہ مجھ سےقریب تھا، کہا قتل کے محرک کو تلاش کریں کھلے ذہن سے انکوائری کریں، قتل سے کس کو فائدہ ہوسکتا ہے، ہر پہلو پر غور ہونا چاہیے۔

    رہنما ایم کیو ایم پاکستان نے کہا لاہورمیں کےکےایف کی 2 جائیدادوں کو بیچنے کی کوشش کی گئی، کےکے ایف کی جائیدادکی نیلامی کی اجازت نہیں دیں گے، دنیا جانتی ہے کہ پارٹی کو کس نے بیچا، 1986 والی ایم کیوایم دوبارہ بنانے نکلے ہیں۔

  • فاروق ستار اور انیس قائم خانی کی ملاقات، علی رضا عابدی کے قتل پر گفتگو

    فاروق ستار اور انیس قائم خانی کی ملاقات، علی رضا عابدی کے قتل پر گفتگو

    کراچی: ایم کیو ایم پاکستان کے رہنما فاروق ستار اور رہنما پی ایس پی انیس قائم خانی کی ملاقات ہوئی، اس دوران علی رضا عابدی کے قتل پر تبادلہ خیال کیا گیا۔

    تفصیلات کے مطابق گذشتہ دنوں رہنما ایم کیو ایم پاکستان علی رضا عابدی کو کراچی میں ان کی رہائش گاہ کے باہر فائرنگ کرکے قتل کردیا گیا تھا۔

    فاروق ستار اور انیس قائم خانی کے درمیان ملاقات ایک شادی کی تقریب میں ہوئی، اس دوران سیاسی صورت حال، علی رضاعابدی کے قتل اور آئندہ کے لائحہ عمل پر گفتگو کی گئی۔

    دونوں رہنماؤں نے امن واستحکام کے لیے ایک دوسرے کے ساتھ چلنے کے عزم کا اظہار کیا۔

    علی رضا عابدی کے قتل اوردیگرواقعات پر ڈی آئی جی ساؤتھ عہدے سے برطرف

    فاروق ستار اور انیس قائم خانی نے مستقبل میں ایک دوسرے کے ساتھ رابطے برقرار رکھنے پر بھی اتفاق کیا۔

    واضح رہے کہ 25 دسمبر کی شام کو کراچی کے علاقے ڈیفنس میں اپنی رہائش گا ہ کے پاس متحدہ قومی موومنٹ پاکستان کے سابق رہنما علی رضا عابدی نامعلوم موٹر سائیکل سواروں کی فائرنگ سے زخمی ہو گئے تھے انہیں تشویش ناک حالت میں اسپتال منتقل کیا گیا تھا لیکن وہ جاں بر نہ ہو سکے۔