Tag: Farrukh Habib

فیصل آباد: وفاقی پارلیمانی سیکریٹری ریلوے فرخ حبیب نے کہا سینیٹرز نے اپنے ضمیر کی آواز کے مطابق ووٹ دیے، حاصل بزنجو چیئرمین سینیٹ کی شیروانی سلواکر بیٹھے تھے، نوازشریف ،فضل الرحمان ،زرداری نے حاصل بزنجو کو اوپرچڑھا کر سیڑھی کھینچ لی۔

تفصیلات کے مطابق فیصل آباد میں وفاقی پارلیمانی سیکریٹری ریلوے فرخ حبیب نے میڈیا سے بات چیت کرتے ہوئے کہا عمران خان نےحلف اٹھاتے ہی پاکستان کے پسےطبقے کی بات کی، اس وقت ریاست ماں کےجیسا کردار ادا کر رہی ہے۔

،فرخ حبیب کا کہنا تھا گزشتہ دنوں کرپٹوں کا ٹولہ اکٹھا ہوا تھا، تحریک عدم اعتماد پر اپنے ہی 14 سینیٹروں نےعدم اعتماد کااظہار کیا، پاکستانی عوام ان کے ساتھ ہیں نہ ہی ان کے سینیٹرز ، سینیٹرز نے اپنے ضمیر کی آواز کے مطابق ووٹ دیے۔

سینیٹرز نے اپنے ضمیر کی آواز کے مطابق ووٹ دیے

وفاقی پارلیمانی سیکریٹری نے کہا مریم نواز نیب سےکہتی ہیں پیسہ کہاں سےآیا یہ دادا سے پوچھو، نواز شریف جیل میں بیٹھ کر نیلسن منڈیلا بننا چاہتے تھے، اب تو چوروں سے لوٹا مال واپس لیا جا رہا ہے، پانامہ رانی آج کل جلسیاں اور کانر میٹنگز کر رہی ہیں۔

رہنما پی ٹی آئی کا کہنا تھا حاصل بزنجو چیئرمین سینیٹ کی شیروانی سلواکر بیٹھے تھے، بزنجو کونواز شریف، فضل الرحمان اورزرداری سے پوچھنا چاہیے، نوازشریف ،فضل الرحمان ،زرداری نے اوپرچڑھا کر سیڑھی کھینچ لی۔

پانامہ رانی آج کل جلسیاں اور کانر میٹنگز کر رہی ہیں

انھوں نے مزید کہا کہ بہت سارے لوگوں کوجیل جاتا دیکھ رہاہوں، ہو سکتا ہے نارووال ایکسپریس کو بھی جیل جانا پڑے، دیکھتے ہیں کب رانا ثنااللہ کیس کا فیصلہ ہوتاہے پھر فیصل آباد والے نیا الیکشن دیکھیں گے۔

اسلام آباد : پاکستان تحریک انصاف کے رہنما فرخ حبیب نے الیکشن کمیشن میں لاہور ہائی کورٹ کا حکم نامہ جمع کرادیا۔

تفصیلات کے مطابق پی ٹی آئی کے رہنما فرخ حبیب نے الیکشن کمیشن کے باہرمیڈیا سے گفتگو کرتے ہوئے کہا کہ کل علی بابا چالیس چوروں کا احتجاج ہوا۔

فرخ حبیب کا کہنا تھا کہ پتہ نہیں چلا کہ کون کس کے خلاف احتجاج کررہا تھا، پرویزاشرف اوران سے ہارنے والے ساتھ احتجاج کررہے تھے۔

پی ٹی آئی رہنما فرخ حبیب کا کہنا تھا کہ بہت جلد اڈیالہ جیل کا نام جاتی امرا ٹو رکھ دیا جائے گا۔

انہوں نے کہا کہ اپوزیشن کوعمران خان کی کارکردگی کے خوف نے جمع کیا ہے، مشورہ ہے احتجاج کرنے والے پارلیمنٹ میں آکربات کریں۔

فرخ حبیب کا کہنا تھا کہ الیکشن کمیشن میں لاہور ہائی کورٹ کا حکم نامہ جمع کرادیا ہے، امید ہے الیکشن کمیشن آج کامیابی کا نوٹی فکیشن جاری کردے گا۔

خیال رہے کہ گزشتہ روز لاہور ہائی کورٹ نے ن لیگی رہنما عابد شیرعلی کی جانب سے این اے 108 میں دوبارہ ووٹوں کی گنتی کے لیے درخواست مسترد کرتے ہوئے الیکشن کمیشن کو فرخ حبیب کی کامیابی کا نوٹیفیکیشن جاری کرنے کی اجازت دی تھی۔

عابد شیرعلی ووٹوں کی دوبارہ گنتی پر ناکام، فرخ حبیب کی جیت برقرار

واضح رہے کہ گزشتہ ہفتے پاکستان مسلم لیگ ن کے رہنما عابد شیرعلی این اے 108 میں ووٹوں کی دوبارہ گنتی پر بھی ناکام ہوگئے تھے، پی ٹی آئی کے فرخ حبیب کی جیت برقرار رہی تھی۔