Tag: faryal talpur

  • منی لانڈرنگ کیس: آصف علی زرداری اور فریال تالپور کی ضمانت میں توسیع

    منی لانڈرنگ کیس: آصف علی زرداری اور فریال تالپور کی ضمانت میں توسیع

    کراچی : بینکنگ کورٹ نے سابق صدر آصف علی زرداری اور ان کی بہن فریال تالپور کی ضمانت میں 10 دسمبر تک توسیع کردی۔

    تفصیلات کے مطابق منی لانڈرنگ کیس میں آصف علی زرداری اور ان کی ہمشیرہ فریال تالپور آج کراچی کی بینکنگ کورٹ میں پیش ہوئے۔

    معزز جج نے منی لانڈرنگ کیس کی مختصر سماعت کی جس کے بعد سابق صدر آصف علی زرداری، فریال تالپور، نمر مجید ودیگر کی ضمانت میں توسیع کرتے ہوئے سماعت 10 دسمبر تک ملتوی کردی۔

    بینکنگ کورٹ نے آئندہ سماعت پر سابق صدر آصف علی زرداری کو دوبارہ طلب کرلیا۔

    یاد رہے کہ ضمانت پر رہا آصف علی زرداری اور فریال تالپور آخری بار 25 ستمبر کو بینکنگ کورٹ میں پیش ہوئے تھے۔

    واضح رہے کہ 5 ستمبر کو سپریم کورٹ نے جعلی بینک اکاؤنٹس کیس کی تحقیقات کے لیے (مشترکہ تحقیقاتی ٹیم) جے آئی ٹی بنانے کا حکم دیا تھا۔

    چیف جسٹس آف پاکستان نے ریمارکس دیے کہ تھے ہم جے آئی ٹی بنا رہے ہیں جو ہر 15 دن میں رپورٹ دے گی، سپریم کورٹ نے جے آئی ٹی کو سیکیورٹی دینے کا بھی حکم دیا تھا۔

    جے آئی ٹی نے گزشتہ ماہ 24 ستمبرکو منی لانڈرنگ کی تحقیقات سے متعلق اپنی پہلی پیش رفت رپورٹ عدالت عظمیٰ میں جمع کرائی تھی۔

  • آصف زرداری جن کیسز کا سامنا کررہے ہیں وہ نواز دور کے ہیں، قمر زمان کائرہ

    آصف زرداری جن کیسز کا سامنا کررہے ہیں وہ نواز دور کے ہیں، قمر زمان کائرہ

    اسلام آباد : پیپلز پارٹی کے رہنما قمر زمان کائرہ نے کہا ہے کہ آصف زرداری فریال تالپور کیس میں ملزم نہیں وہ گواہوں کی فہرست میں ہیں، رپورٹنگ درست نہیں تھی تو ایف آئی اے کو اس پر وضاحت دینا چاہیے تھی۔

    تفصیلات کے مطابق پاکستان پیپلز پارٹی کے مرکزی رہنما قمر زمان کائرہ  نے وفاقی دارالحکومت اسلام آباد میں پریس کانفرنس سے خطاب کرتے ہوئے کہا ہے کہ ایف آئی اے نے آصف زرداری سے کوئی سوال نہیں کیا اور نہ ہی کوئی سوالنامہ دیا ہے۔

    رہنما پیپلز پارٹی کا کہنا تھا کہ آصف زرداری کا 2008 سے زرداری گروپ سے کوئی تعلق نہیں، بطور صدر آصف زرداری نے تمام کارو باری کام چھوڑ دیئے تھے۔

    قمر زمان کائرہ نے آصف زرداری کی ہمشیرہ کے حوالے سے میڈیا کو بتایا کہ فریال تالپورپراس کیس میں الزام نہیں وہ گواہوں کی فہرست میں ہیں، عدالت میں ہونے والی کارروائی کی خبریں باہر آتی ہیں۔

    پیپلز پارٹی کے رہنما قمر زمان کائرہ کا کہنا ہے کہ مطالبہ صرف اتنا ہے جو عدالت میں ہوا ہی نہیں اس کی خبر کیسے چلی، سوالنامہ ایف آئی اے سے متعلق رپورٹ ہوگیا، رپورٹنگ درست نہیں تھی تو ایف آئی اے کو اس پر وضاحت دینا چاہیے تھی۔

    انہوں نے کہا ہے کہ چیف جسٹس سے مطالبہ کرتے ہیں اس معاملے کا نوٹس لیں، ایف آئی اے، پیمرا سمیت سب کو ذمہ داری کا احساس کرنا چاہیے۔

    قمر زمان کائرہ نے کہا کہ آصف زرداری سے نیب میں کوئی سوال نہیں پوچھے گئے، آصف زرداری اور فریال تالپور اس کیس میں ملزم نہیں ہیں، حقائق کے منافی خبریں نہ دی جائیں۔

    ان کا کہنا تھا کہ آج  آصف زرداری جن کیسز کو فیس کر رہے ہیں نواز دور کے ہیں۔


    مزید پڑھیں : جعلی اکاؤنٹس کیس: آصف علی زرداری اور فریال تالپور ایف آئی اے میں پیش


    منی لانڈرنگ کیس میں سابق صدر آصف علی زداری اور ان کی بہن فریال تالپوروفاقی تحقیقاتی ایجنسی (ایف آئی اے) کی تحقیقاتی کمیٹی کے سامنے پیش ہوئے۔

    ایڈیشنل ڈی جی ایف آئی اے نجف مرزا نے منی لانڈرنگ کیس میں آصف علی زرداری اور فریال تالپور سے 38 منٹ تک پوچھ گچھ کی جس کے دوران مختلف سوالات پوچھے گئے۔

    منی لانڈرنگ کیس میں سابق صدر آصف علی زرداری اور ان کی بہن فریال تالپور نے عدالت سے عبوری ضمانت حاصل کررکھی ہے تاہم آج دونوں ایف آئی اے کی جانب سے چوتھی بار طلب کیے جانے پرپیش ہوئے۔

  • جعلی اکاؤنٹس کیس: آصف علی زرداری اور فریال تالپور ایف آئی اے میں پیش

    جعلی اکاؤنٹس کیس: آصف علی زرداری اور فریال تالپور ایف آئی اے میں پیش

    اسلام آباد : منی لانڈرنگ کیس میں سابق صدر آصف علی زرداری اور ان کی ہمشیرہ فریال تالپور نے ایف آئی اے کے سامنے پیش ہوکر بیان ریکارڈ کرادیا۔

    تفصیلات کے مطابق منی لانڈرنگ کیس میں سابق صدر آصف علی زداری اور ان کی بہن فریال تالپوروفاقی تحقیقاتی ایجنسی (ایف آئی اے) کی تحقیقاتی کمیٹی کے سامنے پیش ہوئے۔

    ایڈیشنل ڈی جی ایف آئی اے نجف مرزا نے منی لانڈرنگ کیس میں آصف علی زرداری اور فریال تالپور سے 38 منٹ تک پوچھ گچھ کی جس کے دوران مختلف سوالات پوچھے گئے۔

    منی لانڈرنگ کیس میں سابق صدر آصف علی زرداری اور ان کی بہن فریال تالپور نے عدالت سے عبوری ضمانت حاصل کررکھی ہے تاہم آج دونوں ایف آئی اے کی جانب سے چوتھی بار طلب کیے جانے پرپیش ہوئے۔

    ایف آئی اے آفس کے بابرمیڈیا سے گفتگو کرتے ہوئے سابق صدر آصف علی زرداری کا کہنا تھا کہ میاں صاحب کے وقت کے بنائے گئے کیسز ہیں۔

    صحافی نے آصف علی زرداری سے سوال کیا کہ میاں صاحب تو خود بھی کیسز میں پیش ہورہے ہیں جس پرانہوں نے جواب دیا کہ اس طرح تو ہوتا ہے ایسے کاموں میں۔

    آصف علی زرداری کے وکیل فاروق ایچ نائیک کا کہنا ہے کہ ایف آئی اے کے کیس میں منی لانڈرنگ کا الزام نہیں ہے۔

    انہوں نے کہا کہ ایف آئی اے کو منی لانڈرنگ کیس میں منگل کوسپریم کورٹ میں رپورٹ جمع کرانی ہے۔

    یاد رہے کہ 25 اگست کو ایف آئی اے نے 35 ارب روپے کی منی لانڈرنگ کے معاملے میں آصف علی زرداری اور فریال تالپور کو چوتھی مرتبہ طلب کیا تھا۔

    منی لانڈرنگ کیس، گواہان کو ہراساں کرنے کا معاملہ

    واضح رہے کہ رواں ماہ 8 اگست کو آئی جی سندھ پولیس نے منی لانڈرنگ کیس کے گواہان کو ہراساں کرنے کا نوٹس لیتے ہوئے محکمہ میں بڑے پیمانے پر اکھاڑ پچھاڑ کی تھی۔

  • آصف زرداری اور فریال تالپورکو ایف آئی اے نے آج چوتھی مرتبہ طلب کرلیا

    آصف زرداری اور فریال تالپورکو ایف آئی اے نے آج چوتھی مرتبہ طلب کرلیا

    اسلام آباد : ایف آئی اے نے جعلی اکاﺅنٹس سے متعلق پوچھ گچھ کیلئے سابق صدر آصف زرداری اور ان کی ہمشیرہ فریال تالپورکو آج چوتھی مرتبہ طلب کرلیا، دونوں کو ایف آئی اے کی جے آئی ٹی میں طلب کیا گیا ہے۔

    تفصیلات کے مطابق منی لانڈرنگ کیس میں ایف آئی اے نے آصف زرداری اور فریال تالپور کو آج بروز پیر27اگست کو طلب کرلیا ہے۔ پی پی رہنماؤں کو بھجوائے گئے نوٹس میں ہدایت دی گئی ہے کہ وہ 27 اگست کو ایف آئی اے ہیڈ کوارٹراسلام آباد میں 35ارب روپے کی منی لانڈرنگ کے معاملے میں پوچھ گچھ کیلئے متعلقہ تفتیشی افسران کے روبرو پیش ہوں۔

    ایف آئی اے ذرائع کا کہنا ہے کہ سابق صدر کے چار میں سے ایک اکاؤنٹ جو زرداری گروپ نامی کمپنی کے نام پر ہے اس کو جعلی بینک اکاﺅنٹس کے لین دین میں استعمال کیا گیا جس کے ثبوت بھی حاصل کرلیے گئے ہیں۔

    واضح رہے کہ کراچی کی بینکنگ عدالت 17 اگست کو منی لانڈرنگ کیس میں آصف زرداری سمیت دیگرملزمان کے ناقابل ضمانت وارنٹ گرفتاری جاری کرچکی ہے، عدالت نے ایف آئی اے کوحکم دیا تھا کہ تمام ملزمان کو 4 ستمبرتک گرفتار کرکے پیش کیا جائے تاہم آصف زرداری نے اسلام آباد ہائی کورٹ سے حفاظتی ضمانت کرارکھی ہے۔

    مزید پڑھیں: منی لانڈرنگ کیس: فریال تالپورنے زرضمانت جمع کرادی

    علاوہ ازیں پی پی رہنماؤں کے وکیل فاروق ایچ نائیک کا کہنا ہے کہ آصف زرداری پر1کروڑ 50لاکھ روپے کی کرپشن، جعل سازی کا الزام مضحکہ خیزہے۔ ایف آئی اے کے کیس میں منی لانڈرنگ کا الزام موجود ہی نہیں۔

  • جعلی اکاؤنٹس کیس ، سابق صدر آصف زاردی اور ان کی ہمشیرہ چوتھی بار طلب

    جعلی اکاؤنٹس کیس ، سابق صدر آصف زاردی اور ان کی ہمشیرہ چوتھی بار طلب

    کراچی : جعلی اکاؤنٹس کیس میں ملوث سابق صدر آصف زاردی اور ان کی ہمشیرہ فریال تالپور کو ایف آئی اے نے چوتھی بار طلب کرلیا گیا جبکہ عدالت نے انور مجید اور عبدالغنی مجید کو 27 اگست تک جسمانی ریمانڈ پر ایف آئی اے کے حوالے کردیا ہے۔

    تفصیلات کے مطابق سندھ منی لانڈرنگ اسکینڈل ایف آئی اے نے سابق صدر آصف زرداری اور فریال تالپور کو چوتھی بار طلب کرلیا، سابق صدر اور ان کی بہن کو 27 اگست پیر کی صبح گیارہ بجے پیش ہونے کے لیے نوٹس جاری کر دئیے گئے۔

    ایف آئی اے کی جےآئی ٹی دونوں سے جعلی اکاؤنٹس سے متعلق پوچھ گچھ کریں گی۔

    اس سے قبل بھی آصف زرداری اور فریال تالپور کو تین بار طلب کیا گیا تھا تاہم دونوں پیش نہیں ہوئے جبکہ سابق صدر اور ان کی ہمشیرہ نے عدالتوں سے ضمانت لے رکھی ہے۔

    دوسری جانب عدالت نے انو ر مجید کو مزید 27 اگست تک جسمانی ریمانڈ پر ایف آئی اے کے حوالے کردیا ہے۔

    مزید پڑھیں : سابق صدرآصف زرداری نے حفاظتی ضمانت حاصل کرلی

    یاد رہے 17 اگست کو کراچی کی بینکنگ عدالت نے منی لانڈرنگ کیس میں ایف آئی اے کی استدعا منظور کرتے ہوئے سابق صدر آصف زرداری سمیت دیگر مفرور ملزمان کے ناقابل ضمانت وارنٹ گرفتاری جاری کیے تھے۔

    ناقابل ضمانت وارنٹ جاری ہونے کے بعد آصف زرداری نے اسلام آباد ہائی کورٹ سے حفاظتی ضمانت حاصل کرلی جب کہ فریال تالپور سمیت کیس کے 4ملزمان نے گرفتاری سے بچنے کے لیے عبوری ضمانت لے رکھی ہے۔

    واضح رہے کہ جعلی بینک اکاؤنٹس کے ذریعے منی لانڈرنگ کرنے کے کیس میں آصف زرداری اور فریال تالپور بھی نامزد ہیں۔

    خیال رہے ایف آئی اے نے ایک رپورٹ میں 3 بینکوں میں 29 جعلی اکاؤنٹس کی نشان دہی کی تھی جن کے ذریعے 35 ارب روپے کی منی لانڈرنگ کی گئی۔

  • فریال تالپور ایف آئی اے کے سامنے پیش نہ ہوئیں، نئی جے آئی ٹی بنانے کی درخواست

    فریال تالپور ایف آئی اے کے سامنے پیش نہ ہوئیں، نئی جے آئی ٹی بنانے کی درخواست

    اسلام آباد : جعلی اکاؤنٹ اور منی لانڈرنگ کیس میں فریال تالپور پیش نہیں ہوئیں، انہوں نے نئی جے آئی ٹی بنانے کی درخواست دے دی، کیس کی آئندہ سماعت پیر کو ہوگی۔

    تفصیلات کے مطابق جعلی اکاؤنٹ اور اربوں روپے کے منی لانڈرنگ کیس میں ایف آئی اے کی جانب سے طلب کیے جانے پر سابق صدر آصف زرداری کی ہمشیرہ اور نو منتخب ایم این اے فریال تالپور ایف آئی اے کے روبرو پیش نہیں ہوئیں، جے آئی ٹی ارکان انتظار کرتے رہے، جونیئر وکیل نے پیشی کیلئے نئی تاریخ کی استدعا کر دی۔

    فریال تالپور کے وکیل فاروق ایچ نائیک کا کہنا ہے کہ منی لانڈرنگ کیس میں فریال تالپورنے ایف آئی اے کے سامنے پیش نہ ہونے کا فیصلہ کیا ہے، فریال تالپور ایف آئی اے سے مکمل تعاون کرناچاہتی ہیں، وہ اثاثوں کی تفصیلات جمع کرانے کے لیے لاڑکانہ میں ہیں۔

    لہٰذا فریال تالپور آج ایف آئی اے میں پیش نہیں ہوں گی،  ایف آئی اے کی تحقیقاتی ٹیم کے سربراہ کی تبدیلی اور نئی جے آئی ٹی تشکیل دینے کیلئے ڈی جی ایف آئی اے کو درخواست بھی دے دی۔

    اس حوالے سے ذرائع نے دعویٰ کیا ہے کہ ایف آئی اے ٹیم نے جے آئی ٹی کو اہم شواہد پیش کردیئے ہیں اور پینتیس ارب میں سے تئیس ارب روپے کی منی ٹریل حاصل کرلی گئی ہے۔

    فریال تالپورکی نئی جے آئی ٹی کی درخواست اور جعلی اکاؤنٹ کیس کی سماعت پیر کو ہوگی جس میں ایف آئی اے کی ٹیم عملدرآمد رپورٹ پیش کرے گی۔ یاد رہے کہ جے آئی ٹی نے آصف زرداری اور فریال تالپور کو اسلام آباد طلب کیاتھا۔

    دوسری جانب آصف زرداری اور فریال تالپورسے متعلق ایف آئی اے کمیٹی کا اجلاس ختم ہوگیا، اجلاس میں دونوں شخصیات کی عدم حاضری پر قانونی مشاورت کی گئی، اجلاس میں فریال تالپور کی جے آئی ٹی سے متعلق درخواست کا بھی جائزہ لیا گیا۔

    اس حوالے سے ذرائع کا کہنا ہے کہ آصف زرداری، فریال تالپور کی عدم حاضری سے متعلق ایف آئی اے نے جواب تیار کرلیا ہے، تحقیقات کے لئے پیش نہ ہونے کا معاملہ سپریم کورٹ بھیجنے کا فیصلہ کرتے ہوئے ایف آئی اے اپنا جواب آئندہ سماعت پر سپریم کورٹ میں جمع کرائے گی، ذرائع کے مطابق سپریم کورٹ کی ہدایات کے بعد ملزمان کی دوبارہ طلبی کا فیصلہ ہوگا۔

  • فریال تالپور نے ایف آئی اے کا چالان چیلنج کردیا

    فریال تالپور نے ایف آئی اے کا چالان چیلنج کردیا

    کراچی: پاکستان پیپلز پارٹی کی رہنما فریال تالپور نے منی لانڈرنگ کیس میں وفاقی تحقیقاتی ایجنسی (ایف آئی اے) کا عبوری چالان سندھ ہائیکورٹ میں چیلنج کردیا۔

    تفصیلات کے مطابق سابق صدر مملکت آصف علی زرداری کی بہن فریال تالپور نے منی لانڈرنگ کے مقدمے میں ایف آئی اے کا عبوری چالان سندھ ہائیکورٹ میں چیلنج کردیا۔

    فریال تالپور کے وکیل نے مؤقف اختیار کیا ہے کہ ایف آئی اے کی ایف آئی آر میں منی لانڈرنگ کا ذکر نہیں۔ چالان میں فریال تالپور کا کوئی کردار واضح نہیں اورالزامات سے ان کا کوئی تعلق نہیں۔

    درخواست میں استدعا کی گئی کہ ایف آئی آر سے کہیں ظاہر نہیں کہ کمیشن یا بدعنوانی کی ہو، لہٰذا ایف آئی اے کے چالان کو غیر قانونی قرار دے کرمعطل کیا جائے۔

    درخواست میں مزید کہا گیا کہ ایف آئی اے کے چالان پر حکم امتناعی جاری کر کے کارروائی کی جائے۔

    خیال رہے کہ الیکشن سے چند روز قبل منی لانڈرنگ کیس میں سابق صدر آصف علی زرداری اور ان کی ہمشیرہ فریال تالپور کو طلب کیا گیا تھا تاہم دونوں نے الیکشن کے بعد تک کی مہلت طلب کی تھی۔

    دو روز قبل فریال تالپور نے 20 لاکھ روپے زرِ ضمانت کے عوض 6 اگست تک حفاظتی ضمانت حاصل کرلی تھی۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • منی لانڈرنگ کیس: فریال تالپورنے زرضمانت جمع کرادی

    منی لانڈرنگ کیس: فریال تالپورنے زرضمانت جمع کرادی

    کراچی : پیپلزپارٹی کی رہنمااور سابق صدر آصف علی زرداری کی ہمشیرہ فریال تالپور نے منی لانڈرنگ کیس میں 20 لاکھ روپے زرِ ضمانت کے عوض ضمانت حاصل کرلی۔

    تفصیلات کے مطابق منی لانڈرنگ کیس میں پیپلزپارٹی کی رہنما فریال تالپورعدالت میں پیش ہوئیں اور انہوں نے بیکنگ کورٹ میں 20 لاکھ روپے زرضمانت جمع کرادیے، ساتھ ہی انہوں نے تحقیقاتی کمیٹی کے سامنے پیش ہونے کے لیے پندرہ روز کی مہلت طلب کرلی۔

    یادرہے کہ سندھ ہائی کورٹ نے چھ روز قبل فریال تالپور کی ضمانت قبل از گرفتاری منظور کی تھی، جس کی مہلت آج ختم ہورہی تھی ، حالیہ ضمانت چھ اگست تک کے لیے منظور کی گئی ہے۔

     سابق صدر آصف علی زرداری کی ہمشیرہ فریال تالپور نے ایف آئی اے کی تحقیقاتی کمیٹی کے سامنے پیش ہونے کے لیے پندرہ روز کی مہلت بھی طلب کی ہے، انہیں آج بینکنگ سرکل کے روبرو پیش ہوناتھا۔

    پیپلزپارٹی کی رہنما کی جانب سے ان کے وکیل فاروق ایچ نائیک نے درخواست جمع کرائی جس میں موقف اختیار کیا گیا کہ فریال تالپور بینکنگ کورٹ میں مصروف ہیں۔

    فریال تالپور کے وکیل کی جانب سے درخواست میں کہا گیا کہ ان کے موکل کو جے آئی ٹی میں پیش ہونے کے لیے کوئی اور تاریخ دی جائے۔

    خیال رہے کہ ایف آئی اے نے آصف علی زرداری اور فریال تالپور کو 11 جولائی کو طلب کیا تھا تاہم دونوں رہنما پیش نہیں ہوئے تھے اور ضمانت حاصل کرلی تھی۔

    واضح رہے کہ 12 جولائی سپریم کورٹ میں مبینہ جعلی اکاؤنٹس سے متعلق ازخود نوٹس کی سماعت کے دوران چیف جسٹس نےکہا تھا کہ آصف زرداری اور فریال تالپور کوالیکشن تک نہ بلایا جائے۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • آصف علی زرداری اورفریال تالپورایف آئی اے میں طلب

    آصف علی زرداری اورفریال تالپورایف آئی اے میں طلب

    کراچی : سابق صدرآصف علی زرداری اور ان کی ہمشیرہ فریال تالپور کو ایف آئی اے نے منی لانڈرنگ کیس میں آج طلب کر رکھا ہے۔

    تفصیلات کے مطابق سابق صدر آصف علی زرداری اور فریال تالپور کو ایف آئی اے نے منی لانڈرنگ کیس کی تحقیقات کے سلسلے میں بیان کے لیے آج طلب کرلیا ہے۔

    انتخابات سے قبل منی لانڈرنگ کیس میں ایف آئی اے حکام کی جانب سے آصف زرداری اور فریال تالپور طلبی کے باوجود پیش نہیں ہوئے تھے۔

    دونوں کی جانب سے فاروق ایچ نائیک ایسوسی ایٹ کے وکلاء نے ایف آئی اے حکام کے سامنے پیش ہوکر درخواست دی تھی۔

    درخواست میں کہا گیا تھا کہ آصف علی زرداری انتخابی سرگرمیوں کی وجہ سے مصروف ہیں، 25 جولائی کے بعد تمام سوالوں کے جواب دیں گے، 2014 کا کیس ہے اور مؤکل کو جولائی 2018 میں طلب کیا گیا، طلبی اس وقت کی جارہی جب انتخابات کا 2 ہفتوں بعد انعقاد ہورہا ہے۔

    فریال تالپور کی جانب سے بھی جواب میں کہا گیا تھا کہ پیپلزپارٹی خواتین ونگ کی سربراہ ہیں اور پی ایس 10لاڑکانہ سے انتخابات میں حصہ لے رہی ہیں، الیکشن مہم کی وجہ سے تمام ریکارڈ جمع کرکے جواب دینا ممکن نہیں ، لہذا جواب داخل کرانے کےلیے 31 جولائی تک مہلت دی جائے، وقت دیں انکوائری میں مکمل تعاون کیا جائے۔

    یاد رہے کہ انتخابات 2018 میں حصہ لینے کی وجہ سے سپریم کورٹ نے آصف علی زرداری اور فریال تالپور کو الیکشن تک مہلت دی تھی۔


    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • منی لانڈرنگ کیس، فریال تالپور کی 6 روزہ حفاظتی ضمانت منظور

    منی لانڈرنگ کیس، فریال تالپور کی 6 روزہ حفاظتی ضمانت منظور

    لاڑکانہ: منی لانڈرنگ کیس میں پی پی رہنما فریال تالپور کی 6 روزہ حفاظتی ضمانت منظور کرلی گئی اور ایف آئی اے کیس میں فریال تالپور کو 29جولائی کوپیش ہونے کی ہدایت بھی کی۔

    تفصیلات کے مطابق سابق صدر آصف زرداری کی بہن فریال تالپور وکلا کے ساتھ قبل ازضمانت گرفتاری کیلئے ہائی کورٹ بینچ پہنچیں
    جہاں ان کے وکیل فاروق ایچ نائیک نے درخواست ضمانت دائر کی۔

    درخواست میں کہا گیا کہ آصف زرداری وفریال تالپورالیکشن میں حصہ لے رہے ہیں، ایف آئی اے کا کیس بدنیتی پرمبنی اور انتقامی کارروائی ہے اور الیکشن سے دوررکھنے کی سازش کی جارہی ہے۔

    ہائی کورٹ بینچ نے پیپلزپارٹی کی رہنما کے موقف کو تسلیم کرتے ہوئے ان کی 6 روزہ حفاظتی ضمانت منظور کرلی اور ایف آئی اے کیس میں فریال تالپور کو29 جولائی کوپیش ہونے کی ہدایت بھی کی۔


    مزید پڑھیں : ایف آئی اے نے آصف زرداری اور فریال تالپور کو مفرور قرار دے دیا


    گزشتہ روز وفاقی تحقیقاتی ایجنسی (ایف آئی اے) نے منی لانڈرنگ کیس میں گرفتار نجی بینک کے سربراہ حسین لوائی کے خلاف چالان جمع کرایا جس میں آصف زرداری اور فریال تالپور کو مفرور ملزم قرار دیا گیا تھا۔

    کیس چالان کے مطابق مفرور افراد کی فہرست میں آصف علی زرداری اور فریال تالپور کا نام 19 اور 20 ویں نمبر پر درج کیا گیا۔

    یاد رہے کہ اسی کیس میں ایف آئی اے اور سپریم کورٹ نے آصف زرداری اور ان کی ہمشیرہ فریال تالپور کو طلب کیا تھا تاہم دونوں شخصیات نے اپنے وکلا کے ذریعے جواب جمع کرایا تھا ۔

    جس میں سابق صدر آصف علی زرداری اور فریال تالپور نے ایف آئی ا ے سے پیش ہونے کیلئے الیکشن کے ایک ہفتے بعد کا وقت مانگ لیا تھا اور جواب میں کہا تھا کہ آصف علی زرداری انتخابی سرگرمیوں کی وجہ سے مصروف ہیں، 25جولائی کے بعد تمام سوالوں کے جواب دیں گے۔

    سپریم کورٹ نے ایف آئی اے کو دونوں شخصیات کو الیکشن تک طلب کرنے سے روک دیا ہے۔

    خیال رہے کہ فریال تالپور سندھ اسمبلی کے حلقہ پی ایس 10 لاڑکانہ ون سے الیکشن لڑ رہی ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔