امریکہ : ہالی ووڈ باکس آفس پر فاسٹ اینڈ فیورس سیون کا راج برقرار ہے، فلم نے باکس آفس پر تہلکا مچادیا۔
فاسٹ فیورس سیون کی تیز رفتاری نے باکس آفس پر سب کو پیچھے چھوڑدیا، آنجہانی پال واکر کی آخری فلم نے باکس آفس پر کامیابی کے جھنڈے گاڑ دئیے۔
ایکشن سے بھرپور فلم نے پچھلے ہفتے باکس آفس پر چھ کروڑ چھ لاکھ ڈالر کا بزنس کیا تھا، دو ہفتوں کے دوران فلم اب تک پچیس کروڑ پچیس لاکھ ڈالر کماکر فاسٹ اینڈ فیورس سیریز کی سب سے زیادہ منافع کمانے والی فلم بن چکی ہے۔
باکس آفس پر دوسری پوزیشن حاصل کی اینیمیٹڈ فلم ہوم نے جس نے ایک کروڑ نوے لاکھ ڈالر کمائے، تیسرے نمبر پر تھرل سے بحرپور فلم دی لونگسٹ رائڈ رہی، جس نے ایک کروڑ پینتیس لاکھ ڈالر کا بزنس کیا ۔
