اندور: بھارتی کرکٹر روہت شرما نے سری لنکا کے خلاف ٹی ٹوئنٹی انٹرنیشنل میچ میں تیز ترین سنچری کا ریکارڈ برابر کردیا۔
تفصیلات کے بھارت کے شہر اندور میں کھلیے جانے والے دوسرے ٹی ٹوئنٹی میں بھارتی بلے باز روہت شرما نے سری لنکا کے خلاف تیزترین سنچری کا ریکارڈ برابر کردیا۔
بھارتی کرکٹر روہت شرما نے سری لنکا کے خلاف 35 گیندوں پر تیزترین سنچری بنادی، انہوں نے مجموعی طور پر 43 گیندوں پر 10 چھکوں اور 12 چوکوں کی مدد سے 118 رنز اسکور کیے۔
روہت شرما سے قبل رواں برس جنوبی افریقہ کے کرکٹر ڈیوڈ ملر نے بنگلہ دیش کے خلاف 35 ہی گیندوں پر ٹی ٹوئنٹی میں تیزترین سنچری کا ریکارڈ بنایا تھا۔
بھارت نے سری لنکا کو ٹی ٹوئنٹی میچ میں جیتنے کے لیے 261 رنز کا ہدف دیا تھا جس کے جواب میں سری لنکا کی ٹیم 172 رنز ہی بناسکی۔
خیال رہے کہ گزشتہ سال ویسٹ انڈیز مں بھارتی کرکٹر کیل راہول نے ٹی ٹوئنٹی میچ میں 46 گیندوں پر سنچری اسکور کی تھی۔
یاد رہے کہ ٹی ٹوئنٹی سیریز سے قبل روہت شرما نے سری لنکا کے خلاف ایک روزہ میچوں کی سیریز میں ڈبل سنچری اسکور کی تھی۔
