ARYNews.tv | Urdu – Har Lamha Bakhabar

Tag: FATA

  • وزیر اعظم کی قبائلی اضلاع کے ترقیاتی فنڈز فوری جاری کرنے کی ہدایت

    وزیر اعظم کی قبائلی اضلاع کے ترقیاتی فنڈز فوری جاری کرنے کی ہدایت

    اسلام آباد: وزیر اعظم شہباز شریف نے انضمام شدہ فاٹا اضلاع کے لیے فوری طور پر ترقیاتی فنڈز جاری کرنے کی ہدایت کرتے ہوئے کہا ہے کہ حکومت ملک بھر کے معاشی طور پر کمزور علاقوں کی ترقی کے لیے اقدامات کر رہی ہے۔

    تفصیلات کے مطابق وزیر اعظم سے انضمام شدہ فاٹا اضلاع کے ارکان، قومی اسمبلی کے پانچ رکنی وفد کی ملاقات ہوئی، وفد میں محسن داوڑ اور علی وزیر بھی شامل تھے۔

    وفد نے وزیر اعظم شہباز شریف کو متعلقہ حلقوں کے مسائل اور جاری ترقیاتی منصوبوں کے بارے میں آگاہ کیا، وزیر اعظم نے انضمام شدہ فاٹا اضلاع کے لیے فوری طور پر ترقیاتی فنڈز جاری کرنے کی بھی ہدایت کی۔

    وزیر اعظم کا کہنا تھا کہ متعلقہ اسکیموں کے لیے فنڈز کی منظوری ای سی سی و دیگر فورمز سے جلد کروائی جائے، حکومت انضمام شدہ فاٹا اضلاع کی ترجیحی بنیادوں پر ترقی کے لیے پر عزم ہے۔

    انہوں نے مزید کہا کہ حکومت ملک بھر کے معاشی طور پر کمزور علاقوں کی ترقی کے لیے اقدامات کر رہی ہے۔

  • قبائلی علاقوں کا کے پی کے سے انضمام آج مکمل ہو گیا: شاہ فرمان

    قبائلی علاقوں کا کے پی کے سے انضمام آج مکمل ہو گیا: شاہ فرمان

    پشاور: گورنر  خیبر پختون خوا، شاہ فرمان نے کہا ہے کہ  قبائلی علاقوں کا کے پی کے سے انضمام آج مکمل ہو گیا۔

    ان خیالات کا اظہار انھوں نے اے آر وائی نیوز کے پروگرام سوال یہ ہے میں خصوصی گفتگو کرتے ہوئے کیا.

    انھوں نے کہا کہ قبائلی علاقہ جات کے سینیٹرز کے پاس اختیارات نہیں تھے، قبائلی علاقوں کے سینیٹرز بجٹ کے لئے آواز نہیں اٹھا سکتے تھے، جو چیز پانچ سال میں ہونا تھی، وہ ہم نے پانچ ماہ میں مکمل کی.

    گورنر شاہ فرمان نے کہا کہ ہم نے قبائلی علاقہ جات کی مراعات میں اضافہ کیا ہے، فاٹا میں لینڈ ریکارڈ نہ ہونے سے عدالت فعال نہیں ہوسکتی تھی، لینڈر ریکارڈ سمیت قبائلی علاقوں میں تمام سفر جلدی طےکیا.

    قبائلی اضلاع میں الیکشن: گنتی کا عمل جاری، غیر سرکاری نتائج کا سلسلہ شروع

    انھوں نے کہا کہ قبائلی علاقوں میں ہمارا سفر پرامن انتخابات تک جاری رہا، اللہ کے کرم سے قبائلی علاقوں کا انضمام آج مکمل ہو گیا.

    خیال رہے کہ آج قبائلی علاقوں کی تاریخ میں‌پہلی بار 16 صوبائی اسمبلی کی نشستوں پر انتخابات ہوئے. عوام کی بڑی تعداد نے اس عمل میں حصہ لیا.

    ووٹرز نے پاکستان زندہ باد کے نعرے لگائے اور پاک فوج کو خراج تحسین پیش کیا.

    اس وقت پولنگ کا عمل مکمل ہونے کے بعد گنتی جاری ہے، ساتھ ہی نتائج بھی موصول ہورہے ہیں.

  • فاٹا کے لئے 100 ارب روپے کے بحالی پیکیج کی جلد فراہمی یقینی بنائی جائے: سراج الحق

    فاٹا کے لئے 100 ارب روپے کے بحالی پیکیج کی جلد فراہمی یقینی بنائی جائے: سراج الحق

    لاہور: امیر جماعت اسلامی سراج الحق نے کہا ہے کہ فاٹا کے لئے 100 ارب روپے کے بحالی پیکیج کی جلد فراہمی یقینی بنائی جائے.

    ان خیالات کا اظہار انھوں نے لاہور میں ایک تقریب سے خطاب کرتے ہوئے کیا. امیر جماعت اسلامی کا کہنا تھا کہ حکومت کو فاٹا کی محرومیوں کے ازالے کے لئے جلد عملی اقدام اٹھانے ہوں گے، تاکہ وہ مرکزی دھارے میں شامل ہوں.

    سینیٹر سراج الحق کا کہنا تھا کہ وسائل کی تقسیم میں مرکز صوبوں کوزیادہ حصہ دے، اس سے صوبے مضبوط ہوں گے، صوبوں سے کٹوتی کے بجائے وفاق فاٹا کوترقیاتی فنڈز، بحالی پیکیج دے.

    انھوں نے حکومتی پالیسیوں پر تنقید کرتے ہوئے کہا کہ معاشی پالیسیوں کے باعث عام آدمی مشکلات کا شکار ہے، مہنگائی بڑھ رہی ہے، عوام کا خون نچوڑنے والوں کے خلاف کارروائی کی جائے.

    مزید پڑھیں: مسئلہ کشمیر کے حل سے قبل بھارت کو کوئی سفری رعایت نہ دی جائے، سراج الحق

    یاد رہے کہ گذشتہ دور میں‌ جماعت اسلامی کے پی کے میں پاکستان تحریک انصاف کی اتحادی تھی، البتہ الیکشن سے قبل اس نے عمران خان کی جماعت سے اتحاد ختم کرکے مذہبی جماعتوں کے اتحاد متحدہ مجلس عمل میں شمولیت اختیار کر لی.

    سن 2018 کے الیکشن میں متحدہ مجلس عمل متوقع کامیابی حاصل نہیں کرسکی اور پی ٹی آئی سب سے بڑی جماعت بن کر ابھری.

  • کے  پی میں ضم ہونے والے علاقوں میں بنیادی سہولتوں کی فراہمی یقینی بنائی جائے: وزیر اعظم

    کے  پی میں ضم ہونے والے علاقوں میں بنیادی سہولتوں کی فراہمی یقینی بنائی جائے: وزیر اعظم

    اسلام آباد: وزیر اعظم عمران خان نے کہا ہے کہ کے  پی میں ضم ہونے والے علاقوں میں بنیادی سہولتوں کی فوری فراہمی یقینی بنائی جائے.

    تفصیلات کے مطابق قبائلی علاقوں کے خیبر  پختونخوا میں انضمام سے متعلق وزیراعظم کی جانب اہم فیصلے کیے گئے، وزیراعلیٰ خیبر پختونخوا کو اس ضمن میں ہدایات جاری کر دیں گئیں.

    [bs-quote quote=” قبائلی علاقوں کےعوام سب سے زیادہ دہشت گردی سے متاثرہوئے، تحریک انصاف کی حکومت ان علاقوں کوقومی دھارےمیں لائے گی” style=”style-7″ align=”left” author_name=”وزیر اعظم عمران خان”][/bs-quote]

    وزیر اعظم کا کہنا تھا کہ انضمام شدہ علاقوں میں تعلیم اور صحت سمیت دیگرسہولتیں فراہم کریں، پولیس کی خالی اسامیوں پر بھرتی کا عمل بھی فوری شروع کیا جائے.

    وزیراعظم نے 5 لاکھ افراد کو صحت کارڈ کی سہولت فراہم کرنے کی ہدایت بھی کی، ان کا کہنا تھا کہ فاٹا کے ضم ہونے والے علاقوں میں ہیلتھ کارڈ کا فوری اجرا کیا جائے.

    وزیراعظم نے کہا کہ جنوری کے آخر تک صحت کارڈ کی فراہمی شروع کر دی جائے، ان علاقوں کو قومی دھارےمیں لانا حکومت کی ترجیحات میں شامل ہے.

    مزید پڑھیں: وزیرِ اعظم کا فاٹا میں فوری صوبائی، بلدیاتی انتخابات کرانے کا اعلان

    وزیر اعظم عمران خان کہنا تھا کہ قبائلی علاقوں کےعوام سب سے زیادہ دہشت گردی سے متاثرہوئے، تحریک انصاف کی حکومت ان علاقوں کوقومی دھارےمیں لائے گی.

    یاد رہے کہ 26 نومبر 2018 کو وزیر اعظم نے فاٹا کے علاقے میں بلدیاتی انتخابات کرانے کا اعلان کرتے ہوئے انتظامات کی ہدایت کی تھی۔

  • قبائلی علاقوں میں بلدیاتی انتخابات کی تیاری جاری ہے: شاہ محمود قریشی

    قبائلی علاقوں میں بلدیاتی انتخابات کی تیاری جاری ہے: شاہ محمود قریشی

    ملتان: وفاقی وزیرِ خارجہ شاہ محمود قریشی نے ملتان میں میڈیا سے گفتگو کرتے ہوئے کہا کہ قبائلی علاقوں میں بلدیاتی انتخابات کی تیاری جاری ہے۔

    تفصیلات کے مطابق وزیرِ خارجہ نے کہا کہ پاکستان نے دہشت گردی کے خلاف آپریشنز کر کے قبائلی علاقوں کو صاف کیا، حکومت نے فاٹا کی خیبر پختونخوا میں انضمام کا فیصلہ کیا۔

    [bs-quote quote=”فاٹا میں انگریز کے کالے قانون کو ختم کرنے کا فیصلہ کیا۔” style=”style-7″ align=”left” color=”#dd3333″ author_name=”شاہ محمود قریشی”][/bs-quote]

    شاہ محمود قریشی نے کہا کہ قبائلی علاقوں میں سپریم کورٹ کی رِٹ کونافذ کیا گیا ہے، فاٹا میں انگریز کے کالے قانون کو ختم کرنے کا فیصلہ کیا، اب سیاسی ڈھانچے کو دوبارہ استوار کر رہے ہیں۔

    وزیر خارجہ نے مزید کہا کہ قبائلی علاقوں میں ترقی اور کھیلوں کی سرگرمیوں کو فروغ دیا جا رہا ہے، پس ماندگی ختم کرنے کے لیے زیادہ حصہ دیا جائے گا۔

    شاہ محمود کا کہنا تھا کہ ٹرمپ نے افغانستان میں قیام امن کے لیے پاکستان کے کردار کو تسلیم کیا، امریکی صدر نے افغان مفاہمتی عمل میں پاکستان سے تعاون مانگا۔ پاکستان افغان مفاہمتی عمل میں مدد کرنے کو تیار ہے۔

    یہ بھی پڑھیں:  پاک امریکا تعلقات میں‌ جلد بہتری کا امکان ہے، قریشی

    وزیر خارجہ شاہ محمود قریشی نے کہا کہ کشمیر کے مسئلے پر قوم اور سیاسی قوتیں متفق ہیں، کشمیر پر کسی قسم کا اختلاف رائے نہیں ہے، افغانستان کی ترقی اور تعمیرِ نو کے لیے امن ضروری ہے۔

    انھوں نے کہا کہ کشمیرکامسئلہ نیا نہیں، پاکستان کا مؤقف بھی نیا نہیں ہے، ہر فورم پر کشمیریوں کے حق خود ارادیت کے لیے آواز اٹھائی ہے، اقوام متحدہ ہیومن رائٹس کمشنر نے جون میں اپنی رپورٹ شائع کی، یہ رپورٹ پاکستان کے مؤقف کی تائید کر رہی ہے۔

    شاہ محمود قریشی نے کہا کہ آل پارٹیز پارلیمنٹری گروپ میں بھی پاکستانی مؤقف کی نشان دہی کی گئی، بھارت میں ان کی خارجہ پالیسی کے خلاف آوازیں بلند ہو رہی ہیں۔

  • پختونخواہ نے تعلیم کے میدان میں ترقی کی: صدر عارف علوی

    پختونخواہ نے تعلیم کے میدان میں ترقی کی: صدر عارف علوی

    پشاور: صدر مملکت ڈاکٹر عارف علوی کا کہنا ہے کہ خیبر پختونخواہ نے تعلیم کے میدان میں 10، 15 سال میں ترقی کی ہے۔ پختونخواہ میں تعلیم کے میدان میں اہم کام کیے گئے۔

    تفصیلات کے مطابق صدر مملکت ڈاکٹر عارف علوی نے نیوز کانفرنس کرتے ہوئے کہا کہ آئینی ذمہ داری کے بعد پشاور کا دورہ کر رہا ہوں، تمام صوبوں کے درمیان تعلقات پیدا کرنا میری ذمہ داری ہے۔

    انہوں نے کہا کہ فاٹا کو خیبر پختونخواہ میں ضم کرنے کے لیے کردار ادا کیا، فاٹا کو ضم کرنا کوئی آسان کام نہیں اس میں کچھ وقت لگتا ہے۔ خیبر پختونخواہ نے تعلیم کے میدان میں 10، 15 سال میں ترقی کی ہے۔ پختونخواہ میں تعلیم کے میدان میں اہم کام کیے گئے۔

    صدر مملکت کا کہنا تھا کہ فاٹا کا انضمام قانونی اعتبار سے ہوگیا لیکن مسائل پر توجہ دینا ہوگی۔ فاٹا کے لوگوں نے بھی بڑی قربانیاں دی ہیں۔ فاٹا میں مزید 30 ہزار لوگوں کو روزگار دیا جائے گا۔

    انہوں نے کہا کہ پاکستان اور پختونخواہ کا قانون سابق فاٹا میں پہنچانا فوری کام ہے، دہشت گردی کے خلاف پختونخواہ نے بہت نقصان برداشت کیا ہے۔ فاٹا میں لوگوں کو دوبارہ آباد کرنا بہت بڑا کام تھا۔

    صدر عارف علوی کا کہنا تھا کہ پاکستان کے پاس دہشت گردی کے خلاف وسیع تر تجربہ موجود ہے۔ مسائل کا سامنا ہے لیکن مشکلات جلد حل ہوجائیں گی، این ایف سی کے تحت فاٹا کے لیے 3 فیصد اور پختونخواہ کی گرانٹ بڑھائی جائے گی۔

    انہوں نے کہا کہ جنوبی پنجاب صوبے کا قیام آسان نہیں لیکن اس پر کام ضرور ہوگا، کراچی میں انفرا اسٹرکچر نہیں لیکن عمارتیں بنتی گئیں۔ سابق فاٹا میں لیویز اور خاصہ دار فورس کا کوئی اہلکار بے روزگار نہیں ہوگا، پختونخواہ سیاحت کے لحاظ سے بہترین ہے۔

    صدر کا کہنا تھا کہ بغیر پلاننگ تعمیرات کی اجازت دی تو سیاحت تباہ ہوجائے گی، ورلڈ بینک سے مل کر ٹورازم پالیسی بنالی ہے۔ پختونخواہ میں سیاحت کے لیے وسائل فراہم کرنا ہوں گے۔ بلین ٹری سونامی گلوبل وارمنگ کے لحاظ سے بہترین پروجیکٹ ہے۔

  • وزیرِ اعظم کا فاٹا میں فوری صوبائی، بلدیاتی انتخابات کرانے کا اعلان

    وزیرِ اعظم کا فاٹا میں فوری صوبائی، بلدیاتی انتخابات کرانے کا اعلان

    اسلام آباد: وزیرِ اعظم عمران خان نے قبائل کے لیے مراعات اور ترقیاتی منصوبوں کے ساتھ ساتھ انضمام شدہ قبائلی اضلاع میں فوری انتخابات کرانے کا اعلان کر دیا۔

    تفصیلات کے مطابق وزیرِ اعظم عمران خان نے قبائل کے لیے مراعات اور ترقیاتی منصوبوں کا اعلان کرتے ہوئے کہا ہے کہ فاٹا میں فوری طور پر صوبائی اور بلدیاتی انتخابات کرائے جائیں گے۔

    [bs-quote quote=”شمالی اور جنوبی وزیرستان میں موبائل نیٹ ورکس کی بحالی کا اعلان، مسجدوں میں بجلی کے لیے سولر پینل نصب کیے جائیں گے۔” style=”style-7″ align=”left” color=”#dd3333″][/bs-quote]

    وزیرِ اعظم کی جانب سے مراعات اور ترقیاتی منصوبوں کے اعلان کے مطابق فاٹا کو صوبوں کی طرف سے این ایف سی کا 3 فی صد حصہ ملے گا۔

    قطر کی جانب سے اعلان کردہ نوکریوں کا بڑا حصہ بھی قبائل کو ملے گا، پولیس اور فرنٹیئر کور میں ملازمتوں کا کوٹہ بھی ڈبل کر دیا جائے گا۔

    وزیرِ اعظم عمران خان نے شمالی اور جنوبی وزیرستان میں موبائل نیٹ ورکس کی بحالی کا بھی اعلان کر دیا ہے، جب کہ مسجدوں میں بجلی کے لیے سولر پینل نصب کیے جائیں گے۔

    یہ بھی پڑھیں:  آئندہ پاکستان کے اندر کسی اور کی جنگ نہیں لڑیں گے، وزیرِ اعظم عمران خان

    وزیرستان کے مختلف علاقوں میں کھیلوں کے میدان بھی بنائے جائیں گے، نوجوانوں کو پیروں پر کھڑا ہونے کے لیے بلا سود قرضے دیے جائیں گے۔

    خیال رہے کہ آج وزیرِ اعظم عمران خان نے چیف آف آرمی اسٹاف جنرل قمر جاوید باجوہ کے ساتھ شمالی وزیرستان کا خصوصی دورہ کیا تھا۔

    وزیرِ اعظم نے اس موقع پر فاٹا میں قائم اضلاع کے لیے ترقیاتی پیکج، یونی ورسٹی اور آرمی کیڈٹ کالج بنانے، قانون نافذ کرنے والے اداروں کی استعدادِ کار بڑھانے کے بھی اعلانات کیے۔ انھوں نے کہا کہ نیا پاکستان بن رہا ہے۔

  • این ایف سی ایوارڈ کا 3 فی صد حصہ جلد از جلد فاٹا کو دیا جائے، فاٹا ارکان کا وزیرِ اعظم عمران خان سے مطالبہ

    این ایف سی ایوارڈ کا 3 فی صد حصہ جلد از جلد فاٹا کو دیا جائے، فاٹا ارکان کا وزیرِ اعظم عمران خان سے مطالبہ

    اسلام آباد: فاٹا ارکانِ قومی اسمبلی نے وزیرِ اعظم عمران خان سے مطالبہ کیا ہے کہ فاٹا کو قومی مالیاتی کمیشن (این ایف سی) ایوارڈ کا تین فی صد فوری طور پر ادا کیا جائے۔

    تفصیلات کے مطابق وزیرِ اعظم عمران خان سے فاٹا کے ارکانِ قومی اسمبلی نے خصوصی ملاقات کی، فاٹا ارکان کے وفد کی قیادت منیر خان اورکزئی کر رہے تھے۔ ملاقات میں گورنر خیبر پختونخوا شاہ فرمان بھی موجود تھے۔

    [bs-quote quote=”فاٹا ارکان نے اسلحے سے متعلق پالیسی کا بھی مطالبہ کر دیا” style=”style-7″ align=”left” color=”#dd3333″][/bs-quote]

    ذرائع کے مطابق ملاقات میں ارکانِ قومی اسمبلی نے فاٹا سے متعلق مطالبات وزیرِ اعظم عمران خان کے سامنے رکھے، وزیرِ اعظم نے فاٹا معاملات پرعمل درآمد کے لیے اقدامات کی یقین دہانی کرائی۔

    فاٹا ارکانِ اسمبلی نے وزیرِ اعظم سے مطالبہ کیا کہ فاٹا کو این ایف سی سے آئینی تحفظ دینے کا میکنیزم تیار کر کے این ایف سی ایوارڈ کا 3 فی صد حصہ جلد از جلد دیا جائے۔

    فاٹا ارکان نے مطالبہ کیا کہ فاٹا کےعوام کی لیے اسلحے سے متعلق بھی پالیسی بنائی جائے۔ خیال رہے کہ گزشتہ حکومت نے اسلحے کی کمرشل امپورٹ کی پالیسی میں ترمیم کی منظوری بھی دے دی تھی۔

    ارکان نے عمران خان سے مطالبہ کیا کہ فاٹا کے علاقوں سے ایم پی ایز کی تعداد 16 سے بڑھا کر 24 کی جائے، اور فاٹا کے لیے ایم این ایز کی موجودہ تعداد کو برقرار رکھا جائے۔

    یہ بھی پڑھیں:  فاٹا کی ترقی کے لیے ہر ممکن اقدامات کیے جائیں گے، وزیراعظم عمران خان

    فاٹا ارکان کا وزیرِ اعظم عمران خان سے یہ بھی مطالبہ تھا کہ اے ڈی پی (سالانہ ترقیاتی پروگرام) کے لیے مختص رقم جلد از جلد جاری کی جائے۔

    خیال رہے کہ چار دن قبل پشاور میں منعقدہ فاٹا ٹاسک فورس اجلاس میں وزیرِ اعظم نے کہا تھا کہ فاٹا کے عوام کو باقی شہریوں کے برابر حقوق حاصل ہیں، فاٹا کی ترقی کے لیے ہر ممکن اقدامات کیے جائیں گے۔

  • فاٹا انضمام کے سلسلے میں قبائلی رسم و رواج کو پیشِ نظر رکھا جائے، وزیرِ اعظم عمران خان

    فاٹا انضمام کے سلسلے میں قبائلی رسم و رواج کو پیشِ نظر رکھا جائے، وزیرِ اعظم عمران خان

    اسلام آباد: وزیرِ اعظم عمران خان کی زیرِ صدارت فاٹا انضمام سے متعلق اجلاس میں وزیرِ اعظم نے متعلقہ حکام کو ہدایت کی ہے کہ انضمام کے سلسلے میں قبائلی رسوم و رواج کو پیشِ نظر رکھا جائے۔

    تفصیلات کے مطابق قبائلی علاقہ جات کے انضمام میں پیش رفت اور انتظامی و قانونی اقدامات کا جائزہ لینے کے لیے وزیرِ اعظم کی زیرِ صدارت اجلاس منعقد ہوا، اجلاس میں فاٹا انضمام اور قبائلی عوام کے حقوق کے تحفظ کے لیے اہم فیصلے کیے گئے۔

    وزیرِ اعظم عمران خان نے ہدایات جاری کرتے ہوئے کہا ’قبائلی رسم و رواج کے پیشِ نظر نئے نظام کا نفاذ قابلِ عمل بنایا جائے، نئے نظام کے اطلاق میں قبائلی عوام کی مشاورت کو بھی یقینی بنایا جائے۔‘

    وزیرِ اعظم نے اجلاس میں متعلقہ انتظامیہ کو فاٹا انضمام کے عمل کے دوران قبائلی علاقوں کے نوجوانوں کے لیے روزگار کی فراہمی کے مزید مواقع کو بھی یقینی بنانے کی ہدایت کی، انھوں نے تاکید کی کہ اس بات کا خصوصی خیال رکھا جائے کہ انتظامی اقدامات کے نتیجے میں کوئی فرد بے روزگار نہ ہو۔

    اجلاس میں عمران خان نے تعلیم کے حوالے سے بھی خصوصی ہدایات جاری کیں، انھوں نے کہا ’بچیوں کے اسکول بہتر بنانے کے لیے جاری کوششیں تیز کی جائیں، خیال رکھا جائے کہ قبائلی علاقوں کے لیے اسکولز، کالجز اور یونی ورسٹیز میں مختص کوٹا متاثر نہ ہو۔‘

    یہ بھی پڑھیں:  وزیرِ اعظم نے قومی شجر کاری مہم میں حصہ لینے والے فاٹا بچوں کی تصاویر شیئر کر دیں

    وزیرِ اعظم نے بلدیاتی نظام کے حوالے سے بھی ہدایت جاری کی کہ سابقہ قبائلی علاقوں میں بلدیاتی نظام رائج کرنے کی کوشش بھی تیز کی جائے، ان کا کہنا تھا کہ ان علاقوں میں جلد از جلد لوکل گورنمنٹ سسٹم کا نفاذ ضروری ہے۔

    انھوں نے یہ ہدایت بھی دی کہ جو قبائلی علاقے ضم ہورہے ہیں ان میں صحت اور تعلیم کے شعبوں کو بہتر بنانے پر بھرپور توجہ دی جائے۔ وزیرِ اعظم نے فوری اور سستے انصاف کی فراہمی کے لیے طریقۂ کار جلد وضع کرنے کے بھی احکامات جاری کیے۔

  • صدارتی انتخاب سے پہلے بڑی کامیابی، فاٹا کے تین سینیٹر پی ٹی آئی میں شامل

    صدارتی انتخاب سے پہلے بڑی کامیابی، فاٹا کے تین سینیٹر پی ٹی آئی میں شامل

    اسلام آباد:‌صدارتی انتخاب سے قبل تحریک انصاف نے  اہم کامیابی حاصل کر لی، فاٹا سے تعلق رکھنے والے تین سینیٹر پی ٹی آئی میں شامل ہوگئے.

    تفصیلات کے مطابق فاٹا کے تین سینیٹر پی ٹی آئی میں شامل ہوگئے، جس سے صدارتی انتخاب میں حکومتی اتحاد مزید مضبوط ہوگیا.

    آج وزیراعظم سے سینیٹراورنگزیب خان، سجاد طوری، مومن آفریدی نے بنی گالا میں ملاقات کی.

    ملاقات میں تینوں سینیٹرزنے عمران خان پر اعتماد کا اظہار کرتے ہوئے پی ٹی آئی میں شمولیت اختیارکی، عمران خان کا تینوں سینیٹرزکی پارٹی میں شمولیت کا خیرمقدم کیا.

    مزید پڑھیں: صدارتی انتخاب میں اپوزیشن سے آگے نکل چکے ہیں: عارف علوی

    واضح رہے کہ پی ٹی آئی کے جانب سے صدارتی انتخاب میں ڈاکٹر عارف علوی  کونامزد کیا گیا ہے. وفاقی وزیر اطلاعات یہ کہہ چکے ہیں کہ پی ٹی آئی کے نمبرز  پورے ہیں اور صدارتی انتخاب میں کوئی دشواری نہیں ہوگی۔

    یاد رہے کہ اپوزیشن عارف علوی کے مقابلے میں‌ متفقہ امیدوار لانے کے لیے سرگرم ہے، اس ضمن میں آج آل پارٹی کانفرنس ہوئی، جس میں فیصلے کیا گیا کہ کل اپوزیشن کے امیدوار کا اعلان کیا جائے گا.