فاٹا :سینیٹ میں فاٹا کی چارنشستوں پر انتخابات مکمل ہوگئے، جس کے بعد کامیاب امیدواروں کے ناموں کا اعلان کردیا گیا ہے۔
سینیٹ میں فاٹا کی نشستوں پر انتخابات مکمل ہوگئے، اورنگزیب اورکزئی اور تاج محمد آفریدی نے سات سات ووٹ لئے، مومن خان اور سجاد طوری نے چھ چھ ووٹ لیکر کامیابی حاصل کی۔
فاٹا کی چار نشتوں پر چھتیس امیدوار مدمقابل تھے، انتخابات کے عمل میں فاٹا کے چھ اراکین قومی اسمبلی نے فاٹا کے ایک رکن محمد نذیر خان کو بھی ووٹ پول کرنے پر راضی کیا، جس پر پی ٹی آئی سمیت مختلف اراکین نے انتخابی عمل کا بائیکاٹ کیا۔
ریٹرننگ افسر نے نتائج کا اعلان کرکے نتائج کی کاپیاں کامیاب امیدواروں کو فراہم کردیں ہیں، فاٹا سینیٹ انتخابات کے ساتھ ہی ایوان بالامیں خالی ہونے والی باون نشستوں پر انتخاب کاعمل مکمل ہوگیا ہے۔
بائیکاٹ کرنے والوں میں مولانا جمال الدین (جے یو آئی ف)، شہاب الدین، غالب خان (مسلم لیگ ن) اور پاکستان تحریک انصاف کے قیصر جمال شامل ہیں۔
واضح رہے کہ فاٹا سے سینیٹ کی نشستوں پر 5 مارچ کو ہونے والا انتخاب صدارتی حکم نامے سے پھیلنے والے ابہام کے باعث ملتوی کر دیا گیا تھا اور الیکشن کمیشن نے اس حکم نامے کے تحت انتخابات کرانے سے معذرت کرلی تھی۔
