راولپنڈی: آرمی چیف جنرل قمر جاوید باجوہ نے کہا ہے کہ ریاست دہشت گردی و شدت پسندی کے مکمل خاتمے کے لیے پرعزم ہے، امن کے لیے بھاری قیمت ادا کی اب اسے کھونے نہیں دیں گے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے ان خیالات کا اظہار فاٹا یوتھ جرگہ سے ملاقات کے موقع پر گفتگو کرتے ہوئے کیا، آرمی چیف نے فاٹا کے پی میں انضمام پر یوتھ جرگے کو مبارکباد پیش کی۔
آرمی چیف نے کہا کہ فاٹا انضمام سے دیرپا امن و استحکام و سماجی ترقی کی رفتار تیز ہوگی، فاٹا سے دہشت گردی کے خاتمے میں بڑی کامیابیاں ملی ہیں۔
“You, the youth, is future of Pakistan. Please come forward and play your positive role. Be aware of inimical forces trying to create / exploit faultlines. Stay united and steadfast. We have to rise, IA we shall”, COAS. pic.twitter.com/5t67MlqQWa
— Maj Gen Asif Ghafoor (@OfficialDGISPR) May 28, 2018
آئی ایس پی آر کے مطابق آرمی چیف نے دہشت گردی کے خاتمے کے لیے نوجوانوں کے عزم کو سراہا، قمر جاوید باجوہ نے کہا کہ فاٹا میں جمہوری سرگرمیوں کے فروغ کے لیے مثبت کوششیں جاری ہیں جبکہ جرگے نے امن، استحکام و سماجی ترقی کے لیے پاک فوج کی کاشوں کی تعریف کی۔
آرمی چیف سے ملاقات میں شریک فاٹا یوتھ جرگہ وفد کے شرکا کا کہنا تھا کہ آج کا دن پاکستان کے لیے کسی آزادی سے کم نہیں ہے، فاٹا کے کے پی میں انضمام پر آرمی چیف جنرل قمر جاوید باجوہ کا شکریہ ادا کرتے ہیں کہ انہوں نے چند ماہ پہلے جو عوام سے وعدہ کیا تھا وہ پورا کیا۔
COAS congrats brave tribes of erstwhile FATA on its mainstreaming through merger in KP. This shall facilitate bringing enduring peace, stability and socio-economic development in the area. pic.twitter.com/B7Ge8aux3a
— Maj Gen Asif Ghafoor (@OfficialDGISPR) May 28, 2018
وفد میں شریک خاتون کا کہنا تھا کہ ہم آرمی چیف کے شکر گزار ہیں کہ انہوں نے ہمارا ساتھ دیا، آرمی چیف نے فاٹا کو کے پی میں ضم کرکے ستر سال بعد جو تاریخ رقم کی ہے ہم ساری زندگی ان کے احسان مند رہیں گے۔
