Tag: Fawad Chaudhry

اسلام آباد  : وفاقی وزیر اطلاعات فواد چوہدری کا کہنا ہے کہ اشرف غنی نے وزیراعظم کی تجویز نہ مانی اور حالات سب کے سامنے ہیں، ہم چاہتےہیں افغانستان میں حالات مستحکم رہیں۔

تفصیلات کے مطابق وفاقی وزیر اطلاعات فواد چوہدری نے اپبے بیان میں کہا کہ افغان معاملے پر پاکستان کی تجویز کوپہلےبھی نہیں سنا گیا تھا، وزیراعظم نے  اشرف غنی کو الیکشن نہ کرانے کی تجویز دی تھی، اشرف غنی نے وزیراعظم کی تجویز نہ مانی اور حالات سب کے سامنے ہیں۔

فواد چوہدری کا کہنا تھا کہ افغان مہاجرین ابھی پاکستان میں داخل نہیں ہوئے، افغانستان میں ایسی صورتحال نہیں کہ لوگ چھوڑکرنکل جائیں، ہم چاہتے ہیں، افغانستان میں حالات مستحکم رہیں۔

وفاقی وزیر نے مزید کہا کہ طالبان پر اثر و رسوخ ہےلیکن کنٹرول نہیں ہے، کوشش کررہے ہیں کابل ایئرپورٹ جلد کھل جائے۔

یاد رہے وفاقی وزیر برائے اطلاعات و نشریات فواد چوہدری نے غیر ملکی نشریاتی ادارے کو انٹرویو دیتے ہوئے کہا تھا کہ پاکستان نے طویل عرصہ افغانوں کے ساتھ کام کیا ہے، سنہ 1988 میں روس افغانستان سے نکلا تو بہت سے مسائل رہ گئے تھے، اب امریکا اور نیٹو افواج نے افغانستان سے تیزی سے انخلا کیا ہے.

فواد چوہدری کا کہنا تھا کہ پاکستان افغانستان کے معاملے پر گہری نظر رکھے ہوئے ہے، پاکستان 35 لاکھ افغان مہاجرین کی میزبانی کر رہا ہے۔ افغانستان کی صورتحال کے باعث مخلوط حکومت ضروری ہے۔

اسلام آباد : وزیراطلاعات فواد چوہدری کا کہنا ہے کہ وزیراعظم نے کابینہ کو افغانستان کی صورتحال پر اعتماد میں لے لیا ہے ، طالبان کوتسلیم کرنےکافیصلہ تنہا نہیں بلکہ دوست ممالک سے ملکر کرنا چاہتے ہیں۔

تفصیلات کے مطابق وفاقی وزیراطلاعات فواد چوہدری نے وفاقی کابینہ کے اجلاس کے بعد میڈیا بریفنگ دیتے ہوئے کہا کہ کابینہ نےقوم سے کئےگئے وعدوں کی تکمیل کیلئے اقدامات کئے ہیں اور مضبوط اور مستحکم پاکستان کے وعدے پر کاربند ہیں۔

فواد چوہدری کا کہنا تھا کہ وزیراعظم نے کابینہ کو افغانستان کی صورتحال پر اعتماد میں لیا اور کل قومی سلامتی کمیٹی کےاجلاس کے فیصلوں سے بھی کابینہ کو آگاہ کردیا ہے ، طالبان کو تسلیم کرنےکافیصلہ عالمی اور علاقائی طاقتوں سے ملکر کریں گے ، طالبان کوتسلیم کرنےکافیصلہ تنہا نہیں بلکہ دوست ممالک سے ملکر کرنا چاہتے ہیں۔

وفاقی وزیراطلاعات نے مزید کہا کہ افغانستان کےاندر موجود گروہوں اور دوستوں سے رابطے میں ہیں، قابل اطمینان بات ہے کہ افغانستان میں آنیوالی تبدیلی سے خون نہیں بہا اور عوام کا نقصان بہت کم ہوا، کابل میں قائم رجیم سےتوقع ہےوہ بین الاقوامی قوانین کی پاسداری کرے گی، اشرف غنی کو بھی مشورہ دینے کی کوشش کہ اکیلے حکومت نہیں کرسکتے۔

یکساں نصاب کے حوالے سے ان کا کہنا تھا کہ ایک تعلیمی نصاب پر وزیراعظم نے شفقت محموداورانکی ٹیم کومبارکباددی، خوشی ہے کہ پہلی بار مدرسوں میں مارڈرن سلیبس پڑھایا جائے گا۔

فواد چوہدری نے بتایا کہ 2 دن پہلے وزیراعظم عمران خان کی ترک صدر سے بات ہوئی اور کل وزیر خارجہ کی امریکی وزیر خارجہ سے بات ہوئی۔

اسپورٹس فیڈریشن کے حوالے سے وفاقی وزیر نے کہا کہ اسپورٹس فیڈریشن اپنا کام نہیں کررہی، ازسرنو دیکھنے کی ضرورت ہے، اسپورٹس کے انفراسٹرکچر کو  تبدیل کیاجائےگا، ہماری ہاکی ٹیم بھی اولمپکس کیلئے کوالیفائی نہیں کرپائی، حکومت کا ایسوسی ایشنز پر کوئی کنٹرول نہیں ہوتا، نظام کو بدلنے کیلئے  وزیراعظم نے ہدایت کی ہے ، کھیلوں پر نئی پالیسی لیکر آئیں گی۔

ان کا مزید کہنا تھا کہ اسلام آباد پولیس کا سیکیورٹی خرچہ 954 ملین روپےاور اسلام آبادمیں عدلیہ پر 304ملین روپے خرچ آتاہے جبکہ وزیراعظم، وزرا اور معاونین  پر 454 ملین خرچ ہوتے ہیں، اس کے علاوہ وزیراعظم ہاؤس کے اخراجات پچھلے ادوار سےآدھےسےبھی کم ہیں، وزیراعظم نے اپنے گھر کی سڑک ، گھر کے اردگرد سیکیورٹی نیٹ بھی ذاتی خرچے پر بنائی ۔

ویکسینیشن سے متعلق فواد چوہدری نے کہا کہ 68 فیصد اسکولوں کے اساتذہ،اسٹاف کی ویکسی نیشن مکمل ہوچکی ہے جبکہ کالجز اوریونیورسٹیز میں کافی حد تک ویکسی نیشن ہوچکی ہے اور وزارت انفارمیشن میں بھی 97فیصد ملازمین ویکسین لگواچکے ہیں۔

اسلام آباد : وفاقی وزیر اطلاعات فواد چوہدری کا کہنا ہے کہ پاکستان، فوج کیخلاف ٹرینڈ چلانے والے آج افغانستان کی صورتحال سے آنکھیں چرارہے ہیں، افغان حکمرانوں نےعشروں ملک لوٹا ، وسائل ادارے بنانے پر نہیں لگائے، نتیجہ آج سامنے ہیں۔

تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا ہے کہ پاکستان میں بیٹھ کرپاکستان،فوج کےخلاف ٹرینڈچلانے والے آج افغانستان کی صورتحال سے آنکھیں چرارہےہیں، عوام تب محفوظ ہوتے ہیں جب ادارے مضبوط ہوں ہمیں اللہ کا شکر کرنا چاہیے،
پاک فوج و دیگر ادارے تسبیح جیسی ترتیب میں ہمارے گرد حصار بنائے ہوئے ہیں۔

پاکستان میں بیٹھ کر پاکستان اور فوج کے خلاف ٹرینڈز چلانے والے اور ان کا دفاع کرنیوالے آج افغانستان کی صورتحال سے آنکھیں چرارہے ہیں،عوام صرف تب محفوظ ہوتی ہے جب ادارے مضبوط ہوں ہمیں اللہ کا شکر کرنا چاہئے کہ پاک فوج اور دیگر ادارے تسبیح جیسی ترتیب میں ہمارے گرد حصار بنائے ہوئے ہیں

— Ch Fawad Hussain (@fawadchaudhry) August 14, 2021

فوادچوہدری کا کہنا تھا کہ افغان حکمرانوں نےعشروں ملک لوٹاوسائل ادارے بنانے پر نہیں لگائے، افغان حکمرانوں نےذاتی تجوریاں بھریں ، نتیجہ ہے کہ آج افغانستان کا دفاعی حصارریت کی دیوار ثابت ہواہے،ہمیں آزادی کی قدر اور ملک کی اہمیت سے روشناس رہنا چاہیے، ہمیں جھوٹے پراپیگنڈوں سےبھی ہوشیاررہنا چاہیے۔

افغانستان کے حکمرانوں نے عشروں ملک کو لوٹا وسائل ادارے بنانے پر نہیں لگائے بلکہ ذاتی تجوریاں بھریں اس کا نتیجہ ہے کہ آج ان کا دفاعی حصارریت کی دیوار ثابت ہوا ہے، ہمیں آزادی کی قدر اور ملک کی اہمیت سے روشناس رہنا چاہئے، اور جھوٹے پراپیگنڈوں سے ہشیار بھی رہنا چاہئے

— Ch Fawad Hussain (@fawadchaudhry) August 14, 2021