Tag: Fawad Chaudhry

اسلام آباد کچہری نے سابق وفاقی وزیر فواد چوہدری کا  2 روزہ روزہ جسمانی ریمانڈ منظور کرلیا۔

تفصیلات کے مطابق سابق وفاقی وزیر فواد چوہدری کی گرفتاری کے بعد آج انہیں پولیس سیکیورٹی میں ڈسٹرکٹ جوڈیشل کمپلیکس لایا گیا، اسلام آباد پولیس نے فوادچوہدری کو سول جج محمد عباس کی عدالت میں پیش کیا۔

فواد چوہدری نے عدالت میں کہا کہ جو حالات ہیں، اگر عدالت مجھے اس ایف آئی آر کو خارج کر دے تو بھی کسی اور ایف آئی آر میں گرفتار کیا جائے گا۔

انہوں نے کہا کہ  میری میڈیکل چیک اپ کرایا جائے، حراست کے دوران مجھے بیگم بچوں سے ملاقات کی اجازت دی جائے، جو حالات چل رہے ہیں، باہر آنا ٹھیک نہیں ہے۔

پراسیکیوٹر کی جانب سے فواد چوہدری کے خلاف درج ایف آئی آر پڑھ کر سنائی گئی، مقدمے کے متن کے مطابق جب فواد چوہدری وزیر تھے اس وقت لین دین میں دھوکا دیا گیا۔

وکیل نے بتایا کہ فواد چوہدری کے خلاف 50 لاکھ روپے کے پلاٹ کی لین دین کا معاملہ ہے، ایف آئی آر کے مطابق معاملہ 2021 کا ہے  اب جا کر عمل درآمد کرایا گیا۔

فواد چوہدری کے وکیل نے عدالت سے ایف آئی آر خارج کرنے کی استدعا کی تاہم عدالت نے ایف آئی آر خارج کرنے کی استدعا مسترد کرتے ہوئے 2 روزہ جسمانی ریمانڈ منظور کرلیا۔

لاہور : پی ٹی آئی رہنما فواد چوہدری کا کہنا ہے کہ آئین کے تحت سپریم کورٹ کا فیصلہ حتمی ہے، کوئی حکومت سپریم کورٹ کے فیصلے کو ماننے سے انکار نہیں کرسکتی۔

تفصیلات کے مطابق تحریک انصاف کے رہنما فواد چوہدری نے عدالت میں پیشی کے موقع پر میڈیا سے گفتگو کرتے ہوئے بتایا کہ زمان پارک پر حملہ ہوا آئی جی اور وزیراعلیٰ کے حکم پر ظل شاہ کو اغواکرکے قتل کیا گیا اور انہوں نے ظل شاہ کے قتل کا پرچہ ہم پر کردیا، یہ مذاق آپ کے سامنے ہے، ہم قائدین پر پریس کانفرنس کرنے پر پرچہ دیا گیا۔

فواد چوہدری کا کہنا تھا کہ ن لیگ کی سپریم کورٹ پر حملہ کرنے کی تاریخ رہی ہے، سپریم کورٹ کے فیصلے ضروری نہیں ہر بار ٹھیک ہوں گے لیکن یہ سمجھنا ہے یہ فیصلہ فائنل ہے۔

پی ٹی آئی رہنما نے کہا کہ آئین کے تحت سپریم کورٹ کا فیصلہ حتمی ہے، کوئی حکومت سپریم کورٹ کے فیصلے کو ماننے سے انکار نہیں کرسکتی، پاکستان میں عدالتوں کا نظام ہی مذاق بنا لیا ہے، پاکستانیوں کا اعتماد اٹھ رہا تھا۔

ان کا کہنا تھا کہ 90دن کے اندر الیکشن ہونے ہیں لیکن حکومت چاہتی ہے جب تک مثبت نتیجہ نہیں آئے گا وہ الیکشن نہیں کرائے گی، موجودہ حکومت الیکشن سے بھاگ رہی ہے۔

فواد چوہدری نے مزید کہا کہ اظہر صدیق کے گھر پر رات کو حملہ ہوا ،اس کی شدید مذمت کرتا ہوں، اظہر صدیق کو ڈرانے کی کوشش کی جارہی ہے لیکن وہ نہیں ڈریں گے۔

پی ٹی آئی رہنما کا کہنا تھا کہ ملک میں آئین و حقوق بحال ہوں گے،آج کل سپریم کورٹ میں تاریخی کیسز کی سماعت ہوگی، حکومتی مشینری سپریم کورٹ کے خلاف کام کررہی ، سپریم کورٹ پر ن لیگ کے حملوں کی تاریخ پرانی ہے لیکن آج پوری وکلابرادری سپریم کورٹ کے پیچھے کھڑی ہے۔

انھوں نے کہا کہ سپریم کورٹ کےججز اختلافات کے باوجود بھی یہ نہیں کہہ رہےکہ الیکشن آگے ہوں گے، اگر سپریم کورٹ کے فیصلے پر عمل نہیں ہوتا تو سپریم کورٹ بطور ادارہ ختم ہوجائے گا، پورا پاکستان خوف کی چادراتار چکا ہے، چودہ مئی کو الیکشن ہونے ہیں۔

لاہور : تحریک انصاف کے رہنما فواد چوہدری کا کہنا ہے کہ ہم عدالت کو سرنڈر کرنے کو تیار ہیں پولیس کو نہیں، اگرعمران خان کوکچھ ہوا تو بحران کسی کے ہاتھ میں نہیں رہے گا۔

تفصیلات کے مطابق تحریک انصاف کے رہنما فواد چوہدری نے لاہور ہائی کورٹ کے باہر میڈیا سے گفتگو کرتے ہوئے کہا کہ پاکستان بڑے بحران کاشکارہے، اگرعمران خان کوکچھ ہواتوبحران کسی کےہاتھ میں نہیں رہے گا۔

فواد چوہدری کا کہنا تھا کہ چیف جسٹس اسلام آباداورلاہورہائیکورٹ کےپاس قانونی ٹیم موجودہیں، کیا وجہ ہے یہ مقدمے سنے نہیں جا رہے، عمران خان کیخلاف وارنٹ کوفوری طورپرمعطل کیا جائے، وارنٹ ہےکہ آپ نے18تاریخ کوعدالت میں پیش ہوناہے.

پی ٹی آئی رہنما نے کہا کہ ہم عدالت کو سرنڈر کرنے کو تیار ہیں پولیس کو نہیں، عمران خان اسلام آباد گئے 4 عدالتوں میں پیش ہوئے، ایف ایٹ کچہری میں نہیں ہوسکے کیونکہ اطلاعات تھیں ایف ایٹ کچہری میں خان صاحب پر قاتلانہ حملے کا خدشہ ہے۔

انھوں نے بتایا کہ عمران خان پر جس شخص نے قاتلانہ حملہ کیا وہ کبھی پیش نہیں ہوا ویڈیولنک پر آتا ہے۔

فواد چوہدری نے سوال کیا کہ ایک وارنٹ رانا ثنا اللہ کا بھی پڑا ہے ،اس پر عمل کیوں نہیں ہورہا؟ مقصد عمران خان کی زندگی لینا ہے، عمران خان کو راناثنا اللہ کے حوالے نہیں کرسکتے۔

ن لیگ پر تنقید کرتے ہوئے ان کا کہنا تھا کہ مریم نوازاور ن لیگ کاایک ہی ایجنڈا ہےملک میں خون خرابہ ہو اور الیکشن نہ ہوں، آئی جی پنجاب ، محسن نقوی اور راناثنااللہ تینوں کو جاتی امرا استعمال کررہا ہے۔

پی ٹی آئی رہنما نے کہا کہ میں انتظامیہ کووارن کرتاہوں آپ لوگوں کی زندگیوں سےکھیل رہےہیں، زمان پارک اوراطراف کےگھروں میں آنسوگیس شیل سے بچےمتاثرہورہے ہیں۔

ان کا مزید کہنا تھا کہ آپ اپنی پالیسی پرریویو کریں اسلام آباد ہائیکورٹ کے فیصلے کا انتظار کیا جائے، جو بھی فیصلہ ہوگا اس حوالے سے عدالتی فیصلے پر عمل درآمد ہوگا۔