ARYNews.tv | Urdu – Har Lamha Bakhabar

Tag: Fawad Chaudhry

  • ‘دوست ممالک حکومتِ پاکستان کی مدد سے گریزاں’

    اسلام آباد : پی‌ ٹی آئی رہنما فواد چوہدری کا کہنا ہے کہ دوست ممالک حکومت کی مدد سے گریزاں ہیں کیونکہ وہ سمجھتےہیں حکومت کیساتھ کھڑا ہونا پاکستان کےعوام کیخلاف کھڑے ہونا ہے۔

    تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ آج پاکستان دنیامیں تنہاہے،دوست ممالک حکومت کی مددسےگریزاں ہیں کیونکہ موجودہ سیٹ اپ پاکستان کے عوام کو منظور نہیں۔

    فواد چوہدری نے لکھا ‘اسٹیبلشمنٹ کی کوششوں کے باوجود دوست ممالک سمجھتے ہیں موجودہ حکومت کے ساتھ کھڑا ہونا پاکستان کے عوام کے خلاف کھڑا ہونا ہے اور وہ عوام کے ساتھ ہیں۔

  • پاکستانی معیشت کی بگڑتی صورتحال پر عالمی میڈیا میں بھی شدید تشویش ہے: فواد چوہدری

    پاکستانی معیشت کی بگڑتی صورتحال پر عالمی میڈیا میں بھی شدید تشویش ہے: فواد چوہدری

    اسلام آباد: سابق وفاقی وزیر فواد چوہدری کا کہنا ہے کہ پاکستانی معیشت کی بگڑتی صورتحال پر عالمی میڈیا میں شدید تشویش ہے، طاقتور حلقوں نے پاکستانی معیشت مسخروں کے حوالے کر دی ہے۔

    تفصیلات کے مطابق پاکستان تحریک انصاف کے رہنما اور سابق وفاقی وزیر فواد چوہدری نے سماجی رابطے کی ویب سائٹ ٹویٹر پر اپنے ٹویٹ میں کہا کہ پاکستانی معیشت کی بگڑتی صورتحال پر عالمی میڈیا میں شدید تشویش ہے۔

    فواد چوہدری کا کہنا تھا کہ معیشت کو بچانے کے بجائے عمران خان کو سیاسی نقصان پہنچانے کی سوچ جاری ہے، طاقتور حلقوں نے پاکستانی معیشت مسخروں کے حوالے کر دی ہے۔

    انہوں نے کہا کہ ان کی گفتگو پر اب ہنسی کے بجائے رونا آتا ہے، موجودہ حکومت میں جو جتنا بڑا جوکر ہے اسے اتنا ہی بڑا عہدہ حاصل ہے۔

  • فواد چوہدری پر وہی دفعات عائدکی گئی ہیں جو ارشد شریف کیخلاف تھیں، ماہر قانون

    اسلام آباد : ماہر قانون ابوذرسلمان نیازی کا کہنا ہے کہ فواد چوہدری پر وہی دفعات عائدکی گئی ہیں جو ارشد شریف کیخلاف تھیں۔

    تفصیلات کے مطابق ماہر قانون ابوذرسلمان نیازی نے اے آر وائی نیوز کے پروگرام پروگرام سوال یہ ہے میں گفتگو کرتے ہوئے فواد چوہدری کیس کے حوالے سے کہا کہ لاہورہائیکورٹ نے2،3موقع دیئےکہ فوادچوہدری کوپیش کیاجائے لیکن پولیس کی جانب سے فواد چوہدری کوعدالت میں پیش نہیں کیاگیا۔

    ابوذرسلمان نیازی نے بتایا کہ لاہورہائیکورٹ نے 6 بجےآئی جی پنجاب اورآئی جی اسلام آباد کوطلب کیا، آئی جی اسلام آباد نے تو لاہورہائیکورٹ کے فیصلےکودیکھنا گوارانہیں سمجھا اورعدالت میں پیش ہی نہیں ہوئے۔

    ماہر قانون نے کہا کہ آئی جی پنجاب پیش ہوئے اورانہوں نے کہا کہ ہماراکوئی تعلق نہیں،فوادچوہدری کےفون سےکس قسم کے شواہد برآمد کرنے ہیں، فواد چوہدری نے تو عدالت میں کہا کہ انہوں نے بیان دیا ہے۔

    ان کا مزید کہنا تھا کہ سیکریٹری الیکشن کمیشن نےاپنی بنیادپرکیس درج کرایاہے، فوادچوہدری نے تو چیف الیکشن کمشنراور ممبران سے متعلق بات کی تھی، سیکریٹری الیکشن کمیشن کااس معاملے سے کیا تعلق ہے۔

    ابوذرسلمان نیازی نے کہا کہ عجیب منطق پیش کی گئی ہے، بیان پر بغاوت کا مقدمہ کیسے بن جاتا ہے، ایسے تو کل کوئی ریلوے پر تنقید کرے گا تو اس پربغاوت کامقدمہ بنے گا، یہ وہی دفعات عائدکی گئی ہیں جوارشدشریف کیخلاف تھیں۔

  • میرا مورال بلند ہے، یہ جنگ عمران خان ہی جیتے گا، فواد چوہدری

    اسلام آباد : تحریک انصاف کے رہنما فواد چوہدری نے کہا ہے کہ میرا مورال بلند ہے لیکن جو کچھ ہورہا وہ ملک کیلئے اچھا نہیں۔

    یہ بات انہوں نے پمز اسپتال میں طبی معائنے کے بعد میڈیا سے گفتگو کرتے ہوئے کہی، ان کا کہنا تھا کہ پاکستان کے اندرتقسیم بڑھادی گئی ہے۔

    فواد چوہدری نے کہا کہ یہ لوگ چاہتے ہیں کہ ملک بھر میں عمران خان کا نام لینے والا کوئی باقی نہ رہے، یہ ان کی بھول ہے۔

    ایک سوال کے جواب میں رہنما تحریک انصاف نے کہا کہ کوئی ایشو نہیں، اس سختی کو بھی ڈیل کرلیں گے،
    اصل جدوجہد تو عمران خان کی ہے اور ہم کپتان کے ساتھ ہیں۔

    میڈیا سے اپنی مختصر سی گفتگو میں ان کا مزید کہنا تھا کہ یہ جنگ عمران خان ہی جیتے گا۔

    فواد چوہدری کا دو دن کا جسمانی ریمانڈ منظور

    واضح رہے کہ جوڈیشل مجسٹریٹ نے پی ٹی آئی رہنما فواد چوہدری کا دو دن کا جسمانی ریمانڈ منظور کیا اور انہیں 27 جنوری کو دوبارہ پیش کرنے کا حکم دیا ہے۔

    پولیس کی جانب سے فواد چوہدری کے 8 روزہ جسمانی ریمانڈ کی استدعا کی گئی تھی جسے عدالت نے مسترد کرتے ہوئےانہیں 27 جنوری کو دوبارہ پیش کرنےکا حکم سنایا ہے۔

  • فواد چوہدری کی گرفتاری کی سی سی ٹی وی فوٹیج اے آر وائی نیوز پر

    لاہور: پی ٹی آئی رہنما فواد چوہدری کو گرفتار کرنے کی سی سی ٹی وی فوٹیج سامنے آ گئی۔

    تفصیلات کے مطابق لاہور میں اسلام آباد پولیس کے ہاتھوں فواد چوہدری کی گرفتاری کی سی سی ٹی وی فوٹیج اے آر وائی نیوز نے حاصل کر لی۔

    یہ تقریباً صبح 6 کی فوٹیج ہے جب اسلام آباد پولیس کے اہل کار فواد چوہدری کو گرفتار کر کے لے جا رہی تھی۔

    فوٹیج کے مطابق فواد چوہدری کو ان کی گاڑی سے اتارا گیا اور پھر مسلح اہل کار ان کو تحویل میں لے کر روانہ ہو گئے، سی سی ٹی وی فوٹیج فواد چوہدری کے گھر کے بالکل سامنے کی ہے۔

    فواد چوہدری اپنے گھر آ رہے تھے جب انھیں پولیس اہل کاروں نے گھیرے میں لے لیا تھا، گرفتاری کے وقت ان کا ڈرائیور بھی موجود تھا، تاہم انھیں گرفتار نہیں کیا گیا۔

    فوٹیج کے مطابق تقریباً درجن بھر پولیس اہل کاروں نے اس کارروائی میں حصہ لیا، تاہم فوٹیج سے یہ معلوم نہیں ہو پا رہا ہے کہ پولیس اہل کاروں کی وردی کون سی ہے، کیا وہ صرف اسلام آباد پولیس کے اہل کار تھے یا مقامی اہل کاروں نے بھی حصہ لیا۔

    پولیس اہل کار ڈبل کیبن سمیت مختلف گاڑیوں میں آئے تھے، فیملی ذرائع کا کہنا ہے کہ فواد چوہدری کو بالکل گھر کے سامنے سے حراست میں لیا گیا تھا۔ فواد چوہدری کی اہلیہ کا کہنا تھا کہ انھیں گرفتاری کی اطلاع ڈرائیور نے دی۔

  • عدالتی حکم پر فواد چوہدری کا طبی معائنہ مکمل، ای سی جی نارمل

    لاہور: گرفتار پی ٹی آئی رہنما فواد چوہدری کا عدالتی حکم پر طبی معائنہ مکمل ہو گیا، ای سی جی نارمل نکلی۔

    تفصیلات کے مطابق الیکشن کمیشن پر تنقید کے الزام میں گرفتار فواد چوہدری کا عدالتی حکم پر سروسز اسپتال میں میڈیکل چیک اپ اور ٹیسٹ مکمل کر لیے گئے ہیں، ان کا بیس لائن ٹیسٹ کیا گیا اور خون کے نمونے بھی لے لیے گئے ہیں۔

    اسپتال ذرائع کا کہنا ہے کہ فواد چوہدری کی ای سی جی بھی کی گئی ہے جو ٹھیک آئی ہے، بلڈ پریشر اور شوگر ٹیسٹ بھی نارمل آئے ہیں۔

    اسپتال رپورٹ کے مطابق فواد چوہدری کی شوگر ویلیو 183 ہے، سی بی سی ٹیسٹ کے لیے ان کے خون کے نمونے لیے گئے ہیں، ان ٹیسٹوں کی رپورٹ آنے کے بعد کوئی حتمی فیصلہ کیا جائے گا۔

    سروسز اسپتال میں فواد چوہدری کے لیے ماہر دماغی امراض کو بھی بلا لیا گیا ہے، ان کی چھاتی کا ایکسرے بھی کروایا جا رہا ہے۔

    واضح رہے کہ آج صبح سویرے اسلام آباد پولیس نے گھر میں گھس کر فواد چوہدری کو لاہور سے گرفتار کیا تھا، پولیس نے مقامی عدالت سے ان کی راہداری ریمانڈ طلب کی تھی، جس پر عدالت نے فواد چوہدری کے ایک روزہ راہداری ریمانڈ کی اجازت دے دی۔

    جو مقدمہ ہے اس پر فخر ہے، فواد چوہدری

    عدالت نے تحریری فیصلے میں کہا ہے کہ لاہور سے اسلام آباد کا راستہ 3 سے 4 گھنٹے کا ہے، فواد چوہدری کو آج ہی اسلام آباد کی عدالت میں پیش کیا جائے، تاہم مکمل طبی معائنہ کروانے کے بعد ہی انھیں اسلام آباد لے جایا جائے۔

    ادھر فواد چوہدری کے بھائی فراز چوہدری کو بھی جہلم پولیس نے گرفتار کر لیا ہے، فواد چوہدری اور فراز چوہدری کی گرفتاری کے خلاف جہلم کے جادہ چوک پر پی ٹی آئی کارکنوں نے شدید احتجاج شروع کر دیا ہے، کارکنوں نے جی ٹی روڈ بلاک کر دی۔

  • فواد چوہدری کی گرفتاری : اسلام آباد پولیس کا اہم بیان سامنے آگیا

    اسلام آباد : اسلام آباد پولیس کے ترجمان کا کہنا ہے کہ فواد چوہدری نے آئینی اداروں کیخلاف شرانگیزی پیدا کرنے اور لوگوں کے جذبات مشتعل کرنےکی کوشش کی۔

    تفصیلات کے مطابق اسلام آباد پولیس کے ترجمان نے پی ٹی آئی رہنما فواد چوہدری کی گرفتاری کے معاملے پر کہا کہ آئینی ادارےکی درخواست پرفواد چوہدری کے خلاف مقدمہ درج کیا گیا۔

    ترجمان نے بتایا کہ سیکرٹری الیکشن کمیشن کی درخواست پر تھانہ کوہسار میں مقدمہ درج کیا، فوادچوہدری نے چیف الیکشن کمشنر اور ممبران کوانکےفرائض سےروکنےکیلئے ڈرایادھمکایا۔

    پولیس کا کہنا تھا کہ آئینی اداروں کیخلاف شرانگیزی پیداکرنے کے ساتھ لوگوں کے جذبات مشتعل کرنے کی کوشش کی، مقدمے پر قانون کے مطابق کارروائی عمل میں لائی جارہی ہے۔

    اسلام آباد کے تھانہ کوہسار پولیس کی جانب سےفوادچوہدری کی گرفتاری کی گئی، اسلام آباد منتقل کرنے پر جوڈیشل مجسٹریٹ وقاص احمدراجہ کی عدالت میں پیش کیا جائے گا۔

    اسلام آباد پولیس فواد چوہدری کا جسمانی ریمانڈ حاصل کرنے کی کوشش کرے گی۔

    یاد رہے فوادچوہدری کے خلاف مقدمہ گزشتہ رات تھانہ کوہسار میں درج کیا گیا ، عمر حمید سیکرٹری الیکشن کمیشن نے فواد چوہدری کے خلاف مقدمہ درج کروایا تھا۔

  • فواد چوہدری کیخلاف درج مقدمے کی تفصیلات سامنے آگئیں

    لاہور : تحریک انصاف کے مرکزی رہنما فواد چوہدری کیخلاف مقدمہ سیکریٹری الیکشن کمیشن عمرحمید کی درخواست پر درج کرلیا گیا۔

    تفصیلات کے مطابق تحریک انصاف کے مرکزی رہنما فواد چوہدری کیخلاف درج مقدمے کی تفصیلات سامنے آگئیں۔

    گزشتہ روز فواد چوہدری کیخلاف مقدمہ سیکریٹری الیکشن کمیشن عمرحمید کی درخواست پر تھانہ کوہسار میں درج کیا گیا۔

    ایف آئی آر میں کہا گیا کہ فواد چوہدری نے کہا جو نگراں حکومت میں لگ رہے ہیں ، ان کا سزا ہونے تک پیچھا کریں گے اور حکومت میں شامل لوگوں کو ان کے گھرتک چھوڑ کر آئیں گے۔

    مقدمے کے متن میں بتایا گیا کہ فواد چوہدری نے کہا الیکشن کمیشن، ان کے ممبران اور ان کے خاندانوں کو وارن کرتےہیں، الیکشن کمیشن کی حیثیت ایک منشی کی ہوگئی ہے۔

    فواد چوہدری کیخلاف درج مقدمے میں دفعہ 153 اے، 506، 505 اور124  شامل ہیں۔

  • ’’پی ڈی ایم دو کلو گوشت کیلئے پوری بھینس ذبح کرنا چاہتی ہے‘‘

    لاہور : تحریک انصاف کے مرکزی رہنما فواد چوہدری نے کہا ہے کہ نوازشریف کی بیماری ختم ہونے کا نام ہی نہیں لے رہی، پی ڈی ایم دو کلو گوشت کیلئے پوری بھینس ذبح کرنا چاہتی ہے۔

    یہ بات انہوں نے اے آر وائی نیوز کے پروگرام اعتراض ہے میں خصوصی گفتگو کرتے ہوئے کہی، انہوں نے کہا کہ ہم تو چاہتے ہیں نوازشریف وطن واپس آکر مقدمات کا سامنا کریں۔

    فوادچوہدری کا کہنا تھا کہ پتہ نہیں نوازشریف کو ایسی کون سی بیماری ہے جو ختم ہونے کا نام ہی نہیں لے رہی، عام انتخابات میں 13جماعتیں مل کر الیکشن لڑیں گی اور انہیں بری طرح شکست ہوگی، پی ڈی ایم قیادت 2کلو گوشت کیلئے پوری بھینس ذبح کرنا چاہتی ہے۔

    اپوزیشن کی جانب سے نگراں وزیراعلیٰ کیلئے جو نام دیئے گئے وہ غیرمناسب ہیں جبکہ نگراں وزیراعلیٰ خیبرپختونخوا کیلئے اپوزیشن جماعت نے سنجیدگی کا مظاہرہ کیا ہے، ہماری خواہش تھی کہ وزیراعلیٰ پنجاب کیلئے بھی افہام وتفہیم سے کام لیا جاتا۔

    ایک سوال کے جواب میں فواد چوہدری کا کہنا تھا کہ ہم تو75سال سے سنتے آرہے ہیں کہ ملک نازک دور سے گزررہا ہے، ایک شخص نے ذاتی انا کیلئے پی ٹی آئی کی منتخب حکومت گرائی اور اس کیلئے پی ڈی ایم کو بطور آلہ کار استعمال کیا گیا۔

    انہوں نے کہا کہ حکمرانوں کا کاروبار اور بچے سب ملک سے باہر ہیں کسی بھی وقت وہ طیارہ پکڑ کر باہر چلے جائیں گے، ہمارا بیانیہ یہ ہے کہ حکمرانوں کے اختیار کا حق عوام کے پاس ہے، ایک ذمہ دار سیاسی جماعت ہونے کے ناطے ہم اداروں سے اچھے تعلقات چاہتے ہیں۔

    پی ٹی آئی رہنما نے کہا کہ منی لانڈرنگ روکنے کیلئے اداروں کا کردار ہونا چاہیے، عمران خان منی لانڈرنگ روکنے کیلئے اداروں کے کردار کے حق میں ہیں، حکمرانوں کو نیب کا قانون ختم کرکے11سو ارب روپے کاریلیف دیا گیا، ہم تو چاہتے ہیں نوازشریف و اپس آئیں اور اپنے کیسز کا سامنا کریں۔

  • بھارت سے مذاکرات کی بھیک مانگنا پاکستان کی پالیسی نہیں، فواد چوہدری کا شہباز شریف کے بیان پر درعمل

    بھارت سے مذاکرات کی بھیک مانگنا پاکستان کی پالیسی نہیں، فواد چوہدری کا شہباز شریف کے بیان پر درعمل

    لاہور: تحریک انصاف کے رہنما فواد چوہدری نے شہباز شریف کے بھارت سے متعلق موقف پر حیرانگی کا اظہار کرتے ہوئے کہا کہ بھارت سے مذاکرات کی بھیک مانگنا پاکستان کی پالیسی نہیں۔

    تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ شہباز شریف کے بھارت سے متعلق موقف پر حیرانگی ہے، بھارت سے مذاکرات کی بھیک مانگنا پاکستان کی پالیسی نہیں ہے۔

    فواد چوہدری کا کہنا تھا کہ مودی حکومت مقبوضہ کشمیر کی پہلے والی آئینی حیثیت کو بحال کرے، مقبوضہ کشمیرکی پہلے والی حیثیت بحال ہونے پر پاکستان مذاکرات کرے گا، شہباز شریف کو کشمیر بیچنے کی اجازت نہیں دی جا سکتی، شہبازشریف کے نقطہ نظر کو سختی سے مسترد کرتے ہیں۔

    پی ٹی آئی رہنما نے ایک اور ٹوئٹ میں لکھا کہ قومیں صدیوں زندہ رہنے کے لیے جدوجہد کرتی ہیں، جب جدوجہد آزادی کی بات آتی ہے تو 75 سال پلک جھپکتے ہی گزر گئے،فوادچوہدری

    ان کا کہنا تھا کہ کشمیری اسوقت تک لڑتےرہیں گےجب تک آزادی حاصل نہیں کرلیتے، پاکستان ہمیشہ کی طرح کشمیری عوام کی حمایت جاری رکھے گا، میرے کارواں میں شامل کوئی کم نظر نہیں، جو نہ کٹ سکے وطن پر میرا ہمسفر نہیں۔