Tag: Fawad Chaudhry

اسلام آباد : وزیر سائنس اینڈ ٹیکنالوجی فوادچوہدری نے کہا ہے کہ مودی کااگلانشانہ سندھ طاس معاہدہ ہوگا ، پاکستان کے پاس آنکھ جھپکنے کا بھی وقت نہیں ، شدیدنقصان کے لیے تیار رہیں۔

تفصیلات کے مطابق وزیر سائنس اینڈ ٹیکنالوجی فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا کہ اندرونی سیاسی سازشیں کشمیریوں کی حالت سے ہماری توجہ ہٹائے ہوئے ہیں، شدید نقصان کے لیے تیار رہیں۔

فوادچوہدری کا کہنا تھا کہ مودی کااگلانشانہ سندھ طاس معاہدہ ہوگا، بھارت پاکستان کے حصے کا پانی پتہ نہیں کیسے برداشت کررہاہے، پاکستان کے پاس آنکھ  جھپکنے کا بھی وقت نہیں، تیار رہیں۔

ہماری اندرونی سیاسی سازشیں جس طرح کشمیریوں کی حالت زار سے ہماری توجہ ہٹائے ہوئے ہیں اس کے شدید نقصان کیلئے تیار رہیں، مودی کا اگلا نشانہ سندہ طاس معاھدہ ہو گا، بھارت پاکستان کے حصے کے پانی کو پتہ نہیں کیسے برداشت کر رہا ہے، پاکستان کے پاس آنکھ جھپکنے کا بھی وقت نہیں ، تیار رہیں

— Ch Fawad Hussain (@fawadchaudhry) November 6, 2019

یاد رہے چند روز قبل وفاقی وزیر نے کہا تھا کشمیرکامسئلہ اس دھرنےکی وجہ سےپیچھےچلاگیاہے، مولانا فضل الرحمان کی سیاسی قوت سے اختلاف ہے، امید ہے مولانا کا مارچ پر امن رہے گا،دھرنے کا مسئلہ حل ہوجائے گا۔

مزید پڑھیں : کشمیر کا مسئلہ اس دھرنے کی وجہ سے پیچھے چلا گیا ہے، فواد چوہدری

خیال رہے بھارتی وزیراعظم نریندرمودی کی انتخابی ریلی میں پاکستان کاپانی روکنےکی پھردھمکی دیتے ہوئے کہا تھا کہ میں جو فیصلہ کرتا ہوں اسے پورا کرتا ہوں ، بھارتیوں کا پانی پاکستان جاتا رہے اور پاکستان ہرا بھرا رہے یہ کیسے ہوسکتاہے، بھارت کاپانی پاکستان نہیں جانےدوں گا اب ایک بوندپانی بھی اب پاکستان نہیں جائے گا۔

کراچی : وزیر سائنس اینڈ ٹیکنالوجی فواد چوہدری نے کہا ہے کہ، امید ہے مولانا کا مارچ پر امن رہے گا، کشمیرکامسئلہ اس دھرنےکی وجہ سے پیچھے چلا گیا ہے، پاکستان میں فی الحال عمران خان کاکوئی نعم وبدل نہیں۔

تفصیلات کے مطابق وزیر سائنس اینڈ ٹیکنالوجی فواد چوہدری نے جامعہ کراچی میں تقریب سے خطاب کرتے ہوئے کہا کراچی یونیورسٹی 1200ایکڑ رقبے پر محیط ہے، قیام پاکستان کے بعد پاکستان جدید ریاست کے طور پر سامنے آیا، میں سائنسدان نہیں ایک وکیل ہوں، میرے خیال میں سائنسدان سیاست میں دلچسپی نہیں رکھتے ، جب آپ سیاست میں دلچسپی رکھیں گے تو وکیل ہی بنیں گے۔

فواد چوہدری کا کہنا تھا کہ جب دشمن واضح نہ ہو تو مشکل ہوتی ہے، بھارت ہمارا دشمن اس سے نمٹ لیں گے، 30 سے 40 سال سے ہمارا انجینئرنگ کا شعبہ ترقی نہیں کرسکا، سائنس اینڈٹیکنالوجی کےبجٹ میں 600فیصد اضافہ کیا گیا۔

وفاقی وزیر نے کہا کہ پاکستان میں 200 سے زائد جامعات ہیں، پہلی بار پاکستان میں سولر پینل مینوفیکچرنگ لے کر آرہے ہیں، جب سولر مینوفیکچرنگ ہوگی تو اسٹرکچر ہی بدل جائےگا، پاکستان میں اب اسکولز، کالجز میں بھی اضافہ ہونا چاہئے، ہماری حکومت مزید اسکول اور کالجز بنائے گی۔

ان کا کہنا تھا کہ جامعات کی تعداد کافی ہے، اسکول و کالجوں کی تعداد بڑھانی چاہیے، اسکول اور کالجوں کی تعداد میں اضافے سے جامعات مضبوط ہوں گی، ہماری حکومت مزید اسکول اور کالج بنائے گی۔

بعد ازاں وفاقی وزیر فواد چوہدری نے گفتگو کرتے ہوئے کہا خوشی ہے پاکستان میں ریسرچ کا کلچر واپس آرہا ہے، ہماری پالیسی 6سال رہی تو پاکستان کا کھویا مقام واپس آئے گا، 2022 میں ہم اپنا پہلا اسپیس مشن خلا میں بھیج رہےہیں، سائنس اینڈ ٹیکنالوجی کےبجٹ میں600فیصداضافہ ہوا، بڑی سولر پینلز کمپنیاں پاکستان میں سرمایہ کاری کیلئےآرہی ہیں۔

فواد چوہدری کا کہنا تھا کہ مستقبل میں پاکستان سے پولز اور تاریں ختم ہو جائیں گی، لیتھیم بیٹریز کے شعبے کو بہتر کرنا چاہتے ہیں، ایڈوانس ٹیکنالوجی کیلئے بڑے سینٹرز کو اکٹھا کر رہے ہیں، ہم سب سے ملکر جدید ریسرچ سینٹرز بنا رہے ہیں۔

فضل الرحمان کے حوالے سے وفاقی وزیر نے کہا مولانا فضل الرحمان کی سیاسی قوت سے اختلاف ہے، امید ہے مولانا کا مارچ پر امن رہے گا، علمائے کرام کا عزت و وقار ہے،احترام کرتے ہیں، اب یہ لوگ کہتے ہیں پی ٹی آئی نے بھی دھرنا دیا تھا، پی ٹی آئی نے عدالتوں کے دروازے کھٹکھٹائے پھر دھرنا دیا تھا۔

ان کا نواز شریف کی صحت سے متعلق کہنا تھا کہ اللہ نوازشریف کوصحت یابی عطافرمائے، ہم نواز شریف کی صحت کے لئے دعا گوہیں، فی الحال پاکستان میں ایک ہی لیڈروہ عمران خان ہے، پاکستان میں فی الحال عمران خان کاکوئی نعم وبدل نہیں۔

فواد چوہدری نے مزید کہا کہ آپ کو پی ٹی آئی والوں کی شکل نہیں پسند مگر چلنا ہمارےساتھ ہی ہے، پی ٹی آئی کی تحریک سیاسی تحریک تھی، مولاناصاحب کی تحریک کیا ہے یہ تو ان کوبھی نہیں پتہ، انشااللہ دھرنے کا مسئلہ حل ہوجائے گا، کشمیرکامسئلہ اس دھرنےکی وجہ سےپیچھےچلاگیاہے۔

اسلام آباد :وزیر سائنس اینڈ ٹیکنالوجی فواد چوہدری نے کہا ملازمتوں سے متعلق بیان کوغلط تناظرمیں پیش کیاگیا ، پی ٹی آئی نے ایک کروڑ نوکریاں دینے کا کہا تھا ، اس کا ہرگز یہ مطلب نہیں کہ ایک کروڑ سرکاری نوکریاں دیں گے۔

تفصیلات کے مطابق وزیر سائنس اینڈ ٹیکنالوجی فواد چوہدری نے اپنے بیان کی وضاحت کرتے ہوئے کہا ملازمتوں سے متعلق بیان کوغلط تناظرمیں پیش کیاگیا، میں نے کہا تھا سرکاری ملازمتوں کی فراہمی مستقل معاشی حل نہیں، میرا مدعایہ تھا اور آج بھی اس پرقائم ہوں۔

وفاقی وزیر کا کہنا تھا کہ پی ٹی آئی نے ایک کروڑ نوکریاں دینے کا کہا تھا ، اس کا ہرگز یہ مطلب نہیں کہ ایک کروڑ سرکاری نوکریاں دیں گے، حکومت کا کام ایسے مواقع پیدا کرنا ہے کہ ملازمتیں پیدا ہوں۔

فواد چوہدری نے کہا ملک میں ملازمتوں پرحکومتی ورک فورس کاتناسب صرف6فیصدہے، 94فیصد ملازمتیں پرائیویٹ سیکٹرکی ہیں، چھ فیصد کو دگنا بھی کر دیں تب بھی روزگارکا مسئلہ حل نہیں ہوگا۔

مزید پڑھیں : نوکریوں سے متعلق سرخیوں پر فواد چوہدری کا اظہار حیرت

وفاقی وزیر کا کہنا تھا کہ ایسا کیا بھی جائے تو معیشت کیساتھ حکومتی ادارےبھی بیٹھ جائیں گے، بے دریغ ملازمتیں دے کر اداروں کو دیوالیہ کرنا پی پی اور ن لیگ کاوطیرہ تھا، میرٹ کیخلاف لوگ بھرتی کرنے سے اداروں، معیشت کو نقصان ہوا۔

انھوں نے مزید کہا معاشی ترقی مقصود ہے تو پرائیویٹ سیکٹر کومضبوط کرنا ہوگا ، جامع معاشی حکمت عملی سے ہی مسائل کاحل ممکن ہے۔

یاد رہے گذشتہ روز فواد چوہدری نے ٹویٹ کرتے ہوئے کہا تھا کہ حیران ہوں ہر بیان کیسے سیاق و سباق کے بغیر سرخی بنا دیا جاتا ہے، حکومت نوکریوں کے لیے صرف ماحول بناتی ہے، ’میں نے کہا تھا کہ نوکریاں حکومت نہیں پرائیویٹ سیکٹر دیتا ہے، حکومت نے ماحول پیدا کرنا ہے جہاں نوکریاں ہوں۔‘

فواد چوہدری کا کہنا تھا کہ ہر شخص کا سرکاری نوکری ڈھونڈنا ممکن نہیں ہے، ملک میں معیشت بہتر ہو تو نجی شعبہ نوکریاں فراہم کرتا ہے اور ملک میں بے روزگاری میں کمی آتی ہے۔

اسلام آباد: وفاقی وزیر سائنس اور ٹیکنالوجی فواد چوہدری نے نوکریوں کی فراہمی سے متعلق نیوز سرخیوں پر حیرت کا اظہار کر دیا۔

تفصیلات کے مطابق فواد چوہدری نے ٹویٹ کرتے ہوئے کہا کہ حیران ہوں ہر بیان کیسے سیاق و سباق کے بغیر سرخی بنا دیا جاتا ہے، حکومت نوکریوں کے لیے صرف ماحول بناتی ہے۔

وفاقی وزیر کا کہنا تھا ’میں نے کہا تھا کہ نوکریاں حکومت نہیں پرائیویٹ سیکٹر دیتا ہے، حکومت نے ماحول پیدا کرنا ہے جہاں نوکریاں ہوں۔‘

فواد چوہدری کا کہنا تھا کہ ہر شخص کا سرکاری نوکری ڈھونڈنا ممکن نہیں ہے، ملک میں معیشت بہتر ہو تو نجی شعبہ نوکریاں فراہم کرتا ہے اور ملک میں بے روزگاری میں کمی آتی ہے۔

فواد چوہدری نے کہا کہ وفاق کے تحت 4 سو ادارے ختم کرنے جا رہے ہیں، عوام نوکریوں کے لیے حکومت کی طرف نہ دیکھیں، نوکریاں دیں گے تو ملکی معیشت بیٹھ جائے گی۔

یہ بھی پڑھیں:  حکومت کا چھوٹی صنعتوں کو ٹیکس مراعات دینے پر غور

ان کا کہنا تھا کہ ان کے بیان کو سیاق و سباق سے ہٹ پیش کیا گیا، انھوں نے اس بات پر بھی حیرانی کا اظہار کیا کہ ہر بیان کے ساتھ یہی کیا جاتا ہے، نیوز سرخیاں سیاق و سباق سے ہٹ کر بنا دی جاتی ہیں۔

واضح رہے کہ پی ٹی آئی حکومت پرائیویٹ سیکٹر کی بہتری کے لیے اقدامات کر رہی ہے، تاکہ ملازمتوں اور کاروبار کے مواقع بڑھیں۔

اس سلسلے میں حکومت نے چھوٹی صنعتوں اور تعمیراتی شعبے کے فروغ اور بحالی پر غور شروع کر دیا ہے، وزیر اعظم عمران خان رواں ہفتے ایس ایم ایز کے فروغ کے لیے مکمل ایکشن پلان پیش کرنے کی ہدایت بھی جاری کر چکے ہیں۔