Tag: Fawad Chaudhry

اسلام آباد : وزیر سائنس اینڈ ٹیکنالوجی فواد چوہدری نے کہا سیاسی تنازعوں وٹرمپ کےکشمیر پر ریمارکس کے بعد شبہ نہیں کہ عمران خان پاکستان میں مقبول ترین عالمی لیڈرہیں۔

تفصیلات کے مطابق وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا سیاسی تنازعوں وٹرمپ کےکشمیر پر ریمارکس کے بعد شبہ نہیں کہ عمران خان پاکستان میں مقبول ترین عالمی لیڈرہیں، جلد دونوں رہنما نئے باب کی بنیاد رکھنے کے قابل ہوں گے۔

فوادچوہدری کا کہنا تھا کہ عمران خان کی تجویزتھی انتخابات خفیہ نہیں اوپن ہونےچاہئیں، تجویز کی دونوں جماعتوں نےمخالفت کی تھی، دونوں اپنے ماضی پر شرمندہ ہوں اور معافی مانگیں اصلاحات کریں۔

Amidst political controversies I have no doubts that post @ImranKhanPTI visit of USA and @realDonaldTrump remarks on Kashmir he is certainly amongst most popular world leaders in Pak,In cmng weeks both leaders ll be able to lay foundations of new chapter of USA-Pak relationship

— Ch Fawad Hussain (@fawadchaudhry) August 2, 2019

یاد رہے امریکی صدر ڈونلڈ ٹرمپ نے مسئلہ کشمیر پر ایک بار پھرثالثی کی پیشکش کرتے ہوئے کہا ہے کہ کشمیرپرثالثی کیلئےتیارہوں،اس کا دارو مدار مودی  پرہے، وزیراعظم عمران خان اور نریندرمودی لاجواب انسان ہیں۔

مزید پڑھیں : امریکی صدرڈونلڈٹرمپ کی مسئلہ کشمیرپرایک بار پھر ثالثی کی پیشکش

صدرٹرمپ کا کہنا تھا میرے خیال میں دونوں مسئلہ کشمیرپربہترین طریقےسےآگےبڑھ سکتے ہیں، دونوں ممالک چاہیں تو میں مسئلہ کشمیر پر کردار ادا کرنے کے لیےتیار ہوں۔

اسلام آباد: وفاقی وزیر سائنس اینڈ ٹیکنالوجی فواد چوہدری کا کہنا ہے کہ تحریک عدم اعتماد سے فرق پڑے گا تو سینیٹ کو پڑے گا جہاں صادق سنجرانی ایک توازن قائم کیے ہوئے تھے۔

تفصیلات کے مطابق سماجی رابطے کی ویب سائٹ ٹویٹر پر فواد چوہدری نے اپنے پیغام میں کہا کہ چیئرمین سینیٹ کے خلاف تحریک عدم اعتماد بدقسمتی ہے۔

وفاقی وزیر سائنس اینڈ ٹیکنالوجی نے کہا کہ یہ ابو بچاؤ مہم کا حصہ ہے اس عمل سے حکومت ، وزیراعظم کو کوئی فرق نہیں پڑنا، فرق پڑے گا توسینیٹ کو پڑے گا جہاں صادق سنجرانی ایک توازن قائم کیے ہوئے تھے۔

فواد چوہدری نے مزید کہا کہ اب تحریک عدم اعتماد کامیاب ہو یا ناکام یہ توازن متاثر ہوگا۔

چئرمین سینٹ کیخلاف تحریک عدم اعتماد بد قسمتی ہے، یہ ابو بچاؤ مہم کا حصہ ہے لیکن اس عمل سے حکومت اور وزیراعظم کو کوئ فرق نہیں پڑنا اگر فرق پڑے گا تو سینٹ کے ادارے کو پڑے گا جہاں صادق سنجرانی ایک توازن قائم کئے ہوئے تھے، اب تحریک عدم اعتماد کامیاب ہو یا ناکام یہ توازن متاثر ہو گا

— Ch Fawad Hussain (@fawadchaudhry) August 1, 2019

واضح رہے کہ سینیٹ کی تاریخ میں پہلی بار چیئرمین سینیٹ صادق سنجرانی اور ڈپٹی چیئرمین سینیٹ سلیم مانڈوی والا کو عہدے سے ہٹانے کی قراردادوں پر رائے شماری آج ہوگی۔

دوپہر 2 بجے شروع ہونے والے اجلاس میں سینیٹ میں اعتماد کی بڑی جنگ آج ہوگی جس میں حکومت اور اپوزیشن کا نمبرز گیم کی بنیاد پر ٹکراؤ ہوگا۔

اسلام آباد : وفاقی وزیر سائنس اینڈ ٹیکنالوجی فوادچوہدری نے کہا ایف16 کے لئے امریکی سپورٹ پاکستان کی بڑی کامیابی ہے، پاکستانی وزیراعظم کی شاندارپذیرائی پربھارت میں واویلامچ گیا ہے اور بھونچال کی صورتحال ہے۔

تفصیلات کے مطابق وفاقی وزیر سائنس اینڈ ٹیکنالوجی فوادچوہدری نے اپنے بیان مٰں کہا ہمارےامریکا سےتعلقات پرانے ہیں، دفاعی تعاون پر تعلقات پھر سے بحال ہورہے ہیں، امریکا نے ایف16 کی اپ گریڈیشن کے لئے 125 ملین ڈالر رکھے ہیں، امریکاکی یہ سپورٹ پاکستان کی بہت بڑی کامیابی ہے۔

فواد چوہدری کا کہنا تھا کہ وزیراعظم کے دورہ امریکا کے بعد مزید اچھی خبریں آتی رہیں گی، پاکستانی وزیراعظم کی شاندار پذیرائی پر بھارت میں واویلامچ گیا ہے، بھارتی لابی کی ہمیشہ کوشش ہوتی ہے کہ پاکستانی لیڈرز کے دورے ناکام ہوں مگر اس بارپانسہ پلٹ گیا، بھارتی پریشان ہوگئے کہ ہوا کیا ہے۔

وفاقی وزیر نے کہا بھارت توہماری ہرکامیابی پرڈپریشن میں چلاجاتاہے، ہماراپیسہ، ہمارا خلاباز لیکن پھر بھی بھارت میں لوگوں کومسئلہ ہے، بھارت میں تواس وقت بھونچال کی صورتحال ہے۔

ان کا کہنا تھا کہ چار سال سے بھارت کی ضد کی وجہ سےسارک اجلاس نہیں ہوسکا، ہم بھارت سے دوستی کا ہاتھ بڑھاتے ہیں ، ہم چاہتے ہیں پاکستان اور بھارت کے تعلقات بہتر ہوں، ہمیں تعلقات کی بہتری کے لئے تعاون چاہئے، بھارت کو پاکستان کی خطےمیں اہمیت ماننی چاہئے۔

فواد چوہدری نے ہمسایہ ملک کو مشورہ دیتے ہوئے کہا بھارت کواس فریم ورک سے باہر آنا چاہئے، ہم چاہتےہیں بھارت پاکستان کی جغرافیائی اور سیاسی اہمیت سجھے، ہماری خواہش نہیں کہ ہم بھارت سے لڑائیوں میں پڑے رہیں۔

مزید پڑھیں : امریکا کا پاکستان کے ایف 16طیاروں کیلئے تکنیکی سپورٹ کا اعلان

یاد رہے امریکا کی ڈیفینس سیکورٹی کوآپریشن ایجنسی نے پاکستان کوایف سولہ طیاروں کے لئے تکنیکی،لاجسٹک سپورٹ فراہم کرنے کا اعلان کیا، ایف سولہ طیاروں کےلئےایک سوپچیس ملین ڈالرکی سپورٹ فراہم کی جائے گی۔

ڈی ایس سی اےکی جانب سےجاری بیان کے مطابق پاکستان کوایف سولہ طیاروں کےلئےتکنیکی سپورٹ دینےکی منظوری محکمہ خارجہ نے دی، فیصلےسےامریکی خارجہ پالیسی اورقومی سلامتی کوفائدہ ہوگا اور خطے میں طاقت کا توازن نہیں بگڑےگا۔

پیس ڈرائیوایف سولہ پروگرام کے تحت ساٹھ امریکی کنٹریکٹرز کے نمائندے پاکستان میں آپریشنز کو دیکھیں گے۔

اسلام آباد : وزیرسائنس وٹیکنالوجی فوادچوہدری نے کہا مران خان کی قیادت میں عوام نے پچیس جولائی کے دن مافیا کو تاریخی شکست دی ، جمہوریت جیتی اور ایک نیا سفر شروع ہوا،اس سفر میں ہم سب کو ایک دوسرے کا ساتھ دینا ہے۔

وزیرسائنس وٹیکنالوجی فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا عمران خان کی قیادت میں عوام نے پچیس جولائی کے دن مافیا کو تاریخی شکست دی۔پاکستان میں جمہوریت جیتی اور ایک نیا سفر شروع ہوا، یہ سفر کٹھن ہے، راہ گزر کانٹوں سے پر اور سنگلاخ ہےلیکن منزل ترقی کرتا پاکستان ہے۔ اس سفر میں ہم سب کو ایک دوسرے کا ساتھ دینا ہے۔

آج 25 جولائ کے دن عوام نے عمران خان کی قیادت میں مافیا کو تاریخی شکست دی، پاکستان میں جمہوریت جیتی اور ایک نیا سفر شروع ہوا، یہ سفر کٹھن ہے، راہ گزر کانٹوں سے پر اور سنگلاخ لیکن منزل ایک ترقی کرتا پاکستان اس سفر میں ہم سب کو ایک دوسرے کا ساتھ دینا ہے #25thJuly #فتح_کا_دن

— Ch Fawad Hussain (@fawadchaudhry) July 25, 2019

یاد رہے متحدہ اپوزیشن حکومت کا ایک سال پورا ہونے پر آج یوم سیاہ منارہی ہے ، اس سلسلے میں اپوزیشن جماعتوں کی جانب سے چاروں صوبوں میں احتجاجی جلسوں کا انعقاد کیا گیا ہے۔

بلاول بھٹوزرداری کراچی میں اورشہبازشریف لاہور میں خطاب کریں گے جبکہ مولانافضل الرحمان پشاور میں اورمریم نواز کوئٹہ میں خطاب کریں گی۔

واضح رہے گذشتہ برس 25 جولائی کو ہونے والے عام انتخابات میں پاکستان تحریک انصاف نے کامیابی حاصل کی تھی۔