ARYNews.tv | Urdu – Har Lamha Bakhabar

Tag: Fawad Chaudhry

  • پاک بھارت جنگ کی صورت میں خطے اور دنیا کی ہار ہوگی ،فوادچوہدری

    پاک بھارت جنگ کی صورت میں خطے اور دنیا کی ہار ہوگی ،فوادچوہدری

    اسلام آباد : وزیراطلاعات فواد چوہدری کا کہنا ہے کہ پاک بھارت جنگ کی صورت میں خطے اور دنیا کی ہار ہوگی اور دنیامزیدحصوں میں تقسیم ہو جائے گی ، دنیاسےکہتے ہیں آئیں مل بیٹھ کرکشیدگی کاخاتمہ کریں۔

    تفصیلات کے مطابق وزیراطلاعات فواد چوہدری نے پاک بھارت موجودہ صورت حال پر سماجی رابطے کی ویب سائٹ ٹوئٹر پر اپنے بیان میں کہا پاکستان بھارت کشیدگی خطےکےبعددنیابھرپراثراندازہوسکتی ہے اور جنگ کی صورت میں دنیامزیدحصوں میں تقسیم ہوگی، جس سے شدت پسندی پروان چڑھےگی۔

    فواد چوہدری کا کہنا تھا کہ پاک بھارت جنگ کی صورت میں خطے اوردنیاکی ہارہوگی، دنیا سے کہتے ہیں آئیں مل بیٹھ کرکشیدگی کاخاتمہ کریں۔

    یاد رہے گذشتہ روز پاکستان کی جانب سے سرحدی حدود کی خلاف ورزی 2 بھارتی طیارے مار گرائے تھے، ڈی جی آئی ایس پی آر کا کہنا تھا کہ ایک بھارتی طیارہ  آزاد کشمیر جبکہ دوسرامقبوضہ کشمیرکی حدودمیں گرا، زمین پر موجود افواج نے 2 بھارتی پائلٹ کو حراست میں لے لیا تھا۔

    مزید پڑھیں : جارحیت کی توجواب دیناہماری مجبوری ہوگی، وزیراعظم

    بعدازاں : وزیراعظم عمران‌ خان نے بھارت کوایک بار پھر مذاکرات کی پیشکش کرتے ہوئے کہا تھا جنگ کسی بھی مسئلےکاحل نہیں، بیٹھ کربات چیت سےمسائل حل کرنے چاہئیں، جارحیت کی توجواب دیناہماری مجبوری ہوگی۔

    آرمی چیف جنرل قمر جاوید باجوہ کا کہنا تھا کہ توقع ہے بھارت ہوش مندی کا مظاہرہ کر کے وزیرِ اعظم کی دعوت کو مثبت لے گا، تاہم خدشہ ہے کہ بھارت پھر کوئی حرکت کر سکتا ہے۔

  • پاکستان کے ساتھ بھارت میں بھی عوام امن کے خواہاں ہیں، فواد چوہدری

    پاکستان کے ساتھ بھارت میں بھی عوام امن کے خواہاں ہیں، فواد چوہدری

    اسلام آباد : وزیر اطلاعات فواد چوہدری نے کہا ہے کہ پاکستان میں ہر سطح پر لوگ امن کے خواہاں ہیں اور بھارت میں بھی امن کی آوازیں اٹھ رہی ہیں، وزیراعظم عمران خان نے آج پھر بھارت کو امن کی دعوت دی ہے۔

    یہ بات انہوں نے اسلام آباد میں تقریب سے خطاب کرتے ہوئے کہی، فواد چوہدری نے کہا کہ بھارت کو سیاسی مقاصد کیلئے خطے کا امن خطرے میں ڈالنے کی اجازت نہیں دی جاسکتی۔

    انہوں نے کہا کہ پاکستانی سوچ کی بدولت بھارت میں بھی امن کی آوازیں اٹھ رہی ہیں، پاکستان میں ہر سطح پر لوگ امن کے خواہاں ہیں، جنگ مسئلے کا حل نہیں ،خطے میں امن بہت ضروری ہے۔

    فواد چوہدری کا مزید کہنا تھا کہ قبائلی عوام نے دہشت گردی کیخلاف بے پناہ قربانیاں دی ہیں، ہم نے دہشت گردی کیخلاف جنگ کامیابی سے لڑی ہے ،پاکستان شدت پسندی کیخلاف جنگ بھی کامیابی سے لڑ رہا ہے۔

  • پاکستان امن چاہتا ہے، مگر بھارت کو کشمیر میں مظالم بند کرنے ہوں گے: فواد چوہدری

    پاکستان امن چاہتا ہے، مگر بھارت کو کشمیر میں مظالم بند کرنے ہوں گے: فواد چوہدری

    اسلام آباد: وزیر اطلاعات فواد چوہدری نے کہا ہے کہ پاکستان امن چاہتا ہے، مگر مقبوضہ کشمیرمیں مظالم کو بند کرنا ہوگا.

    ان خیالات کا اظہار انھوں نے اسلام آباد میں‌ کشمیر کانفرنس سے خطاب کرتے ہوئے کیا، انھوں نے کہا کہ بھارت کے کہنے سے مسئلہ کشمیرختم نہیں ہوجائے گا.

    [bs-quote quote=”ہم اس اصول پر کاربند ہیں کہ آپ ایک قدم بڑھائیں، ہم دوقدم بڑھائیں گے” style=”style-8″ align=”left” author_name=”وزیر اطلاعات فواد چوہدری”][/bs-quote]

    ان کا کہنا تھا کہ 10 کشمیریوں پرایک سپاہی کو کھڑا کر کے امن قائم نہیں کیا جا سکتا، لوگوں کوطاقت کے زورپردبایا نہیں جا سکتا۔

    وزیر اطلاعات فواد چوہدری نے کہا کہ کشمیر بھارت کاحصہ ہے اور نہ ہی کبھی ہوگا، آزاد ریاستوں کے حقوق ہی کشمیریوں کو دیں گے۔

    فواد چوہدری کا کہنا تھا کہ لہو بہنے سے آگ بڑھکتی ہے بجھتی نہیں ہے، شہری علاقوں جیسے حقوق ہی آپ کو کشمیریوں کو دینا ہوں گے، ہم امن اور دونوں ممالک میں تجارت چاہتے ہیں۔

    وزیر اطلاعات نے واضح کیا کہ ہم اس اصول پر کاربند ہیں کہ آپ ایک قدم بڑھائیں، ہم دوقدم بڑھائیں گے، حقائق آپ مستردکر دیں گے، تو مسئلہ حل نہیں ہوگا۔ کشمیریوں کاخون بہانے سے آگ بجھائیں گے، تو مسئلہ حل نہیں ہوگا۔

  • رقم کی منتقلی ، وزیر اطلاعات کا ایم ڈی پی ٹی وی ارشد خان پر ایف آئی آر درج کرانے کا حکم

    رقم کی منتقلی ، وزیر اطلاعات کا ایم ڈی پی ٹی وی ارشد خان پر ایف آئی آر درج کرانے کا حکم

    اسلام آباد : وزیر اطلاعات فواد چوہدری نے ایم ڈی پی ٹی وی ارشدخان پرایف آئی آردرج کرانےکاحکم دیتے ہوئے رقم کی منتقلی کےمعاملات کی تحقیقات  کی ہدایت کردی ہے، انکوائری کی ہدایات سرکاری ٹی وی کی ورکرزیونین کی شکایت پرکی گئی۔

    تفصیلات کے مطابق سرکاری ٹی وی کے اکاؤنٹس سے رقم کی بڑے پیمانے پر منتقلی کے معاملے پر وزیر اطلاعات فواد چوہدری نے ایم ڈی پی ٹی وی ارشد خان پر ایف آئی آر درج کرانے کا حکم دے دیا اور رقم کی منتقلی کے معاملات کی تحقیقات کی ہدایت کردی۔

    فوادچوہدری نے آئی جی پولیس اسلام آباد کوخط لکھ دیا ہے ، جس میں کہا ہے کہ مشاہدے میں آیا ہے کہ معاملہ کرمنل کیس بن چکا ہے، معاملےکی میرٹ پر تحقیقات کے بعد رپورٹ دی جائے۔

    انکوائری کی ہدایات سرکاری ٹی وی کی ورکرزیونین کی شکایت پرکی گئی۔

    یاد رہےنومبر 2018  میں ارشدخان کو قائم مقام  ایم ڈی پی ٹی وی تعینات کیا گیا تھا۔

  • ہفتہ وارچھٹی سے متعلق افواہیں بے بنیاد ہیں، وزیراطلاعات فواد چوہدری

    ہفتہ وارچھٹی سے متعلق افواہیں بے بنیاد ہیں، وزیراطلاعات فواد چوہدری

    اسلام آباد : وزیراطلاعات فواد چوہدری نے ہفتہ وار چھٹی میں تبدیلی کی خبروں کی تردید کرتے ہوئے کہا ہفتہ وارچھٹی سےمتعلق افواہیں بے بنیاد ہیں۔

    تفصیلات کے مطابق وزیراطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا حکومت کی جانب سے ہفتہ وار چھٹی میں کوئی تبدیلی زیر غور نہیں ،ہفتہ وار چھٹی میں تبدیلی کے حوالے سے افواہیں بے بنیاد ہیں۔

    خیال رہے 17 جنوری کو سعودی عرب کے ولی عہد محمد بن سلمان دو روزہ دورے پر پاکستان پہنچے تھے ، اس موقع پر سوشل میڈیا ایسی رپورٹس گردش کر رہی تھی کہ حکومت اتوار کی ہفتہ وار تعطیل کو جمعے سے تبدیل کرنے کا سوچ رہی ہے، اس تبدیلی کا مقصد عرب ممالک سے معاشی تعلقات کو مزید مضبوط کرنا ہے۔

    سعودی ولی عہد نے دورہ پاکستان میں وزیراعظم عمران خان ، آرمی چیف جنرل قمر جاوید باجوہ اور صدر عارف علوی سے ملاقاتیں کیں تھیں اور 21 ارب ڈالر کی سرمایہ کاری کا اعلان کیا تھا۔

    واضح رہے کہ ذوالفقار علی بھٹو کی حکومت نے اتوار کی چھٹی ختم کر کے جمعہ کے روز ہفتہ وار چھٹی کا اعلان کیا تھا، بعد ازاں 1996 میں میاں نواز شریف نے جمعہ کی چھٹی ختم کر کے دوبارہ اتوار کو ہفتہ وار تعطیل کا دن مقرر کر دیا تھا۔

  • پاکستان مخالف پالیسی کے بجائے مودی سرکار کارکردگی پر الیکشن لڑے: فواد چوہدری

    پاکستان مخالف پالیسی کے بجائے مودی سرکار کارکردگی پر الیکشن لڑے: فواد چوہدری

    اسلام آباد: وزیر اطلاعات فواد چوہدری نے کہا ہے کہ پاکستان مخالف پالیسی کے بجائے مودی سرکار کارکردگی پر الیکشن لڑے.

    ان خیالات کا اظہار انھوں نے میڈیا سے گفتگو کرتے ہوئے کیا. فواد چوہدری نے کہا ہے کہ بھارت آج دنیا میں تنہا ہے، ان کے مؤقف کو تسلیم نہیں کیا جا رہا.

    [bs-quote quote=”پاکستان کو کوئی نقصان نہیں پہنچا سکتا ہم اپنی افواج کے ساتھ کھڑے ہیں” style=”style-8″ align=”left” author_name=”فواد چوہدری”][/bs-quote]

    وزیر اطلاعات کا کہنا تھا کہ مودی سرکار بچگانہ حرکت کرکے پاکستان مخالف جذبات استعمال نہ کرے، پاکستان نے چوڑیاں‌ نہیں پہن رکھیں، ہماری فوج کی بہادری کی مثال دنیا جانتی ہے، پاکستان کو کوئی نقصان نہیں پہنچا سکتا ہم اپنی افواج کے ساتھ کھڑے ہیں.

    فواد چوہدری نے کہا کہ کشمیریوں پر جو مظالم کیے جا رہے ہیں، ہمیں اس پر شدید تشویش ہے، پاکستانی افواج کی بہادری کو دنیا تسلیم کرتی ہے، بھارت مذاکرات پر آنا چاہتا ہے تو ہم اس کے لئے تیار ہیں.

    مزید پڑھیں: غیرقانونی اثاثہ جات کیس : اسپیکرسندھ اسمبلی آغاسراج درانی 3 روزہ راہداری ریمانڈ پر نیب کےحوالے

    وزیر اطلاعات نے کہا کہ حکومت نیب کی کارروائیوں سے لاتعلق ہے، احتساب کے عمل کو سیاست سے جوڑنا مناسب نہیں، نیب کی کارروائی جہاں بھی ہوئی ہے ہم نے قانون کو سپورٹ کیا ہے، بھارت کو بتا دیا ہے کہ ہم مذاکرات اور تحقیقات دونوں کے لئے تیار ہیں.

    خیال رہے کہ آج قومی احتساب بیورو نےاسپیکر سندھ اسمبلی آغا سراج درانی کو آمدنی سے زاید اثاثوں کےا لزام میں گرفتار کر لیا ہے۔

    بھارت نے کلبھوشن کو وقت سے پہلے کیوں ریٹائر کر دیا؟

    اپنی پریس کانفرنس میں  فواد چوہدری نے کلبھوشن معاملے پر تفصیلی اظہار خیال کیا۔ ان کا کہنا تھا کہ بھارتی موقف کے مطابق کلبھوشن کو  47سال کی عمر میں ریٹائر کیا گیا، سوال یہ ہے کہ کلبھوشن کو عمر کی حد سے پہلے کیوں ریٹائر کیا گیا۔

    انھوں نے کہا کہ کلبھوشن کے پاس اصل بھارتی پاسپورٹ ہے،  جب اسے گرفتار کیا گیا، اس کے پاس بھارتی پاسپورٹ تھا، بھارت الزام لگاتا ہے کہ کلبھوشن کو چاہ بہار سے پکڑا گیا ، چاہ بہار سے پاکستان تک کے 9 گھنٹے کے سفر کے بھارت کے پاس کیا ثبوت ہیں؟ سوال اٹھتا ہے کہ کیا بھارت نے ایران سے پوچھا یا نہیں، پارلیمانی پارٹی کے اجلاس میں بھارتی رویے کی مذمت کی گئی۔

  • وزیراعظم کی درخواست ، سعودی ولی عہدکا 2107پاکستانیوں کی فوری رہائی کاحکم

    وزیراعظم کی درخواست ، سعودی ولی عہدکا 2107پاکستانیوں کی فوری رہائی کاحکم

    اسلام آباد : وزیراعظم کی درخواست پر سعودی ولی عہد نے 2107پاکستانیوں کی فوری رہائی کاحکم دے دیا، گذشتہ روز وزیر اعظم نے شہزادہ محمد بن سلمان سے سعودی عرب میں معمولی جرائم میں قید تین ہزار پاکستانیوں کی رہائی کی درخواست کی تھی۔

    تفصیلات کے مطابق وزیر اطلاعات و نشریات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا ہے کہ وزیراعظم عمران خان کی درخواست پر سعودی ولی عہد محمدبن سلمان نے 2107 پاکستانیوں کی فوری رہائی کا حکم دے دیا ، 2107 قیدی سعودی عرب کی مختلف جیلوں میں قید ہیں۔

    دوسری جانب وزیرخارجہ شاہ محمود قریشی نے سماجی رابطے کی ویب سائٹ ٹوئٹر پر اپنے بیان میں کہا  سعودی ولی عہد نے 2107 پاکستانی قیدیوں کی رہائی کا حکم دیا، سعودی حکومت باقی پاکستانیوں کے کیسز کا بھی جائزہ لےگی، پاکستان کے عوام ولی عہد محمد بن سلمان کے شکرگزار ہیں، سعودی ولی عہدنےفوری وزیراعظم کی درخواست پرجواب دیا۔

    یاد رہے گذشتہ روز وزیرِ اعظم ہاؤس میں عشائیے سے خطاب کرتے ہوئے وزیراعظم نے سعودی ولی عہد سے معمولی جرائم میں قید 3 ہزار پاکستانیوں کی رہائی کی اور اپنی سرزمین پرموجود پچیس لاکھ پاکستانیوں کو اپنا ہی سمجھنے کی درخواست کی تھی۔

    وزیراعظم کا کہنا تھاکہ سیکیورٹی مسائل نہ ہوتے تو ہزاروں پاکستانی آپ کااستقبال کرتے، سعودی عرب پاکستانی حجاج کوپاکستان میں امیگریشن کی سہولت دے، 25 لاکھ پاکستانی سعودی عرب میں مقیم ہیں۔

    جس کے جواب میں شہزادہ محمد بن سلمان نے وزیراعظم عمران خان کوہرممکن تعاون کی یقین دہانی کراتے ہوئے کہا تھا کہ عمران خان، آپ مجھے سعودی عرب میں پاکستانی سفیر سمجھیں، پاکستان کونانہیں کہہ سکتے، ہم سے جو کچھ ہوسکتا ہے کریں گے۔

    شہزادہ محمد بن سلمان نے کہا تھا کہ پاکستان ہمارا دوست اور بھائی ہے، پاکستان کے ساتھ دوستی اور بھائی چارے کو مزید آگے بڑھائیں گے، پاکستان میں اس طرح کی قیادت کا انتظار تھا تاکہ ہم پارٹنر بنیں اور بہت سے کام مل کر کر سکیں۔

  • پاکستان نے ہمیشہ امن کی بات کی، بھارت اپنے گریبان میں جھانکے: فواد چوہدری

    پاکستان نے ہمیشہ امن کی بات کی، بھارت اپنے گریبان میں جھانکے: فواد چوہدری

    اسلام آباد: وزیر اطلاعات فواد چوہدری نے کہا ہے کہ پاکستان سعودی عرب تعلقات کی ایک تاریخ ہے، پاکستان نے ہمیشہ امن کی حمایت کی۔

    ان خیالات کا اظہار انھوں نے میڈیا سے گفتگو کرتے ہوئے کیا، وزیر اطلاعات فواد چوہدری نے کہا کہ پاکستان سعودی عرب تعلقات میں گرم جوشی آئی ہے، ہمیں عالمی مسلم تنازعات کے حل میں کردار ادا کرنا ہے، پاکستان مشرق وسطیٰ میں اہم کھلاڑی کے طورپر ابھرا ہے.

    [bs-quote quote=”یقین ہے کہ پاکستان سعودی عرب تعلقات کا مستقبل روشن رہے گا” style=”style-7″ align=”left” author_name=”فواد چوہدری”][/bs-quote]

    وزیراطلاعات نے کہا کہ پاکستان کے سعودی شاہی خاندان کے ساتھ خوشگوارتعلقات ہیں، سعودی عرب کی سرمایہ کاری گزشتہ 10 سال میں سب سے زیادہ ہے، سعودی عرب گوادرمیں 8 ارب ڈالر سے ایشیا کی دوسری بڑی آئل ریفائنری لگائے گا.

    انھوں نے سعودی ولی عہد نے بڑے پیمانے پراقدامات کیے، محمد بن سلمان کے اقدامات کو سعودی عرب سمیت دنیا بھر میں سراہا جا رہا ہے، پاکستان اورسعودی عرب کی قیادت میں مکمل ہم آہنگی ہے، یقین ہے کہ پاکستان سعودی عرب تعلقات کا مستقبل روشن رہے گا.

    مزید پڑھیں: پاکستان میں دہشت گردی کرنے والا بھارت، عالمی عدالت انصاف کے کٹہرے میں

    انھوں نے مقبوضہ کشمیر میں رونما ہونے والے واقعے کا تذکرہ کرتے ہوئے کہا کہ دہشت گردی کی مذمت کرتے ہیں، بھارت اپنےگریبان میں جھانکےتومعاملات بہترہوسکتے ہیں، الزام تراشی کا سلسلہ بند ہونا چاہیے، پاکستان پرالزامات وہ لگارہےہیں جنہوں نےکبھی کشمیرمیں قدم نہیں رکھا.

    فواد چوہدری نے مزید کہا کہ پاکستان نے ہمیشہ امن کی بات کی ہے اورکرتے رہیں گے، بھارت اگر کشیدگی چاہتا ہے، تو پھر یہ چلتی رہے گی.

  • مستقبل میں پاکستان سعودی عرب کے درمیان مشترکہ لائحہ عمل اپنایا جائے گا: وزیر اطلاعات

    مستقبل میں پاکستان سعودی عرب کے درمیان مشترکہ لائحہ عمل اپنایا جائے گا: وزیر اطلاعات

    اسلام آباد: وفاقی وزیر اطلاعات فواد چوہدری کا کہنا ہے کہ مستقبل میں پاکستان سعودی عرب کے درمیان مشترکہ لائحہ عمل اپنایا جائے گا۔ وزیر اعظم عمران خان کے دوروں سے مضبوط تعلقات کو مزید وسعت ملی ہے۔

    تفصیلات کے مطابق وفاقی وزیر اطلاعات فواد چوہدری نے سعودی ٹی وی چینل کو انٹرویو دیا۔ اپنے انٹرویو میں وزیر اطلاعات کا کہنا تھا کہ پاکستان اور سعودی عرب کے درمیان تاریخی تعلقات ہیں، سعودی عرب سے تعلقات اقتصادی روابط اور اخوت میں بندھے ہیں۔

    وزیر اطلاعات کا کہنا تھا کہ شاہ فیصل مسجد دونوں ممالک میں مضبوط رشتے کی عکاسی کرتی ہے، وزیر اعظم عمران خان کے دوروں سے مضبوط تعلقات کو مزید وسعت ملی ہے۔

    انہوں نے کہا کہ چاہتے ہیں کہ تعلقات کو تذویراتی شراکت داری میں بدل دیں، میڈیا حقیقت حال کی عکاسی کرتا ہے صورتحال مثبت ہے تو مثبت تاثر دے گا۔ پاک سعودی عرب میں مثبت صورتحال ہے جس کی عکاسی ہو رہی ہے۔

    فواد چوہدری کا کہنا تھا کہ پاکستان میں سعودی وزارت اطلاعات کے ساتھ مکمل تعاون کر رہے ہیں، سعودی شہریوں کے لیے ویزہ کی مخصوص سہولتیں فراہم کی ہیں۔

    سیاحت کے حوالے سے انہوں نے کہا کہ پاکستان میں بے شمارسیاحتی مقامات ہیں جنہیں دیکھ کر لوگ سوئٹزر لینڈ بھول جاتے ہیں، پاکستان میں دنیا کی بلند ترین برفانی چوٹیاں اور قدرتی مناظر موجود ہیں۔ ’چاہتے ہیں کہ عرب ممالک کے لوگ یورپ کے بجائے پاکستان کا رخ کریں‘۔

    وزیر اطلاعات کا کہنا تھا کہ ایک جامع مفاہمت کی یادداشت پر دستخط کیے جائیں گے، سیاحت اور سیر و تفریح سے متعلق ایک مشترکہ کمیٹی بھی قائم کی ہے۔ پاکستانی عوام شہزادہ محمد بن سلمان کے وژن کی تائید اور حمایت کرتے ہیں۔

    انہوں نے کہا کہ سعودی وزارت اطلاعات کے ساتھ تعاون سے اسلامی رواداری کو فروغ دیں گے، وزیر اعظم کا وژن ہے پاکستان کو ریاست مدینہ کی طرز پر بنایا جائے، رسول اللہ ﷺ نے بھی رواداری، اسلامی اخوت، داد رسی پر مبنی بنیاد ڈالی تھی۔ درحقیقت شہزادہ محمد بن سلمان کے خیالات بھی ان ہی اقدار پر مبنی ہیں۔

    فواد چوہدری نے مزید کہا کہ سعودی فلسفہ عالم اسلام کی ایک بڑی طاقت کی حیثیت سے ابھر رہا ہے، مستقبل میں پاکستان سعودی عرب کے درمیان مشترکہ لائحہ عمل اپنایا جائے گا۔

  • سعودی ولی عہد کی آمد پر  کئی اہم معاہدوں پر دستخط ہوں گے: فواد چوہدری

    سعودی ولی عہد کی آمد پر  کئی اہم معاہدوں پر دستخط ہوں گے: فواد چوہدری

    اسلام آباد: وزیر اطلاعات فواد چوہدری نے کہا ہے کہ سعودی ولی عہد کی آمد پر  کئی اہم معاہدوں پر دستخط ہوں گے.

    ان خیالات کا اظہار انھوں نے میڈیا سے گفتگو کرتے ہوئے کیا، فواد چوہدری نے کہا کہ وزیر اعظم سعودی ولی عہد کے اعزاز میں عشائیہ دیں گے، جس کے بعد ملاقاتیں شروع ہوں گی.

    وزیر اطلاعات نے کہا کہ سعودی ولی عہد کو ایوان صدر میں استقبالیہ بھی دیا جائے گا، سعودی ولی عہد کی آمد کے موقع پر وفد کی سطح پر مذاکرات ہوں گے، سعودی ولی عہدکےاستقبال کے لئے وزیراعظم خود ایئرپورٹ جائیں گے.

    فواد چوہدری نے کہا کہ سعودی عرب اور پاکستان کی دوستی تاریخی ہے، دورےسے پاک سعودی عرب تعلقات کو نئی منزل ملے گی.

    انھوں نے مزید کہا کہ ریڈ زون میں سیکیورٹی الرٹ ہوگی، اسلام آباد کے دیگر علاقے معمول کے مطابق ہوں گے.

    مزید پڑھیں: سعودی ولی عہد بڑی سرمایہ کاری کے لئے آرہے ہیں، روزگار کے مواقع پیدا ہوں گے: وزیر اعظم

    خیال رہے کہ آج وزیر اعظم نے پشاور میں خطاب کرتے ہوئے کہا تھا کہ ولی عہد کے دورے سے پاکستان میں بڑی سرمایہ کاری آئے گی، روزگار کے نئے مواقع پیدا ہوں‌ گے.

    یاد رہے کہ سعودی شہزادے محمد بن سلمان پاکستان کے دورے پر اسلام آباد پہنچیں گے،  تجزیہ کار اس دورے کو تاریخی اہمیت کا حامل قرار دے رہے ہیں۔