ARYNews.tv | Urdu – Har Lamha Bakhabar

Tag: Fawad Chaudhry

  • صحت کارڈ کا اجرا بڑے وعدے کی تکمیل ہے، غریبوں کو بہترین سہولیات ملیں گی: فواد چوہدری

    صحت کارڈ کا اجرا بڑے وعدے کی تکمیل ہے، غریبوں کو بہترین سہولیات ملیں گی: فواد چوہدری

    اسلام آباد: وفاقی وزیر  اطلاعات فواد چوہدری نے کہا ہے کہ صحت کارڈ لانچ کرکے آج بہت بڑے وعدے کی تکمیل کی گی.

    ان خیالات کا اظہار انھوں نے وفاقی وزیرصحت عامرکیانی کے ساتھ پریس کانفرنس کرتے ہوئے کیا. ان کا کہنا تھا کہ صحت کارڈ کی اسلام آباد اور سابق فاٹا سے شروعات کی گئی ہے.

    فواد چوہدری کا کہنا تھا کہ صحت کارڈ پروگرام سے غریبوں کو تحفظ فراہم کریں گے، صحت کارڈ سے 7 لاکھ 20 ہزار روپے تک کا علاج بالکل مفت ہوگا، 20 فروری سے پنجاب کے 4 اضلاع میں صحت کارڈ پروگرام شروع ہوگا.

    ان کا کہنا تھا کہ پہلے مرحلے میں صحافی برادری، کیمرا مینز کو بھی شامل کیا گیا ہے، غریب آدمی کو بہترین طبی سہولتوں کی فراہمی اولین ترجیح ہے، صحت کارڈ خیبر پختونخوا سے شروع کیا گیا تھا.

    فواد چوہدری کا کہنا تھا کہ فنکاراور صحافیوں کو خصوصی طور پرصحت کارڈ پروگرام میں شامل کیا گیا ہے، غربت کے خاتمے کے لئے کام کرنے والی آرگنائزیشن کو اکٹھا کر رہے ہیں.

    ان کا کہنا تھا کہ سرکاری اسپتالوں پر بے تحاشا بوجھ ہے، صحت کارڈ سے شہری مرضی کے اسپتال سےعلاج کرا سکے گا، صحت کارڈ سے غریب آدمی کو علاج کی بہترین سہولتیں ملیں گی.

    انھوں نے مخالفین کو آڑے ہاتھوں لیتے ہوئے کہا کہ زرداری صاحب ان کے بچوں کا وقت زیادہ تر دبئی میں گزر ا ہے، میاں صاحب کے خون میں این آراو کی کمی پائی گئی ہے، انھیں صحت عطا فرمائے.

    ٹرانسپورٹ کی مد میں‌ ایک ہزار، تدفین کی مد میں دس ہزار روپے دیے جائیں گے: عامر کیانی

    اس موقع پر وزیر صحت عامر کیانی نے کہا کہ صحت انصاف کارڈ کے لئے مختلف ذرائع سے فنڈز جمع کئے جا رہے ہیں، پاکستان کے غریب طبقے کو سطح غربت سے اوپر لانا ہے.

    وزیر صحت عامرکیانی نے کہا کہ دوردراز علاقوں میں رہنے والوں کوایک ہزار روپے ٹرانسپورٹ کی مد میں دیں گے، خدانخواستہ کسی کا انتقال ہوتا ہے، تو تدفین کے لئے 10 ہزار روپے بھی دیں گے.

    انھوں نے کہا کہ عوام کو آمدنی کی بنیاد پر 3 کیٹیگری میں تقسیم کر کے صحت کارڈ دیا جائے گا، صحت کارڈ کے لئے آمدن کے لحاظ سے نشان دہی کر کے شہریوں کو بلایا جائے.

  • حج سبسڈی ختم کرنے اور مہنگی گیس کی وجہ 10سال خون چوسنے والی جونکیں ہیں، فواد چوہدری

    حج سبسڈی ختم کرنے اور مہنگی گیس کی وجہ 10سال خون چوسنے والی جونکیں ہیں، فواد چوہدری

    اسلام آباد : وزیر اطلاعات فواد چوہدری کا کہنا ہے کہ حج سبسڈی ختم کرنے اور مہنگی گیس کی وجہ 10سال خون چوسنے والی جونکیں ہیں،جونکوں کو ہٹا کر مسلنے تک 2نہیں ایک پاکستان کاخواب پورا نہیں ہوگا۔

    تفصیلات کے مطابق وزیراطلاعات فوادچوہدری نے سماجی رابطے کی ویب سائٹ ٹویٹر پر مخالفین کو جواب دیتے ہوئے کہا اگرحج کی سبسڈی نہیں دے پارہے اورگیس مہنگی کرنا پڑی تواس کی وجہ یہ جونکیں جودس سال تک خون چوستی رہی، اس کی تکلیف اب محسوس ہورہی ہے ، جب تک ان جونکوں کوہٹا کرمسلیں گے نہیں تب تک دونہیں ایک پاکستان کاخواب پورا نہیں ہوگا۔

    گذشتہ روز حج اخراجات میں اضافے پر مفتاح اسماعیل کے ٹوئٹ پر فوادچوہدری نے جوابی ٹوئٹ میں کہا تھا کہ بہت خوشی ہوئی حج کیلئےآپ کاجذبہ دیکھ کر، وہ لوگ بھی حج سبسڈی پردکھی ہیں جن کومحلےکی مسجدکامحل وقوع نہیں پتا، آپ کی اطلاع کیلئے سعودی حکومت نے حج ٹیکسزاور اخراجات میں اضافہ کیا، ٹیکسز کی وجہ سےحج اخراجات میں ناگزیراضافہ ہوا۔

    خیال رہے وفاقی کابینہ اجلاس میں قومی حج پالیسی 2019 کی منظوری دی گئی تھی اور اس برس سبسڈی نہ دینے کا فیصلہ کیا گیا تھا، جس کے بعد اپوزیشن کی جانب سے حکومت کو تنقید کا سامنا ہے۔

  • نوازشریف کو سلیوٹ کرنے والے اہلکار کے خلاف کارروائی نہیں ہو گی، فواد چودھری

    نوازشریف کو سلیوٹ کرنے والے اہلکار کے خلاف کارروائی نہیں ہو گی، فواد چودھری

    لاہور : وزیر اطلاعات و نشریات فواد چودھری نے کہا ہے کہ نوازشریف کو سلیوٹ کرنے والے پولیس اہلکار کے خلاف کوئی کارروائی نہیں کی جائے گی، ہم اتنے چھوٹے دل والے نہیں۔

    تفصیلات کے مطابق سروسز اسپتال لاہور میں ایلیٹ پولیس کے اہلکار نے العزیزیہ ریفرنس کے سزایافتہ مجرم نوازشریف کو سلیوٹ کردیا، جس کے بعد سوشل میڈیا پر افواہ پھیل گئی کہ مذکورہ اہلکار کے خلاف کارروائی ہو رہی ہے۔

    اس حوالے سے وزیراطلاعات فواد چوہدری نے تردید کرتے ہوئے کہا کہ ہم چھوٹے دل والے نہیں کہ سیلوٹ کرنے پر کسی کے خلاف کارروائی کریں، مذکورہ اہلکار کے خلاف کوئی کارروائی نہیں کی جائے گی۔

    یاد رہے کہ اس واقعے نےپانچ جولائی دو ہزار سترہ کو جے آئی ٹی میں پیشی پر مریم نواز کو سلیوٹ کرنے والی ایس پی اسپیشل برانچ ارسلہ سلیم کی یاد تازہ کر دی۔

  • ہمارا کشمیر سے تعلق زمین کا نہیں روح کا ہے ،موجودہ حکومت کشمیرکازپرمخلص ہے، وزیراطلاعات

    ہمارا کشمیر سے تعلق زمین کا نہیں روح کا ہے ،موجودہ حکومت کشمیرکازپرمخلص ہے، وزیراطلاعات

    اسلام آباد : وزیراطلاعات فوادچوہدری کا کہنا ہے کہ ہمارا کشمیر سے تعلق زمین کا نہیں روح کا ہے، ہمارا کشمیریوں کے ساتھ لہو بہتا ہے، کشمیر پر  کئے جانیوالے مظالم دنیا سے چھپ نہیں سکتے، موجودہ حکومت کشمیرکاز پر مخلص ہے۔

    تفصیلات کے مطابق وزیراطلاعات فوادچوہدری نے کشمیر کانفرنس سے خطاب کرتے ہوئے کہا کشمیر کے اندر نسل در نسل آزادی کے لئے جدوجہد جاری ہے،  ہمارا کشمیر سے تعلق زمین کا نہیں روح کا ہے، ہمارا کشمیریوں کےساتھ لہوبہتاہے۔

    [bs-quote quote=”ظلم پھرظلم ہے، بڑھتا ہے تومٹ جاتاہے” style=”style-7″ align=”left” author_name=”فواد چوہدری "][/bs-quote]

    وزیراطلاعات کا کہنا تھا کہ کشمیر پر بھارتی رویے کی دنیا میں جگ ہنسائی ہورہی ہے، کشمیر پر بھارت نے غاصبانہ قبضہ کررکھاہے، کشمیرپر کئے جانیوالے مظالم دنیا سے چھپ نہیں سکتے، عمرفاروق، محبوبہ مفتی نے کہا کشمیر کا دل پاکستان کے ساتھ دھڑکتا ہے۔

    فوادچوہدری نے مزید کہا  ظلم پھرظلم ہے، بڑھتا ہے تومٹ جاتاہے، موجودہ حکومت کشمیرکاز پر مخلص ہے، بھارت کے ساتھ بہتر تعلقات چاہتے ہیں، مسئلہ کشمیر کے حل سے خطے میں امن ہوگا۔

    مزید پڑھیں : کشمیری ہمارےجسم کاحصہ ہیں، مسئلہ کشمیر کو علاقے نہیں انسانیت کی نظرسے دیکھتے ہیں،فوادچوہدری

    یاد رہے وزیراطلاعات فوادچوہدری نے کہا تھا کشمیری ہمارےجسم کا حصہ ہیں، مسئلہ کشمیر کو علاقے نہیں انسانیت کی نظر سے دیکھتے ہیں، وزیراعظم عمران خان اور فوج کی خواہش ہے کشمیر کا مسئلہ حل ہو، بھارت سمجھ لے مسئلہ کشمیر پر حقیقت پسندانہ فیصلہ کرنا ہوگا۔

    وزیراطلاعات کا کہنا تھا کہ کشمیر میں حالات لہولہو ہیں، بھارت کشمیر پر اپنا تسلط قائم رکھنا چاہتا ہے، ماضی میں ہم نے3جنگیں لڑیں بھارت کوکیافائدہ ہوا، کشمیرمیں پاکستان کی حمایت بہت زیادہ ہے۔

    فواد چوہدری نے کہا تھا کشمیرکےحالات دیکھتےہیں توبھارت سےتعلقات کاراستہ کٹھن ہوجاتاہے، جب سوشل میڈیا پر کشمیری عوام پر مظالم کی تصاویر آتی ہے تو دل دکھی ہوجاتاہے۔

  • حکومت حج پر ایک روپیہ بھی نہیں کما رہی ، وزیراطلاعات فواد چوہدری

    حکومت حج پر ایک روپیہ بھی نہیں کما رہی ، وزیراطلاعات فواد چوہدری

    اسلام آباد: وزیراطلاعات فواد چوہدری کا کہنا ہے کہ سبسڈی حج عبادت کی بنیادی فلاسفی سےہی متصادم ہے، سبسڈی کا مطلب حکومت غریبوں سے رقم لے کر حج کرائے، حکومت حج پر ایک روپیہ بھی نہیں کما رہی۔

    تفصیلات کے مطابق وزیراطلاعات فواد چوہدری نے سماجی رابطے کی ویب سائٹ ٹوئٹر پر اپنے بیان میں کہاحج اور زکوة دو عبادات ہیں جو استطاعت رکھنے والوں پر واجب ہیں، سبسڈی کا مطلب یہ ہے کہ حکومت غریب لوگوں سے رقم لے کر حج کرائے، یہ حج کی بنیادی فلاسفی سے ہی متصادم ہے۔

    فواد چوہدری نے ایک اور ٹویٹ میں کہا حکومت حج پر ایک روپیہ بھی نہیں کما رہی۔

    خیال رہے آج ہونے  والے سینیٹ اجلاس میں جماعت اسلامی کے سینیٹر مشتاق احمد نے حج اخراجات میں اضافے کو عازمین پر ڈرون حملہ قرار دیتے ہوئے کہا گزشتہ دن حکومت نےحج پالیسی کا اعلان کیا ، کابینہ کی جانب سےحج پالیسی پرسبسڈی نہیں دی گئی ، رواں برس حج اخراجات میں 1 لاکھ  76 ہزار  اضافہ کیاگیا، وزارت مذہبی امور نے 45ہزار روپے سبسڈی کی درخواست کی، حکومت نے اپنے وزیر کی بات نہیں مانی۔

    مشتاق احمد نے خطاب میں کہا گزشتہ سال سرکاری حج کےاخراجات 2لاکھ 80 ہزار تھے ، رواں برس قربانی کے اخراجات ملاکر 4لاکھ 56ہزار آئیں گے۔

    مزید پڑھیں : قومی حج پالیسی 2019 منظور، سبسڈی نہ دینے کا فیصلہ

    وزیرپارلیمانی امورعلی محمد کا کہنا تھا کہ حج کے70 فیصد اخراجات سعودی عرب میں پہلے ادا کیے جاتے ہیں، سعودی عرب جو اضافہ کرتا ہے اس پر ہمارا اختیار نہیں، سعودی عرب نے سفر، رہائش ، کھانے پینے کے اخراجات میں اضافہ کیا، گزشتہ حکومت نے الیکشن کے لیے حج اخراجات میں اضافہ نہیں کیا، اخراجات کی مد میں جو نقصان ہوا وہ بوجھ ہم پر پڑا، کوشش کریں گے حجاج کو جتنا ریلیف ہو سکے گا دیں گے۔

    یاد رہے گذشتہ روز وفاقی کابینہ اجلاس میں قومی حج پالیسی 2019 کی منظوری دی گئی تھیا اور اس برس سبسڈی نہ دینے کا فیصلہ کیا گیا تھا۔

    وزیر اعظم عمران خان نے کابینہ پر واضح کیا تھا کہ رواں برس حجاج کو کوئی مسئلہ درپیش نہیں ہونا چاہیے، سہولتوں پرکسی قسم کا سمجھوتا نہیں کیا جائے گا۔

  • شہباز شریف کو پی اے سی کا سربراہ نہیں، جیل میں ہونا چاہیئے: فواد چوہدری

    شہباز شریف کو پی اے سی کا سربراہ نہیں، جیل میں ہونا چاہیئے: فواد چوہدری

    اسلام آباد: وزیر اطلاعات فواد چوہدری کا کہنا ہے کہ اپوزیشن کو وزیر اعظم کا احترام کرنا ہوگا، شہباز شریف کو پی اے سی کا سربراہ نہیں، جیل میں ہونا چاہیئے۔

    تفصیلات کے مطابق وزیر اطلاعات فواد چوہدری نے میڈیا سے گفتگو کرتے ہوئے کہا کہ 1965 تک پاکستان ایک بہترین ملک رہا، پاکستان میں سیاحت کے شعبے میں 4 کیٹگریز ہیں، پاکستان میں نئی ویزا پالیسی متعارف کروا رہے ہیں۔

    فواد چوہدری نے کہا کہ پاکستان سیاحت کے لیے جنت ہے، 175 ممالک کو ای ویزہ سہولت دے دی گئی۔ 50 ممالک کو ویزہ آن ارائیول سہولت دے دی گئی۔ 50 ملکوں کو ایئر پورٹ لاؤنج پر ہی ویزہ دیا جائے گا۔ بزنس ویزے کی سہولت 96 ملکوں تک بڑھا دی گئی ہے۔

    انہوں نے کہا کہ ڈپلومیٹک کارڈ کی مدت 3 سال تک بڑھا دی گئی ہے۔ اسٹوڈنٹس کے لیے ویزہ مدت 2 سال بڑھا دی گئی ہے، سیاحوں کو کنٹونمنٹ، آزاد کشمیر، گلگت بلتستان کے لیے این او سی کی ضرورت نہیں۔

    وزیر اطلاعات کا کہنا تھا کہ اپوزیشن ایک طرف کہتی ہے وزیر اعظم ایوان میں نہیں آتے، میں نے کسی کو برا نہیں کہا یا گالی نہیں دی۔ یہاں تو ذاتیات پر فقرے کسے جاتے ہیں، اپوزیشن کو وزیر اعظم کا بھی احترام کرنا ہوگا۔ حیران ہوں شہباز شریف نے کل سلیکٹڈ وزیر اعظم کہا، جن کی کوئی حیثیت نہیں تھی وہ کہیں آپ کہاں سے آئے ہیں۔

    انہوں نے کہا کہ جب تحریک انصاف نے حکومت سنبھالی تو امریکا کے ساتھ تعلقات کیا تھے، 12 سال بعد متحدہ عرب امارات کے ولی عہد پاکستان آئے، پاکستان پھر افغانستان کے استحکام میں کردار ادا کر رہا ہے۔

    فواد چوہدری نے کہا کہ شہباز شریف کو پی اے سی کا سربراہ بنانے کا مخالف تھا، صولی طور پر ان کو جیل میں ہونا چاہیئے، جن کے چہروں پر خون لگا ہے وہ ساہیوال واقعے پر مگر مچھ کے آنسو بہا رہے ہیں۔

    انہوں نے کہا کہ صحافیوں کو لانگ ٹرم اور شارٹ ٹرم ویزے جاری کریں گے، آج ہم یورپ اور مشرق وسطیٰ پر کہاں کھڑے ہیں۔ کوئی 5 ماہ میں ایسا کردار ادا نہیں کر سکتا تھا، ماڈل ٹاؤن میں منصوبہ بندی کے تحت قتل عام کیا گیا، ساہیوال واقعہ تو غلطی سے ہوا۔

    وزیر اطلاعات کا کہنا تھا کہ ساہیوال سانحہ پر گرفتاریاں بھی کی ہیں، شہباز شریف دور میں زیادہ ماورائے عدالت قتل کیے گئے۔ تھوڑی شرم ہوتی تو 2، 3 سال ٹی وی سے غائب رہتے، ہم بحیثیت حکومت اس ایوان کو مچھلی منڈی بننے نہیں دیں گے۔ پاکستان کو نہیں سندھ کے غداروں کو خطرہ ہے۔

  • کل جو کچھ ن لیگ نے کیا وہ ان کا معمول ہے‘ فواد چوہدری

    کل جو کچھ ن لیگ نے کیا وہ ان کا معمول ہے‘ فواد چوہدری

    اسلام آباد: وفاقی وزیراطلاعات ونشریات فواد چوہدری کا کہنا ہے کہ پاکستان مسلم لیگ نواز نے ماضی سے کچھ نہیں سیکھا۔

    تفصیلات کے مطابق سماجی رابطے کی ویب سائٹ ٹویٹرپروفاقی وزیراطلاعات فواد چوہدری نے اپنے پیغام میں کہا کہ کل جوکچھ پاکستان مسلم لیگ ن نے کیا وہ ان کا معمول ہے۔

    فواد چوہدری نے اپنے پیغام میں مزید کہا کہ پاکستان مسلم لیگ ن کچھ نہیں سیکھا۔

    منی بجٹ:‌ پانچ ارب کی قرضہ حسنہ اسکیم، زرعی قرضوں‌ پر انکم ٹیکس میں‌ کمی

    یاد رہے کہ حکومت نے منی بجٹ میں بینک ٹرانزیکشنز پرفائلرز کے لیے وڈ ہولڈنگ ٹیکس ختم کرنے اور گھر بنانے کے لیے عوام کو قرض حسنہ فراہم کرنے کے لیے پانچ ارب روپے مختص کرنے کی تجاویز دی تھیں۔

    وفاقی وزیرخزانہ اسد عمر نے گزشتہ روز قومی اسمبلی میں بجٹ تجاویز پیش کرتے ہوئے کہا تھا کہ فائل نہ کرنے والے افراد زیادہ ٹیکس دے کر 1300 سی سی تک گاڑی خرید سکیں گے۔

  • ساہیوال واقعے میں دہشت گردوں نے خواتین کو استعمال کیا: فواد چوہدری

    ساہیوال واقعے میں دہشت گردوں نے خواتین کو استعمال کیا: فواد چوہدری

    لاہور: وفاقی وزیر اطلاعات فواد چوہدری کا کہنا ہے کہ ساہیوال واقعے میں ہلاک ہونے والے بڑے دہشت گرد تھے، ابتدائی تحقیقات کے مطابق دہشت گردوں نے خواتین کو استعمال کیا۔

    تفصیلات کے مطابق وفاقی وزیر اطلاعات فواد چوہدری نے ایک تقریب سے خطاب کے دوران ساہیوال میں مبینہ پولیس مقابلے میں خاندان کی ہلاکت کے معاملے پر کہا کہ محکمہ انسداد دہشت گردی (سی ٹی ڈی) کا کہنا ہے کہ ہلاک ہونے والے بڑے دہشت گرد تھے۔

    انہوں نے کہا کہ واقعے کی ابتدائی تحقیقات کے مطابق دہشت گردوں نے خواتین کو استعمال کیا۔

    فواد چوہدری نے کہا کہ منو بھائی سے ہمارے گھر کا پرانا تعلق تھا، ماضی کی نسبت پاکستان بہتر حالات کی جانب گامزن ہے۔

    ان کا کہنا تھا کہ رواں سال پاکستان بڑی ایکسپورٹ کرے گا، 2019 میں پاک چین اقتصادی راہداری (سی پیک) میں بہت سی تبدیلیاں دیکھنے کو ملیں گی، سی پیک میں تحریک انصاف کا منشور نظر آئے گا۔

    انہوں نے کہا کہ مسلم لیگ ن ہو، پیپلز پارٹی ہو یا تحریک انصاف یہ ملکی وجود کے لیے ضروری ہیں۔ ہمارا جھگڑا 2 بڑے لیڈروں کے لیے این آر او مانگنے پر ہوتا ہے، ن لیگ اور پیپلز پارٹی اپنے لیڈروں کو بچانے کے لیے این آر او مانگتی ہیں۔

    فواد چوہدری کا کہنا تھا کہ دہشت گردوں کو کنٹرول کرنے کے لیے فوجی عدالتیں بنائی گئیں، فوجی عدالتیں نیشنل ایکشن پلان کے تحت بنائی گئی تھیں۔ فوجی عدالتوں کی مدت میں توسیع کے لیے ترمیم کی ضرورت ہے۔

    انہوں نے کہا کہ ڈیم فنڈ میں ایک سال میں 30 ارب اکٹھا کرنے کا ٹارگٹ ہے، 5 ماہ میں ڈیم فنڈ میں 9 ارب سے زائد جمع ہو چکے ہیں۔

    اس سے قبل وزیر اطلاعات کا کہنا تھا کہ سی پیک پاکستان کی معیشت کی ریڑھ کی ہڈی ہے، اسے سپورٹ کرنا چاہیئے، سی پیک کو سپورٹ نہ کرنا اپنے پاؤں پر کلہاڑی مارنے کے مترادف ہے۔

    فواد چوہدری کا کہنا تھا کہ سعودی عرب پاکستان میں بہت بڑی سرمایہ کاری کرنے والا ہے، 18 ویں ترمیم کے تحت وسائل صوبوں کو تفویض کردیے گئے، 18 ویں ترمیم کے بعد وفاق صوبوں کی ذمے داری کیسے اٹھا سکتا ہے۔

  • فواد چوہدری کا اداکارگلاب چانڈیو کے انتقال پردکھ اورافسوس کااظہار

    فواد چوہدری کا اداکارگلاب چانڈیو کے انتقال پردکھ اورافسوس کااظہار

    اسلام آباد: وفاقی وزیر اطلاعات فواد چوہدری نے کہا ہے کہ فن کی دنیا میں گلاب چانڈیوکی کمی محسوس کی جاتی رہے گی۔

    تفصیلات کے مطابق وفاقی وزیراطلاعات ونشریات فواد چوہدری نے اداکارگلاب چانڈیو کے انتقال پردکھ اورافسوس کا اظہار کیا۔

    فواد چوہدری نے کہا کہ گلاب چانڈیو کے شاندارمکالمات مداحوں کے ذہنوں میں نقش ہیں، وہ اعلیٰ پائے کے فنکارتھے، فن کی دنیا میں گلاب چانڈیوکی کمی محسوس کی جاتی رہے گی۔

    یاد رہے کہ گزشتہ روز ناموراداکارگلاب چانڈیو طویل عرصےعلالت کے بعد 60 برس کی عمر میں انتقال کرگئے تھے۔

    سندھی اداکارگلاب چانڈٰیو نے ساٹھ کی دہائی میں کیرئیرکا آغاز کیا اور سندھی، اردو فلموں سمیت سیکڑوں ڈراموں میں کام کیا، ان کے مشہور ڈراموں میں زہربند، نوری جام تماچی، سنس لے اے زندگی ماروی ، غلام گردش اور ساگر کے موتی بھی شامل ہیں۔

    ناموراداکارگلاب چانڈیوطویل عرصےعلالت کے بعدانتقال کرگئے

    گلاب چانڈیوکو ولن کے روپ میں زیادہ شہرت ملی، وراسٹائل اداکار نے تین سو سے زائد اردو سندھی ڈراموں اور چھ فلموں میں اداکاری کی، دوہزار پانچ میں ان کی آخری فلم شاہ تھی۔

    ناموراداکارسیاست میں بھی دلچسپی رکھتے تھے، وہ پاکستان تحریک انصاف سے منسلک تھے۔

    حکومت پاکستان نے ان کی خدمات کے اعتراف میں انہیں 14 اگست 2015ء کو صدارتی تمغہ برائے حسن کارکردگی سے نوازا تھا۔

  • سی پیک کوسپورٹ نہ کرنا اپنے پاؤں پر کلہاڑی مارنے کے مترادف ہے: فواد چوہدری

    سی پیک کوسپورٹ نہ کرنا اپنے پاؤں پر کلہاڑی مارنے کے مترادف ہے: فواد چوہدری

    اسلام آباد: وفاقی وزیر اطلاعات فواد چوہدری نے کہا ہے کہ سی  پیک پاکستان کی معیشت کی ریڑھ کی ہڈی ہے، اسے سپورٹ کرنا چاہیے۔

    ان خیالات کا اظہار انھوں نے ایک تقریب سے خطاب کرتے ہوئے کیا. ان کا کہنا تھا کہ آج سی پیک کوسپورٹ نہ کرنا اپنے پاؤں پر کلہاڑی مارنے کے مترادف ہے.

    فواد چوہدری نے کہا کہ ہم میڈیا کی ترقی چاہتے ہیں، آزاد میڈیا ریاست کا اہم ستون ہے، سی پی این ای کو بھی میڈیا بحران کا جائزہ لینا چاہیے.

    وفاقی وزیر اطلاعات نے کہا کہ سعودی عرب پاکستان میں بہت بڑی سرمایہ کاری کرنے والا ہے، 18 ویں ترمیم کے تحت وسائل صوبوں کو تفویض کردیے گئے، 18 ویں ترمیم کے بعد وفاق صوبوں کی ذمے داری کیسے اٹھا سکتا ہے.

    ان کا کہنا تھا کہ میڈیا کو جہاں کہیں، جس قسم کے مسائل درپیش ہیں، ان کے حل کے لیے ہم ساتھ کھڑے ہیں.

    مزید پڑھیں: وزیراعظم عمران خان کی سی پیک منصوبوں کی جلد تکمیل کی ہدایت

    فواد چوہدری کے مطابق سوشل میڈیا کے استعمال سے ڈالر باہر جارہا ہے، ٹیکنالوجی کو روکا نہیں جاسکتا، البتہ بحیثیت پاکستانی ہمارامفاد ہے  کہ ڈالر پاکستان سے باہر نہ جائے، ہماری پوری کوشش ہے کہ اقدامات وہ کریں، جن سے بحران سے نکلیں.

    ان کا کہنا تھا کہ ہمیں  مثبت اقدامات کی حمایت کرنی چاہیے، ایگزون موبل اربوں روپےکی سرمایہ کرنے جا رہا ہے، سی پیک کو سپورٹ نہ کرنا خود کو نقصان پہچانے کے مترادف ہے.