لاہور: پاکستان تحریک انصاف کے رہنما نواز شریف نے مجیب الرحمان کو اپنا آئیڈیل قرار دیا ہے، وہ وہی کررہے ہیں جو میر جعفر نے ٹیپو سلطان کے ساتھ کیا تھا۔

ان خیالات کا اظہار انہوں نے میڈیا سے گفتگو کرتے ہوئے کیا، فواد چوہدری نے کہا کہ پی ٹی آئی ریاست سے وفادار نہ ہوئی تو میں پارٹی میں نہیں ہوں گا، میری پہلی وفاداری پارٹی نہیں ریاست پاکستان ہے۔

تحریک انصاف کے رہنما نے کہا کہ ن لیگ کا ورکر بھی اب نواز شریف سے ناراض ہے، ان کو منی ٹریل نہیں پتہ بھارت میں دہشت گردی کا پتہ ہے، نواز شریف کو کارگل کی پریشانی ہے، سیاچن کا دکھ نہیں، کلبھوشن کراچی، کوئٹہ میں فسادات کرانے پر کام کررہا تھا، نواز شریف اب بھی کلبھوشن کو دہشت گرد کہنے کو تیار نہیں ہیں۔

فواد چوہدری نے کہا کہ نواز شریف بھارتی لابی کے ساتھ اتنے جڑے ہوئے کیوں ہیں؟ ان کی بھارت سے اتنی محبت کیوں ہے ہمیں پتہ ہونا چاہئے، بھارت نے دہشت گردی کی سرپرستی کی شرمناک مہم چلا رکھی ہے، شریف خاندان کی بھارتی کاروباری لوگوں سے کیا دلچسپی ہے۔

انہوں نے کہا کہ خاقان عباسی ریاست سے زیادہ نواز شریف کی وفاداری میں لگے ہیں، وہ نواز شریف کا کھایا نمک حلال کرنا چاہتے ہیں، پاناما کیس کا فیصلہ آنے والا ہے وہ اسے سبوتاژ کرنا چاہتے ہیں، شاہد خاقان عباسی نواز شریف کے دفاع کے لیے میدان میں ہیں۔

تحریک انصاف کے رہنما کے مطابق نواز شریف چاہتے ہیں علمی برادری پاکستان سے مدبھیڑ ہو، انہوں نے حسین حقانی جیسے بیانات دئیے ہیں، ان کے بیان سے ملک پر پابندیاں لگ سکتی ہیں، محب وطن شخص ریاست پر پابندیوں کے لیے دشمن کا آلہ کار نہیں بن سکتا، کیا نواز شریف پانچ سال سوئے رہے کوئی قدم کیوں نہیں اُٹھایا؟ ن لیگ کی پانچ سال حکومت رہی، حالات کے ذمہ دار وہ خود ہیں۔

انہوں نے کہا کہ قومی سلامتی کمیٹی کا اجلاس دوبارہ ہونا چاہئے، نواز شریف کا کمیشن بنانے کا مطالبہ مسترد کرتے ہیں، نیشنل سیکیورٹی میٹنگ میں تمام راز فاش ہونا چاہئے، نواز شریف کے خلاف قومی سلامتی کمیٹی اجلاس میں فیصلہ ہونا چاہئے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

لاہور: پاکستان تحریک انصاف کے رہنما فواد چوہدری نے کہا ہے کہ پاناما ٹرائل بڑھتے ہی نواز شریف کی بدحواسی میں اضافہ ہورہا ہے، نواز شریف کا کمیشن کا مطالبہ معاملے کو الجھانے کی کوشش ہے۔

ان خیالات کا اظہار انہوں نے میڈیا سے گفتگو کرتے ہوئے کیا، فواد چوہدری نے کہا کہ آئین کا آرٹیکل 6 بالکل واضح اور غیر مبہم ہے، پی ٹی آئی کمیشن کے قیام کا مطالبہ مکمل طور پر مسترد کرتی ہے، کمیشن کا خیال اس وقت کیوں نہیں آیا جب وزیر اعظم تھے۔

انہوں نے کہا کہ پاناما کیس پر نواز شریف نے جے آئی ٹی بنوائی اور مٹھائیاں تقسیم کیں، جے آئی ٹی نے انہیں بے نقاب کیا تو رونا بند نہیں ہورہا ہے، یہ ملک فرمائشوں سے نہیں آئین و قانون کے مطابق چلے گا۔

فواد چوہدری نے کہا کہ اداروں کے سربراہان کو بلیک میل کرنے کی خواہش نہیں چلے گی، ریاست کے خلاف شرمناک مہم کا پوری قوت سے جواب دیں گے، پاناما کا حساب تو لیا جارہا ہے بیان کا جواب بھی آپ کو دینا ہوگا۔

تحریک انصاف کے رہنما نے کہا کہ بھارتی لابی نواز شریف کو کرپشن الزامات سے نہیں بچا پائئے گی، نواز شریف کو عدالت میں جواب دینا ہوگا، اس قسم کے اوچھے ہتھکنڈے قابل مذمت ہیں۔

مزید پڑھیں: نوازشریف نے پاکستان کےساتھ دشمنی کی، بیان بہت خطرناک ہے، فواد چوہدری

واضح رہے کہ فواد چوہدری کا کہنا تھا کہ نوازشریف نے جو متنازع بیان دیا اس سے پہلے کسی نے نہیں دیا، سابق وزیراعظم کا بیان بہت خطرناک ہے، نوازشریف نے پاکستان کے ساتھ دشمنی کی ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔