اسلام آباد : پاکستان تحریک انصاف کے رہنما اور سابق وزیر اطلاعات فواد چوہدری نے کہا ہے کہ سو جوتے سو پیاز والا محاورہ جس طرح ن لیگ پرصادق آتا ہے اس کی مثال ملنا مشکل ہے۔
سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ ن لیگ نے اسٹیبلشمنٹ کی کوکھ سے جنم لیا، اب آپس میں طے کیا ہے کہ ایک بھائی پرواسٹیبلشمنٹ سیاست کرے گا اور دوسرا اینٹی اسٹیبلشمنٹ منجن بیچے گا۔
سو پیازاورسو چھتر کا محاورہ جس طرح نون لیگ پر صادق آت ہےاس کی مثال ملنا مشکل ہے،اسٹیبلشمنٹ کی کھوکھ سے جنم لیا آپس میں طے کیا ایک بھائ پرواسٹیبلشمنٹ سیاست کرے گا دوسرا اینٹی اسٹیبلشمنٹ منجن بیچے گا،ایک کامنجن ناکام ہوا دوسرا آگے کردو،یہی فارمولا اگلی نسل میں ٹرانسفر کیا جا رہا ہے
— Ch Fawad Hussain (@fawadchaudhry) July 24, 2022
فواد چوہدری نے بتایا کہ ایک کا منجن ناکام ہو تو دوسرا آگے کردو، یہی فارمولا اگلی نسل میں ٹرانسفر کیا جا رہا ہے، اب ن لیگ کو لگا عمران خان کیخلاف اسٹیبلشمنٹ سے نتھی ہو کر بڑی غلطی ہوگئی۔
انہوں نے کہا کہ مریم نواز اب اینٹی اسٹیبلشمنٹ چورن بیچیں، عدلیہ کے خلاف بیانات شروع ہوگئے فوج کیخلاف چند دن میں شروع ہوجائیں گے۔
اب نون لیگ کو لگا عمران خان کیخلاف اسٹیبلشمنٹ سے نتھی ہو کر بڑی غلطی ہو گئ، مریم نواز اب اینٹی اسٹیبلشمنٹ چورن بیچیں، عدلیہ کیخلاف بیانات شروع ہوگئے فوج کیخلاف اگلے چند دنوں میں شروع ہو جائیں گے، اس اسکیم میں خامی یہ ہے کہ لوگ 1990 والے اب نہیں ہیں اور مقابلہ بھی عمران خان سے ہے
— Ch Fawad Hussain (@fawadchaudhry) July 24, 2022
سابق وزیر نے کہا کہ اسکیم میں خامی یہ ہے کہ اب لوگ 1990 والے اب نہیں اور اب ان کا مقابلہ عمران خان سے ہے۔ پی ٹی آئی رہنما کا کہنا تھا کہ ن لیگ کی حکمت عملی اسے سیاست سے مکمل باہر کر دے گی لیکن اداروں کو نقصان ہوگا۔
فواد چوہدری نے کہا کہ ادارے اس گرداب میں اپنی قیادت کی غلطیوں سے پھنسے ہیں، اپنی حدود میں رہتےتو کچھ نہیں تھا ،لیکن بہرحال اب اداروں کو ن لیگ نے ٹارگٹ کرنا ہے۔
