اسلام آباد : پاکستان تحریک انصاف کے چیئرمین عمران خان نے کہا ہے کہ مولانا فضل الرحمان توعالم دین ہیں، وہ کرپشن کی حمایت کیسے کرسکتےہیں ؟ کرپشن کی وکالت نہ کریں.انہوں نے دعوٰی کیا اب حکومت لوگوں کو خریدنے کے لئے بازار لگادے گی۔
ان خیالات کا اظہار انہوں نے بنی گالہ اسلام آباد میں عمرہ کیلئے روانگی سے قبل میڈیا سے گفتگو کرتے ہوئے کہی، انہوں نے کہا کہ میں عمرہ پر جانے سے پہلے نوازشریف کو کچھ باتوں کے جوابات دینا چاہتا ہوں۔
انہوں نے کہا کہ وزیراعظم اوران کے بچوں کے نام پاناما پیپرز میں آئے ہیں اور یہ پیپرز اپوزیشن نے جاری نہیں کئے ہیں،.
عمران خان نے کہا کہ اپوزیشن کی جانب سے دیئے گئے ٹی او آرز بالکل ٹھیک ہیں، ان کا کہنا تھا کہ وزیراعظم نواز شریف کرپشن کے الزام کا جواب دینے کے بجائے ملک کےدورے کررہےہیں.
جلسوں میں وزیر اعظم تقریریں کر کے پی ٹی آئی پر الزام لگا رہے ہیں کہ ہم ملکی ترقی میں رکاوٹ پیدا کر رہے ہیں، وزیراعظم یہ بتائیں کہ پیسہ کیسے باہر بھیجا گیا ہے،کیسے کمایااور ٹیکس کتنا دیا؟
کپتان کو اس موقع پر تین کالے چشموں والے تین رہنماؤں کو دیکھ کرہالی ووڈ فلم بلیوز برادرز کی یاد آگئی۔ عمران خان نے کہا کہ مولانا فضل الرحمان توعالم دین ہیں،کرپشن کی حمایت کیسے کرسکتےہیں؟
حکومت کا کام بلیک میل کرنا نہیں بلکہ مجرموں کو پکرنا ہوتا ہے۔ انہوں نے دعوٰی کیا کہ اب حکومت لوگوں کو خریدنے کے لئے بازار لگادے گی۔
کپتان نے کہا کہ اس وقت ملک میں 2 تحریکیں چل رہی ہیں، کرپشن بچاؤ اورکرپشن ہٹاؤ کامقابلہ ہے،ہٹاؤ والےجیتیں گے، اگر آپ کامیاب ہوگئے تو یہ اس ملک کی بدقسمتی ہوگی.
اس موقع پر عمران خان نے پیشکش کی کہ وزیراعظم اپنے ساتھ میرا کا بھی احتساب کرالیں۔ میڈیا سے گفتگو کے بعد عمران خان عمرے کےلئے روانہ ہوگئے۔ ان کی واپسی تین روز بعد ہوگی۔
