Tag: Fazlur rehamn

اسلام آباد: جمعیت علماء اسلام (ف) کے سربراہ مولانا فضل الرحمان نے کہا ہے کہ آئین سے دور جائیں گے تو تصادم ہوگا، ہم تمام اپوزیشن پارٹیوں سے مشاورت کررہے ہیں۔

تفصیلات کے مطابق جمعیت علماء اسلام (ف) کے سربراہ مولانا فضل الرحمان نے آزادی مارچ کے شرکا سے خطاب کرتے ہوئے کہا ہے کہ کوئی بھی آج پاکستان پر یقین کرنے کو تیار نہیں ہے، ہم نے سالانہ اربوں روپے کھودئیے ہیں، حکومت نے پاکستان کو آئی ایم ایف کا غلام بنادیا ہے۔

انہوں نے کہا کہ کہاں گئی وہ خود داری جس کا پرچم بلند رکھنے کا وعدہ کیا تھا، ہر ایک کو اپنے مقام پر کردار ادا کرنا چاہئے، آزادی مارچ کا سفر جاری رہے گا۔

مزید پڑھیں: چوہدری برادران کی گزشتہ روز رات گئے فضل الرحمان سے خفیہ ملاقات

مولانا فضل الرحمان نے کہا کہ آزادی مارچ میں ملک کے کونے کونے سے لوگ آئے ہیں، عوام میں اتنی طاقت ہے کہ یہودیوں کے ایجنٹ کو شکست دے۔

جے یو آئی (ف) کے سربراہ نے کہا کہ یہ ملک کسی کی جاگیر نہیں ہے، اس ملک میں غریب کی جنگ ہم نے لڑنی ہے۔

یاد رہے کہ گزشتہ روز اسلام آباد میں آزادی مارچ کے شرکا سے خطاب کرتے ہوئے مولانا فضل الرحمان نے کہا تھا کہ دھرنے کو ایک عشرہ مکمل ہو گیا ہے جس پر کارکنان کے جذبے اور استقامت کو سلام پیش کرتا ہوں، ہم نے باطل کے خلاف جہاد کا علم بلند کیا ہوا ہے۔

خیال رہے کہ حکومتی مذاکراتی کمیٹی اور اپوزیشن کی رہبر کمیٹی کے درمیان رابطوں کا سلسلہ جاری ہے، تاہم ابھی تک جے یو آئی ف کا دھرنا ختم کرنے کے سلسلے میں پیش رفت نہیں ہو سکی ہے۔

اسلام آباد: جمعیت علماء اسلام (ف) کے سربراہ مولانا فضل الرحمان نے کہا ہے کہ پاکستان کو مغرب کا گروی بنا کر رکھ دیا گیا ہے۔

تفصیلات کے مطابق جمعیت علماء اسلام (ف) کے سربراہ مولانا فضل الرحمان نے آزادی مارچ سے خطاب کرتے ہوئے کہا کہ پاکستان جن مقاصد کے لیے حاصل کیا گیا تھا کچھ بھی نہیں پایا، اس ملک کو ہم نے غلام بنادیا ہے۔

انہوں نے کہا کہ پاکستان کو امریکا اور مغربی دنیا کی کالونی بنادیا گیا ہے، قدم قدم پر مغربی دنیا کی غلامی کی جارہی ہوتی ہے، آج ہم بطور قوم کس کی پیروی کررہے ہیں۔

مولانا فضل الرحمان نے کہا کہ خدا کے لیے ہمیں قانون اور آئین کے دائرے میں رہنے دیں، جہاں آئین سبوتاژ ہوا ہے پھر وہ ملک نہیں رہے ہیں۔

مزید پڑھیں: پیرہو یا منگل ہم پلان بی پرعمل کریں گے، اکرم درانی

انہوں نے کہا کہ آپ نے کرتارپور راہداری کا افتتاح کیا جواب میں بھارت نے بابری مسجد اور مسلمانوں کے خلاف فیصلہ دیا ہے۔

انہوں نے کہا کہ دنیا میں دوست بنانا چاہتے ہیں تو یورپ سے بھی دوستی کرسکتے ہیں، ہم دنیا میں سر اٹھا کر عزت والی قوم بننا چاہتے ہیں غلامی قبول نہیں ہے۔

جے یو آئی (ف) کے سربراہ نے کہا کہ اس سے بڑی سیرت کانفرنس ہم نے کبھی نہیں دیکھی، آج اس کانفرنس کی وجہ سے دنیا کو ایک پیغام جارہا ہے، دنیا دیکھ رہی ہے ہم حضورﷺ سے کس قدر محبت رکھتے ہیں، یہ عوام حضور کی ناموس پر قربان ہونے کو تیار ہیں۔

فضل الرحمان نے کہا کہ آئین کو مضبوط کرنا ہے، یہ ملک ہمارا ہے کسی کی جاگیر نہیں ہے، ہم ملک میں وڈیرہ یا غلامی کی زندگی گزارنے کو تیار نہیں ہیں۔