Tag: FB

  • فیس بک پر ویکسین سے متعلق غلط معلومات روکنے کا دھوبی گھاٹ

    فیس بک پر ویکسین سے متعلق غلط معلومات روکنے کا دھوبی گھاٹ

    کیلیفورنیا: فیس بک نے غلط معلومات پر مبنی ویکسین مخالف مہم پر پابندی لگا دی ہے۔

    تفصیلات کے مطابق سماجی رابطوں کی ویب سائٹ فیس بک نے سوشل میڈیا انفلوئنسرز کی مدد سے کرونا ویکسین سے متعلق غلط معلومات پھیلانے کی مہم رونے کے لیے آپریشن شروع کیا ہے جس کو ڈس انفارمیشن لانڈرومیٹ یعنی غلط معلومات کا دھوبی گھاٹ کا عنوان دیا گیا ہے۔

    اس دھوبی گھاٹ کے تحت جھوٹے دعوؤں کو اچھی اور ستھری شہرت کے حامل افراد کے ذریعے درست معلومات پھیلا کر غیر مؤثر بنانے کی کوشش کی جاتی ہے۔

    فیس بک کا دعویٰ ہے کہ کرونا ویکسین سے متعلق دھوکا دہی پر مبنی منظم مہم چلائی جا رہی تھی، جس کے پیچھے روس کی ایک مارکیٹنگ فرم ’فازے‘ کا ہاتھ تھا، فیس بک کی گلوبل تھریٹ انٹیلی جنس کے سربراہ بین نِمو نے صحافیوں سے گفتگو کرتے ہوئے کہا کہ جولائی میں اس نے اس ڈس انفارمیشن مہم سے منسلک 65 فیس بک جب کہ 243 انسٹاگرام اکاؤنٹس کو ہٹایا ہے اور فازے کو بھی فیس بک سے بین کر دیا ہے، خیال رہے کہ فازے برطانیہ میں رجسٹرڈ ایڈ ناؤ نامی ایڈورٹائزنگ کمپنی کا ایک ذیلی پلیٹ فارم ہے۔

    بتایا گیا کہ مذکورہ فرم فازے نے انفلوئنسرز کے ذریعے غلط معلومات پھیلانے کی کوشش کی، تاہم وہ ناکام ہو گئے، گزشتہ برس اسی نیٹ ورک نے آسٹرازینیکا ویکسین کے بارے میں یہ غلط بات پھیلائی تھی کہ اس سے لوگ چیمپنزی میں بدل جائیں گے۔

    بین نمو کے مطابق اس ڈس انفارمیشن مہم میں بنیادی طور پر بھارت اور لاطینی امریکا کو ہدف بنایا گیا، اس مہم میں گمراہ کن مضامین اور جعلی پٹشنز کے ساتھ آن لائن پلیٹ فارمز ریڈٹ، میڈیم، چینج ڈاٹ آرگ اور فیس بک کو استعمال کیا گیا، اس کے بعد انفلوئنسرز کو مضامین اور پٹیشنز کے لنکس مہیا کر کے انھیں پھیلانے کا کہا گیا۔

    فیس بک کے مطابق بعد میں اس مہم کو فرانس اور جرمنی میں موجود انفلوئنسرز نے بے نقاب کیا، جب انھوں نے ای میلز کے ذریعے فازے سے سوال پوچھے اور پھر صحافی بھی اس معاملے کی جانچ کی جانب متوجہ ہوئے، فیس بک کا یہ بھی کہنا ہے کہ یہ فازے سے متعلق یہ معلومات اب قانون نافذ کرنے والے اداروں کو پہنچا دی گئی ہیں۔

  • فیس بک کے بانی کا ملازمین کے لیے بہت بڑا قدم

    فیس بک کے بانی کا ملازمین کے لیے بہت بڑا قدم

    نیویارک: سماجی رابطوں کی سب سے مقبول ویب سائٹ فیس بک کے بانی مارک ایلیٹ زکربرگ سلیکون ویلی کے ہیڈ کوارٹر کے قریب اب ایک نیا شہر تعمیر کر رہے ہیں، جہاں فیس بک ملازمین رہائش اختیار کریں گے۔

    غیر ملکی میڈیا نیوز کے مطابق مارک زکربرگ اب ایک شہر تعمیر کرنے جا رہے ہیں، فیس بک کے جو ملازمین وہاں رہنے کا فیصلہ کریں گے وہ ملازمت نہیں چھوڑ سکیں گے۔

    سوشل نیٹ ورک فیس بک جس کے 2.9 بلین صارفین ہیں، اب ایک حقیقی زندگی کی کمیونٹی کا روپ دھار لے گا، یہ کمیونٹی کیلیفورنیا کے مینلو پارک میں 59 ایکڑ زمین پر ولو پارک کے نام سے تعمیر ہوگی۔

    فیس بک واسیوں کا یہ شہر 1729 اپارٹمنٹس پر مشتمل ہوگا، جن میں سے تقریباً 320 یونٹس مناسب قیمت میں دستیاب ہوں گے، اور 120 بزرگ شہریوں کے لیے مختص ہوں گے، اور ہاؤسنگ یونٹس صرف فیس بک ملازمین کے لیے نہیں ہوں گے بلکہ یہاں کوئی بھی گھر خرید سکے گا، تاہم بیش قیمت یونٹس ممکنہ طور پر فیس بک کے ملازمین ہی خریدیں گے۔

    فیس بک شہر میں سپر مارکیٹ، فارمیسی، کیفے، ریسٹورنٹس اور 193 کمروں پر مشتمل ہوٹل ہوں گے، ٹاؤن اسکوائر سے علیحدہ ایک 4 ایکڑ زمین پر مشتمل عوامی پارک اور 2 ایکڑ زمین پر ایک پارک بنایا جائے گا، جوکہ نیویارک سٹی کی ہائی لائن پارک کے طرز پر ہوگا۔

    فیس بک نے 1.25 ملین مربع فٹ پر نیا آفس، میٹنگ اور کانفرنس روم بنانے کی بھی منصوبہ بندی کی ہے، نئے آفس کی تعمیر کے بعد 3400 نئے ملازمین کو رکھا جائے گا۔ یاد رہے کہ کمپنی نے کئی سال قبل اپنے عملے کو یہ پیش کش کی تھی کہ اگر وہ دفتر سے 10 میل کے فاصلے تک رہیں گے تو انھیں زیادہ سے زیادہ تنخوا دی جائے گی۔

  • فیس بک کا لائیک بٹن ایک بار پھر ایکٹو ہونے کے لیے تیار

    فیس بک کا لائیک بٹن ایک بار پھر ایکٹو ہونے کے لیے تیار

    نیویارک : فیس انتظامیہ نے لائیک بٹن دوبارہ ایکٹو کرنے کی تیاری کرلی، انتظامیہ کی جانب سے موبائل ایپ پر میسنجر کا آپشن بھی ایک بار پھر مرکزی ایپ کے اندر مدغم کیا جارہا ہے۔

    تفصیلات کے مطابق فیس بک انتظامیہ نے ایک بار پھر اپنے لائیک بٹن کو بدلنے کا عندیہ دیدیا، فیس بک سمیت مختلف سوشل میڈیا نیٹ ورکس پر آنے والی تبدیلیوں پر نظر رکھنے والی سافٹ وئیر انجنیئر جین مین چون وونگ نے ایک ٹوئیٹ میں فیس بک کی اس نئی تبدیلی کے بارے میں ایک انیمیٹڈ تصویر کے ساتھ بتایا۔

    غیر ملکی خبر رساں ادارے کا کہنا تھا کہ اگر فیس بک اس تبدیلی پر عملدر آمد کرتی ہے تو صارفین اوپر سے نیچے اسکرول کی بجائے دائیں یا بائیں سوائپ یا کلک کر کے نیوز فیڈ کا مواد دیکھ سکیں گے۔

    غیر ملکی خبر رساں ادارے کا کہنا تھا کہ فیس بک میں یہ بہت بڑی تبدیلی ہے مگر زیادہ حیران کن نہیں کیونکہ فیس بک اسٹوریز پر بہت زیادہ توجہ دے رہی ہے۔ اسی طرح فیس بک کی جانب سے موبائل ایپ پر میسنجر کا آپشن بھی ایک بار پھر مرکزی ایپ کے اندر مدغم کیا جارہا ہے۔

    مقامی خبر رساں ادارے کا کہنا تھا کہ فیس بک نے 2011 میں میسنجر کو خود مختار ایپ کے طور پر متعارف کرایا تھا اور 2014 میں فیس بک ایپ میں چیٹ کا آپشن ختم کر کے میسنجر کو لازمی بنادیا گیا تھا۔

    غیر ملکی خبر رساں ادارے کا کہنا تھا کہ اب 5 سال بعد فیس بک میسنجر، انسٹاگرام اور واٹس ایپ کو اکھٹا کرنے پر کام کررہی ہے، تو مرکزی ایپ پر چیٹ کی سہولت بھی واپس آرہی ہے۔

  • فیس بک میسنجر ایپ میں بڑی تبدیلیوں کا فیصلہ

    فیس بک میسنجر ایپ میں بڑی تبدیلیوں کا فیصلہ

    سانس فرانسسکو: سماجی رابطے کی سب سے بڑی ویب سائٹ فیس بک نے میسنجر ایپ میں بڑی تبدیلیوں کا فیصلہ کرلیا۔

    اطلاعات کے مطابق فیس بک کی جانب سے میسنجر ایپ کے ڈیزائن میں تبدیلی کی جائے گی جس کے تحت ٹیبز Tabs کو کم کر کے صارفین کے لیے اسے مزید آسان بنانے کی کوشش کی جائے گی تاکہ دورانِ استعمال دشواری کا سامنا نہ ہو۔

    ٹیکنالوجی پر نظر رکھنی والی ویب سائٹ کے مطابق فیس بک میسنجر ایپ میں تبدیلی کرتے ہوئے 9 کے بجائے صارفین کو تین ٹیبز مہیا کرے گی جن میں چیٹ ، لوگ (دوست)، ڈسکور شامل ہوں گے۔

    میسنجر کے نئے ورژن میں ممکنہ طور پر پیش کیے جانے والے تین Tabs میں سے ایک کی مدد سے دوسرے صارف سے چیٹ جبکہ دوسرے سے پہلے سے منسلک دوست اور تیسرے ٹیب سے گیمز تک رسائی حاصل کی جاسکے گی۔

    مزید پڑھیں: فیس بک میسج واپس لینے کا فیچر متعارف

    ماہرین کا یہ بھی مانناہے کہ فیس بک میسنجر کا ڈارک موڈ فیچر سمیت دیگر اور سہولیات بھی متعارف کروانے کا ارادہ رکھتی ہے تاکہ فارم کی ساکھ کو بحال رکھا جاسکے۔

    حال ہی میں فیس بک کے نائب صدر اسٹان کا کہنا تھاکہ ’گزشتہ کئی برسوں میں ہماری ٹیم نے میسنجر کے حوالے سے کافی مہارت حاصل کرلی، ایپ میں تبدیلیاں آسان نہیں تھیں البتہ اب ایسا ممکن ہے‘۔

    یاد رہے کہ فیس بک نے صارفین کی شکایات کو مدنظر رکھتے ہوئے مسینجر سے بھیجے جانے والے پیغام کو واپس لینے کے فیچر پر بھی کام شروع کردیا۔

    ٹیکنالوجی پر نظر رکھنے والی صحافی نے حال ہی میں ایک تصویر ٹویٹ کرتے ہوئے صارفین کو مطلع کیا کہ فیس بک نے ان سینڈ فیچر پر آزمائشی کام شروع کردیا جس کی سہولت صرف میسنجر پر دستیاب ہے۔

    یہ بھی پڑھیں: نوجوانوں کے نزدیک فیس بک قابل بھروسہ نہیں رہا، رپورٹ

    ان سینڈ فیچر کے تحت صارف غلطی سے بھیجے جانے والے پیغام کو واپس لے سکے گا۔ سماجی رابطے کی ویب سائٹ کے ترجمان نے اعلان کیا کہ کمپنی نے نئے فیچر پر کام شروع کردیا جسے پہلے آزمائشی طور پر محدود صارفین کے لیے متعارف کرایا گیا ہے۔

    قبل ازیں فیس بک صارفین کا دیرینہ شکوہ تھا کہ بعض اوقات غلطی سے اگر وہ کسی دوسرے صارف کو ان باکس پر میسج کردیتے ہیں تو اسے واپس نہیں لے سکتے۔

  • مارک زکر برگ کی ایک پوسٹ سے فیس بک کو اربوں ڈالر کا دھچکا

    مارک زکر برگ کی ایک پوسٹ سے فیس بک کو اربوں ڈالر کا دھچکا

    سانس فرانسسکو: سماجی رابطے کی سب سے بڑی ویب سائٹ فیس بک کے مالک کی ایک پوسٹ نے کمپنی کو اربوں ڈالر کا دھچکا دے دیا۔

    تفصیلات کے مطابق فیس بک کا شمار اس وقت دنیا کی اُن بڑی ویب سائٹس میں ہوتا ہے جن کے اثاثے کھربوں میں ہیں، اس کے بانی مارک زکر برگ نے گزشتہ دنوں ایک پوسٹ شیئر کی جس کی وجہ سے کمپنی کو 3 کھرب اور 30 ارب سے زائد کا نقصان ہوگیا۔

    بین الاقوامی جریدے کی رپورٹ کے مطابق مارک زکر برگ نے سماجی رابطے کی ویب سائٹ جو پوسٹ شیئر کی اُس میں اُن کا کہنا تھا کہ ’فیس بک اپنے صارفین کے نیوز فیڈز کو اُن کے اہل خانہ اور دوستوں کی طرف سے پوسٹ کیے گئے اسٹیٹس کی طرف منتقل کرنے کا ارادہ رکھتا ہے‘۔

    مزید پڑھیں: فیس بک کو ایک دن میں اربوں ڈالر کا نقصان

    مارک زکر برگ کا اپنی پوسٹ میں یہ کہنا تھا کہ انتظامیہ نے فیصلہ کیا ہے کہ آئندہ چند روز میں صارفین جو نیوز فیڈ شیئر کریں گے وہ بطور اسٹیٹس دیگر صارفین کے پاس ظاہر ہوں گے۔

    عام طور پر فیس بک استعمال کرنے والے صارفین نیوز فیڈ کو بطور اسٹیٹس شیئر کرنے کے حق میں نہیں ہیں یہی وجہ ہے کہ اس پوسٹ کے بعد عالمی مارکیٹ میں کمپنی کے حصص کی قیمتوں میں نمایاں کمی ہوئی۔

    عالمی مارکیٹ میں ٹریڈنگ کے دوران فیس بک کے حصص کی قیمت 4.5 فیصد کم ہوئی جس کے باعث کمپنی کو 3 ارب 30 کروڑ ڈالر (3 کھرب 30 ارب روپے) کے نقصان کا سامنا کرنا پڑا۔

    یہ بھی پڑھیں: فیس بک کا سسٹم کریش، صارفین کو مشکلات کا سامنا

    بلومبرگ کی جانب سے شائع ہونے والی فہرست کے مطابق فیس بک کے کل اثاثے 74 ارب ڈالر رہ گئے جن کی پاکستانی روپے کے حساب سے مالیت 74 کھرب روپے رہ گئی۔

    رپورٹ کے مطابق مارک زکر برگ ایک اسٹیٹس سے قبل دنیا کے چوتھے امیر ترین آدمی تھے لیکن اب وہ پانچویں نمبر پر آگئے اور ہسپانوی شہری امانشیو تیگا نے چوتھی پوزیشن حاصل کرلی۔

  • لڑکیاں فیس بک پر جاسوسی کرنے لگیں

    لڑکیاں فیس بک پر جاسوسی کرنے لگیں

    لاس انجیلاس:  آج کل سماجی رابطے کی ویب سائٹوں کی وجہ سے یہ ممکن ہوچکا ہے کہ لوگ چھپ چھپ کر دوسروں کی نگرانی کرسکیں۔

    ایک تحقیق نے بھی یہی ثابت کیا ہے کہ جوڑوں میں علیحدگی ہوجانے کے بعد خواتین کی بڑی تعداد اپنے سابقہ محبوب کی سرگرمیوں پر خفیہ نظر رکھتی ہے اور یہ بھی ثابت ہوا کہ یہ اقدام اُن کے حق میں اچھا ثابت نہیں ہوتا اور انہیں سوائے دکھ اور پریشانی کے کچھ نہیں ملتا۔

    یہ تحقیق ون پول نامی ادارے نے 2000خواتین پر کی جس میں 30فیصد خواتین نے اعتراف کیا کہ وہ علیحدگی کے بعد بھی فیس بک جیسےسماجی رابطے کی ویب سائٹوں کے ذریعے سابقہ محبوب کے ساتھ رابطے میں رہیں، 22 فیصد نے اعتراف کیا کہ انہوں نے جعلی اکاﺅنٹ بنا کر یا کسی اور کا نام استعمال کرتے ہوئے اپنے سابقہ محبوب کی سرگرمیوں پر نظر رکھی۔

    ان میں سے اکثر خواتین نے یہ اعتراف بھی کیا کہ اس اقدام سے انہیں دکھ ہی ملا،کیونکہ جب انہوں نے دیکھا کہ اس کا سابقہ محبوب کسی اور خاتون کے ساتھ خوشگوار وقت گزار رہا ہے اور اس کی زندگی اُن کے بغیر بھی اچھی بھلی گزر رہی ہے تو انہیں احساسِ محرومی اور مایوسی ہوئی۔

    ماہر نفسیات نے ایسی خواتین کو مشورہ دیا ہے کہ وہ سابقہ محبوب کو بھلا کر اپنی نئی زندگی پر توجہ دیں اور ہمت اور جرات کا مظاہرہ کریں تو یقینا اُن کی شخصیت مضبوط اور پر اعتماد ہوگی اور وہ کسی سہارے کے بغیر کامیاب زندگی گزاریں گی۔