ایف بی آر انٹیلی جنس اینڈ انویسٹی گیشن کی ٹیم کو جعلی/فلائنگ انوائس مافیا کے خلاف بڑی کامیابی مل گئی۔
11ارب روپے کے اسکینڈل کے سرغنہ حسن علی بادامی کی بعد از گرفتاری ضمانت اسپیشل جج کسٹم اینڈ ٹیکسیشن کراچی نے مسترد کردی۔
اسپیشل جج کسٹم اینڈ ٹیکسیشن کراچی نے جعلی/ فلائنگ انوائس مافیا کے بیرن حسن علی بادامی کی بعد از گرفتاری ضمانت مسترد کردی۔
اسپیشل جج کسٹم اینڈ ٹیکسیشن نے فیصلہ سناتے ہوئے کہا کہ درخواست گزار کے خلاف استغاثہ کے پاس ٹیکس فراڈ کیس میں ملوث ہونے کا جواز فراہم کرنے کے لیے کافی مواد موجود ہے۔
انٹیلی جنس اینڈ انویسٹی گیشن ان لینڈ ریونیو کا کہنا تھا کہ ٹیکس کنسلٹنٹ، مشیر کی آڑ میں درخواست گزار ملزم جعلی فلائنگ والی رسیدیں چلانے میں ملوث پایا گیا۔
ملزم حسن علی بادامی کو گزشتہ ماہ ڈائریکٹوریٹ آف انٹیلی جنس اینڈ انویسٹی گیشن ان لینڈ ریونیو کراچی نے گرفتار کیا تھا۔
ملزم ٹیکس فراڈ کے اسی طرح کے دو دیگر مقدمات میں بھی ملوث ہے جس میں قومی خزانے کو بھاری ریونیو کا نقصان پہنچا۔اسپیشل جج کسٹم اینڈ ٹیکسیشن کا فیصلہ
ملزم نے جان بوجھ کر بے ایمانی سے کام کیا اور جعلی/فلائنگ انوائسز کی وجہ سے ٹیکس فراڈ کا ارتکاب کیا۔
ان لینڈ ریونیو ایف بی آر کے اینٹی فراڈ ونگ کے حکام نے ملزم حسن علی بادامی کی ضمانت مسترد ہونے کے فیصلے کا خیرمقدم کیا۔
انٹیلی جنس اینڈ انویسٹی گیشن ان لینڈ ریونیو کا کہنا تھا کہ جعلی/فلائنگ انوائس مافیا کی لعنت کو ختم کرنے کے لیے ڈائریکٹوریٹ آف آئی اینڈ آئی اور آئی آر کی جاری کوششوں کو تقویت ملے گی۔
جعلی سیلز ٹیکس انوائسز کے ذریعے ملزمان نے قومی خزانے کو 11 ارب سے زائد کا نقصان پہنچایا ہے، جعلی انوائسنگ سے قومی خزانے کو اربوں روپے کا نقصان ہوا۔
