Tag: FBR

کراچی: ایف بی آر نے ویب سائٹ پر سائبر حملے کی تردید کر دی ہے۔

تفصیلات کے مطابق ترجمان ایف بی آر نے کہا ہے کہ سائبر حملے سے متعلق خبریں من گھڑت اور بے بنیاد ہیں، ایف بی آر کے آئی ٹی نظام میں کسی قسم کا خلل نہیں پڑا ہے۔

ترجمان اسد طاہر جپہ نے بتایا کہ معمول کی مرمت کے باعث ملک کے کچھ حصوں میں ویب پورٹل کی رسائی میں دشواری پیش آئی، ایف بی آر کا ویب پورٹل روانی سے چل رہا ہے۔

واضح رہے کہ فیڈرل بورڈ آف ریونیو کے آئی ٹی نظام میں ایک بار پھر خلل آیا تھا، جس کے باعث ادارے کا سرور بیٹھ گیا تھا، اور آفیشل ویب سائٹ کا ایڈریس ڈالنے پر تکنیکی خرابی پر مشتمل ”ایرر”کا پیغام آ رہا تھا۔

آئی ٹی نظام خلل ، ایف بی آر کا سرور بیٹھ گیا

بتایا گیا تھا کہ سائبر حملے کے بعد سے ایف بی آر کی ویب سائٹ اور مین سرور میں تاحال خرابی دور نہیں ہو سکی ہے، جس کے باعث آن لائن ٹیکس جمع کرانے والے شہریوں اور کمپنیز کو شدید دشواری کا سامنا تھا۔

یاد رہے کہ یہ پہلا موقع نہیں ہے کہ ایف بی آر کی ویب سائٹ کریش ہوئی ہو، اس سے قبل 30 ستمبر کو ٹیکس ریٹرن جمع کرانے کے رش کے باعث ادارے کا ٹیکس جمع کرنے والا سافٹ ویئر بیٹھ گیا تھا۔

کراچی: شہر قائد کے فیڈرل بورڈ آف ریونیو کے دفتر میں ایک شخص ہتھیار لے کر داخل ہوا اور جھگڑنے لگا۔

تفصیلات کے مطابق ایف بی آر کراچی آفس کی پارکنگ میں ادارے کی ایک اعلیٰ خاتون افسر کے شوہر اور سیکیورٹی گارڈ میں جھگڑا ہو گیا، جس کی ویڈیو سامنے آ گئی ہے۔

ایف بی آر کے ریجنل ٹیکس دفتر میں بغیر اسٹیکر والی گاڑی کے ساتھ جب ایک نامعلوم شخص داخل ہوا تو وہاں موجود گارڈ نے اسے روکا، جس پر اس شخص نے تلخ کلامی شروع کر دی، اور ذرا دیر بعد اچانک اسلحہ نکال لیا۔

ذرائع ایف بی آر کا کہنا ہے کہ گاڑی پر سرکاری نمبر پلیٹ نہیں تھی، اس لیے ایف بی آر کے سیکیورٹی اہل کاروں نے اسے روکا تو اس وقت تک نامعلوم شخص نے اسلحہ نکال لیا، بعد میں معلوم ہوا کہ وہ اعلیٰ خاتون افسر کا شوہر ہے۔

ذرائع کے مطابق خاتون افسر کے شوہر نے گاڑی کھڑی کرنے پر گارڈ کے ساتھ تلخ کلامی کی، اس نے اسلحہ نکال کر سیکیورٹی اہل کاروں کو دھمکیاں بھی دی۔

سامنے آنے والی ویڈیو میں اس شخص کو سنا جا سکتا ہے جو کہہ رہا ہے کہ میں ایس پی ہوں، تمھیں نہیں چھوڑوں گا۔

معلوم ہوا کہ مذکورہ شخص کو دفتر کے اندر لینڈ کروزر پارک کرنے سے روکا گیا تو وہ آپے سے باہر ہو گیا، ایف بی آر ذرائع نے بتایا کہ مذکورہ شخص نے سیکیورٹی اہل کاروں کو جان سے مارنے کی دھمکیاں دیں۔

اے آر وائی نیوز کے مطابق واقعے کے بعد سیکیورٹی انچارج نے معاملے کی شکایت چیف کمشنر کو کر دی ہے، ذرائع کا کہنا ہے کہ چند سال قبل بھی ایف بی آر کی اعلیٰ افسر کے شوہر کا لارج ٹیکس یونٹ میں اسی طرح جھگڑا ہوا تھا۔