گوادر: ایف سی نے گوادر کے قریب پسنی ریڈار حملے کے ایک ملزم کو ہلاک کر دیا۔ مقابلے میں دو ایف سی اہلکار شہید ہوگئے۔
ایف سی نے گزشتہ شب پسنی ایوی ایشن کے ریڈار پر حملے میں ملوث شرپسندوں کےخلاف سرچ آپریشن کیا، آپریشن کے دوران گوادر کے قریب زرین بگ کے مقام پر شدید فائرنگ کا تبادلہ ہوا۔
ترجمان ایف سی کے مطابق مقابلے میں ایک شرپسند ہلاک ہو۔ اور اس کے دو ساتھی پکڑے گئے جبکہ ملزمان سے خود کار اسلحہ برآمد ہوا۔
ایف سی کے مطابق شرپسندوں کی فائرنگ سے دو اہلکار شہید ہو گئے۔
ترجمان سول ایوی ایشن کے مطابق اب پسنی ریڈار فعال کردیا گیا ہے اور پروازوں کو سسٹم کے ذریعے کنٹرول کیا جارہا ہے۔
یاد رہے کہ پسنی ریڈار پر دہشتگردوں نے حملہ کیا تھا، جس کی وجہ سے پسنی ریڈار کا کراچی مرکز سے رابطہ منقطع ہوگیا تھا۔ آواران کی تحصیل مشکے میں سیکورٹی فورسز کے قافلے پر حملہ کیا گیا، سیکورٹی ذرائع کے مطابق جوابی کارروائی میں چار حملہ آور مارے گئے۔
