کیا آپ گرما سردا نامی پھل یا بازاروں میں ملنے والے فروٹ چاٹ شوق سے کھاتے ہیں، ضرور کھائیں لیکن اگر یہ پھل کسی دکان یا اسٹور پر کاٹ کر رکھا گیا ہے تو اسے ہرگز نہ کھائیں۔
یہ ہدایات امریکی محکمہ صحت نے تمام شہریوں کیلیے جاری کی ہیں جس میں کہا گیا ہے کہ دکانوں پر رکھے تراشیدہ پھل کھانے سے ہر ممکن گریز کریں۔
خاص طور پر اگر آپ کو یہ معلوم نہیں ہے کہ یہ گرما کس نے اور کب کاٹ کر رکھا ہے اور کہاں سے آیا ہے تو اس کو ہاتھ بھی نہ لگائیں۔
امریکی محکمہ صحت کے متعلقہ حکام کا کہنا ہے کہ مہلک سالمو نیلا نامی بیکٹریا کے سبب پھیلنے والی بیماریوں میں اضافہ ہو رہا ہے اور سینٹر فار ڈسیزز کنٹرول اینڈ پریویینشن کے مطابق امریکہ کی 34 ریاستوں میں 117 افراد یہ آلودہ گرما کھانے سے بیمار ہوئے جن میں سے 61 کو اسپتال میں داخل کرنا پڑا اور ان میں سے دو ہلاک ہوئے۔
اس کے علاوہ کینیڈا میں بھی اس بیماری کے پھیلنے سے 63 افراد کے بیمار ہونے کی اطلاعات ملی ہے جن میں سے 17 کو اسپتال میں داخل کرانا پڑا اور ان میں سے ایک شخص کاانتقال ہو گیا۔
امریکہ کے فوڈ اینڈ ڈرگ ایڈمنسٹریشن (ایف ڈی اے) کے مطابق ان کٹے اور بغیر کٹے ہوئے گرما کو دکانوں اور مارکیٹوں سے ہٹانے کا سلسلہ جاری ہے۔
اس پھل کے دکانوں سے ہٹائے جانے اور اس بارے میں ممکنہ بے یقینی کے پیشِ نظر کہ یہ گرما کس ذریعے سے آرہے ہیں تاکہ ان کا سدباب کیا جاسکے۔
