Tag: features

گوگل میپ کے 3 نئے فیچرز متعارف

چاہے آپ کسی شہر کے رہائشی ہوں، یا کسی شہر میں اجنبی مہمان بن کر جائیں، گوگل آپ کو ہر جگہ پہنچنے کا آسان ترین راستہ بتاسکتا ہے۔

گوگل میپ کی سروس اپڈیٹ ہونے والی ہے جس کے ذریعے اس سروس کی افادیت کو مزید بہتر بنایا جاسکتا ہے۔

کمپنی 3 اہم فیچرز کا اضافہ کرنے والی ہے جس میں پہلا فیچر گلینس ایبل ڈائریکشنز کا ہے، یہ فیچر اس سروس کے استعمال میں سب سے بڑی تبدیلی قرار دی جارہی ہے۔

دیکھا جاتا ہے کہ عام طور پر صارفین لائیو اپ ڈیٹ کےلیے میپ میں لوکیشن ڈال کر سفر شروع کرتے ہیں اور سفر کے ساتھ ساتھ میپ ان کو یہ بتاتا جاتا ہے کہ کس موڑ پر مڑنا ہے یا کونسا راستہ اختیار کرنا ہے۔

اس فیچر کے بعد یہ سب معلومات بطور پری ویو دیکھی جا سکیں گی، اگر صارف کسی بتائے گئے رستے سے ہٹ کر چلنے لگے تو نقشے کی جانب سے دوسرا رستہ تجویز کردیا جائے گا۔

اس کے علاوہ فیچر کے ساتھ فون کا لاک کھولے بغیر بھی اپ ڈیٹ دیکھی جاسکیں گی۔

اس فیچر کے علاوہ گوگل ڈیسک ٹاپ کے لیے ری سینٹس نام کا فیچر بھی متعارف کروائے گا، یہ فیچر میپ پر تلاش کی گئی جگہوں کو خود بخود ایک جگہ اکٹھا کر دے گا۔ اس کے اندر ٹولز کی مدد سے صارف اپنی منزلوں کے لیے مرضی کا راستہ بنا سکیں گے اور جگہوں کا انتخاب دوسروں کے ساتھ شیئر کر سکیں گے۔

متعارف کروایا جانے والا تیسرا اور آخری فیچر ایمرسیو ویو کا ہوگا، آئی او ایس اور اینڈرائڈ میپ کے لیے گوگل کی مصنوعی ذہانت سے چلنے والا یہ فیچر تصاویر کو ملا کر دنیا کا ہمہ پہلو نظارہ تشکیل دے گا۔

جون 17, 2023
واٹس ایپ: چیٹ پر لاک لگانے سمیت کئی نئے فیچرز کا تجربہ

دنیا بھر میں مقبول ترین میسجنگ ایپ واٹس ایپ نئے نئے فیچرز متعارف کرواتی رہتی ہے، اب حال ہی میں واٹس ایپ کے 3 مزید نئے فیچرز کا تجربہ شروع کردیا گیا ہے جسے جلد ہی تمام صارفین کے لیے پیش کردیا جائے گا۔

واٹس ایپ بِیٹا ریلیز چینل پر 3 نئے فیچرز لانے والا ہے، اس کا پہلا فیچر آئی او ایس (آئی فون) پر صارفین کی چیٹ کو لاک کرنے کا ہوگا۔ واٹس ایپ اینڈرائیڈ صارفین کے لیے ایک مزید فیچر لانچ کرنے والا ہے جس سے صارفین اپنا واٹس ایپ سٹیٹس اپنے فیس بک فرینڈز کو دکھا سکتے ہیں۔

اس کے علاوہ بِیٹا ٹیسٹرز واٹس ایپ کا نیا فیچر وائس ٹرانسکرپشن فیچر بھی استعمال کر سکتے ہیں جس کے ذریعے وائس نوٹ (آڈیو میسج) الفاظ میں تبدیل کیا جاسکے گا۔ یہ فیچر آئی او ایس پر ایپ کے نئے ورژن پر موجود ہوگا۔

ان تمام نئے فیچرز میں وائس ٹرانسکرپشن واحد فیچر ہے جسے چلانے کے لیے آئی او ایس 16 کی اپڈیٹ کی ضرورت ہوگی۔

واٹس ایپ کے مطابق چیٹ لاک کا آپشن ایک مرتبہ لگا دینے کے بعد اسے کھولنے کے لیے آئی فون پر فیس آئی ڈی یا ٹچ آئی ڈی سے تصدیق کرنی ہوگی۔ صارفین چیٹ انفارمیشن سیکشن کو استعمال کر سکتے ہیں یا پھر ایک نئے آپشن لاکڈ چیٹس پر جا کر ان چیٹس کو کھول سکتے ہیں۔

ایک مرتبہ چیٹ لاک ہو جانے کے بعد میسج بھیجنے والے صارف اور اسے موصول کرنے والے صارف کے نام ٹریکر چھپا دے گا، جبکہ تصاویر اور ویڈیوز خود بخود گیلری میں محفوظ نہیں ہوں گی۔

واٹس ایپ اپنا تعلق فیس بک سے واٹس ایپ سٹیٹس کے براہ راست شیئر کرنے کے ذریعے سے مزید گہرا کر رہا ہے۔ اینڈرائیڈ پر واٹس ایپ کے صارف اپنے فیس بک فرینڈز سے اپنا سٹیٹس تیزی سے شیئر کر سکیں گے۔

اس سے قبل صارفین اپنا سٹیٹس فیس بک پر شیئر کر سکتے تھے، تاہم اس کے لیے انہیں ایپ کو چھوڑنا پڑتا تھا۔

واٹس ایپ نے حالیہ دنوں میں آئی او ایس پر وائس ٹرانسکرپشن فیچر متعارف کروانا شروع کیا ہے۔ اس فیچر سے صارفین کو بغیر ہینڈ فری لگائے یا بغیر فون سپیکر کے، وائس نوٹ کو لکھے ہوئے الفاظ میں پڑھنے کی سہولت ملے گی۔

یہ فیچر ایسی صورتحال میں مفید ثابت ہو سکتا ہے جہاں کسی کے لیے وائس نوٹ سننا مشکل ہوگا۔

واٹس ایپ بِیٹا انفو کے مطابق وائس ٹرانسکرپشن فیچر آئی او ایس کی ڈیوائس پر لگایا جائے گا جبکہ اسے واٹس ایپ کے سرورز پر نہیں لگایا جائے گا جس کے تحت صارفین کے درمیان وائس پیغامات اینڈ ٹو اینڈ انکرپشن کے تحت محفوظ رہیں گے۔

ایپ لینگوئج پیک بھی متعارف کروائے گی جس کے ذریعے وائس نوٹ مختلف زبانوں میں ٹرانسکرپٹ کیا جا سکے گا، اس فیچر کے ذریعے وائس نوٹ سے لکھا جانے والا میسج سرچ بھی کیا جا سکے گا۔

مئی 3, 2023
واٹس ایپ میں اہم تبدیلیاں لانے کا اعلان

دنیا کی معروف ترین میسجنگ ایپ واٹس ایپ میں نئی تبدیلیاں متعارف کروائی جارہی ہیں، ان تبدیلیوں کا مقصد صارفین کو مزید سہولت اور پرائیوسی فراہم کرنا ہے۔

واٹس ایپ نے حال ہی میں 3 نئے فیچرز متعارف کروائے ہیں جو کہ یہ ہیں۔

لاسٹ سین کا نیا آپشن

واٹس ایپ پر اب لاسٹ سین کا آپشن صارفین اپنے من پسند افراد کے لیے کھول یا بند کرسکیں گے، اس سے پہلے لاسٹ سین کا آپشن تمام افراد کے لیے یا تو کھولا جاتا ہے یا پھر بند کیا جاتا ہے۔

واٹس ایپ کی نئی ممکنہ اپڈیٹ کے بعد اب کوئی بھی صارف اپنی مرضی کے مطابق کسی بھی نمبر پر لاسٹ سین بند کر سکتا ہے۔

خاموشی سے گروپ چھوڑ دیں

واٹس ایپ پر جہاں گروپس بہت سے معاملات میں سہولت کا باعث بنتے ہیں وہیں ان گروپس کی وجہ سے صارفین شدید تنگ بھی ہوجاتے ہیں۔ اگر کوئی صارف گروپ چھوڑ دے تو تمام لوگ اس بارے جان جاتے ہیں جس کے باعث صارف اکثر اضطراب میں رہتے ہیں۔

لیکن اب یہ پریشانی ختم ہونے والی ہے کیونکہ واٹس ایپ پر ایسی نئی اپڈیٹ آنے والی ہے جس کے بعد کوئی بھی صارف چپکے سے گروپ چھوڑ سکتا ہے اور اس کے گروپ چھوڑنے کا پتہ صرف گروپ ایڈمن کو چل پائے گا جبکہ گروپ کے بقیہ رکن اس بات سے ناواقف رہیں گے۔

ویو ونس فوٹو پر اسکرین شاٹ کی پابندی

واٹس ایپ نے 2021 میں ایک نیا فیچر متعارف کروایا تھا جس کے نتیجے میں کوئی بھی صارف دوسرے صارف کو وڈیو یا تصویر صرف ایک بار بھیج سکتا ہے اور وہ تصویر یا ویڈیو کھولنے کے بعد خود بخود ختم ہوجائے گی، اس فیچر کو ویو ونس یعنی ایک بار دیکھیں کا نام دیا گیا تھا۔

اسی فیچر میں واٹس ایپ مزید جدت لے کر آرہا ہے، اب ایک بار دکھائی جانے والی تصویر کا اسکرین شاٹ بھی نہیں لیا جاسکے گا۔ واٹس ایپ یہ اقدام مواد کی حساسیت کو برقرار رکھنے کے لیے کر رہا ہے۔

واٹس ایپ کے مطابق یہ فیچرز ابھی ٹیسٹنگ کے مراحل میں ہیں اور جلد ہی انہیں صارفین کے لیے کھول دیا جائے گا۔

اگست 10, 2022
واٹس ایپ کے ویب ورژن میں نئے فیچرز متعارف

میسجنگ ایپ واٹس ایپ کے ویب ورژن میں متعدد نئے فیچرز متعارف کروائے گئے ہیں جن کا مقصد ویب ورژن کو صارفین کے لیے بہتر بنانا ہے۔

بین الاقوامی ویب سائٹ کی رپورٹ کے مطابق کمپنی کی جانب سے اعلان کیا گیا ہے کہ اب صارفین واٹس ایپ کے ویب ورژن میں بھی تصاویر کو ایڈٹ اور پریویو لنکس کی سہولت استعمال کر سکیں گے۔

اس کے علاوہ ایک نیا اسٹیکر سجیشن فیچر بھی ویب ورژن کا حصہ بنایا گیا ہے۔

اس فیچر میں جب صارف ایک میسج ٹائپ کریں گے تو ان کے سامنے اسٹیکر سجیشن آئیں گے اور وہ اپنی بات چیت کے دوران درست اسٹیکر کو دریافت کر سکیں گے۔

اس سے قبل اسٹیکر استعمال کرنے والے صارفین کو مختلف ٹیبز میں جا کر اپنی پسند کا اسٹیکر ڈھونڈنا پڑتا ہے اور اکثر یہ آسان بھی نہیں ہوتا۔ مگر اس نئی اپ ڈیٹ سے یہ مسئلہ حل ہوجائے گا۔

کمپنی کے مطابق اس فیچر کو پرائیویسی کو مدنظر رکھتے ہوئے تیار کیا گیا ہے تاکہ اس بات کو یقینی بنایا جاسکے کہ واٹس ایپ آپ کی سرچز کو نہ دیکھ سکے۔

واٹس ایپ ویب ورژن میں میڈیا ایڈیٹر فیچر کا اضافہ بھی کیا گیا ہے، اب تک صرف ایپ کے موبائل ورژن میں ہی کسی تصویر کو ایڈٹ کیا جاسکتا تھا مگر اب کمپنی نے ویب ورژن کے لیے بھی یہ سہولت پیش کردی ہے۔

یعنی صارف کمپیوٹر سے بھی تصاویر ایڈٹ کر کے میسجز بھیج سکیں گے۔

کمپنی کے مطابق لنکس پریویو کو بھی بہتر کیا جارہا ہے اور اب ویب ورژن میں کسی لنک کا مکمل پریویو نظر آئے گا، جس سے انہیں لنک کے ٹھیک ہونے کا زیادہ بہتر طور پر علم ہوسکے گا۔

نومبر 3, 2021
جی میل میں متعدد نئے دلچسپ فیچرز متعارف

ڈیجیٹل رابطے کے لیے مقبول ترین سروس جی میل میں متعدد نئے فیچرز متعارف کروائے گئے ہیں جس کے بعد اس سروس میں مزید بہتری پیدا ہوگئی ہے۔

بین الاقوامی ویب سائٹ کے مطابق گوگل نے ایک بلاگ پوسٹ میں جی میل کے ویب ورژن میں متعدد نئے فیچرز متعارف کروانے کا اعلان کیا ہے۔

اب کسی ای میل میں ٹو، سی سی اور بی سی سی پر رائٹ کلک مینیو سے جس فرد کو ای میل بھیجیں گے اس کا پورا نام اور ای میل کو زیادہ آسانی سے دیکھ سکیں گے، کانٹیکٹ نیم کو ایڈٹ، ای میل ایڈریس کاپی اور اس کا انفارمیشن کارڈ بھی اوپن کیا جاسکے گا۔

اب آپ کسی دوسرے صارف کو ایڈ کرتے ہوئے اس کے اواتار چپس کو دیکھ کر اس کے بارے میں زیادہ درست اندازہ لگا سکیں گے۔

کمپنی کی جانب سے ویژول انڈیکیٹرز کو بھی بہتر بنایا گیا ہے تاکہ ای میلز تحریر کرتے ہوئے صارفین کی رہنمائی کی جاسکے۔ ہر صارف کا اپنا ایک اواتار چپ ہوگا جس سے آپ کو یہ شناخت کرنے میں مدد ملے گی کہ آپ کس کو ای میل بھیج رہے ہیں۔

اسی طرح گوگل کی جانب سے آپ کے دفتری ساتھیوں سے باہر کے کانٹیکٹ کی شناخت کو بھی آسان بنایا گیا ہے اور ایسے افراد کو جی میل میں گہرے زرد رنگ سے ہائی لائٹ کیا جائے گا۔

اسی طرح اب کسی ایک ادارے کے مختلف ڈومین نیم اب ایکسٹرنل نہیں سمجھیں جائیں گے۔

صارفین اب ایک چیک مارک کو بھی دیکھیں گے جو ایسے صارف کا عندیہ دیں گے جن کو پہلے ہی ای میل کا حصہ بنایا جاچکا ہے تاکہ ڈپلیکشن نہ ہو۔ درحقیقت جی میل میں اب ڈپلیکیٹ انٹریز کو خود کار طور پر ہٹا دیا جائے گا۔

اب جی میل میں ای میل ایڈریس درست نہ ہونے پر ای میل کو بھیجنے سے قبل صارفین کو اس سے خبردار کرنے کے لیے ایرر میسج شو کیا جائے گا۔

یہ فیچرز صارفین کے لیے متعارف کروانے کا سلسلہ شروع ہوگیا ہے مگر کمپنی کا کہنا ہے کہ فی الحال یہ گوگل ورک اسپیس، جی سیوٹ بیسک اور بزنس کسٹمرز کو دستیاب ہوں گے اور پرسنل اکاؤنٹس تک ان کی رسائی نہیں ہوگی۔

اکتوبر 24, 2021
نئے آئی فون میں کیا کیا فیچرز ہیں؟

رواں ماہ کی 13 تاریخ کو آئی فون 13 سیریز متعارف کروائی گئی تھی اور ان نئے فونز کے فیچرز آہستہ آہستہ سامنے آرہے ہیں۔

ایپل میں گزشتہ سال ریم کو اپ گریڈ کیا گیا تھا اور آئی فون 12 منی اور آئی فون 12 میں 4 جی بی ریم جبکہ 12 پرو اور 12 پرو میکس میں 6 جی بی ریم دی گئی تھی۔

اس سال کے فونز میں بھی ریم پاور یہی ہے یعنی آئی فون 13 منی اور آئی فون 13 میں 4 جی بی ریم جبکہ 13 پرو اور 13 پرو میکس میں 6 جی بی ریم موجود ہے۔

ایپل نے یہ نہیں بتایا کہ پرو ماڈلز میں تھری سم کارڈز کی سپورٹ موجود ہے، بنیادی طور پر سم کارڈ سلاٹ تو ایک ہی ہے مگر 2 ای سمز کی سپورٹ بھی ان آئی فونز کو دستیاب ہوگی۔

ایک اور سرپرائز یہ ہے کہ اس بار اے 15 بائیونک پراسیسر 2 ورژن میں دیا گیا ہے۔

آئی فون 13 پرو اور 13 پرو میکس میں جو پراسیسر موجود ہے اس میں آئی فون 13 منی اور آئی فون 13 کے مقابلے میں 4 کی بجائے 5 کورز ہیں۔

اس اضافی کورز سے ان پرو ماڈلز کی گرافکس پرفارمنس گزشتہ سال کے ماڈلز کے مقابلے میں 50 فیصد زیادہ بڑھ گئی ہے جبکہ انٹری لیول ماڈلز کی جی پی یو پاور میں 30 فیصد اضافہ ہوا ہے۔

چاروں آئی فونز کے فرنٹ پر 12 میگا پکسل کا ٹرو ڈیپتھ کیمرا موجود ہے جس میں ریٹینا فلیش، 4K ویڈیو ریکارڈ سپورٹ، سلو موشن سپورٹ موجود ہے۔

آئی فون 13 منی کی بیٹری گزشتہ سال کے ماڈل کے مقابلے میں 11.6 فیصد، آئی فون 13 کی 15 فیصد، آئی فون 13 پرو کی 11 فیصد جبکہ آئی فون 13 پرو میکس کی 18 فیصد زیادہ بڑی ہے۔

آئی فون 13 پرو میکس میں 28 گھنٹے تک مسلسل ویڈیو پلے کی جاسکتی ہے جبکہ آئی فون 13 میں 17 گھنٹے تک ویڈیو دیکھی جاسکتی ہے۔

آئی فون 13 سیریز کے ساتھ 20 واٹ یا اس سے زیادہ طاقت کے اڈاپٹر سے فاسٹ چارجنگ کی سہولت بھی موجود ہے مگر اس اڈاپٹر کو الگ سے خریدنا ہوگا۔

اس اڈاپٹر سے آئی فون 13 منی، آئی فون 13 اور 13 پرو کی بیٹریوں کو 30 منٹ میں 50 فیصد جبکہ آئی فون پرو میکس کی بیٹری کو 35 منٹ میں 50 فیصد تک چارج کیا جاسکتا ہے۔

ستمبر 18, 2021
زوم نے متعدد نئے فیچرز متعارف کروا دیے

ٹیلی کانفرنسنگ سافٹ ویئر زوم نے متعدد نئے فیچرز متعارف کروائے ہیں جن میں زوم کالز کے لیے ترجمے اور ٹرانسکرپشن کا فیچر بھی شامل ہے۔

بین الاقوامی میڈیا کے مطابق ویڈیو چیٹ ایپ زوم نے متعدد نئے فیچرز متعارف کروائے ہیں، سالانہ زوم ٹوپیا کانفرنس کے موقع پر ان نئے فیچرز کا اعلان کیا گیا جس کا مقصد لاکھوں صارفین کو ہائبرڈ ورک ماڈل میں سہولت فراہم کرنا ہے۔

ان نئے فیچرز میں زوم کالز کے لیے ترجمے اور ٹرانسکرپشن بھی شامل ہے۔

اس مقصد کے لیے زوم میں مشین لرننگ اور نیچر لینگوئج پراسیسنگ کو استعمال کیا جائے گا تاکہ کال میں بولی جانے والی زبان کا ٹرانسکرائب ریئل ٹائم میں ہوسکے، جس کے بعد کال میں شامل ہر فرد کے لیے اس کا ترجمہ مادری زبان میں ہوسکے۔

زوم کے عہدیداران نے اس موقع پر بتایا کہ یہ فیچر بیٹا ورژن میں ستمبر میں دستیاب ہوگا اور تمام صارفین کے لیے اسے 2021 کے آخر تک متعارف کروا دیا جائے گا۔

اس فیچر کے لیے زبانوں کی فہرست کو حتمی شکل نہیں دی گئی مگر کمپنی 2022 کے آخر تک ٹرانسکرپشن کے لیے 30 اور ترجمے کے لیے 12 زبانوں کے آپشن فراہم کرے گی۔

اسی طرح ایک نیا فیچر زوم وائٹ بورڈ بھی ہے جو ایک ڈیجیٹل کینوس ہے جس سے گھر اور دفتر میں موجود دفتری ملازمین ایک دوسرے سے رابطے میں رہ سکیں۔ کمپنی کے مطابق صارفین ڈیجیٹل وائٹ بورڈ پر ڈیسک ٹاپ یا ٹیبلٹ سے لکھ سکیں گے۔

زوم رومز اسمارٹ گیلری بھی ایک نیا فیچر ہے جس میں ملٹی پل کیمرا فیڈز کو دفتری میٹنگز کے لیے استعمال کیا جاسکے گا۔

کمپنی کی جانب سے زوم ویجٹ کا بھی اضافہ کیا جارہا ہے۔ ان میں سے کچھ نئے فیچر جیسے اسمارٹ گیلری زوم صارفین کو مفت دستیاب ہوں گے مگر دیگر جیسے ٹرانسلیشن سروس کے لیے اضافی فیس ادا کرنا ہوگی، مگر یہ فیس کتنی ہوگی ابھی اس کا اعلان نہیں کیا گیا۔

ستمبر 15, 2021
ٹیلی گرام کے متعدد نئے فیچرز متعارف

واٹس ایپ کی مقبولیت میں کمی کے بعد اچانک مقبول ہونے والی میسجنگ ایپ میں بے شمار نئے فیچرز کا اضافہ کیا گیا ہے۔

بین الاقوامی ویب سائٹ کے مطابق مقبول ترین میسجنگ ایپ ٹیلی گرام نے لائیو اسٹریم ویڈیو سپورٹ کو توسیع دی ہے۔

ٹیلی گرام ایپ کا ورژن 8.0 اب آئی او ایس اور اینڈرائیڈ ڈیوائسز کے لیے دستیاب ہے جس میں لائیو اسٹریمز کے ویورز کی تعداد کی حد کو ختم کردیا گیا ہے، اس سے قبل یہ تعداد ایک ہزار تک محدود تھی۔

ویورز کی تعداد میں اضافے کا مقصد ٹیلی گرام کو فل آن موبائل لائیو اسٹریمنگ پلیٹ فارم بنانے کا دروازہ کھولنا ہے۔

سروس کی جانب سے کلب ہاؤس جیسے وائس چینلز سپورٹ بھی فراہم کی جارہی ہے اور یہ سب جون 2021 میں گروپ کالنگ فیچر کو متعارف ہونے کے بعد ہوا۔

نئے ورژن میں مزید فیچرز کا اضافہ بھی کیا گیا ہے۔ ان فیچرز میں فارورڈنگ میسجز کے لیے مزید آپشنز اور چینلز کے درمیان سوئچ کرنے کا ایک شارٹ کٹ قابل ذکر ہے۔

فارورڈ میسجز کے لیے کیپشن ریموو کرنے اور میڈیا فائلز فارورڈ کرنے کے دوران سینڈر نیم چھپانے کے آپشن کا اضافہ بھی کیا گیا ہے۔ کسی ٹیکسٹ چینل پر اسکرولنگ کے دوران سوائپ اپ کرنے پر دوسرے ان ریڈ چینل پر جانا ممکن ہوجائے گا۔

کمپنی کی جانب سے کمنٹ تھریڈ میں ان ریڈ میسجز کاؤنٹر کے فیچر کو بھی متعارف کرایا گیا ہے۔

ستمبر 3, 2021
ٹویٹر پر نئے فیچرز کی آزمائش

سماجی رابطے کی ویب سائٹ ٹویٹر نے نئے فیچرز کی آزمائش شروع کردی ہے جو جلد ہی صارفین کے لیے دستیاب ہوں گے۔

بین الاقوامی ویب سائٹ کے مطابق سماجی رابطے کی ویب سائٹ ٹویٹر نے چند نئے فیچرز کی آزمائش شروع کردی ہے جس سے تصاویر کو دیکھنے کا طریقہ بہتر ہوجائے گا۔

ٹویٹر سپورٹ کی جانب سے مختلف ٹویٹس میں بتایا گیا کہ کمپنی کی جانب سے بڑی تصاویر اور 4 کے اپ لوڈ کو آئندہ چند ہفتوں میں ٹیسٹ کیا جائے گا۔ آئی او ایس اور اینڈرائیڈ میں ایک ٹیسٹ میں جب صارفین ایک تصویر ٹویٹ کرے گا تو کمپوزر میں نظر آئے گا کہ ٹائم لائن میں وہ فوٹو کیسے نظر آئے گی۔

یعنی اب پوری تصویر ٹویٹ میں نظر آئے گی اور کلک کر کے اسے اوپن کرنے کی ضرورت نہیں ہوگی۔

فی الحال یہ فیچرز آزمائشی مراحل سے گزر رہے ہیں اور کب تک تمام صارفین کو دستیاب ہوں گے، یہ کہنا مشکل ہے۔

اس سے قبل فروری کے اختتام پر بھی کمپنی نے متعدد نئے فیچرز متعارف کروانے کا بھی اعلان کیا تھا، کمپنی کی جانب سے بہت جلد متعدد نئے فیچرز بشمول کمیونٹیز، ٹپنگ اور اکاؤنٹ سبسکرپشن فیچر سپر فالوز کے بارے میں بتایا گیا۔

کمپنی کا کہنا ہے کہ ایکسپلورنگ فیچرز ایسے انفلوائنسرز اور کریٹیئرز کے لیے مددگار ہوگا جو ٹویٹر فالوونگ سے آمدنی حاصل کرنا چاہتے ہیں، جس کے لیے ٹپنگ اور سپر فالوز جیسے فیچرز کا اضافہ کیا جائے گا۔

مارچ 12, 2021
قطری عالم دین القرضاوی کی فتاویٰ اپیلی کیشن گوگل نے حذف کر دی

نیویارک: معروف انٹرنیٹ سرچ انجن گوگل نے اپنے گوگل پلے اسٹورسے مصری نژاد قطری عالم دین علامہ یوسف القرضاوی کے فتاویٰ پر مشتمل ایپلی کیشن حذف کردی۔

تفصیلات کے مطابق شدت پسند مذہبی جماعت اخوان المسلمون ک دیرینہ مبلغ علامہ یوسف القرضاوی پرالزام ہے کہ وہ اپنے فتاویٰ کے ذریعے دنیامیں نفرت کو ہوا دے رہے ہیں۔

غیر ملکی خبر رساں ادارے کا کہنا تھا کہ دو سال قبل سعودی عرب، متحدہ عرب امارات، بحرین اور مصر نے اخوان المسلمون کو دہشت گرد قرار دے رکھا ہے اور ان ممالک نے یوسف القرضاوی سمیت کئی دوسرے دہشت گردوں کو اشتہاری قرار دے کر ان کے وارنٹ گرفتاری بھی جاری کیے ہیں۔

غیر ملکی میڈیا کا کہنا تھا کہ یوسف القرضاوی کی ‘فتاویٰ ایپ’ میں دشمنی، نفرت اور دہشت گردی کی حمایت کی گئی ہے۔ اس لیے ان کی یہ ایپ جسے یورو فتویٰ کا نام دیا گیا ہے کو حذف کردیا گیا ہے۔

میڈیا کے رپورٹس کے مطابق یہ ایپلی کیشن گذشتہ ماہ آئرش دارالحکومت ڈبلن میں یورپی فتویٰ و ریسرچ کونسل کی طرف سے جاری کی گئی تھی جس میں نفرت پر اکسایا گیا تھا۔

مئی 15, 2019