Tag: Federal Cabinet meeting

اسلام آباد : وزیراعظم عمران خان نے وفاقی کابینہ کا اجلاس کل طلب کر لیا، اجلاس میں مقبوضہ کشمیر سے متعلق تازہ پیش رفت کا جائزہ لیا جائے گا اور وزیر خارجہ  سفارتی کاوشوں سے متعلق آگاہ کریں گے ، کامیاب جوان پروگرام کی حتمی منظوری بھی ایجنڈے میں شامل ہے۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس کل ساڑھے بارہ بجے وزیراعظم آفس میں ہوگا, اجلاس کا آٹھ نکاتی ایجنڈا جاری کردیا گیا ہے۔

اجلاس میں مقبوضہ کشمیر سے متعلق تازہ پیش رفت کا جائزہ لیا جائے گا اور وزیر خارجہ پاکستان کی سفارتی کاوشوں سے متعلق کابینہ کو آگاہ کریں گے جبکہ وزیراعظم عمران خان عالمی رہنماوں سے متعلق رابطوں پر کابینہ کو اعتماد میں لیں گے ۔

کامیاب جوان پروگرام کی حتمی منظوری بھی ایجنڈے میں شامل ہے، کامیاب جوان پروگرام کے تحت 100 ارب روپیہ نوجوانوں میں تقسیم ہو گا۔

کابینہ ارکان نئے عوامی مفاد سے متعلق تجاویز پیش کریں گے جبکہ بیرون ملک کمیونٹی ویلفئیر اتاشی لگانے کی منظوری ایجنڈے میں شامل ہیں۔

کابینہ اسلام آباد ہیلتھ کیئر ریگولیٹری اتھارٹی کی سیلیکشن کمیٹی کے امیدواروں کی منظوری ی ، بجلی تقسیم کار کمپنیوں کے کنٹریکٹ ملازمین کو مستقل کرنے کی منظوری بھی دے گی۔

مزید پڑھیں : پاکستان کشمیریوں کومشکل کی گھڑی میں تنہانہیں چھوڑےگا، وزیراعظم

اجلاس میں بجلی چوری سے متعلق فوجداری قوانین کے آرڈیننس کی منظوری لی جائے گی اور غیر قانونی ماہی گیری روکنے کے لیے جامع پلان وفاقی کابینہ اجلاس میں پیش کیا جائے گا۔

یاد رہے گذشتہ اجلاس میں وزیراعظم عمران خان نے کشمیر کے معاملے پر دنیا کے رہنماؤں سے رابطوں پر کابینہ کواعتمادمیں لیتے ہوئے کہا تھا کہ پاکستان کشمیریوں کومشکل کی گھڑی میں تنہانہیں چھوڑےگا جبکہ بے باک مؤقف اپنانے پر کابینہ نے وزیراعظم عمران خان کی تعریف کی۔

اسلام آباد : وزیر اعظم عمران خان نے وفاقی کابینہ کا اجلاس کل طلب کرلیا، وزیر خارجہ شاہ محمود قریشی کابینہ کو کشمیر سے متعلق پیش رفت پر بریفنگ دیں گے اور اقوام متحدہ سیکورٹی کونسل کے اجلاس کے بعد کی صورتحال پر بھی غور کیا جائے گا۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس کل ہوگا ، اجلاس کا 9 نکاتی ایجنڈا جاری کردیا گیا ہے ، کابینہ اجلاس میں مقبوضہ کشمیر اور پاک بھارت سرحد کی صورتحال کاجائزہ لیاجائےگا اور مقبوضہ کشمیر سےمتعلق خصوصی کمیٹی کی تجاویز پیش کی جائیں گی۔

ذرائع کا کہنا ہے کہ وزیر خارجہ کابینہ کو کشمیر سے متعلق پیش رفت پر بریفنگ دیں گے اور سلامتی کونسل کے اجلاس کے بعد کی صورتحال پر بھی غور کیا جائےگا۔

اجلاس میں کابینہ اراکین عوامی مفادات کے اقدامات سے متعلق تجاویز پیش کریں گے جبکہ وزارت مواصلات ایک سال کی کارکردگی پر کابینہ کو بریفنگ دے گی

وفاقی کابینہ گزشتہ ای سی سی اور کمیٹی برائےنجکاری کے فیصلوں کی توثیق کرے گی، کم قیمت گھروں کےمنصوبہ کےلیے5ارب قرض کی منظوری اور پاک ترک اسٹرٹیجک اکنامک فریم ورک کی منظوری بھی ایجنڈے میں شامل ہیں۔

گھریلوتشدد سےتحفظ اور روک تھام کے بل کی منظوری ، کابینہ کرسچن شادی اورطلاق بل 2019 کی منظوری اور اینٹی ڈمپنگ ایپلیٹ ٹریبونل کے چئیرمین اور 2ممبران کی تعیناتی بھی ایجنڈے کا حصہ ہیں۔

مزید پڑھیں : فارن آفس میں کشمیر سیل قائم کرنے کا فیصلہ، پاک فوج کسی بھی جارحیت کا بھرپور جواب دے گی

یاد رہے 17 اگست کو مقبوضہ کشمیر کی صورتحال پر خصوصی کمیٹی کا پہلا ان کیمرہ اجلاس ہوا تھا ، جس کی صدارت وزیر خارجہ شاہ محمود قریشی نے کی تھی۔

وزیر خارجہ شاہ محمود قریشی کا کہنا تھا کہ مسئلہ کشمیر کے سیاسی اور عسکری پہلو ہیں، فیصلہ کیا ہے کہ سیاسی محاذ پر فارن آفس میں خصوصی کشمیر ڈیسک قائم کی جائے گی جبکہ عسکری محاذ پر ڈی جی آئی ایس پی آر کا کہنا تھا کہ بھارت ایل او سی پر کشیدگی بڑھا رہا ہے ، خلاف ورزی پر بھرپور جواب دیا جائے گا۔