Tag: Federal Cabinet meeting

اسلام آباد: وفاقی وزیر پانی و بجلی خواجہ آصف نے کابینہ کو بجلی کی اوور بلنگ پر بریفنگ دیتے ہوئے کہا کہ صارفین کو اور بلنگ کے بعد سے ریلیف دینے کے اقدامات کررہے ہے۔

وفاقی کابینہ کا اجلاس وزیرِاعظم نواز شریف کی زیرِصدارت شروع ہوا، اجلاس میں بجلی کی اوور بلنگ کے حوالے سے رپورٹ پیش کی گئی، وفاقی وزیرِ خواجہ آصف نے بر یفنگ کے دوران اجلاس کو بتایا کہ صارفین کو اوور بلنگ کے بعدسے ریلیف دینے کے اقدامات کر رہے ہیں۔

انہوں نے بتایا کہ مستقبل میں ایسی صورتحال سے بچاؤ کیلئے اقدامات کئے جارہے ہے، اجلاس میں وفاقی وزیرِ منصوبہ بندی و ترقی احسن اقبال نے اپنی وزارتی کارکردگی کے بارے میں ر]پورٹ پیش کی۔ اجلاس میں کوٹ رادھا کشن کے واقعے کی بھی شدید مذمت کی گئی۔

وزیر اعظم نے کہا کہ ملزمان کو جلد انصاف کے کٹہرے میں لایا جائے گا۔

اسلام آباد: وزیرِاعظم نواز شریف کی زیرِ صدارت وفاقی کابینہ کا خصوصی اجلاس آج ہوگا، اجلاس میں تین اہم وفاقی وزارتوں کی کارکردگی کا جائزہ لیا جائے گا۔

وزیرِاعظم نوا زشریف کی صدارت میں وفاقی کابینہ کے خصوصی اجلاس کے دوران پہلے مرحلے میں تین اہم وزارتو ں کی کارکردگی کا جائزہ لیا جائیگا اور اس سلسلے میں وزیرِاعظم آفس نے وزارت پٹرولیم و قدرتی وسائل، وزارت منصوبہ بندی اور وزارت ریلوے کو باضابطہ طور پر آگاہ کر دیا ہے ۔

کابینہ اجلاس میں جون دو ہزار تیرہ سے اب تک وزراء اور وزرائے مملکت اپنی وزارتوں کی جائزہ رپورٹ پیش کریں گے اور وزیرِاعظم کو بریفنگ دیں گے۔

اسلام آباد: وزیرِاعظم نوازشریف کی زیرِصدارت وفاقی کابینہ کا اجلاس جاری ہے، حکومت نے سیلاب سے متاثرہ علاقوں کے عوامی نمائندوں پر مشتمل کمیٹیاں بنانے اورعالمی امداد نہ لینے کا فیصلہ کرلیا ہے۔

وزیرِاعظم کی زیرِصدارت وفاقی کابینہ کا اہم اجلاس ہوا، جس میں امن و امان اور سیلابی صورتحال سے متعلق امور زیرِغور آئے، اجلاس میں سیلاب متاثرہ علاقوں کےعوامی نمائندوں پرمشتمل کمیٹیاں بنانے کا فیصلہ کیا گیا۔ جو ریلیف کےلیے طویل اور مختصر مدت کی تجاویز دیں گی، ساتھ یہ بھی طے ہوا کہ اس مرحلے پر عالمی امداد نہیں لی جائے گی۔

چیئرمین این ڈی ایم اے سیلابی صورتحال پر کابینہ کو بریفنگ دی، اجلاس کو بریفنگ میں بتایا گیا کہ سیلاب سے پنجاب کے دس اضلاع متاثر ہوئے، جھنگ، چنیوٹ، حافظ آباد میں زیادہ تباہی ہوئی، سیلابی ریلوں سے دو سو چوہتر افراد جاں بحق، تینتالیس ہزار گھروں کو نقصان پہنچا اور گیارہ لاکھ افراد متاثر ہوئے۔

چئیرمین این ڈی ایم نے اپنی بریفنگ میں مزید کہا کہ پاکستان آرمی، این ڈی ایم اے اور صوبائی ادارے سیلاب سے متاثرہ علاقوں میں امدادی کارروائیوں میں مصروف ہیں، امدادی سرگرمیوں میں ہیلی کاپٹرز اور کشتیوں کا استعمال کیا جارہا ہے۔

کابینہ اجلاس میں ریلیف کوششوں پر مسلح افواج سمیت مختلف محکموں خصوصا ریکسیو ڈبل ون ڈبل ٹو کےکردار کو سراہا گیا۔

اس موقع پر وزیرِ اعظم نے کہا کہ سیلاب اور بارشوں کے نقصان کم کرنے پرسرمایہ کاری ہونی چاہیئے، وزیرِاعظم نے ہدایت کی کہ جو رقم معاوضے اور تعمیرِ نو پر خرچ ہورہی ہے، وہ سیلاب سے بچاؤ کی تدابیر پر خرچ کی جائے جبکہ سندھ میں ممکنہ نقصان سے بچاؤ کے پیشگی انتظامات کیے جائیں۔

سیکریٹری داخلہ نے اجلاس کو دھرنوں سے پیدا سیکیورٹی صورتحال پر بھی بریف کیا، اجلاس میں کابینہ نے سینتیس اقتصادی معاہدوں کی منظوری بھی دی گئی۔