Tag: Federal Cabinet meeting

اسلام آباد : وزیر اعظم عمران خان کی زیر صدارت وفاقی کابینہ کے اجلاس میں میں بھاگے ہوئے مجرم نواز شریف کی وطن واپسی کیلئے ہر ممکنہ اقدامات پر اتفاق کیا گیا اور کہا نواز شریف کو واپس لانا حکومت کی ذمہ داری ہے، کسی بھی قسم کی بلیک میلنگ برداشت نہیں کروں گا۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس ہوا، کابینہ میں وزیر داخلہ اعجاز شاہ کے مرحوم بھائی کے ایصال ثواب کیلئےفاتحہ کی گئی جبکہ ملکی تازہ سیاسی صورت حال پر طویل مشاورت ہوئی، وزیراعظم نے گندم اور چینی کے معاملات پر بھی بریفنگ لی جبکہ ایم ایل ون ، گندم اور چینی کی امپورٹ پر بھی بات چیت ہوئی۔

ذرائع کا کہنا ہے کہ اجلاس میں نواز شریف کی وطن واپسی اور مریم نواز کی حالیہ سرگرمیاں بھی زیر بحث آئیں، وفاقی وزیر فیصل واوڈا کا مریم نواز نے عدم گرفتاری پر اظہار تشویش کرتے ہوئے کہا مریم نواز نے نیب کے باہر جو کیا اس پر گرفتار کیا جانا چاہیےتھا، کچھ بھی ہو جائے مریم نواز کو باہر نہیں جانے دیں گے۔

وزرانے گزشتہ روز قومی اسمبلی اجلاس میں ہنگامہ آرائی کا معاملہ بھی اٹھا دیا اور کہا کل قومی اسمبلی میں شاہدخاقان نےافسوسناک زبان استعمال کی گئی۔

فیصل واوڈا کا کہنا تھا کہ عوام سے ووٹ گالیاں سننے کیلئے نہیں لئے تھے، آئندہ ہمیں گالی دی گئی تو منہ توڑ جواب دیں گے، وزرا نے کہا اسپیکر قومی اسمبلی کے عہدے کی عزت کا بھی احساس نہیں کیا گیا جبکہ اسد عمر کا کہنا تھا کہ اسپیکر کو بدزبانی کےمرتکب ارکان کی رکنیت معطل کرنی چاہیے۔

اجلاس میں نواز شریف کی وطن واپسی کیلئے قانونی طریقہ کار پر بھی مشاورت کی گئی اور کہا کہ بیماری کا سرٹیفکیٹ دکھا کر بھاگنے والوں کو اب کوئی بیماری نہیں۔

وفاقی کابینہ میں نواز شریف کی وطن واپسی پر تفصیلی بات چیت ہوئی اور کابینہ نے بھاگے ہوئے مجرم کی وطن واپسی کیلئے ہر ممکنہ اقدامات پر اتفاق کیا۔

وزیراعظم عمران خان نے کہا کہ نواز شریف کو فورا وطن واپس لانا چاہیے، قانونی پہلوؤں کا جائزہ لیا جائے، کسی بھی قسم کی بلیک میلنگ برداشت نہیں کروں گا، نواز شریف کو واپس لانا حکومت کی ذمہ داری ہے۔

اسلام آباد : وزیر اعظم عمران خان کی زیر صدارت وفاقی کابینہ کے اجلاس میں کل یوم استحصال منانے کے فیصلے کی توثیق کرتے ہوئے پاکستان کے آفیشل نقشے کی تیاری اور اجرا کی منظوری دے دی گئی ۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس ہوا ، جس میں معاشی وسیاسی صورتحال سمیت 13 نکاتی ایجنڈے پر غور کیا گیا اورایجنڈے میں شامل متعدد نکات کی منظوری دے دی گئی۔

کابینہ نے کل یوم استحصال منانے کے فیصلے کی توثیق کردی، کابینہ ارکان نے کہا کہ دنیا بھر میں بھارتی مظالم کو اجاگر کیا جائے۔

ذرائع کے مطابق کابینہ نے ڈپٹی گورنراسٹیٹ بینک اور پاکستان کے آفیشل نقشے کی تیاری اور اجرا کی منظوری دے دی جبکہ اجلاس میں نیشنل انفارمیشن ٹیکنالوجی بورڈکی کارگردگی ، میڈیا ہاؤسز کے واجبات کی ادائیگیوں اور گیس کی تقسیم کےمنصوبوں پر کابینہ کو بریفنگ دی گئی۔

کابینہ اجلاس میں کورنگی فشریز ہاربر اتھارٹی کے بورڈ کی تشکیل نو کے ساتھ ساتھ وزارت آئی ٹی کی یوایس ایف کمپنی کےسی ای اوکی تعیناتی کی منظوری دی گئی۔

کابینہ کواقتصادی ترقی اورمعاشی اشاریوں پربریفنگ دی گئی اور ادارہ جاتی اصلاحات سے متعلق پیشرفت رپورٹ بھی پیش کی گئی۔