Tag: Federal Cabinet meeting

اسلام آباد : وزیر اعظم عمران خان نے وفاقی کابینہ کے اجلاس میں گیس اور بجلی کی قیمتیں بڑھانےکی مخالفت کرتے ہوئے 15 ارب ریلیف پیکج کی منظوری دے دی اور کہا عوام پر مہنگائی کاپہلے ہی بوجھ ہے مزید بوجھ نہیں ڈال سکتے۔

تفصیلات کے مطابق وزیر اعظم عمران خان کی زیر صدارت وفاقی کابینہ کا اہم اجلاس ختم ہوگیا ، اجلاس میں 14نکاتی ایجنڈے پر غور کیا گیا، وزیراعظم نےگیس اوربجلی کی قیمتیں بڑھانےکی مخالفت کردی اور کہا عوام پرمہنگائی کاپہلےہی بوجھ ہےمزیدبوجھ نہیں ڈال سکتے۔

اجلاس میں مہنگائی میں کمی سے متعلق بڑے فیصلوں سمیت 15 ارب ریلیف پیکج کی منظوری دے دی گئی جبکہ وزیراعظم نے ای سی سی کےچینی کی درآمد کے فیصلے کو منسوخ کرتے ہوئے چینی کی برآمد پر پابندی کے فیصلے کی توثیق کردی اور کہا چینی کے معاملے پر عوام کو پریشان نہیں ہونے دوں گا۔

اجلاس میں دالوں پرامپورٹ ڈیوٹی ختم کرنے کا فیصلہ کیا گیا ، فیصلے سے ملک بھرمیں دالوں کی قیمت کم کردی جائے گی جبکہ 50ہزارنوجوانوں کویوتھ اسٹورز کے لئے قرض دینے کی بھی منظوری دی گئی۔

ذرائع کے مطابق کابینہ اجلاس میں یوٹیلیٹی اسٹورز کی تعداد بڑھانے اور احساس پروگرام کے اشتراک پربھی بات ہوئی جبکہ کابینہ کو گندم آٹا بحران پر تحقیقات کی پیش رفت سے آگاہ کیا گیا۔

مزید پڑھیں : رواں سال حج اخراجات کیا ہوں گے؟ وفاقی کابینہ کل فیصلہ کرے گی

گذشتہ روز وزیر اعظم عمران خان ن کا کہنا تھا کہ مجھے ان مشکلات کا ادراک ہے جن کا تنخواہ دار طبقے سمیت مجموعی طور پر عوام کو سامنا ہے، میں نے فیصلہ کیا ہے کہ کچھ بھی ہوجائے، میری حکومت منگل کو کابینہ کے اجلاس میں عوام کے لیے بنیادی غذائی اجناس کی قیمتوں میں کمی کی خاطر مختلف اقدامات کا اعلان کرے گی۔

وزیر اعظم نے قوم کو مزید خوشخبری دیتے ہوئے کہا تھا کہ قوم اطمینان رکھے ذمہ داروں کا بھرپور محاسبہ کیا جائے گا اور انہیں قرار واقعی سزا دی جائے گی۔

اسلام آباد : وزیراعظم عمران خان کی زیرصدارت وفاقی کابینہ کے اجلاس میں آئی جی سندھ کی تعیناتی کا معاملہ مؤخر کردیا گیا اوراس معاملے پر گورنر و وزیراعلیٰ سندھ سے مزید مشاورت کا فیصلہ کیا گیا۔

تفصیلات کے مطابق وزیراعظم عمران خان کی زیرصدارت وفاقی کابینہ کااجلاس ہوا، اجلاس میں نئے آئی جی سندھ کا معاملہ زیر غور آیا، سندھ حکومت کی جانب سے آئی جی سندھ کے لئے دئیے گئے ناموں پر اعتراض کیا گیا۔

ذرائع کا کہنا ہے کہ کابینہ نے تجویز دی ہے کہ گورنر وزیراعلیٰ سندھ سے آئی جی کیلئےنام پر دوبارہ مشاورت کریں اور حکومت سندھ کے 5ناموں پر غور کیا جائے ، ملاقات میں کسی نئے نام پر بھی اتفاق کیا جا سکتا ہے۔

اجلاس میں 15 نکاتی ایجنڈے پر بھی غور کیا گیا اور متعدد نکات کی منظوری دے دی گئی جبکہ ملک کی سیاسی اور معاشی صورت حال اور اسلحہ لائسنس کے اجراکے لئے قواعد و ضوابط کا بھی جائزہ لیا گیا اور آئی جی سندھ کی تبدیلی کے معاملے پر مشاورت کی گئی۔

کابینہ اجلاس میں آئی جی سندھ کی تعیناتی کا معاملہ اور 50لاکھ گھروں کےمعاملے پر معاہدے پردستخط کا معاملہ مؤخر کردیا گیا، آئی جی سندھ کے معاملے پر اتحادی جماعت جی ڈی اے اراکین اور حکومتی اراکین سندھ نے اعتراض اٹھایا، اراکین کے اعتراض پر گورنر وزیراعلیٰ سندھ سے مزیدمشاورت کافیصلہ کیا گیا ہے۔

ذرائع کا کہنا ہے کہ کابینہ اجلاس میں صدر،وزیراعظم کےکیمپ آفسزبنانےکااختیارختم کرنےکیلئےترمیم کی منظوری دی گئی، معاملہ قانون سازی کےلئے پارلیمنٹ بھیجا جائے گا جبکہ اسلحہ لائسنس کے اجراسےمتعلق پاکستان آرمزایکٹ میں ترمیم کی منظوری بھی دے دی۔

ذرائع کے مطابق وفاقی کابینہ نے اوگرا کے وائس چیئرمین کےعہدے ، بچوں کےحقوق کیلئےنیشنل کمیشن بنانے اور وفاقی حکومت کی جگہ متعلقہ اتھارٹی لکھنےکی قواعد کی منظوری دے دی۔

اجلاس میں کابینہ کمیٹی برائےانرجی کے فیصلوں کی توثیق کردی گئی اور ادارہ جاتی اصلاحات پرپیشرفت کی رپورٹ بھی پیش کی گئی۔

اسلام آباد : وفاقی کابینہ کے اجلاس میں وفاقی وزیر فیصل واوڈا نے مریم نواز کی بیرون ملک روانگی کی مخالفت کی، جس پر وزیراعظم عمران خان سمیت متعدد وزرا نے فیصل واوڈا کی رائے سے اتفاق کیا۔

تفصیلات کے مطابق وزیراعظم عمران خان کی زیر صدارت وفاقی کابینہ کا اجلاس وزیراعظم ہاؤس میں ہوا، اجلاس میں ملکی سیاسی اور معاشی صورتحال پر غور کیا گیا جبکہ 10 نکاتی ایجنڈا زیر غور آیا۔

ذرائع کا کہنا ہے کہ وفاقی کابینہ کو بجلی،گیس کی قیمتوں میں اضافے اور آٹےکی ذخیرہ اندوزی پربریفنگ دی گئی جبکہ جناح ایئرپورٹ کی غیراستعمال شدہ زمین کی جگہ سکوک بانڈ جاری کرنے اور اسلام آباد لوکل گورنمنٹ کمیشن کی تشکیل کا معاملہ مؤخر کردیاگیا۔

لوکل گورنمنٹ کمیشن پر وزارت داخلہ سے دوبارہ بریفنگ طلب کرلی گئی اور اوورسیزفاؤنڈیشن بورڈآف گورنرزکی تعیناتی کی منظوری دے دی گئی ہے۔

ذرائع کے مطابق وفاقی کابینہ کےاجلاس میں مریم نواز کی بیرون ملک روانگی کا ذکر آیا ، وفاقی وزیر فیصل واوڈا نے مریم نواز کی بیرون ملک روانگی کی مخالفت کرتے ہوئے کہا وفاق کسی صورت مریم نوازکانام ای سی ایل سےنہ نکالے، جس پر وزیراعظم عمران خان سمیت متعدد وزرا نے فیصل واوڈا کی رائے سے اتفاق کیا۔

ذرائع کا کہنا ہے کہ بجلی کے بل زیادہ آنے پر بعض کابینہ اراکین نے اظہار تشویش کرتے ہوئے متعلقہ وزیر سے ہنگامی بنیادوں پر عوام کو ریلیف دینے کا مطالبہ کیا۔

وزیراعظم عمران خان نے مسابقتی کمیشن کے کردار پر تشویش کااظہار کرتے ہوئے ہدایت کی کہ مسابقتی کمیشن کوفعال ادارہ بنایاجائے جبکہ پبلک سروس کمیشن کےسی ایس ایس سے متعلق سمری مسترد کردی ، سمری میں مقابلے کے امتحان سے قبل پری ٹیسٹ کی تجویز دی گئی تھی۔

مزید پڑھیں : قوم کو معاشی میدان میں مزید خوشخبریاں ملیں گی، وزیراعظم عمران خان

یاد رہے گذشتہ ہفتے ہونے والے وفاقی کابینہ اجلاس میں 10 نکاتی ایجنڈے کی منظوری دی گئی تھی ، وزیراعظم اور کابینہ نے عالمی معاشی درجےمیں بہتری پرمعاشی ٹیم کوشاباش دیتے ہوئے کہا تھا قوم کو معاشی میدان میں مزید خوشخبریاں ملیں گی۔

کابینہ کو چیف الیکشن کمشنر اور الیکشن کمیشن ممبران کےتقررپربریفنگ دی گئی جبکہ اجلاس میں اقتصادی رابطہ کمیٹی کے 27 اور 28 نومبر کے فیصلوں کاجائزہ لیا اور کمیٹی برائے نجکاری کے فیصلوں کی توثیق کی گئی۔

وفاقی کابینہ نے واپڈا کے ممبر پاور، ممبرواٹر کی تقرری ، اسلام آبادمیں کم عمربچوں کی خصوصی عدالت کےقیام اور چیئرمین اکادمی ادبیات کی تقرری کی منظوری دی گئی جبکہ وفاقی کابینہ کویوٹیلٹی اسٹورزکارپوریشن کی کارکردگی پربریفنگ دی گئی