Tag: Federal Information minister Pervez rasheed

اسلام آباد: وزیراطلاعت و نشریات پرویز رشید نے کہا ہے کہ عمران خان فاسٹ باؤلر سے اب سپن ماسٹر بن چکے ہیں۔

عمران خان کی پریس کانفرنس پر ردعمل دیتے ہوئے پرویز رشید نے کہا کہ عمران خان عدالتی فیصلوں پر اثر انداز ہونے کیلئے دباؤ کا پروپیگنڈا کررہے ہیں ،،،اور وہ من مرضی کے فیصلے چاہتے ہیں۔

پرویز رشید نے کہا کہ عمران خان ٹریبونل کی سماعت کو کنٹرول کرنا چاہتے ہیں اور دباؤ کیلئے میڈیا ٹرائل کی مہم شروع کر رکھی ہے۔

انھوں نے کہاکہ وہ عمران خان سے اپیل کرتے ہیں سچ بولنا شروع کریں ،،عمران خان بتائیں کہ جہانگیر ترین دوبارہ گنتی میں بھی الیکشن ہار چکے ہیں جبکہ ایاز صادق بھی دوبارہ گنی میں عمران خان سے جیت چکے ہیں۔

 حکومت کو اس وقت دہشت گردی اور توانائی کے مسائل کا سامنا ہے اس لیئے عمران خان حکومت کو پانچ سال پورے کرنے دیں اور ترقی کی راہ میں رکاوٹ نہ بنیں۔

اسلام آباد: پرویز رشید نے کہا ہے کہ جب بھی دہشت گرد وں کیخلاف کو ئی کا رروائی کیجا تی ہے عمران خا ن دہشت گردوں کے اسٹریجک پا رٹنر بن کر سامنے آجا تے ہیں۔

اسلام آباد میں میڈیا سے گفتگو میں وفاقی وزیر اطاعات پرویز رشید نے پاکستان تحریک انصاف کے چیئرمین عمران خان  کو چیلنج دیتے ہوئے کہا کہ اگرکمیشن کی رپورٹ میں کہیں لفظ بوگس لکھاہوتومیں خوداسپیکرایازصادق سےاستعفیٰ لوں گا۔

ان کا کہنا ہے کہ عمران خان پہلے سے زیادہ اکثریتی ووٹ سے الیکشن ہارے، ایاز صادق کیلئے نکلے بیلٹ پیپرز کا فرانزک ٹیسٹ کروانے کو بھی تیار ہیں، بیلٹ پیپرز سرکاری نہ نکلے تو عمران کی جیت تسلیم کرونگا، میں خود اپنے ہاتھ سے آپ کے گلے میں ہار ڈالوں گا۔

وزیر اطلاعات نے مزید کہا کہ عمران خان آئیں جوڈیشل کمیشن کے پاس چلتے ہیں، تحریک انصاف خود جوڈیشل کمیشن نہیں بنوانا چاہتی، جہانگیر ترین کے حلقے میں تھیلے کھلے، 400 ووٹ مزید کم ہوئے، تم جتنے تھیلے کھولو گے ہر تھیلے سے شیر نکلے گا، ہمارا کیا قصور جہانگیر ترین نے 2 کروڑ کا وکیل لیا، صدیق بلوچ 2 لاکھ کا وکیل کرکے انتخابات جیت گئے، سعد رفیق کے حلقے میں سماعت کی تاریخییں حامد خان آگے لے جاتے ہیں۔

پرویز رشید نے تحریک انصاف کو دہشتگردوں کا اسٹرٹیجک پارٹنر قرار دیتے ہوئے کہا کہ آپریشن ضرب عضب شروع ہوا تو عمران خان نے دھرنا شروع کردیا، آج تخریب کاروں کو انجام تک پہنچانے کیلئے ملٹری کورٹس بنیں تو نیا مسئلہ لے آئے، تحریک انصاف کبھی کہتی تھی دہشتگردی کیخلاف جنگ ہماری نہیں، خان صاحب اور دہشتگردوں کی پسندیدہ تاریخ ایک کیوں ہوتی ہے، خان صاحب 16 دسمبر کو پاکستان بند کرانا چاہتے تھے، دہشت گردوں نے اسی روز اسکول پر حملہ کیا۔

لاہور: وفاقی وزیر اطلاعات پرویز رشید نے کہا ہے پی ٹی آئی نے لاہور میں پرتشدد احتجاج کرکے وعدہ خلافی کی۔

لاہورمیں تحریک انصاف کی جانب سے سیاسی قوت کے بھرپور مظاہرے پر تنقید کرتے ہوئے پرویز رشید کا کہنا تھا چار افراد عمران خان کی سیاست کی نذر ہوگئے۔ پی ٹی آئی نے لاہور میں پرتشدد احتجاج کرکے وعدہ خلافی کی، پرویز رشید کا کہنا تھا کہ عمران کی سیاست کا مرکزی نکتہ لاشیں ہیں، ن لیگ نے بھی تحریکیں چلائیں لیکن کبھی کوئی جان ضائع نہیں ہوئی۔

اسلام آباد: وفاقی وزیراطلاعات پرویزرشید کا کہنا ہے عمران خان کی یادداشت کھونے کی وجہ سے قوم اذیت کاشکار ہے،دعاہے خان صاحب کی یادواپس آجائے ، وفاقی وزیرکاکہناتھا کہ عمران خان نے مشرف کے کرائے گئے انتخابات کوتومان لیاتھا،جہموری الیکشن کونہیں مان رہے ۔

پریس کانفرنس کرتے ہوئے وفاقی وزیر اطلاعات پرویزرشید نے کہا ہے کہ عمران خان نے اسپورٹس مین اسپرٹ کا مظاہرہ سیاست میں نہیں کیا پہلے چار حلقے کھولنے کا مطالبہ تھا اب تھیلے کھولنے کا ہے۔ خان صاحب نے تھیلے سے خود بلی نکال کر دکھا دی۔ خان صاحب جھوٹ بولتے رہے چار حلقے تو کافی دیر سے کھلے ہیں اگر حلقے نہیں کھلے تو عمران خان عدالت کیا لینے جاتے ہیں؟۔

پرویز رشید نے کہا کہ عمران خان نے انتخابی نتائج نہ ماننے کا وطیرہ اپنا رکھا ہے۔ وہ کہتے ہیں اگر مرضی کا فیصلہ نہ آیا تو نہیں مانیں گے۔ عمران خان فتنے فساد کی سیاست کرنا چاہتے ہیں۔ جوڈیشل کمیشن کے بننے میں رکاوٹ بھی وہ خود ہیں دنیا بھر کے مبصرین نے الیکشن کو شفاف قرار دیا دعا ہے کہ اللہ تعالیٰ عمران خان کی یادداشت واپس کر دے۔ وفاقی وزیر اطلاعات کا کہنا تھا کہ عمران خان نے اعتراف کر لیا کہ انتخابات میں ٹکٹ غلط دیئے ۔

پرویزرشیدپرویز رشید کا کہنا تھا جوشخص فارم ب پرنہ کرسکے وہ کیاحالات ٹھیک کرسکےگا، پنجاب میں شہبازشریف نہ پٹواری کلچرکاخاتمہ کردیاہے، خان صاحب اپنی کارکردگی بتائیں، پی ٹی وی پر قبضہ اپنے شیروں کا کارنامہ بیان کرنے کے بعد کہہ دیا کہ میں تو سو رہا تھا۔

اسلام آباد: وفاقی وزیراطلاعات پرویز رشید کا کہنا ہےکہ عمران خان کا عدالت میں پیش ہونا مثبت تبدیلی ہے،عمران خان دھرنے،انتشار کی روش ترک کرناچاہتے ہیں توخوشی ہوگی۔

وفاقی وزیر اطلاعات پرویز رشید نے ایک بیان میں کہا کہ خیبرپختونخوا کی حکومت اپنے فرائض سے غافل ہے۔ صوبے کی عوام اپنے حکمرانوں کو تلاش کر رہی ہے۔ عمران خان وزیر اعلیٰ پرویز خٹک کو واپس پشاور بھیج دیں۔ انہوں نے کہا کہ عمران خان صرف خود کو فرشتہ سمجھتے ہیں۔ قوم اورعدالتیں ان کے ثبوتوں کی منتظر ہیں۔ انہوں نے کہا کہ مسلم لیگ ن کی حکومت 2018 تک قائم رہے گی۔