Tag: Federal Information Minister

اسلام آباد: وفاقی وزیراطلاعات پرویز رشید کاکہنا ہے کہ حکومت نے تشدد کے بجائے صبر اور برداشت کاراستہ اپنایا،وزیراعظم کو استعفٰی کیلئے دھمکی دینا اور تحریک انصاف کی ریلی پر فائرنگ دونوں قابل مذمت ہیں۔

اسلام آباد میں پریس کانفرنس کرتے ہوئے وفاقی وزیراطلاعات پرویز رشید کاکہنا تھا کہ حکومت نے تشدد کے بجائے صبر اور برداشت کا راستہ اپنایا،وزیراعظم کواستعفیٰ دینےکیلئےدھمکی دی جارہی ہے،پی ٹی وی پرحملےکےبعدعمران خان کوجرم کااحساس ہوا، پی ٹی آئی کی ریلی پرفائرنگ کی مذمت کرتےہیں۔

پرویزرشید نے کہا کہ ہر واقعےکی ذمہ داری ن لیگ پرڈال دی جاتی ہے، حملہ کرنیوالوں کی ضمانتیں تحریک انصاف نےکرائیں، پی ٹی وی پرحملہ کرنےوالوں کوٹائیگرکہاگیا، حملہ کرنےوالوں نےپی ٹی آئی کےجھنڈےاٹھارکھےتھے،عمران خان نے14اگست سےیکم ستمبرتک اشتعال انگیزتقاریر کیں۔

 ان کا کہنا تھا کہ شیخ رشیدکی اشتعال انگیزی پرعمران خان قطع تعلق کرلیں، شیخ رشیدنےملک جلانےکی بات کی توعمران سورہےتھے،انہوں نے کہا کہ فوٹیج موجودہےعمران خان نےپی ٹی وی پرحملہ کاحکم دیا،غلطی کا احساس ہونے پر حملہ آوروں کو واپس بلالیا، تمام باتوں سےثابت ہواحملہ آورعمران خان کےکارکن تھے،عمران خان کودہشتگردی کی ذمہ داری قبول کرناہوگی، عمران کی گرفتاری کافیصلہ حکومت نہیں عدالت کریگی۔

لاہور: وفاقی وزیر اطلاعات پرویز رشید لاہور پہنچے تو ان کا وہاں پر گو نواز گو کے نعروں سے استقبال کیا گیا۔

لاہور ایئرپورٹ پر میڈیا سے گفتگو کرتے ہوئے وفاقی وزیر اطلاعات پرویز رشید نے کہا کہ چند لوگوں کو جمع کرکے مخالفین کیخلاف نعرے لگانے والے یاد رکھیں ان کیخلاف بھی ایسا ہوسکتا ہے، اس طرح کا وقت عمران خان پر بھی آسکتا ہے،وزیر اطلاعات پرویزرشید کا کہنا ہے کہ حکومت جمہوری آزادی میں رکاوٹ نہیں ڈالےگی،مخالفانہ نعرے کے کلچر کو فروغ نہیں دیناچاہتے،جلسہ کرناہر سیاسی جماعت کا حق ہے۔

وفاقی وزیر اطلاعات پرویزرشید کا کہنا تھا کہ ہم مخالفانہ نعرے کے کلچر کو فروغ نہیں دیناچاہتے،پی ٹی آئی کےجلسےمیں بھی مخالفانہ نعرےلگ سکتےہیں، ہم اپنے کارکنان کو منفی سیاست کی تربیت نہیں دیتے، تشددکےذریعے تبدیلی کا راستہ اختیار نہ کیا جائے، ہم کسی کے جلسے کو خراب نہیں کرنا چاہتے ہیں، لاہور ہمارا گڑھ ہے، ان سے زیادہ لوگ جمع کرسکتے ہیں۔

پرویز رشید نے کہا کہ یہ کہنا درست نہیں کہ لاہور صرف میرا گھر ہے، ملک کسی ایک جماعت کا نہیں، پاکستان ہم سب کا ہے، پاکستانی عوام نے 5 سال کیلئے حکومت کو منتخب کیا، انتخابات اپنے وقت پر ہی ہوں گے، ن لیگ کو ڈیڑھ کروڑ جبکہ پی ٹی آئی کو 75 لاکھ ووٹ ملے۔