Tag: federal minister

وفاقی وزیر منصوبہ بندی اور ترقی احسن اقبال نے کہا ہے کہ توشہ خانہ کیس میں بھی عمران خان منہ چھپا رہےہیں وہ پاکستان کے ہیرو نہیں ولن ہیں۔

وفاقی وزیر منصوبہ بندی اور ترقی احسن اقبال نے اسلام آباد میں میڈیا سے گفتگو کرتے ہوئے کہا ہے کہ عمران خان فارن فنڈنگ کیس میں کیوں منہ چھپا رہے ہو، اگر آپ کا دامن صاف ہے تو رسیدیں پیش کریں، وہ کوشش کررہے ہیں کہ انکی کرپشن پر آواز نہ اٹھائی جائے، وہ چاہتے ہیں کہ فارن فنڈنگ کیس کی کارروائی روکی جاسکے،الیکشن کمیشن کو بلیک مل کرنے کیلیے آئینی ادارے پر دھاوا بولنا عمران خان کا ایجنڈا ہے۔

انہوں نے کہا کہ عمران نیازی ہٹلر کا شاگرد ہے اور اسکی سیاست ہی نافذ کرنا چاہتا ہے اسی لیے وہ اپنے جتھوں کے ذریعے اداروں پر حملہ کرنا چاہتا ہے، عمران خان کو ممنوعہ فنڈنگ کےذریعے اقتدار میں لایا گیا، یقین ہے کہ ادارے آئین وقانون کےتحت فیصلے دینگے۔

احسن اقبال کا کہنا تھا کہ کسی شخص نےایسا نہیں کیا کہ برادر ممالک کے تحفے بازار میں بیچے ہوں، انہوں نے 20 ہزار ارب قرض لیا، چار سال میں ہر شعبےکا بیڑہ غرق کر دیا گیا، عمران خان کو آٹا،چینی کا حساب دینا پڑے گا۔

وفاقی وزیر کا مزید کہنا تھا کہ قوم جانتی ہے جو کانٹے آپ بکھیر کرگئے وہ چننا ہیں، پاکستان کو ان کانٹوں سے صاف کرکے گل وگلزار کریں گے، عمران خان کی نالائقی کو پاکستان اسپیڈ سے بدلیں گے، اسلام آباد میٹرو منصوبے پر 4 سال سےگرد لگ رہی تھی، ہم نے یہ منصوبہ پانچ روز کے اندر آپریشنل کیا، ہم نےپورے ملک میں 2 ہزار کلومیٹر سڑکیں بنائی ہیں۔

ان کا کہنا تھا کہ عمران خان کے بقول وزارت خارجہ، سلامتی کونسل کمیٹی جھوٹی ہے یعنی پوری قوم جھوٹی صرف مسٹر یوٹرن سچا ہے، نااہلی اور نااہلیت میں بہت فرق ہے، عمران خان انارکی پھیلانے پر یقین رکھتے ہیں۔

احسن اقبال نے کہا کہ صدرغیر سیاسی ہوتا ہے اور پورے ملک کےلیے یکساں ہوتا ہے لیکن افسوس ہے کہ صدر اپنے حلف کی خلاف ورزی کررہے ہیں انہوں+ نے خود کو عمران خان کا کارکن بنالیا ہے۔

وفاقی وزیر منصوبہ بندی وترقی احسن اقبال نے کہا ہے کہ عمران خان عوام کو بیوقوف بنا رہے ہیں لیکن عوام اب آپ کے جھوٹے بیانات کو نہیں خریدیں گے۔

وفاقی وزیر منصوبہ بندی وترقی احسن اقبال نے اسلام آباد میں میڈیا سے گفتگو کرتے ہوئے کہا کہ عمران خان چاہتے ہیں تمام ادارے آپ کے سامنے ہاتھ باندھ کر کھڑے ہوں لیکن عدالتیں آئین کے تحت اپنا کام کرتی رہیں گی۔

احسن اقبال نے کہا کہ ہمیں طعنہ دیا گیا کہ یہ لوگ ضمانت پر ہیں، جس وقت آپ نے حلف لیا تو آپ بھی ضمانت پر تھے، ہم آپ کےجھوٹے مقدمات میں سے سرخرو ہوکر نکلے ہیں۔

وفاقی وزیر نے کہا کہ گزشتہ دور حکومت میں قومی سطح کے ترقیاتی منصوبوں کو تباہ کردیا گیا، ہماری حکومت سی پیک کا 90 فیصد کام مکمل کرکے گئی تھی لیکن عمران خان کی حکومت نے سی پیک کو ناقابل تلافی نقصان پہنچایا، پاکستان نے2020 تک 9 صنعتی زون میں کام کرنا تھا، لیکن سابقہ دورمیں 9 میں 5 صنعتی زونز پر کام ہی نہ ہوسکا، سیاسی رشوت بانٹنے کے چکر میں منصوبے کا گلا گھونٹا گیا۔

انہوں نے کہا کہ پاکستان کےترقیاتی بجٹ کا حجم ایک ہزار ارب سے کم کردیا گیا، وفاقی ترقیاتی کے 44 فیصد بجٹ کا حلیہ بگاڑ دیا گیا ہے، پاکستان اسی وقت ترقی کرے گا جب معیشت مضبوط ہوگی۔

احسن اقبال کا کہنا تھا کہ عمران خان نے تمام اداروں کو برباد کیا، 4 سال معاشی دہشتگردی کی، پاکستان کرپشن کےحوالےسے درجہ بندی میں مزید 14 درجےگرگیا، ملک میں غربت میں تاریخی اضافہ ہوا، مہنگائی میں بدترین اضافہ ہوا، سابقہ دور حکومت میں اپوزیشن کو جیلوں میں دھکیلاگیا۔

وفاقی وزیر کا کہنا تھا کہ عمران خان پونے چار سال میں بھی کچھ نہ سیکھ سکے وہ اپنی ناکامی پر پردہ ڈالنے کیلیے عوام کو گمراہ کررہے ہیں۔