ARYNews.tv | Urdu – Har Lamha Bakhabar

Tag: federal minister

  • اعجاز احمد شاہ کو پارلیمانی امورکا وفاقی وزیر بنا دیا گیا

    اعجاز احمد شاہ کو پارلیمانی امورکا وفاقی وزیر بنا دیا گیا

    اسلام آباد: وزیر اعظم پاکستان کے مشورے پر صدر مملکت نے بریگیڈیر (ر) اعجاز شاہ کو وفاقی وزیر بنانے کی منظوری دی.

    تفصیلات کے مطابق رکن قومی اسمبلی اعجازاحمد شاہ کو وفاقی وزیربنا دیا گیا،نوٹی فکیشن جاری ہوگیا، اعجازشاہ پارلیمانی امورکےوفاقی وزیر ہوں گے۔

    اس ضمن میں وزیر اطلاعات فواد چوہدری کا ٹویٹ سامنے آیا ہے، جس میں‌ انھوں‌ نے فیصلے کی تصدیق کی ہے.

    اعجازشاہ پرویزمشرف دورمیں آئی بی کےڈائریکٹر رہ چکے ہیں. وزیر اعظم عمران خان کی مشورے پر صدر مملکت عارف علوی نے فیصلے کی منظوری دی.

    انھوں‌ نے این اے 118، ننکانہ صاحب سے الیکشن لڑا اور مسلم لیگ ن کے امیدوار کو سخت مقابلے میں شکت دی. انھوں نے 63,818 ووٹز حاصل کیے.

    قبل ازیں وزیر اعظم عمران خان نے مراد سعید کو گذشہ برس دسمبر میں وفاقی وزیر کا عہدہ دیا تھا.

    خیال رہے کہ بے نظیر بھٹو نے شہادت سے قبل اپنے خط میں خود کو نقصان پہنچنے کی صورت میں‌ جن افراد کو شامل تفتیش کرنے کی کا مطالبہ کیا تھا، اعجاز شاہ کا نام ان میں شامل تھا.

  • پاکستان سیکیورٹی زون نہیں بلکہ اب اکنامک زون بن چکا ہے، علی زیدی

    پاکستان سیکیورٹی زون نہیں بلکہ اب اکنامک زون بن چکا ہے، علی زیدی

    کراچی : وفاقی وزیر پورٹ اینڈ شپنگ علی زیدی نے کہا ہے کہ پاکستان پہلے سیکیورٹی زون تصور کیا جاتا تھا، اب اکنامک زون بن چکا ہے۔ یہ بات انہوں نے کراچی میں میڈیا سے گفتگو کرتے ہوئے کہی۔

    وفاقی وزیر کا کہنا تھا کہ پاکستان اپنے قدموں پر کھڑا ہوچکا ہے، پاکستان پہلے سیکیورٹی زون تصور کیا جاتا تھا، اب اکنامک زون بن چکا ہے۔

    ایک سوال کے جواب میں علی زیدی نے کہا کہ اب پاکستان میں انٹرنیشنل کرکٹ بحال ہوجانی چاہیے، وزیر اعظم کی توجہ کرکٹ پر بھی ہے، اس سلسلے میں انہوں نے وزراء کو کام کرنے کی ہدایت بھی کی ہے۔

    مزید پڑھیں: سی پیک کے تحت اسپیشل اکنامک زونز بنائے جا رہے ہیں‘ اسد عمر

    پی ایس ایل سے متعلق گفتگو کرتے ہوئے انہوں نے کہا کہ میری پسندیدہ ٹیم وہی ہے جس میں کراچی کے کھلاڑی سب سے زیادہ ہیں۔

  • پاکستان میں تمام مذاہب کے ماننے والوں کا احترام کیا جاتا ہے، نورالحق قادری

    پاکستان میں تمام مذاہب کے ماننے والوں کا احترام کیا جاتا ہے، نورالحق قادری

    اسلام آباد : وفاقی وزیر برائے مذہبی امور نورالحق قادری نے کہا ہے کہ پاکستان میں تمام مذاہب کے ساتھ یکساں سلوک اور ان کے ماننے والوں کا احترام کیا جاتا ہے، مذہبی آزادی سے متعلق فہرست سے پاکستان کا نام نکالا جائے۔

    ان خیالات کا اظہار انہوں نے امریکی سفیر برائے مذہبی آزادی سیم براؤن بیک نے ملاقات کے موقع پر گفتگو کرتے ہوئے کیا، اسلام آباد میں وفاقی وزیر برائے مذہبی امور نورالحق قادری سے امریکی سفیر برائے مذہبی آزادی سیم براؤن بیک نے ملاقات کی۔

    نورالحق قادری کا اپنی گفتگو میں کہنا تھا کہ پاکستان میں تمام مذاہب کے ساتھ یکساں سلوک اور ان کے ماننے والوں کا احترام کیا جاتا ہے کیونکہ پاکستان کا آئین تمام اقلیتوں کے حقوق اور مذہبی آزادی کی ضمانت دیتا ہے۔

    اسلام بقائے باہمی، محبت اور امن کا درس دیتا ہے، وزیرمذہبی امور پاکستان میں اقلیتوں کو مکمل مذہبی آزادی حاصل ہے، پاکستان میں آزاد عدلیہ اور متحرک میڈیا ہے، ملک میں کسی مذہب یا عقیدے کے خلاف امتیازی سلوک کا تصور نہیں۔

    پاکستان کی اسمبلیوں اور اداروں میں تمام مذاہب کی نمائندگی ہے، بعض ممالک میں آزادی اظہار رائے پر مذہبی جذبات مجروح کئے گئے، توہین آمیز خاکوں سے عالمی امن کی کوششوں کو دھچکا پہنچتا ہے۔

    مذہبی آزادی کی فہرست میں پاکستان کو شامل کرنا غیر منصفانہ ہے، وفاقی وزیر نے کہا کہ عالمی قوانین پرمذہبی آزادی کا عملی طور پر حمایت کرتے ہیں، انہوں نے مذہبی آزادی سے متعلق فہرست سے پاکستان کا نام نکالنے کا مطالبہ بھی کیا۔

  • جیسے جیسے معاشی صورتحال بہتر ہوگی ٹیکس بھی کم ہوں گے، حماد اظہر

    جیسے جیسے معاشی صورتحال بہتر ہوگی ٹیکس بھی کم ہوں گے، حماد اظہر

    لاہور : وفاقی وزیر محصولات حماد اظہر نے کہا ہے کہ پاک افغان بارڈر پر اسمگلنگ روکنے کے لئے باڑ لگارہے ہیں، جیسے جیسے معاشی صورتحال بہتر ہوگی ٹیکس بھی کم ہوں گے۔

    ان خیالات کا اظہار انہوں نے لاہور میں ٹیکسٹائل ملز ایسوسی ایشن کے عہدیداروں سے ملاقات کے موقع پر گفتگو کرتے ہوئے کہی، حماد اظہر کا کہنا تھا کہ پولسٹر فائبر سے متعلق بھی نئی پالیسی لے کر آرہے ہیں۔

    وفاقی حکومت اپنے ٹیکسز کو کلب کررہی ہے،ایکسپورٹ سیکٹرز کو آر پی اوز دے کر ریلیف دیا جائے گا،5سال کا میڈیم ٹرم معاشی پلان لے کر آرہے ہیں،جیسے جیسے معاشی صورتحال بہتر ہوگی ٹیکس بھی کم ہوں گے۔

    انہوں نے کہا کہ گزشتہ حکومت 2300 ارب روپے کا خسارہ چھوڑ کرگئی ہے، ہمیں ایکسپورٹ سے متعلق اچھے اشارے ملنا شروع ہوگئے ہیں، ہمیں اپنے دوست ممالک سے غیر معمولی مدد ملی ہے، نان پرفارمنگ قرضوں کی ریکوری ٹیکس فری ہونی چاہیے۔

    انہوں نے کہا کہ پاک افغان بارڈرپر اسمگلنگ روکنے کے لئے باڑ لگارہے ہیں، باڑ لگانے سے اسمگلنگ رکے گی جس سے باڑ کا خرچہ ایک سال میں کور ہوگا۔

    وفاقی وزیر کا مزید کہنا تھا کہ ہم نیشنل ایگری کلچر پالیسی بنارہے ہیں، ہم نے ٹیکسٹائل سپورٹ 5برسوں میں دگنی کرنی ہے، ایسی انڈسٹریز جو بند ہوگئی ہیں ان کو دوبارہ شروع کرنے کیلئے اقدامات کریں گے، کپاس کی پیداوار میں کمی کی وجوہات جاننے کے لئے کام کررہے ہیں۔

    حماد اظہر نے کہا کہ ماضی میں25 سے 30ارب ڈالر صرف کرنسی کو سہارا دینے کیلئے قرضہ لیا گیا، اسٹیٹ بینک روپے کو اس کی حقیقی قدر کے قریب لے کرآیا ہے، ٹیلی کام پر100ارب کے ٹیکس روکے ہوئے ہیں۔

    ماضی میں پٹرولیم مصنوعات پر سیلز ٹیکس52فیصد تھا ہم نے17فیصد کیا، جس راستے پر معیشت ملی اسی پر چلتے تو خسارہ 7فیصد تک بڑھ جاتا، شرح سود سے متعلق تو نظام گزشتہ 70سال سے چلا آرہا ہے۔

  • وزیراعظم کا وژن ہے بزنس کمیونٹی کیلئے آسانیاں پیداکرنی ہیں، وفاقی وزیر مرادسعید

    وزیراعظم کا وژن ہے بزنس کمیونٹی کیلئے آسانیاں پیداکرنی ہیں، وفاقی وزیر مرادسعید

    اسلام آباد: وفاقی وزیرپوسٹل اینڈسروسزمرادسعید کا کہنا ہے کہ وزیراعظم کا وژن ہے بزنس کمیونٹی کے لئے آسانیاں پیدا کرنی ہیں، اداروں کونقصان سے نکال کر منافع بخش بنانا چاہتے ہیں، یقین ہے انشااللہ ایک دن ہم سب پاکستان کو بدلیں گے۔

    تفصیلات کے مطابق وفاقی وزیرپوسٹل اینڈسروسزمرادسعید نے ایکسپورٹ پارسل سروس کی افتتاحی تقریب سے خطاب کرتے ہوئے وزیراعظم کاوژن ہے، بزنس کمیونٹی کے لئے آسانیاں پیدا کرنی ہیں، یاکستان میں پوسٹ کی کارکردگی کےاقدامات کررہےہیں، میں کہتاہوں پاکستان پوسٹ آپ کا دوست ہے۔

    مراد سعید کا کہنا تھا کہ اداروں کونقصان سے نکال کرمنافع بخش بناناچاہتے ہیں، پاکستان پوسٹ بھی خسارے میں جانےوالاادارہ ہے، ہم پاکستان پوسٹ کو خسارے سے نکالیں گے، پاکستان پوسٹ175 فیصد سستا پارسل پہنچاتا ہے۔

    [bs-quote quote=”اداروں کونقصان سےنکال کرمنافع بخش بناناچاہتے ہیں، یقین ہے انشااللہ ایک دن ہم سب پاکستان کو بدلیں گے” style=”style-6″ align=”left” author_name=”مراد سعید "][/bs-quote]

    وفاقی وزیر نے کہا پاکستان پوسٹ 72گھنٹےکی گارنٹڈ پوسٹل سروس دےگا، ہم پارسل کی بروقت ڈیلیوری کی ضمانت دے رہے ہیں ، ہم نے قدم آگے بڑھانا ہے اور پوسٹ آفس کے نظام کو عوام نے بہتر بنانا ہے۔

    ان کا کہنا تھا کہ پاکستان کے بچوں کیلئے اس ادارے کو مضبوط بنانا ہے، یقین ہے انشااللہ ایک دن ہم سب پاکستان کو بدلیں گے، ہم نجی شعبےکو متوجہ کرنا چاہتے ہیں۔

    مراد سعید نے کہا آن لائن سروس میں پک اپ سروس بھی متعارف کریں گے اور ایپ کو آسان بنانے کی کوسشش کریں گے، ائیر پورٹ پر جلد کسٹم کلیئرنس کیلئے ایک ڈیوٹی آفیسر تعینات کریں گے، فروری میں ای ایم ایس سروس کا دائرہ دنیا بھر میں پھیلایا جائے گا۔

    انہوں نے کہا کہ ملازمین سے بات کرتاہوں انہیں یقین ہے ہم ایک ٹیم ہیں، ای کامرس بہت بڑی مارکیٹ ہے اس میں ایک ارب 50 کروڑ ڈالر کی گنجائش ہے، ہم 25 جنوری تک پاکستان پوسٹ کی برانچوں میں 15 ہزار کا اضافہ کریں گے۔

  • آئی جی تبادلہ کیس : وفاقی وزیر اعظم سواتی اپنے عہدے سے مستعفی

    آئی جی تبادلہ کیس : وفاقی وزیر اعظم سواتی اپنے عہدے سے مستعفی

    اسلام آباد : وفاقی وزیر اعظم سواتی نے وزیراعظم عمران خان کو اپنا استعفیٰ پیش کردیا، ان کا کہنا ہے کہ جب تک آئی جی تبادلہ کیس کا فیصلہ نہیں آتا حکومت کاحصہ نہیں رہوں گا۔

    تفصیلات کے مطابق وفاقی وزیر سائنس اور ٹیکنالوجی اعظم سواتی نے مستعفی ہونے کا فیصلہ کر لیا ہے، ذرائع کا کہنا ہے کہ اعظم سواتی نے وزیر اعظم عمران خان سے ملاقات کی اور اپنا استعفیٰ پیش کردیا۔

    وفاقی وزیر کا کہنا ہے کہ جب تک آئی جی تبادلہ کیس کا فیصلہ نہیں آجاتا حکومت کاحصہ نہیں رہوں گا۔ اعظم سواتی کیخلاف سپریم کورٹ میں آئی جی تبادلہ کیس زیرسماعت ہے۔

    اعظم سواتی کا مزید کہنا تھا کہ وزیراعظم عمران خان سے استعفیٰ قبول کرنےکی درخواست کی ہے، موجودہ حالات میں وزارت کا قلمدان پاس نہیں رکھ سکتا، اخلاقیات کو ملحوظ خاطر رکھتے ہوئے مستعفی ہورہا ہوں، مستعفی ہونے کے بعد سپریم کورٹ میں مقدمے کا دفاع کروں گا، کسی عہدے کے بغیر اپنا کیس سپریم کورٹ میں پیش کروں گا۔

    اس سے قبل وفاقی وزیر اطلاعات فواد چودھری نے میڈیا سے گفتگو میں اس بات کا اشارہ دے دیا تھا کہ اگر اعظم سواتی ذمہ دار قرارپائے گئے تو وہ اپنے عہدے سے مستعفی ہو جائیں گے۔

    یاد رہے کہ رواں ماہ 7 نومبر کو اعظم سواتی کے غریب خاندان سے جھگڑے کے معاملے پر سپریم کورٹ نے جے آئی ٹی کو تحقیقات کے لیے دس ٹی او آرز دیتے ہوئے دو ہفتے میں رپورٹ طلب کی تھی۔

    مزید پڑھیں: اعظم سواتی کیس،  جے آئی ٹی نے سپریم کورٹ میں رپورٹ جمع کرادی

    بعد ازاں جے آئی ٹی نے معاملے کی تحقیقات کے بعد مرتب کی جانے والی رپورٹ میں اعظم سواتی کو واقعے میں قصور وار قرار دیا تھا۔ گزشتہ بدھ کے روز سپریم کورٹ میں آئی جی تبادلہ کیس کی سماعت میں چیف جسٹس نے اعظم سواتی پر آرٹیکل 62ون ایف کا اطلاق کرنے کا عندیہ دیا تھا۔

  • گیس قیمت میں اضافے کا بوجھ امیرصارفین برداشت کرینگے، فواد چوہدری

    گیس قیمت میں اضافے کا بوجھ امیرصارفین برداشت کرینگے، فواد چوہدری

    اسلام آباد : وفاقی وزیر اطلاعات ونشریات فواد چوہدری نے کہا ہے کہ گیس قیمتوں میں اضافےکا11فیصد بوجھ امیرصارفین برداشت کرینگے۔

    یہ بات انہوں نے سماجی رابطےکی ویب سائئٹ ٹوئٹر پر اپنے پیغام میں کہی، فواد چوہدری نے کہا کہ حکومت کی پالیسی ہے امیر لوگ سبسڈی کا فائدہ غریبوں کو دیں، اس لیے گیس قیمتوں میں اضافےکا11فیصد بوجھ امیر صارفین برداشت کرینگے۔

    غریب صارفین کیلئے گیس کی قیمتوں میں کوئی خاص اضافہ نہیں ہوا، گیس سلنڈر کی قیمت 200روپے تک کم ہوگئی ہے۔

    ٹوئٹر پیغام میں وزیراطلاعات نے مزید کہا کہ قیمت میں حالیہ اضافے کے بعد ایم ایم ایف50گیس کا بل250سےبڑھ کر272روپے ہوجائے گا۔

    واضح رہے کہ وزیرخزانہ اسد عمر کی زیر صدارت اقتصادی رابطہ کمیٹی کے اجلاس میں گیس کی قیمتوں میں اضافے کی منظوری دی گئی۔ وزیر خزانہ نے کہا کہ غریب صارفین پر کم از کم بوجھ ڈالا گیا ہے، امیر طبقے کے لیے گیس قیمتوں میں زیادہ اضافہ کیا گیا ہے۔

    اس منظوری کے بعد وزیر پٹرولیم نے اعلان کیا کہ گیس سے متعلق 3 کیٹگریز ہیں، عام آدمی کے لئے گیس میں10سے 15 فیصد اضافہ کیا گیا ہے، جو 252 روپے گیس کا بل دے رہا تھا، اب 275 روپے دے گا، جو 480روپے گیس کا بل دے رہے تھے اب 520روپے دیں گے، کیٹگری میں 2ہزار 151روپے گیس کا بل دیا جائے گا، حکومت مہنگی گیس خرید کر عوام کو سستی فراہم کررہی ہے۔

  • وفاقی وزیر نہ بنانے پر محمد میاں سومرو ناراض، حلف اٹھائے بغیر کراچی واپس

    وفاقی وزیر نہ بنانے پر محمد میاں سومرو ناراض، حلف اٹھائے بغیر کراچی واپس

    اسلام آباد : تحریک انصاف کے رہنما محمد میاں سومرو وفاقی وزیر نہ بنانے پر ناراض ہوگئے، وزیر مملکت کا حلف اٹھائے بغیر واپس کراچی پہنچ گئے۔

    تفصیلات کے مطابق سابق چیئرمین سینیٹ اور پی ٹی آئی کے رہنما محمد میاں سومرو نے وزیر مملکت بننے سے انکار کردیا اور احتجاجاً حلف برداری کی تقریب میں شرکت کیے بغیر واپس کراچی پہنچ گئے۔

    باوثوق ذرائع کے مطابقمحمد میاں سومرو کو وفاقی وزیر کے بجائے وزیر مملکت برائے نجکاری بنانے کا فیصلہ کیا گیا تھا جسے انہوں نے ماننے سے انکار کردیا۔

    اس حوالے سے ان کے قریبی ذرائع نے بتایا کہ محمد میاں سومرو اس سے قبل دو بار چیئرمین سینیٹ، قائم مقام صدر سمیت گورنر سندھ جیسے اہم ترین عہدوں پر بھی فائز رہ چکے ہیں لہٰذا ان کا مؤقف ہے کہ محض وزیر مملکت کا عہدہ ان کیلئے نامناسب ہے۔

    مزید پڑھیں: وفاقی کابینہ کے 6 نئے وزراء نے حلف اٹھا لیا

    علاوہ ازیں وفاقی کابینہ میں چھ نئے وزراء کو شامل کیا گیا ہے، علی محمد خان، عمر ایوب اور علی زیدی وفاقی وزیر بن گئے ہیں جبکہ مراد سعید ،محمد شبیرعلی، محمد حماد اظہر نے وزیر مملکت کاحلف اٹھایا، وزراء کے محکموں کا اعلان بعد میں کیا جائے گا۔

  • وفاقی وزیر قانون نے محکمے کے افسران کے بیرون ملک دوروں پر پابندی لگادی

    وفاقی وزیر قانون نے محکمے کے افسران کے بیرون ملک دوروں پر پابندی لگادی

    اسلام آباد : وفاقی وزیر قانونو انصاف بیرسٹر فروغ نسیم نے کہا ہے کہ وزارت قانون میں سست رفتاری ہرگز برداشت نہیں کی جائے گی۔

    تفصیلات کے مطابق پاکستان نو منتخب وفاقی وزیر قانون و انصاف بیرسٹر فروغ نسیم نے عہدے کا حلف اٹھاتے ہی پہلا حکم جاری کرتے ہوئے محکمے کے افسروں کے بیرون ملک دورے پر پابندی عائد کر دی۔

    سیکرٹری وزارت قانون و انصاف نے بیرسٹر فروغ نسیم کا استقبال کیا اور وزیر قانون و انصاف کو انٹر نیشنل لیگل فرنٹ اور وزارت قانون وانصاف کے امور پر بھی بریفنگ دی گئی۔

    وزیر قانون بیرسٹر فروغ نسیم نے لاء افسروں کی تقرری کا جائزہ لینےکی ہدایات جاری کی اور وفاقی عدالتوں میں خالی آسامیاں پُر کرنے کے لئے فوری اقدامات کرنے کا حکم دیا۔

    وفاقی وزیر قانون و انصاف بیرسٹر فروغ نسیم کا کہنا ہے کہ ملک سے کرپشن کا خاتمہ اولین ترجیح ہے، وزارت قانون میں سست رفتاری ہرگز برداشت نہیں کی جائے گی۔

  • ملک میں انتشار پھیلانے والوں کو اللہ ہدایت دے، عابد شیرعلی

    ملک میں انتشار پھیلانے والوں کو اللہ ہدایت دے، عابد شیرعلی

    اسلام آباد : وفاقی وزیر پانی و بجلی عابد شیر علی نے کہا ہے کہ پاکستان کو فرقہ واریت سے بچانا ہوگا، انتشار پھیلانے والوں کو اللہ پاک ہدایت دے۔

    ان خیالات کااظہار انہوں نے جشن میلادالنبی ﷺ کے موقع پر اپنے بیان میں کیا، انہوں نے کہا کہ دہشت گردوں کےخلاف گھیرا تنگ کردیا گیا ہے، اس جنگ میں ہم نے ہزاروں جانوں کی قربانیاں دیں اور ہماری معیشت کو بھی بھاری نقصان اٹھانا پڑا۔

    ان کا کہنا تھا کہ شہداء کی قربانیوں کی بدولت دہشت گردی کی وارداتوں پر کافی حد تک قابو پالیا گیا ہے، مسلح افواج، پولیس نے دلیری سے دہشت گردی کےخلاف جنگ لڑی، یہ جنگ امریکا کی تھی لیکن سزا ہمیں مل رہی ہے۔

    وزیرمملکت کا کہنا تھا کہ ڈومور کا مطالبہ کرنے والے پہلے اپنا گھر ٹھیک کریں، دشمن کا پاکستان میں عدم ا ستحکام کی صورتحال پیدا کرنے کا خواب کبھی پورا نہیں ہوگا۔

    مزید پڑھیں:نوازشریف کے وعدوں سے آج قوم فائدہ اٹھارہی ہے،عابد شیرعلی

    انہوں نے کہا کہ پاکستان کلمہ طیبہ کے نام پرحاصل کیا گیا تھا، پاکستان کو فرقہ واریت سے بچانا ہوگا، انتشار پھیلانے والوں کو اللہ پاک ہدایت دے، موجودہ حالات میں علمائے کرام کی اہمیت بڑھ گئی ہے۔

    واضح رہے کہ وفاقی وزیر برائے پانی و بجلی عابد شیر علی نے اپنے حلقے سے نکلنے والے جشن میلادالنبی کے جلوس میں بھی شرکت کی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔