Tag: federal minister

پی آئی اے انویسٹمنٹ بورڈ کا اجلاس، وفاقی وزیرکی غیرقانونی شرکت

کراچی : مالی بحران کی شکار پی آئی اے کے انویسٹمنٹ بورڈ کے اجلاس میں وفاقی وزیر نے خلاف قانون شرکت کی، ترجمان کا کہنا ہے کہ سردار مہتاب عباسی نے مبصر کی حیثیت سے شرکت کی۔

تفصیلات کے مطابق پی آئی اے انویسٹمنٹ لمیٹڈ کا اجلاس پیرس میں چیئرمین پی آئی اے عرفان الٰہی کی صدارت میں منعقد ہوا۔ اجلاس میں مشیر ہوا بازی سردار مہتاب عباسی نے شرکت کی۔

ذرائع کے مطابق انویسٹمنٹ بورڈ کے اجلاس میں کوئی بھی وفاقی وزیر شرکت نہیں کرسکتا، یہ قوانین کی خلاف ورزی ہے۔ ترجمان پی آئی اے کے مطابق سردار مہتاب عباسی نے مبصر کی حیثیت سے اجلاس میں شرکت کی ہے جو کوئی بھی کرسکتا ہے۔

مزید پڑھیں: پی آئی اے مالی خسارے سے ٹائٹینک بن چکاہے‘ سردار مہتاب

پی آئی اے انویسٹمنٹ لمیٹڈ قومی ایئرلائن کا ذیلی ادارہ ہے زیلی ادارے کی سب مینجمنٹ کو آؤٹ سورس کیا گیا ہے، پی آئی اے کے انویسٹمنٹ لمیٹڈ کے بورڈ کے اجلاس میں پیرس میں پی آئی اے کا اثاثہ اسکرائب ہوٹل کی تزئین و آرائش کی منظوری دی گئی۔

مزید پڑھیں: پی آئی اے کے چار پرانے طیاروں کی فروخت کا باقاعدہ آغاز

ہوٹل کی تزئین و آرائش کیلئے من پسند کمپنی کو ٹھیکہ دیدیا گیا، ہوٹل کی تزئین و آرائش پر کروڑوں روپے کے اخراجات آئیں گے۔ پی آئی اے پہلے ہی مالی بحران کا شکار ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 21, 2017
دانیال عزیز کو بالآخر وفاقی وزارت مل گئی

اسلام آباد: وزیر اعظم شاہد خاقان عباسی نے مسلم لیگ ن کے رہنما دانیال عزیز کو بطور وفاقی وزیر اپنی کابینہ میں شامل کرلیا۔ دانیال عزیز وزیر مملکت بنائے جانے پر قیادت سے ناراض تھے۔

تفصیلات کے مطابق پاناما ہنگامے کے دوران شریف خاندان کا دفاع کرنے والے مسلم لیگ ن کے رہنما دانیال عزیز وفاقی وزارت ملنے کی امید لگائے بیٹھے تھے لیکن اس وقت ان کے ارمانوں پر اوس پڑ گئی جب انہیں وفاقی وزیر کے بجائے وزیر مملکت بنا دیا گیا۔

دانیال عزیز اس بات سے اتنے خفا ہوئے کہ ایوان صدر سے حلف برادری کی تقریب چھوڑ کر چلے گئے۔

مزید پڑھیں: وفاقی وزیر نہ بنائے جانے پر دانیال عزیز ناراض ہوگئے

بعد ازاں سماجی رابطوں کی ویب سائٹ ٹوئٹر پر اپنے پیغام میں انہوں نے کہا کہ ناراضگی کی خبروں میں کوئی صداقت نہیں۔

ان کا کہنا تھا کہ نواز شریف کے ساتھ ہوں اور دل سے کام کرتا ہو۔ قیادت جیسا کہے گی ویسا ہی کروں گا۔

تاہم ان کی ناراضگی کی تصدیق اب اس بات سے ہوگئی جب وزیر اعظم شاہد خاقان عباسی نے دانیال عزیز کو بطور وفاقی وزیر اپنی کابینہ میں شامل کرلیا۔

نئی منتخب کابینہ اراکین میں دانیال عزیز اور ممتاز تارڑ بطور وفاقی وزیر جبکہ سید ایاز شاہ شیرازی اور میر دوستین ڈومکی کو بطور وزیر مملکت شامل کیا گیا ہے۔

ذرائع کا کہنا ہے کہ وفاقی وزیر کا عہدہ ملنے پر دانیال عزیز پارٹی قیادت کے شکر گزار ہیں۔

اگست 10, 2017
سمری پر دستخط،محمد زبیر گورنرسندھ مقرر

اسلام آباد: ن لیگی رہنما و وفاقی وزیر محمد زبیر کو نیا گورنر سندھ مقرر کردیا گیا، صدر مملکت ممنون حسین نے سمری پر دستخط کردیے جو وزیراعظم نواز شریف نے انہیں ارسال کی تھی۔

تفصیلات کے مطابق صدر پاکستان ممنون حسین نے محمد زبیر کو گورنرسندھ مقرر کردیا ہے، وزیراعظم ہاؤس کی جانب سے ایوان صدر ارسال کردہ سمری پر صدر مملکت نے اپنے دستخط کردیئے، جس کے بعد با ضابطہ طور پر محمد زبیر کو گورنر سندھ مقرر کردیا گیا ہے۔

اے آر وائی نیوز سے بات کرتے ہوئے وفاقی وزیر نجکاری اور ن لیگ کے رہنما محمد زبیر نے کہا کہ کچھ دیر قبل مجھے بھی کنفرمیشن ہوگئی ہے، اللہ کا شکر ہے کہ وزیراعظم نواز شریف نے مجھ پر اعتبار کیا اور اس عہدے کے قابل سمجھا، مجھے امید ہے کہ میں ان کے اعتبار پر پورا اتروں گا۔

ایک سوال پر وفاقی وزیر نے کہا کہ سندھ میں میرا سب سے بڑا چیلنج معاشی چیلنج ہے، کراچی اقتصادی حب ہے پاکستان کا، جب تک کراچی معاشی حب کا رول ادا نہیں کرے گا ملک میں مستقل بنیادوں پر ترقی ممکن نہیں، اس لیے کوشش ہے کہ کراچی کی معاشی ترقیاں بحال کی جائیں۔

محمد زیبر نے مزید کہا کہ وزیراعظم نے جو آپریشن 2103ء میں شروع کیا اس کی وجہ سے بہت بہتری آئی کراچی میں امن کا مستقل قیام بھی ترجیح ہے۔

قبل ازیں اے آر وائی نیوز کے نمائندہ اسلام آباد اظہر فاروق نے بتایا تھا کہ آج وزیراعظم نواز شریف اور صدر مملکت ممنون حسین کے درمیان ملاقات ہوئی جس میں محمد زبیر کو گورنر سندھ بنائے جانے پر اتفاق کیا گیا بعدازاں وزیراعظم گورنر سندھ سے متعلق سمری صدر مملکت کو ارسال کردی۔

اے آر وائی نیوز کے نمائندہ کراچی ارباب چانڈیو نے اینکر پرسن سے بات کرتے ہوئے کہا کہ ہم نے چند روز قبل یہ خبر بریک کی تھی، اللہ کا شکر ہے کہ ہماری خبر درست ثابت ہوئی، اب خود محمد زیبر نے خبر کی تصدیق کردی ہے کہ انہیں گورنر سندھ بنایا جارہا ہے۔

یہ پڑھیںوفاقی وزیر محمد زبیر کو گورنر سندھ بنانے کا فیصلہ

انہوں نے کہا کہ سندھ میں امن و امان کے لیے بنائی گئی اپیکس کمیٹی کا حصہ گورنر سندھ بھی ہوں گے، امید ہے کہ وہ امن و امان کی بہتری کے لیے اقدامات مزید اقدامات کریں گے۔

واضح رہے کہ محمد زبیرایک معاشی بیک گرائونڈ رکھتے ہیں اور وہ تحریک انصاف کے سینئر رہنما اسد عمر کے بھائی بھی ہیں۔

جنوری 30, 2017
وفاقی وزیر احسن اقبال کا شکارپورشہداء کے لواحقین سے ملاقات

شکارپور: سانحہ شکارپور کے شہداء کے لواحقین سے ملاقات پراحسان اقبال کاکہنا تھا کہ عوام غم زدہ ہے وہ جس طرح کی بات کرے صحیح ہے۔

میڈیا سے بات چیت کرتے ہوئے احسان اقبال نے بتایا کہ وزیراعظم نے دہشت گردی کے خاتمے کا تہیہ کررکھا ہے پاکستان اوراسلام دشمن نہیں چاہتے کہ ملک ترقی کرے نیشنل ایکشن پروگرام کے تحت دہشت گردوں کو صفہ ہستی سے مٹادیں گے ۔

انہوں نے کہا کہ سانحہ شکارپور کی معلومات مل رہی ہیں،تحقیقات میں پیش رفت ہورہی ہے ،جلد ملزمان کو گرفتار کرلیں گے۔

انہوں نے کہا کہ صوبائی اور وفاقی حکومت مل کر کام کررہی ہیں، سیاسی ، عسکری قیادت اور عوام کے درمیان ہم آہنگی ہے جس سے دہشت گرد بوکھلاہٹ کا شکار ہوکر نہتے عوام پر حملے کررہے ہیں۔

فروری 4, 2015
جوڈیشل کمیشن 18 جنوری سے پہلے قائم کر دیں گے، احسن اقبال

لاہور: مسلم لیگ ن کے مرکزی رہنما اور وفاقی وزیر منصوبہ بندی احسن اقبال نے کہا ہے کہ عمران خان کے مطالبے پر دھاندلی کی تحقیقات کیلئے جوڈیشل کمیشن اٹھارہ جنوری سے پہلے ہی قائم کر دیں گے۔

حکومتی مذاکراتی ٹیم کے رکن احسن اقبال نے کہا ہے وہ نہیں چاہتے کہ عمران خان شادی کے بعد اپنا ہنی مون ڈی چوک میں کھڑے کسی کنٹینر پر منائیں، حکومت اٹھارہ جنوری سے قبل جوڈیشل کمیشن قائم کردے گی ملٹری کورٹس کے حوالے احسن اقبال کا کہنا تھا اکیسویں ترمیم کا مقصد کسی سیاسی گروہ یا مسلک کو نشانہ بنانا نہیں،جو مدارس دہشت گردی میں ملوث ہیں ان کے خلاف کارروائی ہوگی،احسن ا قبال کا کہنا تھا اگر کسی کالج یا یونیورسٹی میں دہشت گرد موجود ہوئے تو ان کے خلاف بھی کاروائی ہو گی۔

جنوری 8, 2015
عمران خان جلالی سیاست چھوڑ کر جمالی سیاست کی طرف آئیں، احسن اقبال

اسلام آباد: وفاقی وزیر منصوبہ بندی احسن اقبال نے کہا ہے کہ لاہور میں پی ٹی آئی کی شٹ ڈاوٴن کال ناکام ہوچکی ہے اور عمران خان جلالی سیاست چھوڑ کر جمالی سیاست کی طرف آئیں۔

میڈیا سے بات چیت میں انہوں نے کہا کہ لاہور میں سوائے چند مقامات کے تمام شہر اور کاروبار کھلا رہا اور زندگی معمول پر رہی۔ پی ٹی آئی نے فیصل آباد، کراچی اور اب لاہور جیسے اقتصادی مراکزمیں شٹ ڈاوٴن کی کال دے دی جس سے نہ جانے کتنے برآمد کنندگان کے آرڈرز منسوخ ہوئے اور معاشی نقصان ہوا۔

انہوں نے کہا کہ عمران خان ایک طرف مذاکرات کی بات کرتے ہیں جبکہ دوسری جانب ن لیگ کی قیادت کے خلاف نازیبا بیانات دے کر اخلاقی دیوالیہ پن کا ثبوت دے رہے ہیں، ان کا کہنا تھا کہ خان صاحب اگر خود کو فرشتہ صفت اور دوسروں کو شیطان سمجھتے ہیں تو وہ اپنا معائنہ کرائیں۔

ایک سوال پر انہوں نے کہا کہ حکومت مذاکرات کے لیے پرخلوص ہے اور امید ہے کہ انتخابی دھاندلی کے حوالے سے پی ٹی آئی کا مطالبہ اور انتخابی اصلاحات پر معاملات آگے بڑھیں گے، احسن اقبال کا کہنا تھا کہ اس سے قبل بھی عمران خان کے دھرنے کی وجہ سے مذاکرات ناکام ہوئے تھے۔

دسمبر 15, 2014
حکومت اور تحریکِ انصاف میں مذاکرات بحال، اگلا دور ہفتے کو ہوگا

اسلام آباد: حکومت اور تحریک انصاف میں مذاکرات شروع ہوگئے، فریقین نے طے کیا ہے کہ مذکراتی عمل سے میڈیا کو لاعلم رکھا جائے گا۔

ملک میں بڑھتی سیاسی کشیدگی سے بچنے کیلئے حکومت اور تحریکِ انصاف کے درمیان معطل مذاکرات بحال ہوگئے، وفاقی وزیر احسن اقبال اور پی ٹی آئی کے رہنماء اسد عمر کی ملاقات پی ٹی آئی کے وکیل محمد سکندر کے گھر ہوئی۔

ملاقات میں پی ٹی آئی کی جانب سے محمد سکندر بطور وکیل شامل رہے اور حکومت کی جانب سے اٹارنی جنرل سلمان اسلم بٹ کی مدد لی گئی، یہ ملاقات تقریبا ایک گھنٹہ اور بیس منٹ جاری رہی، ملاقات میں حساس اداروں کی نمائندگی،اور تحقیقاتی کمیشن کے ٹرم آف ریفرنسز پر بات آگے بڑھائی گئی۔

دونوں رہنمائوں نے طے کیا کہ مذاکرات کا اگلا دور ہفتے کو ہوگا، جس میں شاہ محمود قریشی اور اسحاق ڈار بھی شامل ہوں گے، اس اہم ملاقات میں مذاکراتی عمل کے نکات میڈیا سے چھپانے پر بھی اتفاق کیا گیا۔

دسمبر 12, 2014
جوڈیشل کمیشن پر پہلے ہی اتفاق ہوچکا تھا، احسن اقبال

لاہور: وفاقی وزیرِ احسن اقبال نے کہا ہے کہ جوڈیشل کمیشن پر پہلے ہی اتفاق ہوچکا تھا، مذاکرات وزیرِاعظم کے استعفے کے مطالبے پر ٹوٹے، مذاکرات میں جلد سے جلد بریک تھرو لانے کی کوشش کریں گے۔

لاہور میں سیمینار سے خطاب کرتے ہوئے احسن اقبال کا کہنا تھا کہ پاکستان تحریکِ انصاف سے مزاکرات کا سلسلہ وہیں سے شروع ہوگا جہاں سے ٹوٹا تھا، انھوں نے کہا کہ اگر تحریکِ انصاف مزاکرات کے لیے ایک قدم اٹھائے گی تو حکومت دو قدم آگے بڑھے گی ، امید ہے کہ مزاکرات کے دوران دونوں فریقین بیان بازی سے گریز کریں گے۔

احسن اقبال نے کہا کہ حکومت سمیت اگر کوئی یہ سمجھتا ہے کہ وہ اکیلا ہی مسائل حل کرلے گا تو اس کی خام خیالی ہے، ملک کو جتنی ضرورت نواز شریف کی ہے اتنی ہی عمران خان اور آصف زرداری کی بھی ہے، اگر یونہی مخالفین کے خلاف نعرے لگائے جاتے رہے تو ملک جنگل کاقانون بن جائے گا اور گلی گلی کارکنوں کے سر پھٹیں گے۔

دسمبر 11, 2014