ARYNews.tv | Urdu – Har Lamha Bakhabar

Tag: Feroze Khan

  • اے آر وائی فلمز کی پیشکش ’ٹچ بٹن‘ ریلیز، لاہور میں تاریخی پریمیئر

    اے آر وائی فلمز کی پیشکش ’ٹچ بٹن‘ ریلیز، لاہور میں تاریخی پریمیئر

    اے آر وائی فلمز، سلمان اقبال فلمز اور شوٹنگ اسٹار اسٹوڈیو کی مشترکہ پیشکش فلم ٹچ بٹن ریلیز کردی گئی۔

    فلم ٹچ بٹن میں اداکار فرحان سعید ایمان علی، فیروز خان، سونیا حسین، سہیل احمد، عروہ حسین، مرینہ خان، گل رعنا ودیگرنے اداکاری کے جوہر دکھائے ہیں۔

    لاہور میں پاکستان فلم انڈسٹری کی تاریخ کا سب سے بڑا پریمیئر منعقد کیا گیا جس میں اسٹار کاسٹ سمیت شوبز نے نامور ستاروں نے شرکت کی، مداحوں کی جانب سے فرحان سعید، عروہ حسین، سہیل احمد، ایمان علی ودیگر اداکاروں کا پرجوش استقبال کیا گیا۔

    فلم کے ہدایت کار قاسم علی مرید ہیں جبکہ ٹچ بٹن کے پروڈیوسرز جرجیس سیجا، عروہ حسین اور فرحان سعید ہیں، صدر اور سی ای او اے آروائی ڈیجیٹل نیٹ ورک سلمان اقبال ‘ٹچ بٹن’ کے ایگزیکٹو پروڈیوسر ہیں۔

    ٹچ بٹن میں فرحان سعید پنجاب کے گاؤں سے تعلق رکھتے ہیں جبکہ فیروز خان ترکیہ میں ریسٹورنٹ میں کام کرتے ہیں، ترکی سے پنجاب تک یہ دلچسپ کہانی شائقین کے دل موہ لے گی۔

    اس سے قبل فلم کا ٹریلر اور گانا ’احسان ہے تمہارا تم ملے، ریلیز کیا گیا تھا جسے ناظرین کی جانب سے پسند کیا گیا تھا۔

    گزشتہ ماہ آرٹس کونسل میں فلم کی تعارفی تقریب میں ایمان علی کا کہنا تھا کہ مجھے ابتدا میں ماڈلنگ سے شہرت ملی، بعد ازاں میں نے فلموں اور ڈراموں میں کام شروع کیا۔

    اداکارہ کا کہنا تھا کہ میں نے کراچی اور لاہور میں زیادہ وقت گزارا ہے۔ دونوں ہی شہر مجھے اچھے لگتے ہیں۔

    فرحان سعید نے ایمان علی کی تعریف کرتے ہوئے کہا تھا کہ ’ان کی کئی سال بعد شوبز میں واپسی ہوئی ہے وہ بیمار تھیں لیکن انہوں نے فلم میں کام کرکے میرا مان رکھ لیا۔

  • ’ڈھونڈنے والوں کو دنیا بھی نئی دیتے ہیں‘

    ’ڈھونڈنے والوں کو دنیا بھی نئی دیتے ہیں‘

    شوبز انڈسٹری کے نامور اداکار فیروز خان کی گھڑ سواری کی ویڈیو سوشل میڈیا پر وائرل ہوگئی۔

    اے آر وائی ڈیجیٹل کے ڈرامہ سیریل ’حبس‘ میں ’باسط‘ کا مرکزی کردار نبھانے والے اداکار فیروز خان نے انسٹا گرام پر ویڈیو اور تصاویر شیئر کیں۔

    ویڈیو میں فیروز خان کو گھڑ سواری سے لطف اندوز ہوتے دیکھا جاسکتا ہے۔

    اداکار نے ویڈیو شیئر کرتے ہوئے شاعر مشرق علامہ اقبال کا شعر بھی لکھا ’کوئی قابل ہو تو ہم شان کئی دیتے ہیں ، ڈھونڈنے والوں کو دنیا بھی نئی دیتے ہیں۔‘

     

    View this post on Instagram

     

    A post shared by Feroze Khan 🇵🇰 (@ferozekhan)

    فیروز خان کی ویڈیو کو لاکھوں کی تعداد میں مداح دیکھ چکے ہیں اور ان کی ویڈیو کو پسند بھی کررہے ہیں۔

    گزشتہ دنوں بھی انہوں نے ایک ویڈیو شیئر کی تھی جس میں انہیں گھڑ سواری کرتے دیکھا جاسکتا ہے، فیروز خان نے ویڈیو شیئر کرتے ہوئے لکھا تھا کہ ’ہمت نہ ہارو، برداشت کرو اور کامیابی حاصل کرو۔‘

     

    View this post on Instagram

     

    A post shared by Feroze Khan 🇵🇰 (@ferozekhan)

    واضح رہے کہ اس سے قبل فیروز خان نے سابقہ اہلیہ کی جانب سے لگائے گئے الزامات پر وضاحت پیش کی تھی۔

    اداکار نے لکھا تھا کہ ’میں تمام بے بنیاد بدنیتی پر مبنی اور جھوٹے الزامات کی سختی سے تردید کرتا ہوں جو مجھ پر لگائے گئے ہیں اور سوشل میڈیا پر افواہوں کی چکی میں گردش کررہے ہیں۔‘

    https://urdu.arynews.tv/actor-feroze-khan-twit-allegations-his-wife/

    فیروز خان کا کہنا تھا کہ ’میں ان کارروائیوں کے مرتکب افرااد کے خلاف قانونی چارہ جوئی کا ارادہ رکھتا ہوں اور اس سلسلے میں اپنی قانونی ٹیم کو ہدایت بھی کردی ہے۔

    یاد رہے کہ فیروز خان کی اہلیہ علیزے سلطان نے گزشتہ ماہ فیروز پر تشدد کا الزام عائد کرتے ہوئے علیحدگی کی تصدیق کی تھی جس کے بعد فیروز خان نے بھی ردعمل دیا تھا جبکہ کیس ابھی عدالت میں زیر سماعت ہے۔

  • ’جتنا چاہے پیسہ چلالو، آخری جیت حق کی ہوگی‘

    ’جتنا چاہے پیسہ چلالو، آخری جیت حق کی ہوگی‘

    مسلم لیگ ن کے رہنما حمزہ شہباز کے وزیراعلیٰ پنجاب منتخب ہونے پر اداکار فیروز خان نے پی ٹی آئی کے رہنما علی محمد خان کا ٹویٹ شیئر کردیا۔

    گزشتہ روز پنجاب اسمبلی میں وزیراعلیٰ پنجاب کے انتخابات میں ڈپٹی اسپیکر قاسم سوری نے رولنگ دی کہ چوہدری شجاعت کے خط کے مطابق ق لیگ کے 10 ووٹ مسترد کیے جاتے ہیں اور حمزہ شہباز وزیراعلیٰ برقرار رہیں گے۔

    ڈپٹی اسپیکر کے فیصلے کے بعد پی ٹی آئی اور ق لیگ نے سپریم کورٹ جانے کا اعلان کیا جہاں عدالت نے فیصلہ دیتے ہوئے حمزہ شہباز کا بطور وزیراعلیٰ یکم جولائی کا اسٹیٹس بحال کردیا۔

    https://urdu.arynews.tv/cm-punjab-elections-farhan-saeed-others-showbiz-stars-respond/

    فیروز خان نے پی ٹی آئی رہنما علی محمد خان کا ٹویٹ شیئر کیا جس میں انہوں نے لکھا تھا کہ ’جتنا چاہے پیسہ چلالو، جتنی سازشیں اور بلیک میلنگ کرلو پہلے بھی کہا تھا اب بھی کہہ رہا ہوں آخری جیت حق کی ہوگی۔‘

    انہوں نے مزید لکھا تھا کہ ’اس پنجاب اسمبلی سے پی ٹی آئی کی حکومت بنے گی اور قومی اسمبلی میں بھی میرا لیڈر عمران خان دو تہائی اکثریت سے ایک بار پھر آئے گا، انشا اللہ۔‘

    فیروز خان کے اس ری ٹویٹ کو مداحوں کی جانب سے پسند کیا جارہا ہے اور علی محمد خان کا بیان شیئر کرنے پر اداکار کی تعریف کی جارہی ہے۔

  • ’’کراچی یتیم نہیں، آپ ایک سچے انسان ہیں،‘‘ شوبز ستارے وزیراعظم کے مشکور

    ’’کراچی یتیم نہیں، آپ ایک سچے انسان ہیں،‘‘ شوبز ستارے وزیراعظم کے مشکور

    کراچی: پاکستانی ڈرامہ انڈسٹری کے معروف اداکارہ منیب بٹ نے کراچی پیکیج پر وفاق اور سندھ حکومت کے اشتراک پر کہا کہ وزیراعظم عمران خان کے اقدامات اس بات کا ثبوت ہیں کہ کراچی یتیم نہیں ہے۔

    تفصیلات کے مطابق اداکار منیب بٹ نے سوشل میڈیا پر جاری کردہ پیغام میں لکھا کہ ’عمران خان کا شکریہ کہ جنہوں نے کراچی کے لیے ایک تاریخی پیکیج کا اعلان کیا۔

    انہوں نے لکھا کہ ’آپ نے کراچی کے لیے ایسے پیکیج کا اعلان کرکے ثابت کردیا کہ کراچی یتیم شہر نہیں ہے،منیب بٹ نے مزید لکھا کہ اب اس پیکیج پر جلد از جلد عملدرآمد کو ممکن بنایا جانا چاہئے۔

    علاوہ ازیں معروف اداکار فیروز خان نے بھی وزیراعظم عمران خان کے لیے تعریفی پیغام سوشل میڈیا پر شیئر کیا۔

    فیروز خان نے لکھا کہ ’عمران خان کا شکریہ ادا کرتے ہیں، آپ ایک سچے انسان ہیں۔

    خیال رہے کہ گزشتہ روز وزیراعظم عمران خان وزیر اطلاعات سینیٹر شبلی فراز اور ممبر قومی اسمبلی عامر محمود کیانی کے ہمراہ اسلام آباد سے کراچی پہنچے تھے۔

    عمران خان نے کراچی کے لیے 11 سو ارب روپے کے پیکیج کا اعلان کرتے ہوئے کہا تھا کہ کراچی کے مسائل مستقل بنیادوں پر حل کریں گے، سیوریج سسٹم مکمل طورپر ٹھیک کیا جائے گا، سرکلرریلوے بحال کی جائیگی، سالڈ ویسٹ منیجمنٹ کا مسئلہ بھی حل کریں گے۔

  • فیروز خان نے کنگنا رناوت کو ’چائے‘ یاد دلا دی

    فیروز خان نے کنگنا رناوت کو ’چائے‘ یاد دلا دی

    کراچی: پاکستان شوبز انڈسٹری کے معروف اداکار فیروز خان نے بھارتی اداکارہ کنگنا رناوت کو چائے یاد دلادی۔

    تفصیلات کے مطابق اداکار فیروز خان نے سماجی رابطے کی ویب سائٹ ٹویٹر پر اداکارہ کنگنا رناوت پر تنقید کرتے ہوئے انہیں پاکستان میں چائے پینے کی دعوت دے دی۔

    اس سے قبل فلم فیئر کے تصدیق شدہ اکاؤنٹ سے کنگنا رناوت کی نئی فلم تیجاس کا پوسٹر شیئر کیا گیا جس میں کنگنا بھارتی فضائیہ کی یونیفارم پہنے لڑاکا طیارے کے سامنے کھڑی ہیں۔

    فیروز نے اس پوسٹر پر ردعمل دیتے ہوئے لکھا کہ ’نئے لڑاکا طیارے؟ کبھی وقت نکال کر ہمارے ساتھ چائے پینے آئیں۔

    واضح رہے کہ 27 فروری 2019 کو بھارتی پائئلٹ ابھی نندن کو پکڑ کر پاک فضائیہ کی جانب سے چائے پیش کی گئی تھی جسے انہوں نے ٹی از فنٹاسٹک‘ کہہ کر اپنی پسندیدگی کا اظہار کیا تھا۔

    فیروز خان کو اس ٹویٹ پر پڑوسی ملک میں موجود لوگوں کی جانب سے تنقید کا نشانہ بنایا گیا اور نہ ختم ہونے والی بحث چھڑ گئی۔

    اس بحث کا جواب دیتے ہوئے اداکار نے لکھا کہ میں ہمیشہ اس چیز پر لڑتا رہوں گا جو میرے خیال میں ٹھیک ہے، مجھے فرق نہیں پڑتا کوئی کیا سوچتا ہے۔

    یاد رہے کہ 27 فروری کے روز پاک فضائیہ نے بھارتی طیارہ مار گرایا تھا اور پائلٹ ابھی نندن کو حراست میں لے لیا گیا تھا لیکن جذبہ خیرسگالی کے تحت بعدازاں اسے رہا کردیا گیا تھا۔

  • پب جی گیم پر پابندی، اداکار فیروز خان بول پڑے

    پب جی گیم پر پابندی، اداکار فیروز خان بول پڑے

    لاہور: آن لائن ویڈیو گیم پب جی پر پی ٹی اے کی جانب سے پابندی عائد کرنے کے بعد اداکار فیروز خان بھی بول پڑے۔

    تفصیلات کے مطابق معروف اداکار فیروز خان نے پب جی گیم پر پابندی عائد کیے جانے پر سماجی رابطے کی ویب سائٹ ٹویٹر پر اپنے بیان میں گیم پر پابندی کے خلاف آواز اٹھا دی۔

    اداکار نے لکھا کہ ’مجھے کچھ سمجھ نہیں آرہا کہ حکومت کو مشورہ کون دے رہا ہے، یہاں آورہ کتوں کو قتل کیا جاتا ہے، اور بلیوں کو زیادتی کا نشانہ بنایا جاتا ہے پھر پب جی گیم پر پابندی۔۔۔

    فیروز خان نے لکھا کہ ’میں سوچ رہا ہوں کہ حکومت زندگی کے بنیادی تحفظ کی جیسی چیزوں کے بارے میں زیادہ جوابدہ ہوگی ۔

    مزید پڑھیں: چئیر مین پی ٹی اے کا ‘آن لائن ویڈیو گیم پب جی’ کھولنے سے متعلق اہم بیان

    اس سے قبل سوشل میڈیا پلیٹ فارم پر پابندی اور ریگولیشن کے معاملے پر چئیرمین پی ٹی اے عامر عظیم سے یوٹیوب ولاگرز کی ملاقات ہوئی، وزیراعظم کے فوکل پرسن برائے سوشل میڈیا ارسلان خالد بھی شریک ہوئے، ملاقات میں سوشل میڈیا سے متعلق مجوزہ قوانین اور رولز پر مشاورت کی گئی۔

    چئیر مین پی ٹی اے جنرل ر عامر عظیم نے کہا پب جی گیم فوری طور پر کھولے جانے کا فی الحال امکان نہیں، کیونکہ پب جی انتظامیہ کی جانب سے حکومت پاکستان سے تعاون نہیں کیا جا رہا، پب جی انتظامیہ نے جواب نہ دیا تو پابندی برقرار رہے گی۔

    چئیر مین پی ٹی اے کا کہنا تھا کہ یوٹیوب کے حوالے سے اعلی عدلیہ نے صرف تحفظات کا اظہار کیا جو درست تھا، اعلی عدلیہ نے یوٹیوب بند کرنے کا حکم نہیں دیا، عدالت کی واضح ہدایات کے باوجود یوٹیوب انتظامیہ نے موثر تعاون نہیں کیا۔

  • ’’میں مجرم ہوں، سزا آپ کیوں بھگت رہے ہیں؟‘‘

    ’’میں مجرم ہوں، سزا آپ کیوں بھگت رہے ہیں؟‘‘

    کراچی: پاکستانی ڈرامہ انڈسٹری کی معروف اداکارہ رمشا خان ڈرامہ سیریل ’عشقیہ‘ میں اداکاری کے جوہر دکھا رہی ہیں ان کی اداکاری کو مداحوں کی جانب سے خوب سراہا جارہا ہے۔

    اے آر وائی ڈیجیٹل کے ڈرامے ’عشقیہ‘ میں اداکارہ رمشا خان (حمنہ) نامی لڑکی کا کردار ادا کررہی ہوں، ڈرامے کو مداحوں کی جانب سے خوب پسند کیا جارہا ہے، ہانیا عامر اور رمشا اور فیروز خان کی جاندار اداکاری کی سبب ڈرامہ شہرت کی بلندیوں کو چھو رہا ہے۔

    ڈرامہ کی کہانی ایک ایسی لڑکی کے گرد گھومتی ہے جو متوسط طبقے سے تعلق رکھتی ہے اور یونیورسٹی میں اپنے دوست حمزہ (فیروز خان) سے محبت کرنے لگتی ہے لیکن والد (شبیر جان) کی خواہش پر محبت کو قربان کردیتی ہے اور والد کی مرضی سے عظیم (گوہر رشید) سے شادی کرلیتی ہے۔

    حمنہ کا یہ اقدام حمزہ کو ایک آنکھ نہیں بھاتا اور وہ اس سے بدلہ لینے کی تھان لیتا ہے، حمزہ کے ذہن میں حمنہ کی بے وفائی کو لے کر کئی سوال اٹھتے ہیں اور وہ اس سے بدلہ لینے کے لیے اس کی چھوٹی بہن رومی سے شادی کرلیتا ہے۔

    رومی اپنی بہن اور شوہر کی محبت سے لاعلم ہوتی ہے لیکن عظیم کو حمزہ کے بارے میں سب کچھ پتا چل جاتا ہے اور اپنی بیوی سے روٹھ جاتا ہے تو حمنہ کہتی ہے کہ میں آپ اور رومی کی مجرم ہوں تو سزا آپ کیوں کاٹ رہے ہیں، میں رومی کا جاکر سب کچھ سچ بتادوں گی۔

    ادھر حمزہ کی کزن کو جب حمزہ کو یہ اطلاع ملتی ہے کہ حمزہ اور رومی کے ہاں ننھے مہمان کی آمد متوقع ہے وہ جل جاتی ہے، اس خوشی کی خبر پر حمنہ کا ردعمل بھی حیران ہوتا ہے۔

    عظیم حمنہ کو خبردار کرتا ہے کہ رومی اور اس کے ہونے والے بچے کو اگر کوئی بھی نقصان پہنچا تو میں اپنے ہاتھوں سے سب کچھ برباد کردوں گا۔

    حمزہ کی کزن رومی کو سب بتادیتی ہے کہ چار سال پہلے حمنہ اور حمزہ یونیورسٹی میں ساتھ پڑھتے تھے اور دونوں ایک دوسرے سے محبت کرتے تھے، رومی سے یہ سب برداشت نہیں ہوتا اور اس کی کزن کو تھپڑ جڑ دیتی ہے، وہ کہتی ہے بہتر ہوتا کہ تم یہ تھپڑ حمنہ کے منہ پر مارتیں۔

    رومی آنے والی 26ویں قسط میں اپنی بہن حمنہ سے سوال کرے گی تم کتنے سال سے جانتی ہوں حمزہ کو جس پر حمنہ خاموش رہ جاتی ہے، دیکھنا یہ ہے کہ کیا دونوں بہنوں کے درمیان تلخیاں بڑھ جائیں گی یا حمنہ کے دکھ کو سمجھ پائے گی رومیسا اور حمزہ کو کیا معاف کرے گی رومیسا، یہ سب جاننے کے لیے دیکھئے عشقیہ صرف اے آر وائی ڈیجیٹل پر ہر پیر کی رات 8 بجے۔

  • فیروز خان کی زارا نور عباس کے ساتھ شوبز میں واپسی

    فیروز خان کی زارا نور عباس کے ساتھ شوبز میں واپسی

    کراچی: شوبز کو خیرباد کہنے والے اداکار فیروز خان کی عید الاضحیٰ پر ٹیلی فلم میں دوبارہ واپسی ہورہی ہے۔

    اے آر وائی نیوز کی رپورٹ کے مطابق پاکستان شوبز انڈسٹری کو خیرباد کہنے والے اداکار فیروز خان عید الاضحیٰ پر ٹیلی فلم کے ذریعے واپس آرہے ہیں اور ان کے ہمراہ اداکارہ زارا نور عباس مرکزی کردار ادا کریں گی۔

    فیروز خان کی ٹیلی فلم کا نام تو نہیں بتایا گیا لیکن اس کی کاسٹ سامنے آگئی ہے جس میں منزا وقاص، زارا نور عباس ودیگر شامل ہیں اس کی ہدایت کاری کے فرائض احسن تالش نے انجام دئیے ہیں۔

    شوبز حلقوں کے مطابق یہ ہوسکتا ہے کہ فیروز نے شوبز سے کنارہ کشی اختیار کے اعلان کرنے سے پہلے ٹیلی فلم پر دستخط کیے ہوں یا شاید یہ ٹیلی فلم ان کے وژن کے مطابق ہے لیکن جو بھی وجہ ہو فیروز کے شائقین اپنے پسندیدہ اداکارہ کو اسکرین پر دوبارہ دیکھ سکیں گے۔

    Screenshot 20200718 010029 Instagram

    واضح رہے کہ فیروز خان ان دنوں اے آر وائی ڈیجیٹل کے معروف ڈرامے ’عشقیہ‘ میں مرکزی کردار ادا کررہے ہیں، ان کے ہمراہ رمشا خان، ہانیا عامر، گوہر رشید اور شبیر جان ودیگر شامل ہیں۔

    عشقیہ ڈرامے میں رمشا خان (حمنا) کا کردار ادا کررہی ہیں اور وہ حمزہ (فیروز خان) کی دوست ہوتی ہیں لیکن ان کی شادی کہیں اور ہوجاتی ہے تو فیروز خان حمنہ سے بدلہ لینے کے لیے ان کی چھوٹی بہن (رومیسا) یعنی ہانیا عامر سے شادی کرلیتے ہیں۔

     

  • کرونا وائرس: فیروز خان اور انوشے اشرف نے راشن کی تقسیم شروع کردی

    کرونا وائرس: فیروز خان اور انوشے اشرف نے راشن کی تقسیم شروع کردی

    کراچی : اداکار فیروز خان، اداکارہ انوشے اشرف اور ڈیزائنر نومی انصاری سمیت کئی پاکستانی شوبز شخصیات کرونا وائرس کے باعث لاک ڈاؤن کے دوران مستحق افراد و دیہاڑی دار مزدوروں کی امداد کررہے ہیں۔

    کرونا وائرس کی عالمی وبا نے دنیا بھر کی طرح پاکستان میں بھی اپنے پنجے گاڑنا شروع کردئیے ہیں جس کا پھیلاؤ روکنے کےلیے حکومت نے ملک بھر میں لاک ڈاؤن کر دیا ہے، لاک ڈاؤن کے ذریعے وائرس کا پھیلاؤ تو روکا جاسکتا ہے لیکن لاک ڈاؤن کی وجہ سے پسماندہ علاقوں میں رہنے والے افراد اور غریب طبقے کے متاثر ہونے کا خدشہ ہے۔

    اسی لیے فیروز خان، انوشے اشرف اور نومی انصاری سمیت دیگر شوبز شخصیات لاک ڈاؤن سے متاثرہ افراد میں راشن تقسیم کررہے ہیں۔

    اداکار فیروز خان نے سماجی رابطے کی ویب سائٹ انسٹاگرام پر اسٹوری لگائی جس میں انہوں نے لکھا کہ ‘کوئی راشن کی تقسیم میں حصّہ لینا چاہے گا، زکات بھی دے سکتے ہیں، لوگ مجھے راشن بیگ بھیج رہے ہیں تاکہ آگے ضرورت مندوں تک پہنچا سکوں’۔

    بعدازاں فیروز خان نے ایک اور اسٹوری اپنے انسٹاگرام اکاؤنٹ پر شیئر کی جس میں بتایا گیا تھا کہ ‘1100 راشن بیگ تقسیم ہوچکے ہیں’۔

    دوسری جانب انوشے اشرف اور نومی انصاری نے بھی دیہاڑی دار مزدوروں میں راشن کی تقسیم کےلیے چندہ جمع کرکے لوگوں کے اعتماد کو جیتا ہے۔

    انوشے اشرف نے اپنے سوشل میڈیا اکاؤنٹ پر بتایا کہ ہم دونوں صرف ان لوگوں سے چندہ جمع کررہے ہیں جنہیں ذاتی طور پر جانتے ہیں، انہوں نے کہا کہ دیگر افراد بھی اپنے اپنے شہروں میں یہ کام کریں۔

    مہینے بھر کا راشن بیگ تیار کرکے ان لوگوں تک پہنچا رہے ہیں جو کرونا وائرس کی وبا پھیلنے کے باعث بے روزگار بیٹھے ہیں۔

    اداکارہ نے راشن کی تقسیم کے سلسلے میں ڈیزائنر نومی انصاری کا شکریہ ادا کیا اور ساتھ ساتھ ان لوگوں کا شکریہ بھی ادا کیا جنہوں نے انہیں چندہ دیا تھا۔