کراچی: فیڈرل انویسٹی گیشن ایجنسی (ایف آئی اے) نے غیر قانونی سمندر کے راستے شہریوں کو ایران بھجوانے والے 2 انسانی اسمگلر گرفتار کرلیے۔
تفصیلات کے مطابق ایف آئی اے کا کہنا ہے کہ گرفتار کئے گئے ملزمان میں زبیر احمد اور ارشاد کو گوادر کے مختلف علاقوں سے گرفتار کیا گیا۔
بیان کے مطابق ملزمان نے فی کس 10 ہزار روپے سمندری راستے سے ایران بھجوانے کیلئے وصول کئے، گرفتار دونوں انسانی اسمگلرز کو متاثرین کی نشاندہی پر گرفتار کیا گیا، مزید تفتیش جاری ہے۔
وفاقی تحقیقاتی ادارے نے عوام کو خبردار کر دیا
فیڈرل انویسٹی گیشن ایجنسی (ایف آئی اے) نے ملک بھر کے عوام کو سائبر کرائم عناصر سے خبردار کر دیا ہے۔
اے آر وائی نیوز کے مطابق وفاقی تحقیقاتی ادارے کی جانب سے جاری بیان میں ملک بھر کے عوام کو جعلسازوں اور سائبر کرائم عناصر سے خبردار کرتے ہوئے انہیں ہدایت کی ہے کہ وہ سوشل میڈیا بالخصوص واٹس ایپ پر جعلی پیغامات سے ہوشیار رہیں اور ذاتی معلومات ہرگز شیئر نہ کریں۔
ترجمان وفاقی تحقیقاتی ادارے کا کہنا ہے کہ جرائم پیشہ عناصر کے واٹس پر جعلی ایف آئی آر سے ڈرا کر عوام الناس کو ہراساں کرنے کی اطلاعات ہیں۔ ان عناصر کی جانب سے جعلی ایف آئی آر میں بے گناہ شہریوں کو نامزد کر کے انہیں خوف و ہراس میں مبتلا کیا جا تا ہے۔
بیان میں مزید کہا گیا ہے کہ یہ عناصر خود کو ایف آئی اے اہلکار ظاہر کرنے کی کوشش کرتے ہیں۔ شہریوں کو سائبر کرائمز اور دہشتگردی جیسے الزامات سے بلیک میلنگ کی کوشش کی جا رہی ہے۔
ایف آئی اے نے 4 بنگلادیشی شہریوں کی ایران جانے کی کوشش ناکام بنادی
ترجمان وفاقی تحقیقاتی ادارے کے مطابق اداریکی طرف سے کسی فرد کو بھی اس نوعیت کے پیغام واٹس ایپ پر نہیں بھیجے جاتے۔ عوام کسی بھی مشکوک پیغام یا رابطے کی شکایت نیشنل سائبر کرائم ایجنسی کو درج کرائیں۔