Tag: FIA immigration

ایف آئی اے امیگریشن نے اسلام آباد ائیرپورٹ پر کاروائی کرتے ہوئے انسانی اسمگلنگ کے مقدمے میں مطلوب ملزم گرفتار کرلیا۔

  ایف آئی اے کے مطابق گرفتار ملزم کی شناخت خاور شہزاد کے نام سے ہوئی ملزم انسانی اسمگلنگ اور ویزا فراڈ کے گھناونے جرم میں ملوث ہے ملزم کو عمان سے اسلام آباد ائرپورٹ پہنچنے پر گرفتار کیا گیا، ملزم فلائٹ نمبر 536 کے ذریعے عمان سے پاکستان پہنچا تھا۔

ایف آئی اے کا کہنا ہے کہ ملزم کا نام اسٹاپ لسٹ میں شامل تھا، ملزم اینٹی ہیومن ٹریفکنگ سرکل لاہور کو مطلوب تھا، ملزم کے خلاف سال 2023 میں مقدمہ درج ہوا تھا۔

ایف آئی اے کا مزید کہنا ہے کہ ملزم ویزے کے نام پر بھاری رقوم وصول کر کے بیرون ملک فرار ہو گیا تھا، ملزم کو بعد ازاں ایف آئی اے اینٹی ہیومن ٹریفکنگ سرکل لاہور کے حوالے کر دیا گیا۔

ایف آئی اے امیگریشن نے اسلام آباد ائیرپورٹ پر بڑی کارروائی کرتے ہوئے بیرون ملک جانے والے 6 مسافروں کو گرفتار کر لیا۔

  ایف آئی اے کے مطابق گرفتار ملزمان میں رضوان علی، مظہر عباس، عثمان علی، تنویر خالد، تصور عظیم اور یاسر اقبال شامل ہیں، ملزمان عمرے ویزے پر سعودی عرب جا رہے تھے شک کی بنیاد پر ملزمان کے سامان اور موبائل فونز کی تلاشی لی گئی ملزمان کے قبضے سے یورپ کی جعلی ویزے برآمد کر لئے گئے۔

ایف آئی اے نے کہا کہ ملزمان کا تعلق گجرانوالہ، گجرات اور کوٹلی آزاد کشمیر سے ہے، ابتدائی تفتیش کے مطابق ملزمان نے مذکوعہ ویزوں کی بنیاد پر سعودی عرب سے یورپ جانے کی کوشش کرنا تھی۔

ایف آئی اے نے مزید بتایا کہ ملزمان نے مختلف ایجنٹوں سے بھاری رقوم کے عوض مذکورہ ویزے حاصل کئے، ملزمان کو ایجنٹوں کی نشاندہی اور مزید قانونی کارروائی کے لئے اینٹی ہیومن ٹریفکنگ سرکل اسلام آباد منتقل کر دیا گیا۔

ایف آئی اے امیگریشن نے اسلام آباد ائیرپورٹ پر بڑی کارروائی کرتے ہوئے عمرے پر جانے والے 4 مسافروں سے جعلی ویزے برآمد کرلئے گئے۔

  ایف آئی اے کے مطابق ملزمان فلائٹ نمبر ER801 کے ذریعے عمرے ویزے پر سعودی عرب جا رہے تھے، دوران تلاشی ملزمان کے قبضے سے اٹلی اور لتھونیا کے جعلی ویزے برآمد کر لئے گئے۔

ایف آئی اے ترجمان نے بتایا کہ گرفتار ملزمان میں اشرف منہاس، ریاض، اسامہ اور عبداللہ شامل ہیں۔

ایف آئی اے کا کہنا ہے کہ ملزمان کا تعلق گجرات اور منڈی بہاوالدین سے ہے ابتدائی تفتیش کے مطابق ملزمان نے سعودی عرب سے اٹلی جانے کی کوشش کرنا تھی۔

ایف آئی اے ترجمان نے مزید بتایا کہ ملزمان کو مزید قانونی کاروائی کے لئے اینٹی ہیومن ٹریفکنگ سرکل اسلام آباد منتقل کر دیا گیا مزید تفتیش جاری ہے۔

سیالکوٹ: ایف آئی اے نے جعلی سفری دستاویزات پر بیرون ملک جانے کی کوشش کرنے والے 3 مسافروں کو آف لوڈ کر دیا۔

تفصیلات کے مطابق ایف آئی اے امیگریشن نے سیالکوٹ ائیرپورٹ پر کارروائی کرتے ہوئے جعلی سفری دستاویزات پر بیرون ملک جانے کی کوشش ناکام بنادی 3 مسافروں کو آف لوڈ کر دیا گیا۔

  ایف آئی اے کے مطابق ملزمان فلائٹ نمبر PK179 کے ذریعے آزر بائیجان جا رہے تھے ملزمان کی شناخت ذیشان قیصر، ابوبکر اور نوید سرور کے نام سے ہوئی، ملزم ذیشان قیصر کو امیگریشن کلیئرنس کے دوران مشکوک پایا گیا ملزم کی تلاشی کے دوران اس کے قبضے سے البانیہ کا جعلی ویزہ برآمد ہوا۔

ایف آئی اے نے بتایا کہ ابتدائی تفتیش کے مطابق ملزم نے احسن علی نامی ایجنٹ سے 25 لاکھ کے عوض آذر بائیجان اور البانیہ کا جعلی ویزہ حاصل کیا ملزم ابوبکر یعقوب نے بھی مذکورہ ایجنٹ احسن علی بٹ سے 15 لاکھ روپے کے عوض اٹلی کا جعلی ورک ویزہ حاصل کیا جبکہ ملزم نوید سرور مذکورہ ملزمان کے ساتھ سب ایجنٹ کے طور پر سفر کر رہا ہے ملزم نوید سرور نے مذکورہ بالا ملزمان کے آذربائیجان کے لیے ٹکٹ بک کیے۔

ایف آئی اے کا کہنا ہے کہ گرفتار ملزمان کو بعد ازاں مزید قانونی کارروائی کے لئے اینٹی ہیومن ٹریفکنگ سرکل گوجرانوالہ منتقل کر دیا گیا ایجنٹ کی گرفتاری کے لئے چھاپہ مار ٹیمیں تشکیل دے دی گئی مزید تفتیش جاری ہے۔

کراچی: ایف آئی اے امیگریشن نے سالانہ کارکردگی رپورٹ جاری کر دی، جس میں کہا گیا ہے کہ سال 2023 کے دوران ایف آئی اے امیگریشن نے بین الاقوامی آمد اور روانگی کی چیک پوسٹوں پر 19.5 ملین مسافروں کو کامیابی سے ایمیگریشن پروسیس کیا۔

رپورٹ کے مطابق سال 2023 کے دوران 9.2 ملین مسافروں میں سے 7.1 ملین پاکستانی اور 2.1 ملین غیر ملکی پاکستان آئے، جب کہ 10.3 ملین مسافروں میں سے 8.1 ملین پاکستانی شہری اور 2.2 ملین غیر ملکی پاکستان سے روانہ ہوئے۔

ملک بھر میں مجموعی طور پر 29 بین الاقوامی آمد و روانگی کی امیگریشن چیک پوسٹس سائٹس/ آپریشنل ہیں، سب سے زیادہ 3.6 ملین پاکستانیوں نے بیرون ملک آمد و روانگی کے لیے لاہور ایئرپورٹ سے سفر کیا، جب کہ اسلام آباد ایئرپورٹ سے 3.5 ملین پاکستانی مسافروں نے سفر کیا، اور سب سے زیادہ 1.1 ملین غیر ملکیوں نے آمد و روانگی کے لیے اسلام آباد ایئرپورٹ سے سفر کیا۔

ایف آئی اے کے انٹیگریٹڈ بارڈر مینجمنٹ سسٹم نے سال کے دوران 2935 اسٹاپ لسٹ کیسز کا کامیابی سے سراغ لگا کر قانون کے مطابق کارروائی کی، انسانی اسمگلروں کے خلاف مہم کے تحت ایف آئی اے نے ملک بھر میں خصوصی کارروائیاں کرتے ہوئے 1602 انسانی سمگلروں کو گرفتار کیا، جب کہ 25 انتہائی مطلوب انسانی اسمگلروں کو بھی گرفتار کیا گیا۔

بھارتی ایئر ٹریفک کنٹرول نے سعودی طیارے کو لینڈنگ دینے سے انکار کر دیا تھا، انکشاف

انسانی اسمگلروں کے خلاف کامیاب کریک ڈاؤن اور بہترین حکمت عملی کے نتیجے میں امریکی محکمہ خارجہ نے اپنی سالانہ ٹریفکنگ ان پرسنز (TIP) رپورٹ 2023 میں پاکستان کی حیثیت کو ٹائر 2 میں برقرار رکھا۔

گزشتہ سال کے دوران 1129 مسافروں کو جعلی دستاویزات کی بنیاد پر آف لوڈ کر کے متعلقہ تھانوں میں منتقل کیا گیا، عمرے کی آڑ میں جانے والے بھکاریوں اور یونان کشتی حادثے جیسے ہولناک واقعات کی روک تھام کے لیے ایئرپورٹس پر سخت اسکریننگ کا آغاز کیا گیا، مسافروں کی پروفائلنگ کے حوالے سے امیگریشن حکام کے لیے خصوصی ٹریننگ کا انعقاد بھی کیا گیا۔

ایف آئی اے حکام کے مطابق انسانی اسمگلنگ کی روک تھام کے لیے ایف آئی اے امیگریشن نے دیگر قانون نافذ کرنے والے اداروں کے ساتھ مل کر مسافروں کے سامان کی چیکنگ کو بھی یقینی بنایا۔

کراچی: وفاقی تحقیقاتی ادارے ( ایف آئی اے) امیگریشن کراچی نے سالانہ کارکردگی رپورٹ جاری کردی۔

تفصیلات کے مطابق سال 2023 کے دوران ایف آئی اے امیگریشن نے کراچی ایئرپورٹ پر بین الاقوامی آمد اور روانگی پر 3.23 ملین مسافروں کو کامیابی سے پروسیس کیا۔

گذشتہ ایک برس کے دوران وفاقی تحقیقاتی ادارے ایف آئی اے ایمیگریشن نے جناح انٹر نیشنل ایئرپورٹ پر تابڑ توڑ کارروائیوں کے دوران سنگین جرائم میں مطلوب ملزمان کو گرفتار کیا جبکہ بیرون ملک فرار ہونے والے متعدد ملزمان ایف آئی اے کے آہنی پنجے سے نہ بچ سکے۔

ایف آئی اے حکام کے مطابق مختلف جرائم میں ملوث ملزمان کی ایئرپورٹ سے فرار ہونے کی کوشش ایف آئی اے نے ناکام بنادی، 37 ملزمان کو بیرون ملک فرار ہوتے جبکہ 32 کو وطن واپسی پر گرفتار کیا گیا۔

حکام نے بتایا کہ سنگین نوعیت کے جرائم میں مطلوب 69 ملزمان ایف آئی اے کی تیز نظروں سے بچ نہ سکے  اس کے علاوہ گذشتہ ایک سال کے دوران 1عشاریہ 7ملین مسافر وں نے کراچی سے سفر کیا۔

ایف آئی اے حکام کے مطابق 57 مسافروں کو جعلی دستاویزات جبکہ پاکستانی پاسپورٹ کا غیر قانونی استعمال کرنے والے 36 غیر ملکیوں کو گرفتار کیا گیا۔

حکام نے بتایا کہ مذکورہ غیر ملکی مسافروں نے جعلی سازی اور دہوکہ دہی سے پاکستانی پاسپورٹس حاصل کئے تھے جبکہ 42 مسافروں کو جعلی ویزا، ٹمپرڈ پاسپورٹ اور جعلی مہروں پر پاکستان پہنچنے پر گرفتار کیا گیا۔

ایف آئی اے حکام کا کہنا ہے کہ گذشتہ سال کے تسلسل کو رواں سال بھی برقرار رکھا جائے اور ملزمان کی گرفتاری کیلئے جدید ٹیکنالوجی کا استعمال بھی جاری رکھا جائے گا۔

کراچی: ایف آئی اے امیگریشن نے 10 ماہ کے دوران ملکی و غیر ملکی مسافروں کی آمد و روانگی سے متعلق اعداد و شمار جاری کر دیے۔

تفصیلات کے مطابق رواں سال ایف آئی اے امیگریشن نے بین الاقوامی آمد اور روانگی کی چیک پوسٹوں پر 16 ملین مسافروں کا امیگریشن کا عمل مکمل کیا۔

رواں سال کے دوران اسٹاپ لسٹ میں شامل 2878 ملزمان کو مختلف ایئر پورٹس سے گرفتار کیا گیا، 2449 مسافروں نے گم شدہ، چوری شدہ اور بلیک لسٹڈ پاسپورٹس پر بیرون ملک جانے کی کوشش کی، جسے ناکام بنا دیا گیا۔

ایف آئی اے امیگریشن نے رواں سال کے دوران 118 ملزمان کو ریڈ نوٹسز کی بنیاد پر گرفتار کیا، دیگر ملزمان پولیس اور قانون نافذ کرنے والے اداروں کو مطلوب تھے، 117 مسافروں کو جعلی دستاویزات کی بنیاد پر آف لوڈ کیا گیا۔

رواں سال کے دوران 5.7 ملین پاکستانیوں اور 1.7 ملین غیر ملکیوں کی پاکستان آمد ہوئی، 67 لاکھ سے زائد پاکستانی بیرون ملک روانہ ہوئے، جب کہ 1.8 ملین غیر ملکی پاکستان سے روانہ ہوئے۔