ARYNews.tv | Urdu – Har Lamha Bakhabar

Tag: FIA

  • مراکش کشتی حادثے میں ملوث اشتہاری انسانی اسمگلر سمیت 4 ملزمان گرفتار

    مراکش کشتی حادثے میں ملوث اشتہاری انسانی اسمگلر سمیت 4 ملزمان گرفتار

    ایف آئی اے گوجرانوالہ زون نے کارروائی کرتے ہوئے مراکش کشتی حادثے میں ملوث اشتہاری انسانی اسمگلر سمیت 4 ملزمان گرفتار کرلئے۔

      ایف آئی اے کے مطابق گرفتار ملزمان کی شناخت اعجاز فیصل، طارق محمود، شہباز احمد اور تنویر طارق کے نام سے ہوئی ہے، ملزمان سیالکوٹ، گوجرانوالہ اور گجرات کے مختلف علاقوں سے گرفتار کیا گیا، ملزم اعجاز فیصل اشتہاری ہے اور انسانی سمگلنگ میں ملوث گینگ کا اہم کارندہ ہے۔

    ترجمان کے مطابق ملزم نے محمد یعقوب نامی متاثرہ شہری سے اسپین بھجوانے کے نام پر 34 لاکھ روپے بٹورے ملزم نے شہری کو سمندر کے راستے اسپین بھجوانے کی کوشش کی دوران سفر کشتی کو حادثہ پیش آیا کشتی حادثہ میں متاثرہ شہری کی موت واقع ہوگئی۔

    یونان کشتی حادثہ: ایف آئی اے کے 31 افسران و اہلکار کے ملوث ہونے کا انکشاف

    ایف آئی آے کا کہنا ہے کہ ملزم طارق محمود کا نام سال 2014 سے مطلوب انسانی اسمگلرز میں شامل تھا، ملزم شہریوں سے بیرون ملک بھجوانے کے نام پر لاکھوں روپے بٹورنے میں ملوث پایا گیا، ملزم نے شہری کو سعودی عرب ملازمت کی غرض سے بھجوانے کے لیے 2 لاکھ 40 ہزار روپے ہتھیائے۔

    عدالتی مفرور تنویر طارق سال 2022 سے مطلوب تھا، ملزم نے شہری کو دبئی ملازمت کا جھانسہ دیکر 3 لاکھ روپے سے زائد بٹورے جبکہ ملزم شہباز نے شہری کو ترکی بھجوانے کی غرض سے 6 لاکھ روپے سے زائد وصول کیے۔

    ایف آئی اے کا کہنا ہے کہ گرفتار ملزمان شہریوں کو بیرون ملک بھجوانے میں ناکام رہے ملزمان بھاری رقوم وصول کر کے روپوش ہو گئے تھے ملزمان کو گرفتار کر کے تفتیش کا آغاز کر دیا گیا ہے۔

  • یونان کشتی حادثے میں ملوث انتہائی مطلوب ماسٹر مائنڈ باپ، بیٹے سمیت 4 ایجنٹ گرفتار

    یونان کشتی حادثے میں ملوث انتہائی مطلوب ماسٹر مائنڈ باپ، بیٹے سمیت 4 ایجنٹ گرفتار

    ایف آئی اے گوجرانوالہ زون نے کارروائی کرتے ہوئے یونان کشتی حادثہ میں ملوث انتہائی مطلوب ماسٹر مائنڈ باپ، بیٹے سمیت 4 ایجنٹ گرفتار کرلئے۔

      ایف آئی اے کے مطابق کئی سالوں سے مطلوب طاہر محمد خان عرف محمد خان اور اس کا بیٹے عبد الوحید کو ہیومن انٹلیجنس کی بنیاد پر ڈنگہ سے گرفتار کر لیا گیا۔

    ایف آئی اے ترجمان کا کہنا ہے کہ ملزم کئی سالوں سے قانون کی گرفت سے بچتا آ رہا تھا ملزمان کی گرفتاری کے لئے اس سے قبل بھی متعدد بار چھاپے مارے گئے، گرفتار ملزم طاہر محمد خان ایک بدنام زمانہ انسانی اسمگلر اور اشتہاری مجرم ہے، جس کا نام قانون نافذ کرنے والے اداروں کی ہٹ لسٹ میں شامل ہے۔

    ایف آئی اے کا کہنا ہے کہ ملزم کے خلاف سال 2016 سے ایف آئی اے گجرات سرکل میں 45 سے زائد مقدمات درج ہیں، ملزم سال 2019 میں ایف آئی اے کے ایک افسر پر فائرنگ کرنے میں بھی ملوث ہے سال 2023 میں ملزم نے اپنے ساتھ اپنے بیٹے کو بھی انسانی اسمگلنگ کے دھندے میں شریک کر لیا ملزم کی گرفتاری کے لئے خصوصی ٹیم تشکیل دی گئی کئی مہینوں کی انتھک محنت کے بعد، ٹیم بالآخر ملزم کو گرفتار کرنے میں کامیاب ہوئی۔

    ایف آئی اے کا کہنا ہے کہ چھاپہ مار کاروائی کے دوران ملزم اور اس کے مسلح ساتھیوں نے چھاپہ مار ٹیم پر شدید فائرنگ کی ملزم کی گرفتاری کے بعد ایک اور آپریشن میں ملزم کے شریک بیٹے عبد الوحید کو بھی گرفتار کر لیا گیا دونوں بدنامِ زمانہ انسانی اسمگلر جون 2023 کے لیبیا یونان کشتی حادثے میں ملوث ہیں۔

    حکام کا کہنا ہے کہ ملزمان کی گرفتاری کے لئے جدید وسائل کو بروئے کار لایا گیا ملزمان نے شہریوں کو اٹلی میں ملازمت دلانے کا جھانسہ دے کر بھاری رقوم بٹوریں ملزمان نے محفوظ سفر فراہم کرنے کے بجائے انہیں لیبیا سے اٹلی کے خطرناک سمندری راستے پر بھیج دیا۔

    ایف آئی اے نے کہا کہ غیر محفوظ سفر کی وجہ سے کشتی کو حادثہ پیش آیا اور کئی پاکستانی شہریوں کی موت واقع ہوئی کشتی حادثہ میں بچ جانے والے مسافروں نے ملزمان کے بارے میں تفصیلات فراہم کیں جبکہ دیگر 2 کاروائیوں میں ملزم طارق جاوید کو صابووال گجرات اور طلحہ شاہین کو کھاریاں سے گرفتار کیا گیا۔

    ملزم طارق جاوید نے ساتھیوں کے ساتھ ملکر شہریوں کو اٹلی براستہ ترکی بھجوانے کے لیے 4 لاکھ روپے وصول کیے ملزم طلحہ شاہین نے شہری کو اسپین ملازمت کی غرض سے بھجوانے کے لیے 20 لاکھ ہتھیائے۔

    تاہم ملزم نے مسافر کو اسپین کی بجائے موریطانیہ بھجوا دیا اور غیر قانونی طور سمندری راستے سے سفر کرنے پر مجبور کیا شہری نے کشتی کے راستے سفر کرنے سے انکار کر دیا اور پاکستان واپس آ گیا ملزمان کو گرفتار کر کے تفتیش کا آغاز کر دیا گیا ہے۔

  • نادیہ حسین کو ایف آئی اے کیخلاف سوشل میڈیا پر بیان دینا مہنگا پڑ گیا

    نادیہ حسین کو ایف آئی اے کیخلاف سوشل میڈیا پر بیان دینا مہنگا پڑ گیا

    اداکارہ و معروف ماڈل نادیہ حسین کی جانب سے ایف آئی اے پر مبینہ رشوت کے الزام کا معاملے پر ایف آئی اے نے قانونی کارروائی کا فیصلہ کیا ہے۔

    تفصیلات کے مطابق وفاقی تحقیقاتی ایجنسی (ایف آئی اے) نے نادیہ حسین کے خلاف قانونی کارروائی کا فیصلہ کیا ہے، معروف ماڈل نادیہ حسین نے ایف آئی اے افسر کیخلاف پوسٹ شیئر کی تھی۔

    نادیہ حسین کیخلاف کارروائی کیلئے سائبر کرائم ونگ میں درخواست دائر کی گئی، اداکارہ نے ڈائریکٹر ایف آئی اے کیخلاف رشوت طلبی کا الزام لگایا تھا۔

    درخواست میں کہا گیا ہے کہ سوشل میڈیا پر پوسٹ سے ایک روز قبل نادیہ حسین کو حقائق کے بارے میں بتایا گیا تھا، اداکارہ کو معلوم تھا کہ اس کو جعلساز نے جعلی افسر بن کر فون کیا۔

    حقائق معلوم ہونے کے باوجود نادیہ حسین نے پوسٹ کی اور اس پوسٹ کو مختلف سوشل میڈیا پلیٹ فارمز پر وائرل کیا گیا۔

    مزید پڑھیں : نادیہ حسین کے شوہرسے دوارن تفتیش اہم انکشافات 

    واضح رہے کہ رواں ماہ 8 مارچ کو وفاقی تحقیقاتی ادارے (ایف آئی اے) کارپوریٹ کرائم سرکل نے معروف پاکستانی اداکارہ نادیہ حسین کے گھر پر چھاپہ مار کر ان کے شوہر عاطف احمد خان کو بینک فراڈ کیس میں گرفتار کیا تھا۔

    ملزم عاطف خان سے ایف آئی اے کی جانب سے تفتیش جاری ہے، ذرائع کا کہنا ہے کہ عاطف کے فراڈ کا سلسلہ 2016 سے دسمبر 2023 تک چلتا رہا تھا۔

    ایف آئی اے ذرائع کے مطابق 7 سال میں بینکنگ گروپ کو 1 ارب 20 کروڑ کا نقصان ہوا، یہ بات ناقابل یقین ہے کہ بورڈ اس فراڈ سے بے خبر تھا، پتہ چلانے کی کوشش کررہے ہیں کہ فراڈ میں اور کون لوث ہے، کیوں کہ عاطف خان کے علاوہ دیگر کئی افراد کا کردار بھی مشکوک ہے۔

  • 3 کروڑ 50 لاکھ روپے کے ویزا فراڈ میں ملوث بدنام زمانہ اشتہاری گرفتار

    3 کروڑ 50 لاکھ روپے کے ویزا فراڈ میں ملوث بدنام زمانہ اشتہاری گرفتار

    ایف آئی اے لاہور زون نے کارروائی کرتے ہوئے 3 کروڑ 50 لاکھ روپے کے ویزا فراڈ میں ملوث بدنام زمانہ اشتہاری گرفتار کرلیا۔

    ایف آئی اے کے مطابق ملزم کی شناخت عمر طارق کے نام سے ہوئی ہے، گرفتار ملزم سادہ لوح شہریوں سے ویزا فراڈ کرنے میں ملوث ہے، ملزم کو چھاپہ مار کارروائی میں لاہور سے گرفتار کیا گیا۔

    ملزم سال 2024 سے اینٹی ہیومن ٹریفکنگ سرکل لاہور کو مطلوب تھا، ملزم نے مختلف شہریوں سے کینیڈا بھجوانے کے نام پر 3 تین کروڑ 50 لاکھ روپے بٹورے۔

    ایف آئی اے کا کہنا ہے کہ ملزم شہریوں کو بیرون ملک بھجوانے میں ناکام رہاملزم بھاری رقوم وصول کر کے روپوش ہو گیا تھا ملزم کو گرفتار کر کے تفتیش کا آغاز کر دیا گیا ہے۔

    https://urdu.arynews.tv/fia-arrests-fugitive-in-murder-case/

  • مصطفیٰ قتل کیس : ایف آئی اے نے ملزم ارمغان سے متعلق نیا انکشاف کردیا

    مصطفیٰ قتل کیس : ایف آئی اے نے ملزم ارمغان سے متعلق نیا انکشاف کردیا

    کراچی : مصطفیٰ قتل کیس میں گرفتار مرکزی ملزم ارمغان سے متعلق ایک نیا انکشاف سامنے آیا ہے، ملزم کی مزید 2 کمپنیوں اور کال سینٹر کی تفصیلات مل گئیں۔

    اس حوالے سے ایف آئی اے کے ذرائع نے بتایا ہے کہ ادارے نے ملزم ارمغان کی مزید 2 کمپنیوں کا سراغ لگا لیا ہے، ملزم کی 2 کمپنیاں پاکستان جبکہ 2 امریکا میں بھی رجسٹرڈ ہیں۔

    اس کے علاوہ ذرائع کا یہ بھی کہنا ہے کہ ارمغان کے گھر میں پاورڈ کیبل لگی ہوئی تھیں اور کال سینٹر کے 50 ورک اسٹیشنز تھے، اس  کے ڈیجیٹل کرنسی اکاؤنٹس کی چھان بین بھی جاری ہے۔

    ذرائع کا مزید کہنا ہے کہ ارمغان کے گھر سے ملنے والے 18 لیپ ٹاپس کی مکمل اسکریننگ کی جارہی ہے، ملزم اور اس سے منسلک افراد کا ڈیٹا جمع کرنے کے بعد ان سے تحقیقات کیلیے کریک ڈاؤن کیا جائے گا۔

    مزید پڑھیں : ملزم ارمغان کے خلاف منی لانڈرنگ کی تحقیقات شروع

    واضح رہے کہ مصطفی عامر قتل کیس کے مرکزی ملزم ارمغان کے خلاف منی لانڈرنگ کی تحقیقات شروع کردی گئی ہیں۔

    اس حوالے سے ایف آئی اے اینٹی منی لانڈرنگ اینڈ کاؤنٹر فنانسنگ آف ٹیرر ازم  نے گذشتہ روز ڈیفنس میں  ارمغان کے گھر سرچ آپریشن کرتے ہوئے ایک عدد قیمتی کار 18 لیپ ٹاپس اور دیگر اہم دستاویزات کو تحویل میں لیا تھا۔

    جس کے بعد اب وفاقی تحقیقاتی ادارے نے ملزم کے خلاف منی لانڈرنگ کی باقاعدہ تحقیقات شروع کردی ہیں۔

  • 9 سال سے قتل کے مقدمے میں مطلوب اشتہاری ملزم سعودی عرب سے گرفتار

    9 سال سے قتل کے مقدمے میں مطلوب اشتہاری ملزم سعودی عرب سے گرفتار

    وفاقی تحقیقاتی ادارے (ایف آئی اے) نے 9 سال سے قتل کے مقدمے میں مطلوب خطرناک اشتہاری ملزم کو سعودی عرب سے گرفتار کرلیا۔

    تفصیلات کے مطابق ایف آئی اے این سی بی انٹرپول نے کارروائی کرتے ہوئے 9 سال سے قتل کے مقدمے میں مطلوب اشتہاری ملزم کو سعودی عرب سےگرفتار کرلیا، گرفتار ملزم کی شناخت محمد وسیم کے نام سے ہوئی ہے ملزم پنجاب پولیس کو مطلوب تھا۔

    ترجمان ایف آئی اے کے مطابق ملزم کو سعودی عرب سےگرفتار کر کے اسلام آباد ایئرپورٹ منتقل کیا گیا، ملزم کے خلاف 2016 میں قتل کی دفعات کے تحت مقدمہ درج تھا۔

    ایف آئی اے ترجمان کا کہنا ہے کہ ملزم کے خلاف تھانہ گوجرہ سٹی، ٹوبہ ٹیک سنگ میں مقدمہ درج تھا، ملزم قتل کرکے بیرون ملک فرار ہو گیا تھا، ایف آئی اے این سی بی انٹرپول نے ملزم کی گرفتاری کیلئے ریڈ نوٹس جاری کیا تھا۔

  • بیرون ملک بھیجنے کا جھانسہ دیکر شہریوں کو لوٹنے والے 7 انسانی اسمگلر گرفتار

    بیرون ملک بھیجنے کا جھانسہ دیکر شہریوں کو لوٹنے والے 7 انسانی اسمگلر گرفتار

    ایف آئی اے گوجرانوالہ نے بیرون ملک بھیجنے کا جھانسہ دیکر شہریوں کو لوٹنے والے 7 انسانی اسمگلر کو گرفتار کرلیا۔

    تفصیلات کے مطابق ایف آئی اے گوجرانوالہ زون نے مختلف شہروں میں کارروائیاں کرتے ہوئے انسانی اسمگلنگ میں ملوث اشتہاریوں سمیت 7 ملزمان کو  گرفتار کرلیا۔

    ترجمان ایف آئی اے کے مطابق گرفتار ملزمان میں محمد عرفان، شوکت علی، عمر سلطان، عون ارتضیٰ، ریاست علی، علی حسن اور محمد اصغر شامل ہیں۔

    ترجمان کا کہنا ہے کہ ملزمان شہریوں کو بیرون ملک ملازمتوں کا جھانسہ دیکر ویزا فراڈ میں ملوث ہیں، ملزمان کو وزیر آباد، سیالکوٹ، نارووال، لاہور،گجرات اور گوجرانوالہ سے گرفتار کیا گیا ہے۔

    ترجمان کا مزید کہنا ہے کہ ملزمان نے عمان، البانیا، سائپرس، اٹلی، دبئی ملازمت کا جھانسہ دیکر شہریوں سے کروڑوں روپے لیے، محمداصغر نے شہری کو اٹلی ملازمت کی غرض سے بھجوانے کیلئے 26 لاکھ روپے ہتھیائے، ملزم نے سمندر کے راستے اٹلی بھجوانے کی کوشش کی شہری نے انکار کیا اور واپس آگیا، ملزمان بھاری رقوم وصول کرنے کے بعد روپوش ہو گئے تھے۔

  • انسانی اسمگلنگ میں ملوث بین الاقوامی گینگ کی خاتون ایجنٹ حمیرا کنول گرفتار

    انسانی اسمگلنگ میں ملوث بین الاقوامی گینگ کی خاتون ایجنٹ حمیرا کنول گرفتار

    فیصل آباد: ایف آئی اے فیصل آباد زون نے انسانی اسمگلروں کے خلاف کارروائی میں بین لاقوامی گینگ کی خاتون ایجنٹ حمیرا کنول کو گرفتار کر لیا۔

    ترجمان ایف آئی اے کے مطابق ملزمہ حمیرا کنول کو فیصل آباد سے گرفتار کیا گیا، بین الاقوامی گینگ کے دیگر ارکان آذربائیجان سے گینگ چلا رہے تھے۔

    ترجمان کا کہنا ہے کہ ملزمہ شہریوں کو یورپ بھجوانے کا جھانسا دے کر رقم بٹورنے میں ملوث تھی، اس نے 3 شکایت کنندگان سے 63 لاکھ 80 ہزار روپے وصول کیے، ملزمہ نے متاثرین کے 3 بچوں کو لیگزمبرگ بھجوانے کے نام پر رقوم وصول کیں، اور رقم وصول کرنے کے بعد متاثرین کے بچوں کو آذربائیجان بھجوا دیا۔

    ایف آئی اے کے مطابق ملزمہ نے متاثرہ بچوں کو آذربائیجان میں دیگر ایجنٹوں کے حوالے کیا تھا، ملزمہ کے ساتھی ایجنٹ زوہیب نے متاثرین کے گھر والوں سے مزید رقم مانگی تھی۔

    چھاپے کے دوران ملزمہ حمیرا کنول کے موبائل فون سے اہم شواہد برآمد ہوئے ہیں، ترجمان ایف آئی اے کا کہنا ہے کہ ملزمہ سے ویزے، پاسپورٹ کی نقول، بینک رسیدیں، بین الاقوامی ایجنٹ زوہیب سے رابطے کا ریکارڈ بھی برآمد ہوا ہے۔

    لیبیا کشتی حادثے میں ملوث ریڈ بک کا انتہائی مطلوب انسانی اسمگلر زبیر مہر گرفتار

    ملزمہ حمیرا کنول ایجنٹ زوہیب کے ساتھ مل کر متاثرین کے آذربائیجان، لیبیا، دبئی کے راستے یورپ اسمگلنگ میں ملوث ہے، ایجنٹ زوہیب آذربائیجان سے انسانی اسمگلنگ کا گینگ چلا رہا ہے۔ ترجمان کے مطابق ملزمہ حمیرا کنول کو گرفتار کر کے تفتیش کا آغاز کر دیا گیا ہے، جب کہ انٹرپول کی مدد سے ملزم زوہیب کی گرفتاری عمل میں لائی جا رہی ہے۔

  • ایف آئی اے کی لاہور میں کارروائی، 2 انسانی اسمگلر گرفتار

    ایف آئی اے کی لاہور میں کارروائی، 2 انسانی اسمگلر گرفتار

    لاہور: وفاقی تحقیقاتی ایجنسی (ایف آئی اے) لاہور زون نے انسانی سمگلنگ اور ویزا فراڈ کے خلاف اپنی کارروائیاں تیز کر دیں، جس کے نتیجے میں دو اہم ملزمان کو گرفتار کر لیا گیا۔

    اے آر وائی نیوز کے مطابق ایف آئی اے کے ترجمان نے بتایا کہ لاہور اور قصور میں ٹارگٹڈ آپریشن کیے گئے، جس کے نتیجے میں دو ملزمان زاہد مصطفیٰ اور امجد بھٹی کو گرفتار کیا گیا ہے۔

    رپورٹس کے مطابق مطلوب مفرور ملزم زاہد مصطفیٰ کو کینیڈا کی جعلی نوکری کا جھانسہ دے کر مجموعی طور پر 3.99 ملین روپے غبن کرنے کے الزام میں گرفتار کیا گیا۔

    ملزم 2024 سے فرار تھا، جس کے خلاف لاہور کے انسداد انسانی سمگلنگ سرکل میں مقدمہ درج ہے۔ جبکہ امجد بھٹی نے جعلی روزگار سکیم چلائی، متعدد شہریوں کو بیرون ملک ملازمت کے جعلی وعدوں سے دھوکہ دیا۔

    چھاپے کے دوران اہلکاروں نے ان کے قبضے سے متعدد پاکستانی پاسپورٹ اور جعلی ہسپانوی پاسپورٹ برآمد کر لیے۔ ان میں سے کوئی بھی ان دستاویزات کی درست وضاحت فراہم نہیں کرسکا۔

    تفتیش کے دوران دونوں ملزمان انکشاف کیا کہ انہوں نے شہریوں سے غیر قانونی طور پر پاسپورٹ حاصل کیے تھے تاہم لوگوں کو بیرون ملک بھیجنے میں ناکام رہے، بڑی رقم لینے کے بعد وہ حکام سے بچنے کے لیے روپوش ہو گئے۔

    پولیس اہلکار بن کر لوٹ مارکر کرنے والے 3 جعلی کانسٹیبلز گرفتار

    وفاقی تحقیقاتی ایجنسی لاہور زون کے ڈائریکٹر نے تصدیق کی کہ انسانی سمگلروں کے خلاف کارروائیاں تیز کر دی گئی ہیں، متاثرین کے ساتھ رابطے جاری ہیں۔ انسانی سمگلنگ کے بین الاقوامی نیٹ ورک کو مکمل طور پر ختم کر دیا جائے گا۔

  • قتل کے مقدمے میں مطلوب اشتہاری عمان سے گرفتار

    قتل کے مقدمے میں مطلوب اشتہاری عمان سے گرفتار

    فیڈرل انویسٹیگیشن ایجنسی ( ایف آئی اے) اور این سی بی انٹرپول نے کارروائی کرتے ہوئے قتل کے اشتہاری ملزم کو عمان سے گرفتار کرلیا۔

    تفصیلات کے مطابق ایف آئی اے این سی بی انٹرپول  نے بڑی کارروائی کرتے ہوئے قتل کے مقدمے میں مطلوب اشتہاری ملزم کو عمان سے گرفتار کرلیا۔

    ایف آئی اے ترجمان کا کہنا ہے کہ ملزم بلاول کو گرفتار کر کے لاہور ایئرپورٹ منتقل کیا گیا، ملزم کے خلاف تھانہ چونگ  لاہور  میں مقدمہ درج ہے۔

    ایف آئی اے کا مزید کہنا ہے کہ ملزم گزشتہ سال  بیرون ملک فرار ہوگیا تھا، ملزم کو پنجاب پولیس حکام کے حوالے کر دیا گیا۔

    https://urdu.arynews.tv/morocco-boat-accident-human-smuggler-arrested/