Tag: Fifa Suspend Blatter

فیفا کرپشن اسکینڈل میں پولیس نے رشوت لینے کے الزام میں مزید دو آفیشلز کو گرفتار کرلیا۔

فیفا کرپشن اسکینڈل میں آفیشلز کے گرد گھیرا مزید تنگ ہوگی، پولیس نے زیروخ میں ایک ہوٹل پر چھاپہ مار فیفا کے دو عہدیداروں کو لاکھوں ڈالرز رشوت لینے کا الزام میں حراست میں لے لیا۔

پولیس کا کہنا ہے کہ گرفتار کئے جانے والے آفیشلز سے تفتیش کررہے ہیں، فیفا کرپشن اسیکنڈل کی تحقیقات کرنے والے والے سوئس تفتیش کاروں نے دعویٰ کیا ہےکہ مشتبہ طور پر رقوم منتقلی کے شواہد میں اضافہ ہورہا ہے۔

فیفا کے روس اور قطر کو ٹورنامنٹس کی میزبانی سونپنے کے فیصلوں میں ایک سو بیس سے زائد بار مشکوک انداز میں رقوم کی منتقلی ہوئی۔

زیورخ : فٹبال کی عالمی تنظیم فیفا کی ایتھکس کمیٹی نے تنظیم کے صدر سیپ بلاٹر کو نوے روز کیلئے معطل کردیا.

کرپشن اسکینڈل نے سیپ بلاٹر کو بھی اپنی لپیٹ میں لے لیا، فیفا کی ایتھکس کمیٹی نے تنظیم کے صدر سیپ بلاٹر ، سیکرٹری جنرل جیروم والک اور نائب صدر مائیکل پلاٹینی کو نوے روز کے لئے معطل کردیا۔

تینوں آفیشلز انکوائری مکمل ہونے تک فٹبال کی کسی بھی طرح کی سرگرمیوں میں حصہ نہیں لے سکتے جبکہ ڈسپلن کی خلاف ورزی پر فیفا کے سابق نائب صدر چنگ مونگ جون کو چھ سال کیلئے معطل اور جرمانہ عائد کردیا ہے۔

سیپ بلاٹر پر یوئیفا کے صدر کو غیر قانونی طور پر فنڈز مہیا کرنے اور دیگر الزامات ہیں، بلیٹر کی معطلی کی سفارش ان کے خلاف سوئس اہلکاروں کی جانب سے گذشتہ ماہ سے جاری فوجداری تحقیقات کے آغاز کے تناظر میں کی گئی تھی۔

سیپ بلاٹر نے تمام الزامات کو مسترد کردیا ہے اور کہا ہے کہ وہ کرپشن میں ملوث نہیں رہے، ان پر لگنے والےالزامات بے بنیاد ہیں.