Tag: FIFA World Cup

ارجنٹائن کے کپتان لیونل میسی نے اتوار کی شب قطر میں ورلڈ کپ ٹرافی اٹھا کر اپنے خواب کی تعبیر پائی ان کا 17 سالہ کیریئر بے مثال رہا ہے۔

لیونل میسی نے فٹبال میں اپنے بین الاقوامی کیریئر کا آغاز 2005 میں کیا اور گزشتہ شب کھیلے گئے فیفا ورلڈ کپ 2022 کے فائنل تک 172 انٹرنیشنل میچز میں ارجنٹائن کی نمائندگی کی اور اس دوران 98 گول کرنے کا اعزاز بھی پایا۔

اپنے 17 سالہ شاندار کیریئر کے دوران میسی نے اولمپک گولڈ میڈل، 7 باربیلون ڈی، 6 بار گولڈن بوٹ کے اعزازات پانے کے ساتھ سب سے زیادہ ورلڈ کپ میچز کھیلنے کا بھی ریکارڈ اپنے نام کیا۔

صرف یہی نہیں اپنے بے مثال کارکردگی کی بدولت فٹبال میں مین آف دی میچ کے ریکارڈ ایوارڈ بھی لٹل ماسٹر میسی نے حاصل کیے۔

ان کے حاصل کردہ اعزازات اور میڈل سے لگتا ہے کہ وہ فٹبال کے پیچھے اور اعزازات ان کے پیچھے پیچھے بھاگتے رہے۔

8 سال قبل 2014 کے ورلڈ کپ میں فاتح تو ارجنٹائن نہیں تھی لیکن یہ میسی کا جاندار کھیل ہی تھا جس کی بدولت وہ اس ورلڈ کپ کے بھی بہترین کھلاڑی قرار پائے۔

یہ بھی پڑھیں: ورلڈ کپ جیتنے کا خواب پورا، میسی کا مستقبل سے متعلق اہم اعلان

میسی نے کوپا امریکا سمیت کئی ٹرافیوں پر بھی اپنا نام درج کرایا۔ ان کے بین الاقوامی کیریئر میں صرف عالمی کپ کی کمی تھی جو انہوں نے گزشتہ رات قطر میں فیفا ورلڈ کپ 2022 کے فائنل میں دفاعی چیمپئن فرانس کو شکست دینے کے بعد ٹرافی کو اپنے ہاتھوں میں اٹھا کر پوری کر دی۔

قطر نے فیفا ورلڈ کپ کی تاریخ بدل دی اور 220 ارب ڈالرز لگا کر انتظامات میں بڑے بڑے ملکوں کو ایسا پیچھے چھوڑا کہ دنیا حیران رہ گئی۔

اے آر وائی نیوز کے مطابق دنیا کے سب سے مقبول کھیل فٹبال کا عالمی کپ کا میلہ ایک ماہ تک رنگ بکھیرنے کے بعد قطر میں اختتام پذیر ہوگیا تاہم قطر نے فیفا ورلڈ کپ کی 88 سالہ تاریخ بدل دی۔ 220 ارب ڈالرز تو لگائے لیکن انتظامات میں بڑے بڑے ملکوں کو ایسا پیچھے چھوڑا کہ دنیا بھی حیران رہ گئی۔

قطر جس کو میگا ایونٹ کی میزبانی ملنے سے قبل یہاں ایک بھی عالمی معیار کا فٹبال اسٹیڈیم نہیں تھا لیکن 8 جدید طرف کے اسٹیڈیم بنا ڈالے۔ ان میں سے ایک اسٹیڈیم کو کنٹینرز کی مدد سے عارضی اسٹیدیم میں تبدیل کیا گیا۔

قطر نے ماسکو ورلڈ کپ سے 20 گنا زائد رقم استعمال کی۔ اسٹیڈیم میں نصب جدید کولنگ سسٹم نے شائقین اور کھلاڑیوں کو گرمی کا احساس تک نہ ہونے دیا اور تمام اسٹیڈیمز کا درجہ حرارت 20 ڈگری پر برقرار رکھا گیا۔

قطر نے ورلڈ کپ ٹورنامنٹ کے دوران ایک ماہ تک بہترین مہمان نوازی کی۔ میزبانی بھی ایسی معیاری جو پہلے کبھی کسی نہ نہیں دیکھی تھی۔ اس ایک ماہ کے دوران قطر نے دنیا کو مہمان نوازی اور خاطر تواضع کے آداب سکھائے اور ساتھ ہی دنیا کو امن کا پیغام بھی پہنچایا۔

یہ بھی پڑھیں: امیر قطر نے میسی کو اعلیٰ اعزاز اور خطاب سے نواز دیا

قطر کی جانب سے فیفا ورلڈ کپ سے قبل عائد کی گئی پابندیوں پر عالمی میڈیا اور دنیا کے مختلف ممالک میں آوازیں اٹھائی گئیں لیکن ایک ماہ کے دوران اس کی شاندار مہمان نوازی نے دنیا کا دل جیت لیا۔

ارجنٹائن کو ورلڈ کپ کا فاتح بنانے والے کپتان لیونل میسی کو امیر قطر نے ارجنٹائن کا جنگجو قرار دیتے ہوئے انہیں روایتی جبہ پہنایا۔

گزشتہ روز قطر میں ایک ماہ تک اپنی رنگینیاں بکھیرنے والا دنیا کے سب سے مقبول کھیل فٹبال کا عالمی کپ ارجنٹائن کی فتح کے ساتھ اختتام پذیر ہوگیا۔

لیونل میسی کی قیادت میں ارجنٹائن نے سنسنی خیز مقابلے کے بعد فائنل میں دفاعی چیمپئن فرانس کو پنالٹی ککس پر دو کے مقابلے میں چار گول سے شکست دے کر 36 سال بعد ورلڈ کپ جیتنے اور مجموعی طور پر تیسری بار عالمی چمپئن بننے کا اعزاز حاصل کیا۔

فائنل کے بعد اختتامی تقریب ہوئی جس میں لیونل میسی نے اپنے خوابوں کی تعبیر پاتے ہوئے فٹبال ورلڈ کپ کی ٹرافی کو اٹھایا لیکن اس سے قبل قطر نے میسی کو ان کی خدمات پر زبردست خراج عقیدت پیش کرتے ہوئے ورلڈ کپ ٹرافی دینے سے قبل انہیں عربوں کا مخصوص جبہ پہنایا گیا۔

امیر قطر شیخ تمیم بن حمد الثانی نے میسی کو ارجنٹائن کا جنگجو قرار دیتے ہوئے انہیں جبہ پہنایا۔

یہ بھی پڑھیں: ورلڈ کپ جیتنے کا خواب پورا، میسی کا مستقبل سے متعلق اہم اعلان

واضح رہے کہ جبہ عربوں کے شاہی انداز اور وقار کی علامت ہے۔ عرب جنگجو اسے فتح کے بعد پہنتے تھے۔ عرب ثقافت میں جبہ احترام اور روایت کا عکاس ہے۔ جو موجودہ دور میں صرف کسی شخصیت کو اعلیٰ اعزاز کے طور پر دیا جاتا ہے۔

فٹبال ورلڈ کپ کی ٹرافی اٹھانے کا خواب فیفا ورلڈ کپ 2022 جیتنے پر پورا ہونے کے بعد ارجنٹائن کے کپتان لیونل میسی نے اپنے مستقبل سے متعلق بڑا اعلان کیا ہے۔

دنیا بھر میں اپنے خوبصورت کھیل سے لاکھوں مداح بنانے والے لیونل میسی نے گزشتہ شب قطر میں فرانس کو شکست دینے کے بعد فٹبال ورلڈ کپ 2022 کی ٹرافی اٹھائی تو یہ ان کے اس خواب کی تکمیل تھی جس کا خواب انہوں نے اپنے کیریئر کے آغاز میں دیکھا تھا اور تعبیر اپنے پانچویں ورلڈ کپ میں پائی۔

فیفا ورلڈکپ 2022 کے آغاز سے قبل ارجنٹینا کے کپتان لیونل میسی کہہ چکے تھے کہ یہ ورلڈ کپ ان کے کیریئر کا آخری ورلڈ کپ ہوگا جب کہ برطانوی میڈیا کو بھی ایک انٹرویو میں انہوں نے اتوار کو ہونے والے ورلڈ کپ فائنل کو اپنا ملک کی جانب سے کھیلا جانے والا آخری ورلڈ کپ میچ قرار دیا تھا۔

مایہ ناز فٹبالر کا کہنا تھا کہ اگلے ورلڈ کپ میں 4 سال کا عرصہ ہے اس لیے میرا نہیں خیال کہ میں آئندہ ورلڈ کپ کھیل سکوں گا۔

میسی نے کہا تھا کہ ورلڈ کپ کا اس طرح سے اختتام کرنا زبردست ہے۔ میں خوش ہوں کہ میگا ایونٹ میں میرا سفر فائنل میں ختم ہو رہا ہے، یہ میرے لیے اطمینان بخش بات ہے۔

اس بیان کے بعد فٹبال شائقین کا خیال تھا کہ وہ میسی کو ارجنٹینا کی جانب سے دوبارہ کھیلتے ہوئے بھی نہیں دیکھ سکیں گے۔

یہ بھی پڑھیں: فٹبال ورلڈ کپ کی رنگا رنگ اختتامی تقریب، ویڈیو دیکھیں

تاہم فیفا ورلڈکپ کےفائنل میں فرانس کے خلاف کامیابی کے بعد میسی نے گفتگو کرتے ہوئے کہا ہے کہ میں ارجنٹینا کی قومی ٹیم سے ریٹائر نہیں ہو رہا اور چاہتا ہوں کہ میں چیمپئن کی طرح مزید کھیلتا رہوں۔

فیفا ورلڈ کپ کا فائنل دنیا بھر میں دیکھا گیا بالی ووڈ کنگ شاہ رخ کو فائنل دیکھتے ہوئے اپنی والدہ یاد آگئیں۔

ایک ماہ تک دنیا کو اپنی طرف متوجہ رکھنے والا قطر میں کھیلا گیا فیفا ورلڈ کپ 2022 ارجنٹینا کی جیت کے ساتھ اختتام پذیر ہوگیا۔ قطر میں کھیلے گیا یہ میگا ایونٹ میسی کے نام رہا اور ارجنٹائن نے دفاعی چیمپئن فرانس کو شکست دے کر 36 سال کے طویل عرصے بعد ورلڈ چمپئن بننے کا اعزاز حاصل کیا۔

اتوار کو ہونے والے فٹبال ورلڈ کپ کے لیے دنیا بھر میں شائقین فٹبال بڑے پرجوش تھے۔ جہاں دنیا بھر میں لاکھوں شائقین نے اس سنسنی خیز میچ کو دیکھا وہیں اس کو دیکھنے کے دنیا کی نامور شخصیات نے اپنی مصروفیات کو ترک کیا۔ ان ہی میں ایک نام بالی ووڈ کے کنگ شاہ رخ خان بھی ہیں جنہوں نے یہ سنسنی خیز فائنل دیکھنے کیلیے اپنی مصروفیات ترک کیں۔

تاہم شاہ رخ خان کو فائنل کے دوران اپنی مرحومہ والدہ کی یاد ستائی جن کی یادوں کو انہوں نے سوشل میڈیا پر اپنے مداحوں کے ساتھ بھی شیئر کیا۔

شاہ رخ خان نے فائنل کے بعد اپنے ٹوئٹر اکاؤنٹ سے ایک بیان جاری کیا جس میں انہوں نے کہا کہ ہم ایسے وقت میں جی رہے ہیں جس میں اب تک کے بہترین ورلڈ کپ فائنلز میں سے ایک ہوا ہے۔

اس موقع پر انہوں نے اپنے ماضی کے جھروکوں میں جھانکتے ہوئے اپنی ماں کو یاد کیا اور لکھا کہ ’’مجھے یاد ہے میں ایک چھوٹے سے ٹی وی پر اپنی ماں کے ساتھ ورلڈ کپ دیکھتا تھا اور اب اپنے بچوں کے ساتھ اسی جوش سے یہ ایونٹ دیکھا‘‘۔

اپنے اس جذباتی پیغام میں انہوں نے ٹیلنٹ، محنت اور خوابوں پر یقین دلانے کے لیے میسی کا شکریہ بھی ادا کیا۔

We are living in the time of one of the best World Cup Finals ever. I remember watching WC with my mom on a small tv….now the same excitement with my kids!! And thank u #Messi for making us all believe in talent, hard work & dreams!!

— Shah Rukh Khan (@iamsrk) December 18, 2022

واضح رہے کہ قطر کے شہر لوسیل کے اسٹیڈیم میں کھیلا گیا فائنل مقررہ وقت میں میچ 2-2 سے جبکہ اضافی وقت میں 3-3 سے برابر ہوا تاہم میچ کا فیصلہ پینالٹی ککس پر ہوا۔ ارجنٹینا نے 2 کے مقابلے میں 4 گول سے کامیابی حاصل کی۔

قطر میں ایک ماہ تک دنیا کو متوجہ رکھنے والے فیفا ورلڈ کپ کی شاندار اور رنگا رنگ اختتامی تقریب میں دنیا کے نامور ستارے جگمگائے۔

قطر میں دنیا کے سب سے مقبول کھیل فٹبال کے عالمی کپ کی رونقیں ایک ماہ تک شائقین فٹبال کو محظوظ کرنے کے بعد ارجنٹائن کی فتح کے ساتھ اختتام پذیر ہوگئیں۔ اس موقع پر شاندار اور رنگا رنگ اختتامی تقریب کا انعقاد کیا گیا جس میں دنیا بھر کے نامور ستارے جگمگائے۔

اختتامی تقریب میں خوبصورت لائٹ پروجیکشن نے تقریب کو چارچاند لگا دیے جس سے لوسیل اسٹیڈیم رنگوں اور روشنیوں میں نہا گیا اور آسمان بھی جگمگا اٹھا۔ اس موقع پر فٹبال پر بنے تمام ٹیموں کے جھنڈوں کی رونمائی بھی کی گئی۔

ورلڈکپ کے آفیشل ترانوں میں آواز کا جادو جگانے والے فنکاروں نے پُر فارم کیا۔ عالمی شہرت یافتہ نورا فتیحی، بالقیس فتیحی، رحمہ ریاض اور منال کی خوب پذیرائی ہوئی۔

میگا ایونٹ کی ٹرافی سابق ہسپانوی کپتان کار سیاس اور معروف بالی ووڈ اداکارہ دیپیکا پاڈوکون میدان میں لائے۔

واضح رہے کہ فیفا ورلڈ کپ 2022 کا چیمپئن ارجنٹائن رہا جس نے دفاعی چیمپئن کو شکست دے کر 36 سال بعد عالمی کپ تیسری بار جیتنے کا اعزاز حاصل کیا۔