ماسکو : روس میں ہونے والے فیفا ورلڈ کپ میں آج تین میچ کھیلے جائیں گے، کوسٹاریکا کا مقابلہ سربیا ، جرمنی کا میکسیکو اور برازیل کا ٹاکرا سوئٹزرلینڈ سے ہوگا۔

تفصیلات کے مطابق روس میں جاری فیفا ورلڈ کپ میں سنسنی خیز مقابلے کا سلسلہ جاری ہے، فیفا ورلڈکپ میں آج 3میچ کھیلے جائیں گے، آج کھیلے جانے والے میچز میں گروپ سی کی ٹیم کوسٹا ریکا اور سربیا کا ٹکراؤ پاکستانی وقت کے مطابق دو بجے دوپہر سامارا میں ہوگا۔

دوسرے میچ میں عالمی چیمپیئن جرمنی اعزاز کا دفاع کرنے کیلئے میکسیکو کیخلاف ماسکو میں میدان میں اترے گی، جرمن کھلاڑی اوزل شائقین کی توجہ کا مرکز ہوں گے۔

تیسرے اور آخری میچ میں پانچ مرتبہ کی عالمی چیمپیئن ٹیم برازیل کا مقابلہ سوئٹزرلینڈ روسٹیو آن ڈان میں رات دس بجے ہوگا، نیمار جونیر برازیل کو چھٹی مرتبہ چیمپیئن بنانے کے خواہشمند ہیں۔

گزشتہ روز کھیلے گئے میچز میں فرانس، ڈنمارک، کروشیا کو کامیابی ملی جبکہ ارجنٹائن اور آئس لینڈ کا مقابلہ برابر ثابت ہوا۔

سابق عالمی چیمپیئن فرانس نے دلچسپ مقابلے کے بعد آسٹریلیا کو ایک کے مقابلے میں دو گول سے شکست دےدی، دوسرے میچ میں ارجنٹائن اور آئس لینڈ مدمقابل آئے، میسی کا جادو حریف ٹیم پر چل نہ سکا اور اعصاب شکن مقابلہ ایک ایک گول سے برابر رہا۔

گروپ سی کے میچ میں ڈنمارک نے پیرو کو ایک صفر سے شکست دیکر پوائنٹس ٹیبل پر دوسری پوزیشن حاصل کرلی، چوتھے اور آخری میچ میں گروپ ڈی کے میچ میں کروشیا نے نائجیریا کو صفر کے مقابلے میں دو گول سے شکست دے کر پوائنٹس ٹیبل پرپہلی پوزیشن حاصل کر لی ہے۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

ماسکو:فیفا ورلڈ کپ 2018 کے دوسرے دن ہونے والے میچز میں یوروگوائے نے مصر کو شکست دے دی، جب کہ ایران نے مراکش پر غلبہ پالیا۔

تفصیلات کے مطابق آج روس میں‌ منعقدہ عالمی مقابلے کے گروپ اے میں مصر اور یوروگوائے مدمقابل آئیں۔ مصر کی جانب سے بہترین کھیل کا مظاہرہ کرنے باوجود کھیل کے آخری لمحات میں ہونے والے شان دار گول کے باعث یوروگوائے فاتح ٹھہرا۔

واضح رہے کہ یوروگوئے اپنا 13واں ورلڈ کپ کھیل رہی ہے، جب کہ مصر کا یہ تیسرا ورلڈ‌کپ ہے، مصر نے اٹھائیس برس بعد ورلڈ‌ کے لیے کوالیفائی کیا ہے.

مصر کی امیدوں‌ کا محور محمد صلاح ان فٹ ہونے کی وجہ سے میچ نہیں‌ کھیل سکے، وہ چیمپئنز ٹرافی کے میچ میں‌ زخمی ہوئے تھے.

واضح رہے کہ گروپ اے میں شامل روس اور سعودی عرب گذشتہ روز مدمقابل آئے تھے، اس یک طرفہ میچ میں‌ روس نے پانچ سفر سے کامیابی حاصل کی تھی.

مراکش بہ مقابلہ ایران

گروپ بی کے میچ میں مراکش اور ایران کی ٹیمیں مدمقابل آئی، مراکشی کھلاڑی کے اون گول کی وجہ سے ایران نے فاتح اپنے نام کی۔

مراکش کی ٹیم کھیل پر غالب رہی، اس کی جانب سے ایران کی پوسٹ پر متعدد حملے کیے گئے، مگر ایرانی گول کیپر کی پھرتی اور دفاعی لائن کی کوششوں سے گول کرنے میں کامیابی نہیں ہوئی۔

میچ کے بڑے حصے میں گیند مراکش کے پاس رہی، ایرانی ٹیم مخالفین کی پوسٹ پر زیادہ حملہ نہ کرسکی، البتہ میچ کے آخری لمحات میں مراکشی کھلاڑی نے گیند اپنی ہی پوسٹ میں پھینک دی۔

فیفا ورلڈ کپ 2018: عالمی میلے کا رنگا رنگ آغاز، روس کے ہاتھوں سعودی عرب کو شکست

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔