Tag: FIFA World Cup

دوحا: کروشیا نے فیفا ورلڈکپ کا سب سے بڑا اپ سیٹ کرتے ہوئے ٹورنامنٹ کی ہارٹ فیورٹ برازیل کا پتہ صاف کردیا۔

تفصیلات کے مطابق دوحا کے ایجوکیشن سٹی اسٹیڈیم میں کھیلے گئے پہلے کوارٹر فائنل میں برازیل اور کروشیا مد مقابل آئیں۔

دونوں ٹیموں کے درمیان دلچسپ اور سنسنی خیز مقابلہ دیکھنے کو ملا، دونوں ٹیموں نے متعدد بار ایک دوسرے کے گول پوسٹ پر حملے کئے تاہم کسی ٹیم کو کامیابی نہ مل سکیمقررہ وقت میں دونوں ٹیموں کا مقابلہ بغیرکسی گول کےبرابرتھا، دونوں ٹیموں نے ایک ایک گول اضافی وقت میں کیا، جس کے بعد فیصلہ پیلنٹی کارنر پر ہوا۔

بعد ازاں کروشیا نے پنالٹی شوٹ آؤٹ پر2-4سے کامیابی حاصل کی، اسی فتح کے ساتھ کروشیا مسلسل دوسری بار فیفا ورلڈکپ کے سیمی فائنل میں جاپہنچی جبکہ برازیل ایونٹ سے باہر ہوئی۔

برازیل نے اپنے دو پیلنٹی ضائع کئے اور یہی شکست کی وجہ بنی، غیر متوقع شکست پر برازیلی کھلاڑی زاروقطار رو دئیے جبکہ کئی کھلاڑی افسردگی کے عالم میں میدان میں لیٹ گئے۔

فیفا ورلڈ کپ کے کوارٹر فائنل میں پرتگال کے کپتان کو میچ نہ کھلانے پر جہاں ان کے مداح ناراض ہیں وہیں فٹبالر کی گرل فرینڈ بھی برہم ہیں۔

پرتگال ٹیم کے کپتان عالمی شہرت یافتہ فٹبالر کرسٹیانو رونالڈو کو ٹیم کے کوچ نے قطر میں کھیلے جا رہے فٹبال ورلڈ کپ کے سوئٹزر لینڈ کے خلاف کھیلے گئے کوارٹر فائنل میچ میں شامل نہیں کیا اور انہیں یہ میچ باہر بیٹھ کر دیکھنا پڑا۔ اس صورتحال پر جہاں اسٹار کھلاڑی کے مداح ناراض ہیں وہیں ان کی گرل فرینڈ جارجینا روڈریگز بھی سخت برہم ہیں۔

جارجینا روڈریگز نے رونالڈو کو ٹیم سے باہر کرنے کے کوچ کے فیصلے پر اپنی انسٹا گرام پوسٹ پر غصے سے بھرے ردعمل کا اظہار کیا ہے۔

جارجینا نے لکھا ہے کہ جب 11 کھلاڑیوں نے ترانہ پڑھا تو سب کی نظریں آپ پر تھیں لیکن کتنی شرم کی بات ہے کہ 90 منٹ تک لوگ دنیا کے بہترین کھلاڑی سے لطف اندوز نہ ہوسکے۔

انہوں نے لکھا کہ مداح آپ کا نام لیتے رہے اور چیختے رہے۔

View this post on Instagram

A post shared by Georgina Rodríguez (@georginagio)

پرتگالی ٹیم کے منیجر فریننڈو سینٹوز نے رونالڈو کو ڈراپ کرتے ہوئے کہا تھا کہ ہم رونالڈو کے مانچسٹر یونائیٹڈ کلب سے ہونے والی باتوں سے تنگ آچکے ہیں، جس کا منفی اثر ٹیم پر پڑ رہا ہے۔ رونالڈو کو اہم میچ میں بٹھانا مشکل فیصلہ تھا لیکن ٹیم پہلے ہے۔

انہوں نے کہا کہ کوارٹر فائنل میں مراکش کے خلاف “انتہائی مشکل” کھیل کی توقع کی جاسکتی ہے لیکن ٹیم اچھی فارم میں ہے۔

سینڈوز کا مزید کہنا تھا کہ ورلڈ کپ کے آنے والے میچز میں رونالڈو کا کردار کیا ہوگا وہ کھیلیں گے یا نہیں؟ اس کا فیصلہ وہ کریں گے۔

 یہ بھی پڑھیں: رونالڈو 14 سال بعد ڈراپ ہوئے، ورلڈ کپ کے اگلے اہم میچز کھیلیں گے یا نہیں؟

واضح رہے کہ فیفا ورلڈ کپ 2022 کے اہم میچ میں کپتان رونالڈو کے بغیر ہی میدان میں اترنے والی پرتگال کی ٹیم نے سوئٹزرلینڈ کو ایک کے مقابلے میں 6 گول سے عبرتناک شکست دے کر کوارٹر فائنل میں جگہ بنائی ہے۔

فٹبال ورلڈ کپ کے پری کوارٹر فائنل کے اہم میچ میں پرتگال کے کپتان کرسٹیانو رونالڈو نے باہر بیٹھ کر میچ دیکھا جس کی وجہ بھی سامنے آگئی۔

قطر میں جاری فیفا ورلڈ کپ کے ناک آؤٹ پری کوارٹر فائنل مرحلے کا آخری میچ پرتگال اور سوئٹزر لینڈ کے خلاف میچ کئی حوالوں سے یادگار رہا۔ اس میں سے ایک اہم حوالہ پرتگالی کپتان اور عالمی شہرت یافتہ فٹبالر کرسٹیانو رونالڈو کا ٹیم سے ڈراپ ہونا اور باہر بیٹھ کر میچ دیکھنا تھا۔ یہ 14 سال میں پہلی بار ہوا ہے کہ رونالڈو کو ٹیم سے ڈراپ کیا گیا جس کے بعد فٹبال شائقین میں چہ مہ گوئیاں ہونے لگی ہیں۔

کیا اسٹار فٹبالر کرسٹیانو رونالڈو کا سورج ڈوب گیا؟ سوئٹزر لینڈ کیخلاف پری کوارٹر فائنل میں کپتان کے ڈراپ ہونے کے بعد پرتگالی کوچ اور رونالڈو میں اختلافات اور ورلڈ کپ کے اگلے اہم میچز کھیلنے سے متعلق بھی سوالات اٹھ گئے۔

رونالڈو جو آخری بار 2008 میں ٹیم سے ڈراپ کیے گئے تھے۔ ان کے فٹبال عالمی کپ کے اس اہم میچ میں یوں ڈراپ ہونے پر غیر ملکی میڈیا نے تبصرہ کرتے ہوئے لکھا کہ رونالڈو کو اب کوئی پسند نہیں کرتا۔

رونالڈو کی جگہ ٹیم میں شامل کیے جانے والے راموس نے میچ میں شاندار ہیٹ ٹرک کرکے نہ صرف اپنے شاندار مستقبل کی نوید سنائی بلکہ دنیائے فٹبال میں یہ بات بھی گردش کرنے لگی کہ کیا راموس کی شکل میں پرتگال کو نیا رونالڈو مل گیا ہے؟

واضح رہے کہ قطر کے لوسیل اسٹیڈیم میں کھیلے گئے میچ میں پرتگال نے کپتان رونالڈو کے بغیر سوئٹزرلینڈ کو یکطرفہ مقابلے کے بعد 1-6 گول سے شکست دی تھی۔

اس اہم میچ میں پرتگال ٹیم کے مینیجر فریننڈو سینٹوز نے کپتان کرسیٹانو رونالڈو کو ڈراپ کردیا تھا۔ انہوں نے جنوبی کوریا کیخلاف اسٹار فٹبالر کے رویے پر تنقید بھی کی تھی۔

سینٹوز نے کہا کہ ہم رونالڈو کے مانچسٹر یونائیٹڈ کلب سے ہونے والی باتوں سے تنگ آچکے ہیں، جس کا منفی اثر ٹیم پر پڑ رہا ہے۔ رونالڈو کو اہم میچ میں بٹھانا مشکل فیصلہ تھا لیکن ٹیم پہلے ہے۔

انہوں نے کہا کہ کوارٹر فائنل میں مراکش کے خلاف “انتہائی مشکل” کھیل کی توقع کی جاسکتی ہے لیکن ٹیم اچھی فارم میں ہے۔

یہ بھی پڑھیں: کپتان رونالڈو کے بغیر بھی پرتگال نے سوئٹزر لینڈ کو با آسانی زیر کرلیا

کوچ کا مزید کہنا تھا کہ ورلڈ کپ کے آنے والے میچز میں رونالڈو کا کردار کیا ہوگا وہ کھیلیں گے یا نہیں؟ اس کا فیصلہ وہ کریں گے۔

قطر میں جاری فیفا ورلڈ کپ کے پری کوارٹر فائنل میچ میں مراکش نے اسپین کو سنسنی خیز مقابلے کے بعد شکست دی تو دنیا حیران رہ گئی۔

منگل کی رات قطر کے ایجوکیشن اسٹی سٹیڈیم میں میچ کے 90 منٹ فیصلہ کن ثابت نہ ہوئے تو دونوں ٹیموں کو 30 منٹ کا اضافی وقت دیا گیا۔

اضافی وقت میں بھی کوئی ٹیم گول نہ کر سکی تو فیصلہ پینلٹی شوٹ آؤٹ پر ہوا جہاں مراکش کی ٹیم نے چار پینلٹی ککس میں سے تین پر گول کئے جبکہ ہسپانوی ٹیم پہلی تینوں پینلٹی ککس ضائع کرگئی۔تاریخی فتح کے بعد مراکش کے اسٹار کھلاڑی اشرف حکیمی اپنی ٹیم کی ناقابل یقین جیت اسٹیڈیم میں بیٹھی اپنی والدہ کے ساتھ مناتے ہوئے نظر آئے اور سوشل میڈیا پر یہ مناظر سینکڑوں ٹائم لائنز کی زینت بنی۔

یہ بھی پڑھیں: بلاول بھٹو فیفا ورلڈ کپ دیکھنے قطر پہنچ گئے

اس سے قبل جب ورلڈ کپ میں مراکش نے بیلجیئم کو شکست دی تھی اس کے بعد بھی اشرف حکیمی اپنی والدہ سے محبت کا اظہار کرتے ہوئے نظر آئے۔

گذشتہ رات سپین کے خلاف فتح کے بعد بھی مراکشی کھلاڑی رقص کرتے ہوئے مجمع میں بیٹھی اپنی والدہ کے پاس پہنچے اور انہیں سینے سے لگا کر ان کے ماتھے پر بوسہ دیا۔اشرف حکیمی کی پیدائش سپین کے شہر میڈرڈ میں ہوئی تھی لیکن انہوں نے فٹ بال کھیلنے کے لیے اپنے والدین کے آبائی ملک مراکش کا انتخاب کیا تھا۔

مراکشی کھلاڑی اپنی والدہ سے محبت کی وجہ ماضی میں بھی کئی بار بتا چکے، اشرف حکیمی کی والدہ سعیدہ مو مراکش میں اپنے بیٹے کو کامیاب بنانے والی ماں کی حیثیت سے جانی جاتی ہیں۔

اشرف حکیمی نے اپنے ایک انٹرویو میں بتایا تھا کہ ہمارا تعلق ایک غریب مگر سفید پوش گھرانے سے ہے جنہیں اپنے کمانے اور کھانے کے لیے جدوجہد کرنا پڑتی تھی۔مراکش فٹ بال ٹیم کے کھلاڑی نے انکشاف کیا تھا کہ ’میری والدہ لوگوں کے گھروں کی صفائی کیا کرتی تھیں اور میرے والد سڑکوں پر مختلف اشیاء فروخت کیا کرتے تھے۔‘

اشرف حکیمی اپنے فٹ بال کیریئر کو بھی اپنے والدین کی دین سمجھتے ہیں اور ان کا کہنا ہے کہ آج میں ہر روز ان کے لیے کھیلتا ہوں کیونکہ انہوں نے میرے لیے قربانیاں دیں اور انہوں نے میرے بھائیوں کو بہت سی چیزوں سے محروم اس لیے رکھا تاکہ میں کامیاب ہو سکوں۔

#Morocco deserves all the love and that includes mama #WorldCup #AshrafHakimi pic.twitter.com/hSa2sMACQa

— Pepe (@vpepecoin) December 7, 2022

اشرف حکیمی اس وقت فرانسیسی فٹ بال کلب پیرس سینٹ جرمن (پی ایس جی) کے مستقل کھلاڑیوں میں سے ایک ہیں۔ وہ اس سے قبل مشہور کلب ریال میڈرڈ اور اطالوی کلب انٹر میلان کی طرف سے بھی فٹ بال کھیلتے رہے ہیں۔

فیفا ورلڈ کپ 2022 کا پری کوارٹر فائنل مرحلہ ختم اور کوارٹر فائنل کی لائن اپ مکمل ہوگئی یہ مقابلے 9 اور 10 دسمبر کو ہوں گے۔

قطر میں جاری دنیا کے سب سے مقبول کھیل فٹبال ورلڈ کپ کے مقابلوں میں مزید سنسنی آنے والی ہے اور پری کوارٹر فائنل کا مرحلہ ختم ہونے کے ساتھ ہی کوارٹر فائنل کی لائن اپ مکمل ہوگئی۔ اس مرحلے میں 8 ٹیمیں چار میچز میں ایک دوسرے کے مدقابل ہوں گی۔ یہ میچز 9 اور 10 دسمبر کو کھیلے جائیں گے۔

فیفا ورلڈ کپ کے اگلے مرحلے کے لیے دفاعی چیمپئن فرانس، سابق عالمی چمیپئن پرتگال، برازیل، ارجنٹینا کے علاوہ کروشیا، نیدر لینڈ، انگلینڈ اور مراکش نے کوالیفائی کیا ہے۔ ان میں مراکش واحد ٹیم ہے جو پہلی بار کوارٹر فائنل میں پہنچی ہے۔

کوارٹر فائنل مرحلے کا پہلا میچ برازیل اور کروشیا کے مابین 9 دسمبر کو کھیلا جائے گا۔ اسی روز ارجنٹینا اور نیدر لینڈ ایک دوسرے کے مدمقابل ہوں گی۔ فاتح ٹیمیں سیمی فائنل اور ناکام گھروں کو واپس جائیں گی۔

دوسرے روز فٹبال کی بادشاہت کا تاج سجانے کی جنگ میں پرتگال پہلی بار کوارٹر فائنل کھیلنے والی مراکش کا سامنا کرے گی جب کہ دوسرے میچ میں دفاعی چیمپئن اپنے اعزاز کے دفاع کیلیے سیمی فائنل کے لیے کوالیفائی کرنے کے عزم کے ساتھ انگلینڈ کے خلاف میدان میں اترے گا۔

یہ بھی پڑھیں: کپتان رونالڈو کے بغیر بھی پرتگال نے سوئٹزر لینڈ کو با آسانی زیر کرلیا

میگا ایونٹ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔

قطر میں کھیلے جا رہے فیفا ورلڈ کپ کے پری کوارٹر فائنل مرحلے کے آخری میچ میں سابق عالمی چیمپئن پرتگال سے سوئٹزر لینڈ کو با آسانی زیر کرلیا۔

اے آر وائی نیوز کے مطابق قطر میں جاری دنیا کے مقبول ترین کھیل فٹبال ورلڈ کپ کے پری کوارٹر فائنل مرحلہ اختتام پذیر ہوگیا۔ اس ناک آؤٹ مرحلے کے آخری میچ میں سابق عالمی چمپئن پرتگال نے سوئٹرز لینڈ کو با آسانی ایک کے مقابلے میں 6 گولوں سے شکست دے کر ٹورنامنٹ سے باہر کردیا اور اپنی پیش قدمی جاری رکھی۔

کپتان رونالڈو کے بغیر ہی میدان میں اترنے والی پرتگال کی ٹیم نے اپنے حریف کی ایک بھی نہ چلنے دی اور پرتگالی فٹبالرز نے پورے میچ میں سوئٹزرلینڈ پر دباؤ برقرار رکھا۔

میچ کی خاص بات گونکالو راموس کی ہیٹ ٹرک رہی جو نہ صرف رواں ورلڈ کپ کی پہلی ہیٹ رک ہے بلکہ پرتگال کی آسان فتح میں بھی اہم کردار ادا کیا۔

گونکالو راموس نے میچ کے پہلے ہاف کے 17 ویں منٹ میں پرتگال کی جانب سے پہلا گول کرکے حریف سوئٹزر لینڈ کو دباؤ میں ڈالا اس کے بعد میچ کے 51 ویں اور 67 ویں منٹ میں مزید دو گول کرکے دباؤ کو مزید بڑھایا۔

پرتگال کے پیپے، رافیل گوریرو اور رافیل لیو نے ایک ایک گول کرکے اپنی ٹیم کی برتری کو ناقابل شکست میں تبدیل کردیا۔

میچ میں سوئس ٹیم پرتگال کے سامنے مکمل بے بس نظر آئی اور بمشکل ایک گول ہی کر پائی۔ اس فتح کے ساتھ پرتگال کوارٹر فائنل میں پہنچ گیا اور سوئس ٹیم کو خالی ہاتھ گھر واپس بھیج دیا۔

اس سے قبل پری کوارٹر فائنل میں بڑا اپ سیٹ ہوا اور مراکش نے سنسنی خیز مقابلے کے سابق عالمی چیمپئن اسپین کو پنالٹی شوٹ پر شکست دے کر ٹورنامنٹ سے باہر کردیا اور پہلی بار کوارٹر فائنل مرحلے میں جگہ بنائی۔

یہ بھی پڑھیں: اسپین کی چھٹی، مراکش نے پہلی بار کوارٹر فائنل میں جگہ بنالی

میگا ایونٹ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔

دوحا: مراکش نے دو ہزار دس کی عالمی چیمپئن اسپین کو سنسنی خیز مقابلے کے بعد شکست دے دی، میچ کا فیصلہ پیلنٹی شوٹ پر ہوا۔

تفصیلات کے مطابق دوحا کے ایجوکیشن سٹی اسٹیڈیم میں کھیلے گئے پری کوارٹرفائنل میں مراکش اوراسپین مدمقابل آئیں، دونوں ٹیمیں مقررہ اوراضافی وقت میں کوئی گول نہ کرسکیں۔

میچ کا فیصلہ پنالٹی شوٹ آؤٹ پرہوا، جہاں مراکش کے گول کیپر نے یکے بعد دیگرے اسپین کے تین گول روک کر اپنی ٹیم کو فیفا ورلڈکپ کی تاریخ میں پہلی بار کوارٹر فائنل میں جگہ دلائی۔

یہ بھی پڑھیں: برازیل نے جنوبی کوریا کو چاروں شانے چت کردیا

مراکش کی تاریخی کامیابی پر پورے اسٹیڈیم میں جشن کا سماں رہا، مراکشی کھلاڑیوں نے سپورٹ کرنے پر شائقین فٹ بال کا شکریہ ادا کیا، بعد ازاں کھلاڑی نے سجدہ شکر بھی ادا کیا۔اس سے قبل برازیل، کروشیا، دفاعی چیمپئن فرانس، انگلینڈ، ارجنٹینا، نیدر لینڈ کی ٹیمیں کوارٹر فائنل مرحلے میں پہنچ چکی ہیں۔

میگا ایونٹ کے تمام میچ اے اسپورٹس اور اے آر وائی زیپ پر براہ راست دکھائے جا رہے ہیں۔