Tag: FIFA

محمد بن سلمان کی ولادی میر پیوٹن سے ملاقات، باہمی تعاون برقرار رکھنے کا عزم

ماسکو: سعودی شہزادہ اور ولی عہد محمد بن سلمان نے روسی صدر ولادی میر پیوٹن سے ملاقات کی اس دوران دونوں رہنماؤں نے باہمی تعاون برقرار رکھنے کے عزم کا اظہار کیا۔

تفصیلات کے مطابق سعودی شہزادہ محمد بن سلمان نے روس کے دار الحکومت ماسکو میں روسی صدر سے ملاقات کی، قبل ازیں دونوں رہنماؤں نے فیفا ورلڈ کپ کے افتتاحی تقریب میں بھی شرکت کی۔

غیر ملکی خبر رساں ادارے کا کہنا ہے کہ سعودی ولی عہد محمد بن سلمان نے روسی صدر ولادی میر پیوٹن کے ساتھ ملاقات میں کہا ہے کہ سعودی عرب تیل کی عالمی منڈی میں روس کے ساتھ تعاون جاری رکھنا چاہتا ہے۔

فیفا ورلڈ کپ 2018: عالمی میلے کا رنگا رنگ آغاز، روس کے ہاتھوں سعودی عرب کو شکست

ان کا مزید کہنا تھا کہ روس کے ساتھ مل کر کام جاری رکھنا چاہتے ہیں، ماضی میں بھی دنوں ملکوں کے تعاون سے بہتر نتائج نکلے، سعودی عرب اور روس کے تعاون برقرار رکھنے سے پوری دنیا کو فائدہ ہوگا۔

ملاقات میں روسی صدر ولادی میر پیوٹن کا کہنا تھا کہ سعودی عرب کی تجارتی معاملات میں گراں قدر خدمات ہیں جنہیں فراموش نہیں کیا جاسکتا۔

سعودی ولی عہد اور فرانسیسی صدر میں رابطہ، خطے کی صورت حال پر تبادلہ خیال

روسی صدر نے سعودی عرب کے ولی عہد کو بتایا کہ فٹبال ورلڈ کپ کی افتتاحی تقریب میں ان کی شرکت پر انہیں خوشی ہوئی ہے۔

خیال رہے کہ فیفا ورلڈ کپ کی افتتاحی تقریب کے بعد باقاعدہ کھیل کا آغاز ہوچکا ہے، محمد بن سلمان روسی صدر کی افتتاحی تقریب میں شرکت کی دعوت پر ماسکو پہنچے تھے، جبکہ پہلا میچ روس اور سعودی عرب کے درمیان کھیلا گیا اور روس کی ٹیم فاتح قرار پائی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

جون 15, 2018
فیفا نے پاکستان فٹبال فیڈریشن پر عائد پابندی ختم کردی

اسلام آباد: فٹبال کی عالمی تنظیم فیفا نے پاکستان فٹبال فیڈریشن (پی ایف ایف) پر سیاسی مداخلت کے باعث لگائی گئی پابندی اٹھاتے ہوئے پی ایف ایف کی رکنیت بحال کرنے کا اعلان کردیا۔

تفصیلات کے مطابق فٹبال کی عالمی تنظیم فیفا نے پاکستان فٹبال فیڈریشن کی رکنیت بحال کر دی ہے۔ عدالت کی جانب سے فیصل صالح حیات گروپ کو پی ایف ایف کا چارج سنبھالنے کے حکم پر فیفا نے معطلی ختم کی، اب قومی ٹیم فٹبال کے انٹرنیشنل ٹورنامنٹ کھیل سکے گی۔

عدالت کا فیصل صالح حیات گروپ کوپاکستان فٹبال فیڈریشن کا چارج سنبھالنےکا حکم

پاکستان فٹبال فیڈریشن کئی برسوں سے فیصل صالح اور ظاہر شاہ گروپ میں تقسیم تھی۔فیڈریشن کے باہمی اختلافات کی وجہ سے قومی ٹیم 3 سال سے کوئی انٹرنیشنل میچ نہیں کھیل سکی جبکہ فیفا نے پاکستان کی رکنیت سیاسی مداخلت کے پیش نظر معطل کی تھی۔

فیفا کی جانب سے جاری کردہ بیان میں کہا گیا ہے کہ پاکستان فٹبال فیڈریشن کی رکنیت فوری طور پر بحالی کی جاتی ہے اور فیفا قوانین کے مطابق ان کی رکنیت کے تمام تر حقوق بھی فوری طور پر بحال کیے جاتے ہیں جبکہ فیفا کے نمائندے اور کلب ٹیمیں عالمی مقابلوں میں دوبارہ حصہ لے سکتی ہیں۔

فیفا نے پاکستان فٹبال فیڈریشن کی رکنیت معطل کردی

فیفا کا مزید کہنا تھا کہ پاکستان فٹبال فیڈریشن کے اراکین اور آفیشلز اب فیفا اور ایشین فٹبال کنفیڈریشن کے ترقیاتی پروگراموں، کورسز اور ٹریننگ سے بھی مستفید ہو سکیں گے۔

یاد رہے کہ پی ایف ایف میں مسلسل سیاسی مداخلت اور کئی برسوں سے جاری فٹ بال کے بحران کے باعث فٹبال کی عالمی تنظیم نے سال 2017 میں پاکستان کی رکنیت معطل کر دی تھی۔

علاوہ ازیں گذشتہ دنوں لاہور ہائی کورٹ کے دو رکنی بینچ نے فٹبال فیڈریشن کے لیے فیصل صالح حیات کا الیکشن درست قرار دیتے ہوئے فیصل صالح حیات گروپ کو پاکستان فٹبال فیڈریشن کا چارج سنبھالنےکا حکم دیا تھا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مارچ 14, 2018
فیفا ورلڈ کپ 2018 کی ٹرافی پاکستان پہنچ گئی

لاہور: فٹبال کے سب سے بڑی عالمی مقابلے فیفا ورلڈ کپ 2018 کی سنہری ٹرافی پاکستان پہنچ گئی، جس کا مقصد ملک میں فٹبال کھیل کو فروغ دینا ہے۔

تفصیلات کے مطابق فیفا ورلڈ کپ ٹرافی خصوصی طیارے میں تھائی لینڈ سے لاہور لائی گئی، سابق فرانسیسی ورلڈ کپ فٹبالر کرسٹیان بھی ٹرافی کے ہمراہ پاکستان پہنچے ہیں جبکہ پاکستانی وفد میں سابق کپتان یونس خان اور دیگر شامل ہیں۔

فیفا ٹرافی کی لاہور آمد پر 2 تقاریب کا انعقاد کیا جا رہا ہے جس میں ٹرافی کی نمائش ہوگی، اس کے دوران ملک کی مختلف نامور شخصیات سمیت دیگر افراد شرکت کریں گے۔

ورلڈ کپ ٹرافی پاکستان کے دورے کے بعد 4 فروری کو قازقستان روانہ کی جائے گی۔

فیفا ٹرافی کے سفر کا آغاز گذشتہ سال ستمبر 2017 میں ہوا تھا، اس دوران ٹرافی 51 ممالک کے 91 شہروں کا سفر کرے گی جو 30 اپریل کو جاپان میں اختتام پذیر ہوگا، جہاں سے اسے روس پہنچایا جائے گا۔

فیفا ورلڈ کپ 2018 کی پاکستان آمد

فیفا ورلڈ کپ رواں برس 14 جون سے 15 جولائی تک روس میں کھیلا جائے گا جبکہ ٹرافی کو 50 ملکوں کا دورہ کرانے کے بعد مئی میں واپس روس لائی جائے گی۔

یاد رہے ٹرافی پہلی مرتبہ 1974 میں متعارف کرائی گئی تھی، جس کی تیاری میں 18 کیرٹ سونے کا استعمال کیا گیا ہے، جبکہ اس کی لمبائی 36.8 سینٹی میٹر، جبکہ وزن 6.1 کلو گرام ہے۔

فیفا ورلڈ کپ 2018: سنہری ٹرافی کا سفر کولمبو سے شروع ہوگا

خیال رہے پاکستان فٹ بال فیڈریشن پرپابندی اورپاکستان کے 2018 کے فٹبال ورلڈ کپ میں کوالیفائی نہ کرنے کے باوجود ورلڈ کپ ٹرافی پاکستان لائی گئی ہے۔

واضح رہے عالمی فٹبال ٹرافی کو پاکستان لانے میں پاکستان فٹبال فیڈریشن کا کوئی کردار نہیں بلکہ یہ ٹرافی فیفا اور اسپانسرز کے تعاون سے پاکستان لائی جارہی ہے جس کا مقصد خطے میں فٹبال جیسے عالمی کھیل کی پذیرائی کرنا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

فروری 3, 2018
فیفا ورلڈ کپ 2018: سنہری ٹرافی کا سفر کولمبو سے شروع ہوگا

ماسکو: فٹ بال کے سب سے بڑی عالمی مقابلے فیفا ورلڈ کپ کی سنہری ٹرافی کے رنگا رنگ سفر کا آغاز سری لنکا کے دارالحکومت کولمبو سے کیا جائے گا۔

تفصیلات کے مطابق 2018 فیفا ورلڈ کپ کی ٹرافی رواں ماہ 24 تاریخ کو سری لنکا کے دار الحکومت کولمبو لائی جائے گی، جہاں فٹ بال مداحوں کے لیے اس کی رونمائی کی جائے گی۔

فیفا کی جانب سے تقریبا 54 ممالک کی فہرست جاری کی گئی ہے، جن میں ورلڈ کپ ٹرافی سفر کرے گی، سب سے پہلے ٹرافی سری لنکا لائی جائے گی۔

فیفا ورلڈ کپ ٹرافی 18 کیرٹ سونے سے تیار کی گئی ہے، جس کی لمبائی 36.8 سینٹی میٹر، جب کہ وزن 6.1 کلو گرام ہے۔ فٹبال فیڈریشن آف سری لنکا کے صدر انورا دی سلوا کا کہنا ہے کہ ہمیں بہت خوشی ہے کہ سری لنکن تاریخ میں پہلی بار فیفا ورلڈ کپ ٹرافی ہمارے ملک میں لائی جارہی ہے، جس کے لیے کولمبو میں تقریب کا اہتمام کیا جائے گا۔

ان کا مزید کہنا تھا کہ ہم ویژن 2030 کے تحت سری لنکا میں فٹ بال کو فروغ دینا چاہتے ہیں، جس کے لیے میں فٹ بال کمیونٹیز کے تعاون اور کاوشوں کو سراہتا ہوں۔

برازیل کے معروف فٹ بالر رونالڈینو پاکستان کا دورہ کریں گے

یاد رہے کہ چند روز قبل فیفا ورلڈ کپ 2018 کے آغاز اور ٹرافی کے دنیا بھر میں سفر کے حوالے سے ماسکو میں ایک تقریب کا اہتمام کیا گیا تھا، جس کے مہمان خصوصی روسی صدر ولادی میر پیوٹن اور سربراہ نفنٹینو تھے۔

خیال رہے کہ فیفا ٹرافی ورلڈ کے آغاز سے قبل روس کے 24 شہروں اور دنیا کے 50 ممالک کا سفر کرتے ہوئے واپس روس پہنچے گی۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

جنوری 22, 2018
فیفا رینکنگ میں فلسطینی ٹیم نے اسرائیل کو پیچھے چھوڑ دیا

زیورخ: فیفا کی ورلڈ رینکنگ میں فلسطین کی فٹبال ٹیم نے نئی تاریخ رقم کرتے ہوئے پہلی بار عالمی درجہ بندی میں اسرائیل کو پیچھے چھوڑ دیا۔

تفصیلات کے مطابق فلسطین کی فٹبال ٹیم فیفا عالمی رینکنگ میں 84 ویں سے 82 ویں پوزیشن پر آگئی ہے جبکہ اسرائیل کی ٹیم 16 درجے تنزلی کے بعد 82 ویں پوزیشن سے 98 ویں پوزیشن پر پہنچ گئی ہے۔

فلسطینی فٹبال ایسوی ایشن کے سربراہ جبرائیل رجب نے ٹیم کی 82 ویں نمبر تک ترقی کو ایک تاریخی سنگ میل قرار دیا ہے۔

خیال رہے کہ گزشتہ روز فیفا کی جانب سے جاری کی جانے والی عالمی رینکنگ کے تحت ابتدائی پانچ پوزیشنز میں کوئی تبدیلی نہیں ہوئی جہاں جرمنی پہلے، برازیل دوسرے، پرتگال تیسرے، ارجنٹائن چوتھے اور بیلجیئم پانچویں نمبر پر برقرار ہیں۔

فیفا رینکنگ میں اسپین کی ٹیم چھٹے نمبر پر آگئی اور پولینڈ کی ٹیم تنزلی کے بعد ساتویں نمبر پر چلے گئی تاہم سوئٹزرلینڈ نے 3 درجے ترقی کے ساتھ آٹھویں پوزیشن سنبھالی لی۔

فرانس کی ٹیم رینکنگ میں تنزلی کے بعد نویں نمبر پر جبکہ چلی کی ٹیم دسویں نمبر پرچلے گئی ہے۔

دوسری جانب اسرائیلی فٹبال ایسوی ایشن کے ترجمان کا کہنا ہے کہ ہم فلسیطینی فٹبال ٹیم کو مبارکباد دیتے ہیں، ہم ان کے ساتھ کسی بھی وقت دوستانہ میچ کھیلنے کے لیے تیار ہیں۔

یاد رہے کہ فیفا کی جانب سے فلسطینی فٹبال ٹیم کو 1998 میں تسلیم کیا گیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔

نومبر 24, 2017
فیفا کی پاکستان پر پابندی خوش آئند ہے، کپتان قومی فٹبال ٹیم

لاہور: قومی فٹبال ٹیم کے کپتان کلیم اللہ نے کہا ہے کہ فیفا کی جانب سے پاکستان فٹبال فیڈریشن پر عائد کی جانے والی پابندی خوش آئند ہے کیونکہ اس سے بورڈ میں بہتری آسکے گی۔

تفصیلات کے مطابق فٹبال کی عالمی تنظیم فیفا کی جانب سے اعلامیہ سامنے آیا جس میں انتظامیہ نے فٹبال میں حکومتی مداخلت کو دیکھتے ہوئے پاکستان فٹبال فیڈریشن پر دو سال کی پابندی عائد کی۔

اعلامیے میں کہا گیا ہے کہ پاکستان میں فٹبال کا کنٹرول تسلیم شدہ باڈی کے پاس نہیں ہے اور جب تک فٹبال کے تمام معاملات متعلقہ ادارے کو نہیں دیے جائیں گے تب تک فٹبال فیڈریشن کی رکنیت بحال نہیں کی جائے گی۔

قومی فٹبال ٹیم کے کپتان کلیم اللہ جو اس وقت لندن میں مقیم ہیں انہوں نے اے آر وائی کو ایک ویڈیو پیغام ارسال کیا جس میں انہوں نے فیفا کی پابندی کے اقدام کو سراہا اور حکومتی پالیسی پر تنقید کی۔

پڑھیں: فیفا نے پاکستان فٹبال فیڈریشن کی رکنیت معطل کردی

کلیم اللہ نے کہا کہ گزشتہ دو سال سے مین اور ویمن فٹبال ٹیمز نے عالمی سطح پر کوئی میچ نہیں کھیلا، فیفا کی پابندی کے بعد پاکستان فٹبال فیڈریشن کی دوبارہ تشکیل ہوگی جس سے نیا ٹیلنٹ سامنے آئے گا۔

صدر پاکستان فٹبال فیڈریشن

فیفا کی جانب سے پابندی کا اعلان سامنے آنے کے بعد صدر پاکستان فٹبال فیڈریشن نے فٹبال کے کھیل کی بربادی کا ذمہ دار حکومت کو قرار دیتے ہوئے کہا کہ رکنیت معطل ہونے پر دکھ ہوا۔

فٹبال کی بربادی میں مریم نواز اور کیپٹن صفدر کا ہاتھ ہے، فیصل صالح حیات

علاوہ ازیں پیپلزپارٹی کے رہنماء فیصل صالح حیات نے پاکستانی فیڈریشن کی معطلی پر ردعمل دیتے ہوئے کہا کہ فٹبال کی بربادی پر مریم نواز اور کپیٹن صفدر کو مبارک باد دیتا ہوں کیونکہ ان دونوں شخصیات کی ایما پر فیڈریشن کے دفتر پر قبضہ کیا گیا۔

انہوں نے کہا کہ شہباز شریف اور حمزہ شہباز بھی فٹبال کی بربادی کے ذمہ دار ہیں، حکومت پاکستان فٹبال فیڈریشن کی معطلی کے بعد اپنے مشن میں کامیاب ہوگئی۔ فیصل صالح حیات نے طنزیہ انداز میں مشورہ دیتے ہوئے کہا کہ اگر کیپٹن صفدر کو پی ایف ایف سی کا صدر بنا دیا جائے تو معاملات بہتر ہوجائیں گے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

اکتوبر 11, 2017
فیفا نے پاکستان فٹبال فیڈریشن کی رکنیت معطل کردی

لاہور: مسلسل سیاسی مداخلت کے باعث فٹبال کی عالمی تنظیم فیفا نے پاکستان فٹبال فیڈریشن کی رکنیت معطل کردی۔

پاکستان میں گزشتہ 2 سال سے زائد عرصے سے جاری فٹ بال کا بحران شدت اختیار کر گیا۔ حکومت اور فیڈریشن میں رسہ کشی نے فٹبال کی عالمی تنظیم کو پاکستان کی رکنیت معطل کرنے پر مجبور کردیا۔

فیفا کا کہنا ہے کہ فیڈریشن میں حکومتی مداخلت برداشت نہیں کی جائے گی۔ پاکستان میں فٹبال کا کنٹرول تسلیم شدہ باڈی کی حوالگی تک پاکستان کی رکنیت معطل رہے گی۔

فیفاکے مطابق جب تک پاکستان فٹبال فیڈریشن میں سیاسی مداخلت بند نہیں ہوتی اس کی فیفا میں رکنیت بحال نہیں کی جائے گی۔

معطلی کے بعد پاکستانی کھلاڑی، کوچز اور دیگر اسٹاف کسی بھی عالمی سطح کی سرگرمی میں حصہ لینے کے اہل نہیں رہے۔ قومی فٹبال ٹیم فیڈریشن اورحکومتی جھگڑے کے سبب پہلے ہی 2 سال سے کوئی انٹرنیشنل میچ نہیں کھیل سکی ہے۔

اس سے قبل فٹبال ورلڈ 2018 کا ٹرافی ٹور بھی پاکستان کو مل گیا تھا۔ ورلڈ کپ کی ٹرافی 3 فروری کو پاکستان آئے گی تاہم اگر تب تک فیفا کی پابندی ختم نہ ہوئی تو ٹرافی ٹور بھی منسوخ کردیا جائے گا۔

دوسری جانب فٹبال فیڈریشن نے مطالبہ کیا ہے کہ پاکستان جنوبی ایشیا میں ٹرافی حاصل کرنے والا واحد ملک ہے لہٰذا حکومت فٹبال کے مفاد میں اپنی مداخلت ختم کرے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

اکتوبر 11, 2017
پنجاب اسپورٹس بورڈ کا قیام متنازعہ، معاملہ عدالت پہنچ گیا

لاہور: ہائیکورٹ نے پنجاب اسپورٹس بورڈ کو فٹ بال فیڈریشن کے معاملات میں مداخلت سے روک دیا۔

لاہورہائیکورٹ نے پنجاب اسپورٹس بورڈ کو فٹبال فیڈریشن کےمعاملات میں مداخلت سے روک دیا۔

درخواست کی سماعت کےدوران عدالت عالیہ نے کہا کہ پنجاب اسپورٹس بورڈ فٹبال فیڈریشن کے معاملات میں مداخلت سےگریزکرے۔

عدالت کا اپنے ریمارکس میں کہناتھاکہ گورنرپنجاب نےنوٹیفکییشن کےذریعے پنجاب اسپورٹس بورڈتشکیل دیا۔

عدالت نے استسفارکیا کہ گورنرتو وفاق کے نمائندے ہیں تو وہ پنجاب کے معاملات میں کیسے مداخلت کرسکتےہیں۔

درخواست گزار نے اپنی درخواست میں کہا کہ وہ فیفا کے انتخابات میں حصلہ لینا چاہتا ہے مگراسپورٹس بورڈ نے ایسا کرنےسے روک رکھا ہے۔

درخواست گزار نےعدالت سےاستدعاکی کہ اسےفیفاکے انتخابات میں حصہ لینے کی اجازت دی جائے۔

عدالت نے اپنےریمارکس میں کہا کہ دیکھنا یہ ہے کہ کیا گورنر کو اختیار حاصل ہے کہ وہ اسپورٹس بورڈ تشکیل دے سکتے ہیں۔

جون 18, 2015
فیفا کے مستعفی صدر سیپ بلاٹر کے جانشین کا انتخاب 16 دسمبر کو ہونے کا امکان

زیورخ : فٹبال کی عالمی تنظیم فیفا کے مستعفی صدر سیپ بلاٹر کے جانشین کا انتخاب سولہ دسمبر کو ہونے کا امکان ہے۔

کرپشن اسکینڈل نے فیفا کی بنیادیں ہلادیں، سیپ بلاٹر کی مین وکٹ گرگئی، بلاٹر کی فیفا میں سترہ سال کی حکمرانی کا سورج غروب ہوا، بلاٹر کا جانشین کون ہوگا، فیصلہ رواں سال کے آخر میں ہوگا۔

نئے صدر کے انتخاب کیلئے دو سو نو ایسوسی ایشن کے ممبران کو دوبارہ ووٹنگ کیلئے سوئٹزرلینڈ بلایا جائے گا۔

غیر ملکی میڈیا کے مطابق فیفا کے نئے صدر کیلئے ووٹنگ سولہ دسمبر کو ہوگی، جس کا حتمی فیصلہ جولائی میں ہوگا، مسلسل پانچویں مرتبہ فیفا کے صدر منتخب ہونے کے چار روز بعد سیپ بلاٹر کرپشن اسکینڈل کے باعث عہدے سے مستعفی ہوگئے تھے۔

کانگریس کے دوبارہ اجلاس تک بلاٹر اپنے عہدے پر فرائض انجام دیتے رہیں گے، سیپ بلاٹر انیس سو اٹھانوے میں پہلی بار فیفا کے صدر منتخب ہوئے تھے۔

فیفا کے دوبارہ صدراتی انتخاب میں اردن کے پرنس علی بن الحسین، مائیکل پلاٹینی، شیخ سلمان بن ابراہیم، لوئس فیگو اور دیگر اہم شخصیات کے حصہ لینے کا امکان ہے۔

جون 11, 2015
کرپشن اسکینڈل، فیفا کے6 آفیشلز کوحراست میں لے لیا گیا

زیورخ: سوئٹزرلینڈ کے شہر زیورخ میں پولیس نے نائب صدر سمیت فیفا کے چھ آفیشلز کو حراست میں لے لیا۔

فٹبال کی عالمی تنظیم فیفا کانیا کرپشن اسکینڈل منظر عام پرآگیا، سوئٹزرلینڈ کے شہرزیورخ کے ہوٹل میں چھاپے میں چھ آفیشلز کو دھر لیے گئے، آفیشلز پر پچیس سال میں کرپشن سے کروڑوں ڈالر کا مال بنانے کا الزام ہے۔

، سوئس پولیس کے مطابق فیفا آفیشلز میڈیا رائٹس، اسپانسر شپ اور ٹورنامنٹ کی نیلامی میں ہیرپھیر کرتے تھے۔ سوئس پولیس کے مطابق فیفا کے ارکان کو رشوت کے طور پر پندرہ کروڑ ڈالر لینے کے جرم میں حراست میں لیا ہے۔

غیر ملکی میڈیا کے مطابق زیر حراست افراد کیخلاف امریکی عدالت میں مقدمہ چلایا جائے گا، پکڑنے جانے والے چھ آفیشلز میں فیفا کے نائب صدر بھی شامل ہے۔

ان سب کے باوجود فیفا کے صدارتی الیکشن اپنے طے شدہ پروگرام کے مطابق جمعے کو ہوں گے۔صدارتی انتخابات میں سیپ بلیٹر کا مقابلہ پرنس علی ابن الحسین سے ہوگا۔

مئی 27, 2015