ساؤتھ ویلز : اے ٹی ایم پر پنشن لینے کیلئے آنے والے بزرگ شہری نے ڈاکو کو دبوچ لیا، بہادر شخص نے اس جوان ڈاکو کو ماہر باکسر کے انداز میں مکے مارے اور بھگا دیا۔
تفصیلات کے مطابق برطانیہ کے شہر ساؤتھ پولیس نے ایک ویڈیو شیئر کی ہے جس میں ایک بزرگ کو ڈاکو کے ساتھ لڑتے ہوئے دیکھا جاسکتا ہے۔
پولیس کے مطابق ، یہ واقعہ 5 فروری کی صبح 6 بجے کے قریب کولچسٹر ایونیو کے ایک اسٹور پر پیش آیا۔ سی سی ٹی فوٹیج میں دکھائی دے رہا ہے کہ ایک 77سالہ ضعیف شخص کارڈف کے ایک اسٹور کے پاس قائم اے ٹی ایم سے رقم لیے نے پہنچا۔
https://www.facebook.com/swpcardiff/videos/590189528496421/
اسی اثناء میں ایک ڈاکو بہانے اس کے قریب آیا اور اس بوڑھے شخص کو قابو کرکے اس کا بٹوہ چھیننے کی کوشش کی، لیکن 77سالہ شخص نے کمال مہارت سے اس ڈاکو کا مقابلہ کیا اور اس سے پہلے ہی ڈاکو پر حاوی ہوگیا۔
ویڈیو میں دیکھا جاسکتا ہے کہ باجود بڑی عمر کے اس شخص نے ڈرنے کے بجائے پوری ہمت کے ساتھ اس ڈاکو کو پیچھے دھکیلا اور کسی ماہر باکسر کی طرح اپنے مکے ہوا میں لہراتے ہوئے اس کے منہ پر جڑ دیئے اور مقابلے کیلئے تیار ہوگیا۔
یہ دیکھ کر وہ ڈاکو بھی گھبرا گیا اور بھاگنے میں ہی عافیت جانی، پولیس نے عوام الناس کی آگاہی کیلئے ویڈیو جاری کرتے ہوئے
اپیل کی ہے کہ ملزم کی گرفتاری کیلئے پولیس سے تعاون کیا جائے ۔
