سوشل میڈیا پر لوگ یوں تو کئی گھریلو مسائل پر گفتگو کرتے ہیں، جن پر صارفین اپنی اپنی رائے میں ان مسائل کا حل پیش کرنے کی کوشش کرتے ہیں۔
لیکن بھارت میں سماجی رابطے کی ویب سائٹ ٹوئٹر پر کی جانے والی ایک دلچسپ پوسٹ پر صارفین اپنے مختلف انداز میں خیالات کا اظہار کررہے ہیں۔
یہ پوسٹ ٹوئٹر پر ایک بیٹے نے کی ہے جس میں دیکھا جاسکتا ہے کہ بحث مباحثے کے بعد باپ نے مشہور بھارتی فلم "باغبان” کا واٹس ایپ اسٹیٹس میم کے طور پر لگا دیا۔
اُجاول اتھراو نامی صارف نے بتایا کہ میرے والد نے مجھ سے بحث و مباحثہ کرنے کے بعد یہ اسٹیٹس لگایا، اپنی پوسٹ میں اجاول نے اپنے والد کے دلچسپ واٹس ایپ اسٹیٹس کا اسکرین شاٹ شیئر کیا۔
Had a small argument with dad last night, dad’s WhatsApp story in morning pic.twitter.com/3J6tDTaRau
— Ujjawal Athrav (@Ujjawal_athrav) March 24, 2023
جس کے کیپشن میں اجاول اتھراؤ نے لکھا کہ کل والد صاحب کے ساتھ ہلکی سی بحث ہوئی تھی، والد صاحب نے صبح واٹس ایپ پر یہ اسٹیٹس لگا دیا ہے۔
اُجاول اتھراو کے والد نے اپنے واٹس ایپ میں لکھا کہ "آہستہ آہستہ سمجھ آرہی ہے کہ فلم باغبان میں امیت جی نے چار بیٹوں کے ہوتے ہوئے ایک بچہ کیوں پالا تھا؟۔
یاد رہے کہ سال 2003 میں ریلیز ہونے والی فلم ’باغبان‘ کی کہانی ایسے والدین کے گرد گھومتی ہے جو اپنے بچوں کے لیے سب کچھ قربان کر دیتے ہیں لیکن اُن کے بچے نافرمانی اور سرکشی اختیار کرلیتے ہیں۔
باغبان کے مرکزی کرداروں میں امیتابھ بچن، ہیما مالینی، سلمان خان، ماہیما چودھری، پاریش راول، امن ورما، رِیمی سین شامل تھے۔
That's my mom when we argue 🤣😭 https://t.co/vuqfAtGfiL
— ♡° (@buutter_chicken) March 25, 2023
یہ فلم بھارت، پاکستان سمیت دنیا بھر میں والدین اور اولاد کے لیے ایک سبق آموز فلم سمجھی جاتی ہے جس کے باعث 20 سال بعد بھی اس فلم کا تذکرہ اکثر کیا جاتا ہے۔
وائرل ہونے والے اس ٹویٹ پر صارفین کے دلچسپ تبصرے بھی دیکھنے میں آرہے ہیں۔ اکنشا چوہان نے مزاحیہ انداز میں لکھا کہ والدین کی جانب سے بچوں کو پیغام دینے کا ایک نیا طریقہ ہے۔ ایک اور صارف کا کہنا تھا کہ میں جب اپنی امی سے بحث کروں تو وہ ایسے ہی کرتی ہیں۔
