ARYNews.tv | Urdu – Har Lamha Bakhabar

Tag: final

  • وزیراعظم کی لاہور قلندرز کو پاکستان سپر لیگ 10 کا فائنل جیتنے پر مبارکباد

    وزیراعظم کی لاہور قلندرز کو پاکستان سپر لیگ 10 کا فائنل جیتنے پر مبارکباد

    اسلام آباد: وزیر اعظم محمد شہباز شریف نے لاہور قلندرز کو پاکستان سپر لیگ 10 کا فائنل جیتنے پر مبارکباد پیش کی ہے۔

    تفصیلات کے مطابق وزیر اعظم نے پی ایس ایل کے 10ویں ایڈیشن کے فائنل میچ میں شاندار کھیل پیش کرنے پر کوئٹہ گلیڈی ایٹرز اور لاہور قلندرز کو سراہا۔

    وزیر اعظم نے کہا کہ لاہور قلندرز نے ایک سنسنی خیز مقابلے کے بعد ہدف کامیابی کے ساتھ حاصل کیا، پی ایس ایل 10 میں شامل تمام ٹیموں نے بہترین کھیل کا مظاہرہ کیا۔

    وزیراعظم نے پاکستان سپر لیگ کے دسویں ایڈیشن کے کامیاب انعقاد پر چیئرمین پی سی بی محسن نقوی اور پی سی بی کی انتظامیہ کو بھی مبارکباد دی۔

    https://urdu.arynews.tv/lahore-qalandars-crowned-psl-10-winners/

    وزیر اعظم نے تمام کھلاڑیوں بالخصوص غیر ملکی کھلاڑیوں کو خراج تحسین پیش کیا جن کی شرکت سے اس کامیاب ایونٹ کا انعقاد ہوا۔

    دوسری جانب گورنر سندھ کامران خان ٹیسوری نے لاہور قلندرز کو پی ایس ایل 10 میں  کامیابی پر مبارکباد دی ہے، انہوں نے کہا کہ لاہور قلندرز نے شیروں کی طرح ہدف کا تعاقب کر کے کمال کر دیا۔

    گورنر سندھ نے کہا کہ کوئٹہ گلیڈی ایٹرز نے بھی عمدہ کھیل پیش کیا، گورنر سندھ نے لاہور قلندرز کے کھلاڑیوں، کوچز اور انتظامیہ کو بھی مبارکباد دی

    واضح رہے کہ پاکستان سپر لیگ (پی ایس ایل) 10 کے فائنل میں لاہور قلندرز نے کوئٹہ گلیڈی ایٹرز کو شکست دے کر تیسری بار ٹائٹل جیت کر کروڑوں روپے کی انعامی رقم حاصل کر لی۔

  • پروٹیز پھر چوکرز ثابت، فائنل میں جیتی بازی ہار دی

    پروٹیز پھر چوکرز ثابت، فائنل میں جیتی بازی ہار دی

    جنوبی افریقہ نے اپنے ورلڈ کپ کھیلنے کی 32 سالہ تاریخ میں پہلی بار فائنل کھیلنے کا اعزاز حاصل کیا لیکن یہاں بھی وہ چوک گئے۔

    برج ٹاؤن میں کھیلے گئے ٹی ٹوئنٹی ورلڈ کپ 2024 کے فائنل میں جنوبی افریقہ کی کشتی فتح کے ساحل کے قریب آکر ڈوب گئی اور انہوں نے خود پر لگا چوکرز کا دھبہ دھونے کا موقع گنوا دیا۔

    بھارت نے ٹاس جیت کر پہلے بیٹنگ کی اور مقررہ 20 اوورز میں ویرات کوہلی کے شاندار 76 اور اکشر پٹیل کے 47 رنز کی بدولت جنوبی افریقہ کو 177 رنز کا ہدف دینے میں کامیاب رہی۔

    بلیو شرٹس نے 14 ویں اوور کے اختتام جنوبی افریقہ کو چار وکٹوں کے نقصان پر 123 رنز پر محدود کیا ہوا تھا۔ کریز پر ہنرک کلاسن اور ڈی کاک موجود تھے کہ پھر کلاسن کا بلا چلا اور پروٹیز جیت کے انتہائی قریب پہنچ گئے۔

    اکشر پٹیل کے اگلے اوور میں کلاسن نے بولر کی خوب درگت بناتے ہوئے دو چھکوں اور دو چوکوں کی مدد سے 24 رنز بٹورے اور اس اوور کے اختتام پر جنوبی افریقہ کو 147 رنز پر پہنچا دیا۔

    ویڈیو: ٹی 20 ورلڈ کپ فائنل میں کلاسن کا لاٹھی چارج، ایک اوور میں 24 رنز بنائے

    جب اکشر کا یہ اوور ختم ہوا تو جنوبی افریقہ کی مشکل آسان ہوگئی تھی اور پانچ اوور میں جیت کے لیے صرف 30 رنز درکار یعنی ایک بال پر ایک رن بنانے کی ضرورت تھی۔

    چوکر کے نام سے مشہور پروٹیز جو سیمی فائنل میں اپنا یہ لیبل اتارنے میں کامیاب رہے تاہم فائنل میں آکر پھر چوکڑی بھول گئے۔ 27 گیندوں پر دھواں دار 52 رنز کی اننگ کھیلنے والے کلاسن کے آؤٹ ہوتے ہی جنوبی افریقہ نے جیتی ہوئی بازی ہار دی اور  اور جیت کے انتہائی قریب آتے ہی آنے والے بلے باز آخری 30 گیندوں پر صرف 23 رنز ہی بنا سکے جب کہ اس دوران بھارتی بولرز نے 4 پروٹیز کھلاڑیوں کی وکٹیں بھی حاصل کیں۔

    اس موقع پر پروٹیز کو 30 گیندوں پر صرف 30 رنز ہی درکار تھے اور میچ میں جنوبی افریقہ کا پلڑا بھاری ہوچکا تھا۔ 17 ویں اوور کے آغاز پر پانڈیا نے کلاسن کو وکٹ کیپر بنتھ کے ہاتھوں کیچ آؤٹ کرا کے بوریا بستر گول کر دیا اور اس کے بعد ڈیوڈ ملر بھی 21 رنز بنا کر چلتے بنے۔ جس کے بعد آنے والے بلے بازوں کے لیے یہ آسان ہدف بھی پہاڑ ثابت ہوا اور مقررہ 20 اوورز میں جنوبی افریقہ کی ٹیم 8 وکٹوں پر صرف 169 رنز تک محدود رہی۔

    واضح رہے کہ فائنل میں بھارت نے ٹاس جیت کر پہلے بیٹنگ کا فیصلہ کیا اور ویرات کوہلی کی شاندار کارکردگی کی بدولت پروٹیز کو جیت کے لیے 177 رنز کا ہدف دیا تھا۔

    https://urdu.arynews.tv/t20-world-cup-final-india-wins/

  • ویڈیو: ٹی 20 ورلڈ کپ فائنل میں کلاسن کا لاٹھی چارج، ایک اوور میں 24 رنز بنائے

    ویڈیو: ٹی 20 ورلڈ کپ فائنل میں کلاسن کا لاٹھی چارج، ایک اوور میں 24 رنز بنائے

    ٹی 20 ورلڈ کپ کے فائنل میں بھارت نے جنوبی افریقہ کو 7 رنز سے شکست دے کر دوسری بار عالمی چیمپئن بن گیا کلاسن کا لاٹھی چارج بھی ٹیم کے کام نہ آیا۔

    گزشتہ روز برج ٹاؤن ویسٹ انڈیز میں بھارت اور جنوبی افریقہ کے مابین آئی سی سی ٹی 20 ورلڈ کپ کا فائنل کھیلا گیا جو بھارت نے سنسنی خیز مقابلے کے بعد 7 رنز سے اپنے نام کر کے 2007 کے اولین ایڈیشن کے بعد دوسری بار عالمی چیمپئن بننے کا اعزاز حاصل کیا۔

    بھارت کی جانب سے دیے گئے 177 رنز کے ہدف کے تعاقب میں جنوبی افریقہ کے مڈل آرڈر بلے باز نے اکشر پٹیل کے ایک اوور میں 24 رنز بنا کر ٹیم کی منزل آسان بنائی لیکن پروٹیز کی کشتی ساحل کے قریب آ کر ڈوب گئی اور ٹیم جیتتے جیتتے میچ ہار گئی۔

    اکشر پٹیل اپنے کوٹے کا آخری جب کہ جنوبی افریقی اننگ کا 15 واں اوور کرا رہے تھے۔ اس موقع پر پروٹیز کو 54 گیندوں پر 36 رنز درکار تھے اور اس کی چھ وکٹیں باقی تھیں۔

    کلاسن نے اکشر کی پہلی بال کا استقبال چوکا لگا کر کیا۔ اس سے اگلی تین گیندوں پر صرف ایک رنز ہی بن سکا تاہم اس دوران دو وائیڈ بال پر جنوبی افریقہ کو دو رنز ضرور ملے۔

    دائیں ہاتھ سے بلے بازی کرنے والے ہنرک کلاس نے اگلی تین گیندوں پر لگاتار دو چھکے اور اس کے بعد چوکا مارا۔

     

  • تمام کھلاڑی فائنل میں اپنا 100 فیصد دیں گے: بابر اعظم

    تمام کھلاڑی فائنل میں اپنا 100 فیصد دیں گے: بابر اعظم

    میلبرن: پاکستان کرکٹ ٹیم کے کپتان بابر اعظم کا کہنا ہے کہ تمام کھلاڑی فائنل میں اپنا 100 فیصد دیں گے، نروس نہیں ہیں، پریشر ہوتا ہے لیکن کوشش کریں گے دباؤ نہ لیں۔

    تفصیلات کے مطابق پاکستان کرکٹ ٹیم کے کپتان بابر اعظم نے پریس کانفرنس کرتے ہوئے کہا کہ اس ورلڈ کپ کو 1992 کے ورلڈ کپ سے مماثلت دی جارہی ہے، نروس نہیں ہیں، پریشر ہوتا ہے لیکن کوشش کریں گے دباؤ نہ لیں۔

    بابر اعظم کا کہنا تھا کہ سارے کھلاڑی پرجوش ہیں، انگلینڈ بہترین ٹیم ہے، ہماری ان سے ہوم سیریز بھی ہوئی، تمام کھلاڑی فائنل میں اپنا 100 فیصد دیں گے۔

    انہوں نے کہا کہ ٹورنامنٹ کا آغاز اچھا نہیں ہوا لیکن پھر اچھا کم بیک کیا، کھلاڑی شیروں کی طرح کھیلے۔

    بابر اعظم کا کہنا تھا کہ ابتدائی 6 اوور بہت اہم ہوں گے، ہمارا کام محنت کرنا ہے نتیجہ اللہ کے ہاتھ میں ہے، رمیز راجا نے بھی یہی کہا کہ کھل کر کھیلیں،اپنی گیم پر قائم رہیں۔

    انہوں نے مزید کہا کہ فائنل میں ٹاس کی اہمیت زیادہ نہیں ہے، دعا ہے کہ میچ مکمل ہو بارش سے متاثر نہ ہو، فائنل کے لیے ہم نے جو پلان بنایا ہے اس پر عمل کریں گے۔

  • انگلینڈ کو شکست، بھارت ورلڈ ٹیسٹ چیمپئن شپ کے فائنل میں

    انگلینڈ کو شکست، بھارت ورلڈ ٹیسٹ چیمپئن شپ کے فائنل میں

    احمد آباد: بھارت چوتھے ٹیسٹ میں مہمان انگلینڈ کو ایک اننگز اور 25 رنز سے شکست دیکر آئی سی سی ٹیسٹ چیمپیئن شپ کے فائنل میں پہنچ گیا ہے۔

    تفصیلات کے مطابق احمدآباد کے مودی اسٹیڈیم میں کھیلے گئے چوتھے ٹیسٹ میچ میں بھارت نے انگلینڈ کو اننگز اور 25 رنز سے شکست دے کر ٹیسٹ سیریز 3-1 سے اپنے نام کرلی اور ساتھ ہی تاریخ رقم کرتے ہوئے آئی سی سی ٹیسٹ چمپئن شپ کے فائنل کے لیے کوالیفائی کرلیا۔

    آئی سی سی ٹیسٹ چمپیئن شپ کے فائنل میں بھارت کا مقابلہ نیوزی لینڈ سے ہوگا دونوں ٹیمیں رواں سال 18 جون کو لارڈز میں آمنے سامنے ہونگی۔

    آج میچ کے چوتھے روز انگلینڈ کی ٹیم دوسری اننگز میں 135 رنز بنا کر آؤٹ ہوئی، بھارت کی جانب سے اشون اور اکشر پٹیل نے 5-5 وکٹیں حاصل کیں، انگلینڈ کی جانب سے لارنس نے سب سے زیادہ 50 رنز بنائے، اس کے علاوہ جو روٹ صرف 30 رنز بنا سکے۔

    اس سے قبل بھارت اپنی پہلی اننگز میں 365 رنز بناکر آؤٹ ہوگئی تھی، بھارت کی جانب سے رشبت پنت نے 101 اور سُندر 96 رنز کی دلکش اننگز کھیلی تھی، بھارت کو انگلینڈ کے خلاف دوسری اننگز میں 160 رنز کی برتری حاصل ہوئی تھی۔

    احمد آباد ٹیسٹ کے آغاز پر انگلینڈ نے ٹاس جیت کر پہلے بیٹنگ کا فیصلہ کیا تھا، مگر ایشون اور ایکشر پٹیل کی اسپن بولنگ کے سامنے انگلش بلے باز 205 رنز پر ڈھیر ہوگئے تھے، دونوں اسپنرز نے پہلی اننگز میں 7 انگلش بلے بازوں کو پویلین کی راہ دکھائی تھی۔

    شاندار سینچری پر مین آف دی میچ کا ایوارڈ رشبھ پنت کو دیا گیا جبکہ مین آف دی سیریز روی چندن ایشون کے نام رہا۔

  • پیرس ٹورنامنٹ: رافیل نڈال دستبردار، جوکووچ کی فائنل تک رسائی

    پیرس ٹورنامنٹ: رافیل نڈال دستبردار، جوکووچ کی فائنل تک رسائی

    پیرس: عالمی نمبر ون ٹینس اسٹار نوویک جوکووچ نے پیرس ماسٹرز اوپن ٹینس ٹورنامنٹ کے فائنل کے لیے کوالیفائی کرلیا۔

    تفصیلات کے مطابق فرانس میں جاری اے ٹی پی مینز سنگلز مقابلوں کے پہلے سیمی فائنل میں عالمی نمبر دو سپین کے رافیل نڈال فٹنس مسائل کی وجہ سے دستبردار ہوگئے۔

    البتہ عالمی نمبر ایک نوویک جووچ نے اپنے حریف سے مقابلہ کیا، اور سخت مقابلے کے بعد ٹورنامنٹ کے فائنل تک رسائی حاصل کرلی۔

    ایونٹ کے دوسرے سیمی فائنل میں عالمی نمبر ایک سربیا کے نویک جوکووچ نے بلغاریہ کے گریگور دیمتروف کو سٹریٹ سیٹس میں شکست دی اور فائنل کے لیے کوالیفائی کیا، ان کی جیت کا اسکور 7-6 اور 6-4 رہا۔

    جبکہ کینیڈا کے ڈینس شاپووالو نے بغیر میچ کھیلے ٹورنامنٹ کے فائنل میں جگہ بنالی۔ ٹینس شاپووالو اور نویک جوکووچ کے درمیان کاٹنے کا مقابلہ متوقع ہے۔

    خیال رہے کہ کوارٹرفائنل میں نڈال نے فرانس کے جوولفریڈ سونگا کو اسٹریٹ سیٹس میں شکست دے کر سیمی فائنل تک رسائی حاصل کی تھی۔

    اسپینش کھلاڑی رافیل نڈال ٹائٹل جیت کرنئے سال کا آغاز عالمی رینکنگ میں پہلی پوزیشن سے کرسکتے ہیں۔

    پیرس ماسٹرزٹینس ٹورنامنٹ: جوکووچ اور رافیل کی سیمی فائنل تک رسائی

    رواں سال ستمبر میں یو ایس اوپن ٹینس میں عالمی نمبر ایک نوواک جوکووچ کندھے کی انجری کے باعث ایونٹ سے باہر ہوگئے تھے، تاہم انہوں نے کم بیک کرتے ہوئے پیرس ماسٹرز ٹینس میں اپنی صلاحتیوں کو ایک بار پھر ثابت کردیا۔

  • فائنل میں عالمی نمبر ایک کھلاڑی کو شرمناک شکست

    فائنل میں عالمی نمبر ایک کھلاڑی کو شرمناک شکست

    ایمسٹرڈیم: خواتین عالمی نمبر ایک آسٹریلین کھلاڑی ایشلے بارٹی کو ٹینس ٹورنامنٹ کے فائنل میں اپ سیٹ شکست کا سامنا کرنا پڑ گیا۔

    تفصیلات کے مطابق ٹینس ٹورنامنٹ ڈبلیو ٹی اے فائنل میں ناؤمی اوساکا کی متبادل کے طور پر شامل ہونے والی ڈچ کھلاڑی کیکی نے ایشلے کو اپ سیٹ شکست دے دی۔

    ٹورنامنٹ کےدوران ناؤمی اوساکا کندھے کی انجری کے باعث ایونٹ سے باہر ہوئیں تو ڈچ کھلاڑی کیکی کو ان کے متبادل کے طور پر شامل کیا گیا جنہوں نے شاندار کھیل کا مظاہرہ کرتے ہوئے ایشلے کو شکست دی۔

    پہلا سیٹ ہارنے کے بعد کیکی نے شاندرا کم بیک کیا اور مسلسل دو سیٹ میں بارٹی کو آؤٹ کلاس کردیا۔

    جبکہ دوسرے میچ میں سوئس کھلاڑی بلینڈا بین چچ نے پیٹرا کویٹوا کو زیر کردیا، بین چچ نے پہلے سیٹ میں برتری حاصل کی تاہم دوسراسیٹ کویٹوا نے جیت لیا۔

    سوئس انڈور ٹینس ٹورنامنٹ، راجر فیڈرر نے 10ویں بار ٹائٹل اپنے نام کرلیا

    تیسرا سیٹ بین چچ نے سخت محنت اور مقابلے کے بعد چھ چار سے جیت کر مقابلہ اپنے نام کرلیا۔

    دوسری جانب گذشتہ دنوں ٹینس اسٹار راجر فیڈرر نے سوئس انڈور ٹینس ٹورنامنٹ کا ٹائٹل دسویں بار اپنے نام کیا ہے۔

    خیال رہے کہ ٹینس اسٹار راجر فیڈرر نے سوئس انڈور ٹینس ٹورنامنٹ کے فائنل میچ میں آسٹریلیا کے ایلیکس ڈی منار کو شکست دے کر دسویں بار ٹائٹل اپنے نام کیا۔

  • تنازعات کے باوجود امریکی خواتین سوکر ٹیم ورلڈ کپ کے فائنل میں

    تنازعات کے باوجود امریکی خواتین سوکر ٹیم ورلڈ کپ کے فائنل میں

    امریکا کی خواتین سوکر ٹیم ورلڈ کپ میں شاندار کارکردگی دکھا کر فائنل میں پہنچ گئی، بہترین کارکردگی کے ساتھ ساتھ پلیئرز کی انجری کے مسائل اور مختلف تنازعات نے انہیں دنیا بھر کی نظروں کا مرکز بنا دیا ہے۔

    فرانس میں ہونے والے خواتین فٹبال ورلڈ کپ 2019 میں امریکی ٹیم نے حیران کن کارکردگی دکھا کر فائنل کے لیے کوالیفائی کرلیا۔ فائنل امریکا اور نیدر لینڈز کے درمیان 7 جولائی کو کھیلا جائے گا۔

     

    View this post on Instagram

     

    Congrats to the #USWNT for earning that tea. On to the final! 🇺🇸

    A post shared by Hillary Clinton (@hillaryclinton) on

    امریکی خواتین کی ٹیم اس سے قبل ایک میچ میں 13 گول کر کے سوکر میچز کی تاریخ کا نیا ریکارڈ قائم کر چکی ہے۔

    خواتین سوکر ٹیم کی اس کارکردگی پر جہاں ان کی تعریف کی جارہی ہے وہیں مختلف تنازعات بھی ان کے ساتھ ساتھ چل رہے ہیں۔

    امریکی ٹیم کی پلیئر میگن راپینو نے ورلڈ کپ کی افتتاحی تقریب میں قومی ترانہ نہ گا کر بہت سے لوگوں کو خفا کردیا تھا۔ یہ حرکت انہوں نے اقلیتوں کے ساتھ ناانصافیوں کے خلاف بطور احتجاج کی۔

    وہ اس سے قبل سنہ 2016 میں بھی یہی عمل دہرا چکی ہیں جب وہ ایک میچ میں قومی ترانے کے دوران سیدھا کھڑے ہونے کے بجائے جھک گئیں، اس کا مقصد ملک میں نسلی بنیادوں پر ناانصافی اور منصوبہ بندی کے تحت استحصال کے خلاف احتجاج کرنا تھا۔

    امریکی خواتین سوکر ٹیم اس سے قبل اپنے جائز معاوضوں کے لیے عدالتوں کے چکر لگانے کی وجہ سے پہلے ہی خبروں میں ہے۔

    رواں برس مارچ میں امریکی خواتین سوکر ٹیم نے یو ایس سوکر فیڈریشن پر مقدمہ دائر کرتے ہوئے اپنا معاوضہ مرد سوکر پلیئرز کے برابر کرنے کا مطالبہ کیا تھا۔

    عدالت میں جمع کروائی گئی درخواست میں 28 خواتین پلیئرز کا کہنا تھا کہ فیڈریشن کی جانب سے انہیں کہا گیا کہ ’کاروباری حقائق یہ ہیں کہ خواتین مردوں کے برابر معاوضے کی حقدار نہیں ہیں‘۔

    پلیئرز نے یہ بھی کہا کہ انہوں نے مردوں کی ٹیم کے مقابلے میں زیادہ مقابلے کھیلے اور جیتے ہیں جبکہ ان کی وجہ سے فیڈریشن کے منافع میں بھی اضافہ ہوا، اس کے باوجود ان کے معاوضے مرد پلیئرز سے کم ہیں۔

    امریکا کی خواتین سوکر ٹیم نے اس سے قبل بھی کئی بار فیڈریشن سے یکساں معاوضوں کا مطالبہ کیا تھا تاہم ہر بار ان کا مطالبہ مسترد کردیا گیا۔

    اب جبکہ یہ ٹیم ورلڈ کپ کے فائنل میں پہنچ چکی ہے اور اس کی کارکردگی کو دیکھتے ہوئے اس کی فتح کا اندازہ لگانا مشکل نہیں، تو انہیں امید ہے کہ اس بار وہ یہ مقدمہ ضرور جیتیں گی اور اپنا یکساں معاوضے کا حق حاصل کر کے رہیں گی۔

  • ایشین جونئیر اسکواش چیمپئین شپ، پاکستان کی بھارت کے خلاف شاندار فتح

    ایشین جونئیر اسکواش چیمپئین شپ، پاکستان کی بھارت کے خلاف شاندار فتح

    پتایا : ایشین جونئیر اسکواش چیمپئین شپ کے فائنل میں پاکستان نے بھارت کو 2 صفر سے شکست دے دی۔

    تفصیلات کے مطابق تھائی لینڈ کے شہر پتایا میں جاری انیسویں ایشین جونئیر اسکواش چیمپئین شپ میں پاکستان کی عمدہ کارکردگی کا سلسلہ فائنل میں بھی جاری رہا، پاکستان نے سیمی فائنل میں ہانک کانگ کو دو صفر سے شکست دینے کے بعد روائتی حریف کو دھول چٹا دی۔

    ذرائع کا کہنا ہے کہ پاکستانی پلیئرز فرحان ہاشمی اور عباس زیب نے فائنل میں شاندار کھیل پیش کیا، پہلے فرحان ہاشمی نے بھارت کے ویر چوہڑانی کے خلاف 3-2 سے فتح حاصل کی، فرحان ہاشمی نے میچ 11-2، 9-11، 7-11، 11-5، 9-11 سے جیتا تھا۔

    دوسرے پاکستانی کھلاڑی عباس زیب نے بھارتی کھلاڑی اتکرش بیہانی کے خلاف جارحانہ کھیل پیش کرتے ہوئے 3-0 سے فتح اپنے نام کی۔

    ذرائع کا کہنا ہے کہ اسکواش چیمپئین شپ میں ہر کھلاڑی کو پانچ پانچ مقابلوں میں کامیابی حاصل کرنی تھی، پاکستان کے پہلے دو کھلاڑیوں نے بھارت کو شکست سے فاش کردیا جس کے بعد تیسرا مقابلہ منعقد ہی نہیں ہوا۔

    ذرائع کا کہنا ہے کہ ایشین جونئیر اسکواش چیمپئین شپ کا ٹائٹل جیتنے پر کھلاڑیوں کی جانب سے پاکستان زندہ باد کے نعرے بھی لگائے گئے۔

    واضح رہے کہ پاکستانی کھلاڑیوں نے فتوحات کا شاندار سلسلہ جاری رکھتے ہوئے اپنے پانچوں مقابلوں میں چین، تائپے، سری لنکا، کوریا، ہانگ کانگ کے کھلاڑیوں کو شکست دینے کے بعد فائنل میں بھارت کو بھی ہرا کر فہرست میں نمایاں مقام حاصل کیا۔

    ایشین جونئیر اسکواش چیمپئین شپ پاکستان کی فتح کے بعد اسکواش فیڈریشن نے 2021 کی میزبانی پاکستان کو دے دی۔

    جونئیر اسکواش چیمپئین شپ کی میزبانی پاکستان کو دینے کا فیصلہ اسکواش فیڈریشن کی جنرل کونسل کے اجلاس میں کیا گیا، اجلاس میں پاکستان کی نمائندگی پاکستان اسکواش فیڈریشن کے سیکریٹری طاہر سلطان نے کی۔

  • جونئیراسکواش چیمپئین شپ: پاکستان فائنل میں پہنچ گیا، آج بھارت سے مقابلہ ہوگا

    جونئیراسکواش چیمپئین شپ: پاکستان فائنل میں پہنچ گیا، آج بھارت سے مقابلہ ہوگا

    پتایا : ایشین جونئیراسکواش چیمپئین شپ میں پاکستان نے فائنل مقابلے کے لیے کوالیفائی کرلیا، سیمی فائنل میں پاکستان نے ہانک کانگ کو شکست دی۔ فائنل مقابلہ بھارت سے ہوگا۔

    تفصیلات کے مطابق تھائی لینڈ کے شہر پتایا میں جاری انیسویں ایشین جونئیراسکواش چیمپئین شپ میں پاکستان کی عمدہ کارکردگی کا سلسلہ جاری ہے، پاکستان نے ہانک کانگ کو دو صفر سے شکست دے کر فائنل تک رسائی حاصل کرلی۔

    پاکستان کے فرحان ہاشمی اور عباس زیب نے حریف کھلاڑیوں کو زیر کیا، پتایا میں جاری ایونٹ میں آج فائنل مقابلہ پاکستان اور بھارت کے درمیان ہوگا۔

    واضح رہے کہ پاکستانی کھلاڑیوں نے فتوحات کا شاندار سلسلہ جاری رکھتے ہوئے اپنے پانچوں مقابلوں میں چین، تائپے، سری لنکا، کوریا اور بھارت کے کھلاڑیوں کو شکست دینے کے بعد سیمی فائنل میں ہانگ کانگ کو بھی ہرا کر پول اے کی فہرست میں نمایاں مقام حاصل کیا۔